春水堂 (新城市廣場三期)

营业中

休息中

同一家店点的饮料外带变堂食要加费用5元，而且态度好差，东西分量很少也不好吃，价格贵，还没吃完就催人结账，太讨厌了，差评，不要来真的味道很一般，不好吃，很难吃，还吃不饱，服务员态度很差呀

今日經過春水堂想食佢個牛肉麵，見冇乜人排，即刻去！叫左一碗半筋半肉紅燒牛肉麵，好食！湯底正，麵條都唔錯，掛湯的！牛肉都整得好好食，好淋另外叫左杯鐵觀音拿鐵，有驚喜，不過下次可以叫少甜，整體都好飲嘅！最後叫左個甜品，有啲失望！以前食好食啲！個蛋糕好亁！以前係濕濕地，好好味架。宜家個cream打得麻麻地，珍珠又唔好食。希望下次食會有進步！

今日lunch經沙田，平時大排長龍嘅春水堂咁啱不太多人，我即刻衝入去。呢度點餐用qr code，幾方便。叫左紅燒牛肉麵，鐵觀音拿鐵，珍珠奶茶蛋糕。先講個牛肉麵，有驚喜，真係唔錯！啲牛肉同牛筋都煮到好淋，好好食，牛嘅份量都多麵底都唔錯，啲麵淋得黎又有咬口同掛湯，幾好！只可惜麵嘅份量比較少，男仔食一定唔夠，可能要3碗先夠。另外個湯底都唔錯！只係酸菜少左啲，一啖食完。鐵觀音拿鐵都推薦大家試下，個茶味幾出，幾好飲，下次試少甜可能都好飲。至於個蛋糕，有少少失望，我記得以前食係好鬆軟，個cream又打得好食。但今日食就覺得個蛋糕偏硬同乾，cream又打得一般，珍珠咬落冇乜口感

去到沙田新城市，對於有選擇困難症的人來說，可能是一個挑戰，哈哈.....左選右選，左睇右睇，大家同意未試過春水堂又還掂唔使排隊，不如入去試吓吧！職員安排了坐位給我們後，就遞上了落單的掃瞄QR CODE。雖然這裡職員還算多，但服務態度就一般了。1️⃣手工麻香麵線。$55🔎麵整得岩岩好，不過食完會覺得唔夠喉。2️⃣滷香大腸。$55🔎沒有難聞的怪味，腸身很軟腍，但不太喜歡有點像肥膏既東西。3️⃣黃金地瓜條。$38🔎地瓜不是太甜，不過不失。4️⃣台式芋米糕。$33🔎第一次嘗試，還以為會有芋頭味，原來是沒有什麼味道。

唔經唔覺春水堂原來已經有十間分店隔咗幾年再食都keep到水準算係比較重口味嘅台灣風味發現佢推出咗好多小食類仲有甜品嘢飲嘅選擇亦都唔少見到餐牌有少少花多眼亂嘅感覺首先講返佢嘅牛肉麵可能因為我鍾意食牛筋半筋半肉麵都幾合我口味但蕃茄味冇我想像中咁濃茄味只係畫龍點睛咁反而辣味會惹味啲麵底煙韌彈牙但就少咗啲酸菜湯底連埋其他小食都係偏鹹小食類嘅麻辣牛筋好味🤤燉豬手係夠淋但冇特別鹽酥雞翼嘅炸皮太厚得鹽味蒜泥白肉反而有驚喜半肉半青瓜加埋蒜粒薑絲撈埋層次香得分明魯肉飯嘅係三層肉嘅肉粒唔係肉燥加少少肉鬆唔太鹹係唔錯但飯粒係偏軟嘅細碗份量一個人食可以加個小食啱啱好嘢飲方面比較甜而且珍珠係細粒嗰種有嘢飲係餐廳規定咗只可以熱或者公司決定咗甜度配料唔可以加減我自己覺得佢嘅嘢食比飲品出色但整體嚟講都算係唔錯嘅選擇😌

之前經過見到好多人排隊，睇D食評又話佢幾好，見平日經過咪走去排吓隊囉，諗住試吓佢係咪真係咁好食？！點知唔試就由自可一試就非常失望啦。我哋食咗一個紅燒牛肉麵一個鹽酥雞飯。紅燒牛肉麵都仲OK但係鹽酥雞就完全冇鹽酥味，啲雜菜又冇鹽又冇油，直頭就好似醫院用餐咁，一啲台灣嘅風味都冇。只有三隻雞翼一個大男人都食唔晒，原因係真心唔好食。仲有嗰個跟餐嘅湯裏面有一粒丸，俾一啲完全冇味嘅滾水浸住粒丸，飲咗一啖有少少覺得係用嚟漱口嘅，其實係唔係我哋唸多左？本身佢係唔係湯嚟架！？🤨排隊入座，又奇怪喎，見到有一張四人枱available, 排隊排到一位，佢唔會理後面排緊隊嘅有幾多位佢都俾個一位入座坐一個四人枱。咁樣做其實係咪可以製造長龍囉…

1行3人沙田一田行街買嘢，行到累搵嘢食，朋友話未食過春水堂，我就覺得呢間都不錯就決定入去，我叫咗黑雞米線想健康啲，朋友就食定食，叫咗1杯邪惡黑糖珍珠奶茶，我覺得黑雞米線好好味，吾會油膩油份剛剛好，整體令人好開胃，很不錯，黑糖珍珠唔洗講超好飲，好香口珍珠都唔會太痴牙，朋友定食都很滿意，跟住我哋叫左一個美人茶，諗住坐耐小小傾吓偈，好驚喜原來美人茶係一盤上，人人都有隻杯，難怪價錢唔平，下午茶大家飲飽食醉非常滿意，不過埋單價錢貴小小，勝在唔趕客，我哋坐到夠。

控制甜度good good！珍珠足夠正~小冰都夠曬凍、茶質唔係太checkD樓面姐姐好好……雖然衹飲杯嘢都唔眼超超、急急收你嘢、而地方不太迫……有得唔趕你走……坐底茶飲.講完

春水堂相信大家都唔陌生每次一定會叫XO醬乾拌麵🤩乾拌麵味道辣辣地又惹味而且肉燥香菇都好足料仲有清新爽口嘅青瓜絲另外朋友仲叫咗另一個五香素麵同樣都係好惹味但係就唔辣嘅性價比嚟講的確唔錯🤩

呢間過江龍好常見沙田呢間就長期都要排隊（不解價錢定價中上，但質素就正正常常一個便當都接近$100，但唔係餐所有野飲都要單點全場都冇餐跟架野飲就三十幾至四十幾蚊所以一個人食，一飯一野飲再加一都接近$150或以上但呢個價其實可以有更好選擇（仲要排隊

和朋友約了在沙田逛街，逛完想找個地方坐下喝杯飲品，就來到了春水堂，下午茶時間很快就可以入座，我和朋友都點了牛肉麵和茉香奶茶，奶茶記得要少甜，甜度剛剛好，茶味香濃，推薦牛肉麵好味，不過麵份量太少

放假出來遊走商場，消費卷效應+公眾假期🤔，周圍都係人山人海，好迫，食肆堆滿人潮。 我哋就決定排隊等食🤗排咗一陣，唔算好長時間，就有位🪑🪑。坐位寬敞，枱與枱之間空間感十足，我哋咁啱被安排坐在單邊，非常好，只是枱面比較細😌。 之前去台灣，食過幾次，見佢哋香港有分店，就試吓不同地區的分店質素有冇不同吧😆蒜泥白肉🐷 ～ 🛎期間限定🛎，你必選的項目😆台式芋米糕 ～ 好似蘿蔔糕，煙煙韌韌，我鍾意食🤗酥炸豬排配他他醬便當🍱 ～ 好日式既便當🍱，豬扒面層好鬆脆，內裡唔乾，都幾好味😋紅豆鮮奶茶 🧋～ 唔要珍珠，紅豆🫘蓉配奶茶一向都好夾朱古力奶茶🥤～ 朱古力🍫味濃，完全遮掩奶茶的味道，鍾意朱古力味既，一定會喜歡🍜紅燒牛肉麵(半筋半肉）～ 招牌麵🍜，食過幾次其他分店，呢次好味啲，起碼湯夠熱

春水堂大家應該一啲都唔陌生🤓今次決定介紹佢嘅甜品😋😋😋一直都想試佢嘅甜品🤪🤪🤪所以今次叫左珍珠鐵觀音雪糕吐司🧋🍨🍞價錢唔算貴$58就叫到了🤙🏻吐司雖然唔算大份但亦都唔係得一兩小塊😜口感唔錯幾豐富🤙🏻✨😋軟滑嘅雲呢拿忌廉配淡淡茶香嘅雪糕再加上有咬口嘅黑糖珍珠🤩🤩🤩食完都唔覺得特別甜膩同飽濟😚用佢作為飯後甜品的確唔錯🫶🏻😋

最愛嘅台灣美食-春水堂🫶🏻📍半筋半肉麻辣牛肉麵 🍜牛筋嘅彈性啱啱好 牛肉嘅厚度亦都適中 仲要好入味 連麵條都食到牛肉湯嘅味道 份量都幾大份 成為每一次必點之選📍鹽酥雞 - 黃金香酥雞 🍗每次食都好似去咗台灣嘅夜市 熱辣辣好鬆脆 入口唔算好多油 加埋啲椒鹽粉=perfect match!炸物嘅話 地瓜條🍠同杏飽菇🍄都係good choices 🤣🤭📍鐵觀音珍珠奶茶🧋珍珠口感好煙韌綿滑 唔會太大粒 食落甜甜地 奶茶同珍珠比例都剛好 唔會好快飲晒啲奶茶 而剩低飲唔晒嘅珍珠奶茶甜度揀微甜就夠甜 珍珠本身都沾左糖 我意加奶嘅 綠茶都好正！ 小小苦 但係又唔會澀 算係較為健康嘅choice

最愛嘅台灣美食-春水堂🫶🏻📍半筋半肉麻辣牛肉麵 🍜牛筋嘅彈性啱啱好 牛肉嘅厚度亦都適中 仲要好入味 連麵條都食到牛肉湯嘅味道 份量都幾大份 成為每一次必點之選📍鹽酥雞 - 黃金香酥雞 🍗每次食都好似去咗台灣嘅夜市 熱辣辣好鬆脆 入口唔算好多油 加埋啲椒鹽粉=perfect match!炸物嘅話 地瓜條🍠同杏飽菇🍄都係good choices 🤣🤭📍鐵觀音珍珠奶茶🧋珍珠口感好煙韌綿滑 唔會太大粒 食落甜甜地 奶茶同珍珠比例都剛好 唔會好快飲晒啲奶茶 而剩低飲唔晒嘅珍珠奶茶甜度揀微甜就夠甜 珍珠本身都沾左糖 我意加奶嘅 綠茶都好正！ 小小苦 但係又唔會澀 算係較為健康嘅choice