春夏秋冬火鍋 (已結業)

有朋友講話依間d野幾好食，由其d牛肉，有幾款，同埋多鍋底揀。叫左個手切肥牛，林得黎又肥，而且好均勻，正呀! $98跟住好多都係$15一碟(9點半之後)，食左好多好多...同埋有D野係特別D，出面未必有，好似牛坑腩、三文魚...依D$3X-4X，但有好多呀!不過我覺得其實出面食打邊爐ge buffet會抵d，因為依到咩都要一碟碟計，但如果你係想食特別ge肥牛或者其實打邊爐料，依都到ok!

天寒地凍唔去打邊爐真是講出來都無人信所以細佬今晚就去左呢度食, 果然都是要等位等左都唔算耐, 叫左個莞西皮蛋湯都好清,D野又大碟,個牛肉就認真唔錯尤其是有個酒醃牛肉,熟左之後又唔會無左酒味仲有個脆鯇片真是好脆其他野都幾好味,除了個魚肚不過D衛生就認真麻麻,個地都幾滑同埋D位都幾迫總括就ok啦但是都幾貴

星期六度度都爆,無位又唔想等,惟有由個fan介紹去呢度十下十下!成間酒樓得三成客,大把吉台,個經理搞笑到叫我地坐係門口個張?真係唔知佢係諗咩?叫左個石班招牌火窩湯底(即係沙爹清湯鴛鴦),條養魚夠新鮮,不過湯底就麻麻地!另再叫辣油同生蒜($10/碟),其他計有:1.三文魚生2.魚蛋3.聖子4.手切特級牛肉5.生麵6.田雞7.娃娃菜8.十支細Beer全晚最好係個聖子同班,其他真係乏善足陳!一個大路到極ge火窩,十一點後d客開始煲煙,最討人厭係個「Bell」,應該係廚房催人出菜,不停咁響,真係服左呢間酒樓!都唔會再有下次囉!總數$450一d都唔值!(鵝頸橋側新店)

岩岩前日去過呢間春夏秋冬打邊爐,地方都算OK,食物方面真係幾好,個人比較喜愛呢度既手切肥牛$88,大蜆$38價錢中等但真係好新鮮,呢度既石班真係即叫即擋幾新鮮,值得一讚係呢度既海鮮類食品,差不多每樣都係落單前出去自已揀,每証新鮮呢點都好,其他配料最平八蚊,最貴二十蚊,九點後入坐重十五蚊碟添幾抵食.重有係店員態度非常好,雖然八點後人比較多,但無影響招呼,唔會好似有D 店鋪咁,你唔叫佢都唔會理你,最抵讚既係上次我地去食野既時候,我地既同陪見到佢地既大蜆好靚,無啦啦去問人地可唔可以改為炒,人地係一間鈍火鍋店,有乜可能幫你炒丫,但個店員真係好好人,竟然幫我地叫廚房位師傅幫我地炒一碟,雖然要加五蚊,但佢地既服務態度真係無得頂.我地七個人去最後埋單六百八十蚊.每人一百蚊度.呢間店鋪值得介紹比大家.

地方唔錯,食物真係一流,尤其係手切肥牛,重有就係其他食品都夠新鮮,有個湯底值得試下,就係大班湯底,石班夠鮮甜,價錢亦唔貴,一般三個人去飲埋啤酒要五百蚊度啦