春芳號 (裕民坊YM²)

营业中

休息中

天氣咁熱個人容易冇胃口等車個陣最岩飲杯台式飲品+小食咁岩見到有期間限定嘅奶茶有牛奶糖奶茶、拖肥奶茶同榛果奶茶揀左相對冇咁甜嘅榛果奶茶榛果味好特別甜度視乎個人喜好揀甜度如果鍾意飲奶茶嘅可以一試另外少不免要飲珍奶紫薯珍珠鮮奶綠珍珠份量好多而且粒粒分明但又chewy紫薯味唔會蓋過奶綠嘅味道飲落唔會膩～呢度居然仲有台式熱壓吐司做下午茶/飯前頂下肚perfect而且點完野飲加配比單買平抵食因為係芋泥控所以加配芋泥芝士吐司同芋泥芝士肉鬆吐司因為係熱壓吐司所以餡就集中係中間位置芋泥呈顆粒肉鬆同芋泥味道都夾～一杯野飲同一件吐司下午茶岩岩好

春芳號 係觀塘裕民坊YM²，附近返工嘅我下午茶點了2杯飲品和小食。呢間茶飲店啲杯嘅設計好靚，今次終於忍不住買番兩杯打卡！佢地有唔同系列，例如：蘆薈•椰果、地瓜、紫薯、奶茶、柚子、冬瓜、薑汁、調味茶系列，好多花款~諗咗好耐，決定叫以下2款：桂花烏龍鮮奶茶奶茶帶有花香味，清新又不甜，烏龍茶不會好濃同鮮奶比例調配得好。柚見妃子笑朋友鐘意食椰果，加$8就有。除咗椰果，仲有珍珠、愛玉、寒天晶球、桂花涷、蜂蜜蘆薈、布丁、豆花，每款價錢都係$6-10。呢杯水果味香甜，以荔枝、西柚為主，唔想罪惡感咁重飲珍奶，推介可以試呢款。芋泥芝士肉鬆吐司、紅豆芝士肉鬆吐司🍞紅豆一啲都唔甜膩，入口軟糯，配埋肉鬆芝士，鹹鹹甜甜夾係熱辣辣既飛碟裏面，口感層次感豐富。依家like 社交平台，仲有folders 送。

位於觀塘的台式茶飲店，係台中花花杯始祖，好有特色🌸 店舖只做外賣，店內裝潢簡潔，營造出一種自然、舒適的氛圍🥰 好適合放工買返屋企慢慢嘆～今次試咗一杯茶飲同一份吐司😍地瓜珍珠奶茶 $36/凍人氣熱門之選🌟 結合了香甜的地瓜和Q彈的珍珠，與濃郁的奶茶完美融合。地瓜的自然甜味和奶茶的濃香相令人回味無窮，口感亦好豐富！芋泥芝士吐司 +$20即叫即製🔥 將香軟的芋泥和濃郁的芝士結合在一起，再搭配外脆內軟的吐司，口感豐富多樣。芋泥的香甜和芝士的濃郁相互襯托，好好味😋

之前係英國🇬🇧飲過幾次春芳號都覺得好飲🫶🏼今次番香港都專登去試下點知香港嘅仲多選擇啊😆春芳號的甘蔗青茶🧋🍵給人一fresh的感覺，帶有微妙的甘甜和清新的茶香。好岩宜家啲天氣飲😆好解渴茶飲中的甘蔗汁與茶葉的平衡恰到好處，不會過於甜膩，❤️❤️讓人喝得非常舒適😍茶飲口感滑順，口中充滿了來自甘蔗的天然甜味，呢個仲係top 5之一，果然係不錯喔！值得一試！😍另外都想讚下服務態度也非常出色！工作人員nice ，禮貌且專業，他們願意傾聽客戶的需求並提供專業的建議❤️確保每位顧客都能夠得到良好的服務體驗。

奶茶脑袋又来了！！懒懒的春天真的每天都想喝奶茶谈恋爱💛和朋友去观塘裕民坊逛街，偶遇到的台式奶茶店（手摇杯好漂亮）决定试试看味道如何，点了苹果爱凤爱玉和地瓜鲜奶茶苹果爱凤爱玉酸酸甜甜很清爽~地瓜鲜奶茶里浓郁的地瓜味和奶味茶味相融，好喝不腻~喜欢的可以尝试💛 📍春芳號 （裕民坊YM²）地址：观塘协和街33号裕民坊YM²地下G2号铺（港铁观塘站 A1 出口， 步行约3分钟）#日常碎片PLOG #香港探店 #香港探店分享 #香港生活 #香港美食 #香港美食探店 #香港奶茶 #香港日常 #香港甜品 #香港旅游 #奶茶分享

$38買一杯No.6（好似叫「橙柚青蘆薈蜜」），蘆薈粒一陣酸臭味，員工（大約18-20歲嘅後生男仔）態度超差！掛住睇片完全冇望過客人，全程好晦氣講嘢，命令式語氣話俾客人知幾多錢，聽唔清楚佢講嘢，問一問，佢就唔耐煩，一副「X！阻住我睇片」咁嘅樣…到攞飲品嘅時候，冇eye contact+命令客人將單據同飲管袋揼落個桶度，然後繼續玩電話…如果杯嘢好飲，員工態度正常，咁$38照俾冇問題…依家係，杯飲品收咁嘅價錢但係食材有問題（變壞咗都唔知，估計係冇放落雪櫃），恐怕會引起肚瀉，再加上員工態度差劣，完全係倒米！差到係連去換/話下佢，都廢事嘥氣，呢d人冇自省冇自覺，提醒唔到㗎喇，唯有話俾大家知，有心理準備，可作參考。

奶蓋系=打起既凍鮮奶整出嚟既奶蓋嗎？而唔係忌廉芝士加忌廉整嗎？，叫外賣送到收到之後見到系成杯奶蓋系分離哂，感覺好似豆腐花咁，另外用杯倒出仲似豆花，成杯野分離哂。

今日經過觀塘裕民坊見到呢間啲手搖杯超靚，忍唔住買黎試吓，原來除咗茶飲重有吐司，一於買番個下午茶返屋企開埋冷氣慢慢嘆先😍橙柚青蘆薈蜜 （$38）男朋友揀左無糖，橙汁加西柚汁配四季春，有3種唔同既香味，加埋蘆薈粒粒，有唔同層次既享受百香蘆薈蜜 （$38）我就揀咗最愛嘅百香果，少甜，加埋蘆薈粒粒好香而且酸酸甜甜，係我鍾意嘅口味紅豆肉鬆吐司 （$20）芋泥芝士吐司 （$20）吐司外脆內軟，加左芝士同肉鬆其實配咩都冇得輸，經典配搭

依家嘅台式手搖店真係越出越多，各有特色，今日就飲咗一間叫春芳號全新系列《梳乎奶蓋》嘅兩杯茶飲🧋 ☺️menu:1️⃣ 梳乎柚 ($39) 呢杯係梳乎奶蓋配搭柚子青茶嘅組合，杯底更有柚子粒粒增加咀嚼口感，入口感覺好清新，建議微糖少冰，適合飯後解膩飲用☺️2️⃣ 梳乎烏龍($30) 烏龍茶香味濃，配上軟綿綿且有呍呢嗱香嘅梳乎奶蓋個陣，令其口感順滑😆 每次飲有奶蓋嘅飲品個陣，我更傾向「不攪勻」保留不同配料嘅分層，而飲用嘅時候就隨心調節吸管嘅高低，可能擦出令人驚喜嘅味道 & 茶香🤤

講起春芳號 印象最深刻就係佢充滿文藝氣息又colourful嘅紙杯🌸 早排去觀塘行街 見到裕民坊開咗春芳號嘅新店 就決定試兩杯新推出嘅「梳乎奶蓋」系列產品 雖然轉咗用膠杯 但可以睇到奶蓋厚度☁️ 梳乎烏龍 $30奶蓋質地並非一般厚實型 而係偏輕盈順滑嗰種 怕濟嘅人就啱曬 烏龍茶香味濃郁🤎玉荷梳乎青 $38之前已經飲過幾次春芳號嘅「玊荷青」💚 四季春茶底中帶淡淡荔枝香氣 實在出色👑 今次同樣喺梳乎系列中二話不說揀咗玊荷青 荔枝配合奶香 清新而不膩🌱 甜度建議叫少甜或走甜

春芳號嘅茶飲不嬲都好高質，最近又新出咗疏乎奶蓋，有新嘢梗係要試吓啦！🍍梳乎鳳梨 $40 (9/10)走甜更加飲，得出茶嘅香味！花香綠茶做茶底，茶味好清香，微微嘅苦澀味，鳳梨味道好出好清香，酸酸地，非常之清新開胃，個底仲有新鮮嘅菠蘿肉，飲得出真材實料😆😆疏乎厘奶蓋甜甜哋，有微微嘅奶香，有啲似疏乎厘上邊嗰啲cream！好欣賞呢個創意嘅組合好好飲啊😆🍑柚桃疏乎 $39 (8/10)花香綠茶底加上柚子嘅酸同桃嘅香味，意外地好夾，柚子嘅清香同埋酸味比較出少少，整體感覺偏酸都幾清新！鍾意飲酸微微嘅人就一定要揀呢一杯！推薦指數: 9/10真心疏乎厘奶蓋係第一次見到係茶飲出現，非常之有創意，真心值得試吓！個人覺得整體來講鳳梨整體平衡比較好，酸甜茶味都出好fresh，如果鍾意柚子味出啲清新解膩就飲柚桃！

今日到觀塘巴士總站坐車出發去玩，於是同朋友二人見到春芳號新出最新的「梳乎奶蓋」系列，於是買左兩杯飲品前往目的地。1.梳乎烏龍（$30) 偷飲朋友杯嘢飲一啖，覺得茶底香，配上軟綿綿牛奶味濃的梳乎奶蓋，口感順滑。2.梳乎柚子青（$39) 平時喜歡飲柚子茶的我，選了這杯「梳乎柚子青」。這個組合第一次飲，清新甜甜的粒粒果肉柚子青茶，配上奶蓋，好等別。3.芋泥肉鬆吐司（ $33 ）口痕見到吐司系列，又買左個，新鮮熱辣製成。

每日返工都要飲杯野續命，春芳號係我尼排嘅首選😘🪧 橙柚青蘆薈蜜 💰36想減肥又想飲野嘅原因，次次都會走甜，但係走甜真系好難飲🥺 尼間就完全滿足我走甜但係好飲了😎 蘆薈好大粒，可以咬蘆薈滿足自己👻 一開始以為係單一果茶，但係入面嘅味道好豐富，時不時可以見到紅色果粒，我估應該係西柚🤓 成杯野飲清清地，唔會飲完覺得自己肥左，又有清肠胃嘅feel🥳🥳仲可以加飛碟架，加配架好抵，記得好似係+💰16

春芳號天氣實在太熱，放工喺附近睇吓有咩飲先😎檸檬蘆薈蜜~$32叫左少糖半冰，酸酸地好開胃，加埋蘆薈口感好豐富，感覺比較健康😍春芳號🏠：觀塘協和街33號裕民坊YM²地下G2號舖☎️：26188883

記得裕民坊開幕無耐我就去咗行一轉，嗰時裕民坊茶飲店唔多，外賣飲品選擇得好少，一係飲豆漿，一係飲涼茶，一係飲果汁，一係飲茶飲，最後我就揀咗飲「春芳號」😂 店舖個樣係幾靚，佢哋嘅飲品價錢係$22-38，比較吸引我嘅係佢哋個紙杯，好花俏，而且有唔同款😏 我嗰款係裕民坊懷舊主題嘅紙杯😮❤️ 桂花紅茶 $22.5 (9折)叫咗少糖半冰。桂花香味好清新，甜度唔算好甜。茶底好濃，濃到我覺得係醒腦提神👾😂 分量都幾大杯，抵飲！👌🏻❤️ 玉荷青蘆薈蜜 $32.4 (9折)叫咗半糖去冰，雖然叫咗半糖，但甜度仲高過桂花紅茶嘅少糖🙈 玉荷即係荔枝，茘枝同蘆薈幾夾，入面仲有蘆薈粒，幾有咬口！茶底係四季春同樣好濃，朋友最後飲咗三分二就無飲lu😬 飲唔哂😂餐廳推薦度：⭐️⭐️⭐️ (3/5)味道係唔錯嘅，鍾意濃茶嘅人可以試吓～