影片
以上资料只供参考，请与餐厅确认详情
食家推介
相关文章
餐廳環境幾型格。座位闊落。👌🏼招牌牛河 湯底唔係走清甜路線，味道比較濃郁，牛味重。入邊有唔同嘅材料，牛肉都算嫩滑，另外有啲牛腱之類就硬硬地，味道正常。招牌三黃雞河 $178唔明呢個點解列為招牌菜，非常普通。有啲雞絲，湯底就普通清雞湯嘅味道。有一pat 紅色嘅醬，溝開佢應該係淡淡嘅茄醬味道，但係加落又冇乜特別，冇話提升左咩層次。整體就係一個普通到不得了嘅雞絲河，仲收咁貴，唔抵。👌🏼椰奶海膽煎餅 $178相片同真實樣子好唔同！Menu相片嘅海膽係橙色好靚嘅，但來到係啡色熟咗嘅？唔係平時預期中生海膽嗰種味道。有一啲白色嘅椰漿喺上邊，再加上味道唔係好突出嘅海膽，餅底就脆脆地。食落去，味道都有新鮮感嘅，但又未話好impress 好驚喜。貪新鮮嘅朋友可以試一試嘅。環境 : ★★★★☆食物： ★★★☆☆ 推介度： ★★★☆☆
继续阅读
灣仔高檔越南🇻🇳Fusion 菜～店舖空間大，係坐得幾舒服，因為人唔多，所以冇時限閑日佢有2個套餐㨂，比較單點，價錢合理好多叫左「Angus Beer」$398，選擇如下⭕️燉牛肉清湯：牛肉味濃，唔算油，同未感覺到味精味❌慢煮牛舌柚子沙律：牛舌片一點都feel唔慢煮，唔太明點解慢煮會「鞋」口；柚子沙律可以，唔酸冇苦味；同時都唔明點解附送大大蝦片🍤，一點都唔搭❌越式鑊仔安格斯牛柳粒🥩配蒜香🧄越南甘森米：以為鑊仔會有鑊氣，可惜一點都冇；牛柳粒都算多，外層唔香口，咬落有肉汁但韌；個飯🍚都軟滑，唔睇menu以為係白飯，因為一啲蒜香味都冇，定了解錯左🤔⭕️手工啤酒（+$38）：有驚喜，有濃濃麥香👍🏻⭕️越南咖啡：咖啡香濃，帶少少苦，飲時都幾順口⛔️金桔梳打 ：正常，冇特別成個套餐，所有主菜都一般，早知就叫火車頭湯河粉😂
继续阅读
唔知係咪連假關係無乜人返工 之前嚟都係full晒 但今日竟然無乜人三道菜午餐 $168頭盤：-牙車快雞沙律-越式脆香雞翼主菜：-招牌安格斯牛柳河 +$20(慢烤12小時肉眼、慢煮牛舌、牛尾、24小時慢熬牛湯、油條)湯底嘅牛味好香好濃郁 有陣肉嘅甜味再配埋蒜同辣椒 味道更加豐富 好好飲肉嘅份量都好多 食完好滿足-越式鑊仔牛柳粒飯 +$20(安格斯牛柳粒、黑椒碎、煎日本蛋、西洋菜車厘茄沙律、蒜香飯)隻蛋煎得好靚🍳燶邊蛋+流心嘅蛋黃 望落去好吸引牛柳粒又柴又乾 練牙力之選成個飯味道都偏清淡 無乜味咁 賣相比味道好🫣飲品：-青檸錫蘭芒果紅茶（凍）-手工斑蘭茶（熱）
继续阅读
灣仔越南菜我對食pho都好有要求 一碗靚嘅牛肉河看似簡單嘅湯 背後肯定落咗好多心機 呢間餐廳就做到呢一點飲落去好濃郁嘅牛肉味 但係絕對唔係味精 同埋一啲都唔確喉 河粉亦都好靚 我最怕嗰啲煙煙韌韌嘅河粉 另外一碗蕃茄蟹肉檬粉都係非常唔錯 蕃茄湯底食落去比較開胃 如果大家去開灣仔我都比較推介呢間
继续阅读
搭車經過呢間想試一段時間, 冬至當日終於食到做lunch☺️去之前特登check定有無素食, 其實款式唔多, 不過姑且試一試啦 去到店員介紹呢款可轉素食嘅薄餅😊呢個薄餅份量非-常-大, 盡晒力都剩1/3, 不過真係好足料, 印象中好多芽菜, 蛋薄餅亦都夠脆, 完全唔覺油膩, 上菜時店員仲補充個汁係用素魚露整☺️真係感動, 個汁係勁多紅同白蘿蔔👍🏻👍🏻想喺素食越式沙漠中找素嘅朋友仔可以一試😊當日仲嗌咗杯斑蘭茶, 有淡淡嘅斑蘭香, 少少似香茅茶, 都幾特別
继续阅读