春陽茶事 (樂道)

营业中

休息中

呢間餐廳只賣飲品，門口仲有明星應援拎，環境都算乾淨企理比較細間，買飲品既時候可能要等耐少少如果人多既話，制作需時，手搖即制，飲品款式選擇多，我地叫左一杯荔枝蜜烏龍茶，荔枝味香濃，烏龍茶味同荔枝好夾，而家佢地仲同牛品餐廳合作，響牛品打邊爐叫佢地既飲品都係加$20左右就有一杯好抵飲。 呢度既飲品可以自選甜度同冰度甘就可以無甘甜，另一杯叫左期間限定既胭脂芭樂冰茶，芭樂味清淡得黎又唔會好奇怪甘。入口好有生果味。

春陽茶事，由台灣嚟嘅茶飲店，而家擴展到世界各地唔同地方。今日落開尖沙咀行街食飯，見isquare附近都開咗一間，叫咗兩杯試吓。荔枝蜜烏龍🥤用台灣出產嘅烏龍茶做茶底，茶味香濃。檸檬蜜烏龍係佢哋招牌名物，今日飲呢杯荔枝蜜烏龍就有荔枝香氣，烏龍茶回甘，選擇微糖更能飲到茶香。胭脂芭樂冰茶🥤期間限定飲品，唔係成日有，胭脂色嘅芭樂茶營養豐富，幫助減脂 ，飲得多仲可以提升番免疫力！🛎️必試指數：8/10🔆

10月1號放假啦🥰出咗尖沙咀湊熱鬧🤓行到熱熱地，梗係要買杯快樂肥仔水飲下啦❤️尖沙咀真係有好多手搖嘅舖頭😄行過見到呢間春陽茶事有得飲巴樂嘅特飲✨一於叫黎試下先！胭脂芭樂冰茶芭樂嘅味道非常突出😜熱辣辣嘅天氣飲到呢杯酸酸甜甜嘅冰茶，特別消暑😚而且裏面真係有啲芭樂果肉架😋茶味都好香濃，兩者加埋一齊好夾呀😎黑糖珍珠鮮奶朋友叫咗呢杯黑糖珍珠鮮奶😍鮮奶非常濃厚，口感好滑！珍珠煙靭有咬口，黑糖又好香喎🥰呢杯珍奶夠高質😌

今日口喝去咗買台式飲料，我自己而家戒糖🧁就好少飲，不過天氣熱就買返杯放縱下😝。首先呢一杯珍珠奶茶幾唔錯，佢個茶底幾有茶味🍵，唔會太甜，粉圓夠軟糯，唔會中間有啲硬身👍，合格。另外就叫咗一杯芭樂冰茶🍧，都算係台灣常見嘅生果。呢杯好重石榴味，亦都唔會話好甜，有種清新嘅感覺，中間仲有啲芭樂蓉，更加有實在感🥰。推介大家嚟試吓。地址: 尖沙咀樂道32-34號地舖＠春陽茶事@chillchill_aloye#台式飲料#尖咀美食#珍珠奶茶

行開尖沙咀，真係好多手調飲品，但朋友介紹一間正宗台式手調飲品，話款式味道又多。既然行到店前就決定一試，下次都想試下珍珠奶茶，仲有夏天限定的冰沙二重奏👍好少有芭樂冰茶，真係好難得有，而我又好愛芭樂個種香味💚❤️芭樂冰茶清清爽爽，啖啖都有芭樂嘅香甜味，仲有少少芭樂既咬口仲有啲茶味，飲落去好解渴朋友就叫左荔枝蜜烏龍就係有啲濃郁嘅烏龍茶味，但一點也不苦澀，反而配上甜甜嘅荔枝蜜，口感滑滑嘅，飲落去有啲香香甜甜。

尖沙咀性價比高嘅茶飲碧螺春綠茶+寒天春陽烏龍+愛玉茶底幾濃郁 清爽得嚟冇負擔 仲有沙冰飲雖然烏龍茶叫咗無糖 不過愛玉本身有少少微甜 整體飲落啱啱好 而綠茶就正正常常水準 不過幾鍾意加寒天 飲落有咬口同綠茶都幾夾 幾鍾意佢定期會出吓唔同嘅茶飲 下次可以試吓其他

呢間「春陽茶事」係因為去牛品打邊爐🍲而認識，因為晚市牛御品/牛殿品套餐會送佢嘅台式手搖飲品。記得APP落單有幾款可以選擇，老烏梅汁、經典珍珠鮮奶茶、桂花烏龍茶、古意冬瓜茶、金桔檸檬🍋落左單會有人拎上樓。今次試左老烏梅汁，有得揀無糖，好彩揀啱左，因為本身都係甜嘅，無糖酸甜適中好啱飲～老烏梅有浸似煙薰嘅味道，但又唔係燶味，我覺得好特別。好飲過一般酸梅湯。老烏梅汁原價$28，打邊爐就免費飲到，好抵呀👍🏻

去打邊爐隔離有間茶飲店！熱辣辣等朋友食飯就買咗兩杯嘢飲！胭脂芭樂冰茶呢個係新出版見佢焉知識真係非常之吸引好有夏日feel，佢入邊好有芭樂味，果味香濃，夠晒清新，叫咗半糖唔會太甜，非常之解渴，而家天氣咁熱就最啱呀！黑糖珍珠奶茶台式飲品🥤之中必飲嘅奶茶，用黑糖製珍珠加入奶茶內，令到成杯奶茶有黑糖嘅味道好濃郁，而且濃厚牛奶香，呢款飲完都已經有啲飽！🍱春陽茶事 (樂道) (尖沙咀)📌尖沙咀樂道32-34號地舖

經過開尖沙咀就會知道.如果唔係大商場.夏日炎炎一啲瓦遮頭都冇. 冇杯凍嘢揸手真係非常之唔人道. 呢間嘢就係開喺樂道最旺嘅地方佢競爭唔係好大，成條街都唔係得好多間呢啲舖頭，所以經常排晒長龍我就叫咗個沙冰， 我就叫咗個沙朗沙冰台灣嘢都要食返台灣生果做嘅沙冰， 個味道好fresh啲冰好快用晒揸咗好耐都仲係凍嘅朋友就飲咗蜜糖烏龍，因為我哋都唔係咁食得甜叫咗少甜. 仲可以揀無糖好適合咖啡同健康嘅人士，上次經過佢上面嗰間牛品都好好食.下次出嚟行街都要試吓

點解中秋後都仲咁熱？係尖沙咀搵到間台式手搖飲品店，以古早風設計的門面，就去睇下。飲品選擇都多，有鮮果、鮮奶、古早味系列，亦有熱黑糖暖薑茶/烏龍茶系列買咗杯期間限定既胭脂芭樂冰茶，同埋荔枝蜜烏龍比朋友。杯子包裝顏色鮮明好可愛，粉胭脂色的芭樂冰茶好fresh，微酸好開胃，大熱天時飲真係唔錯。朋友飲的荔枝蜜烏龍覺得好滋潤，荔枝蜜味濃，喜歡烏龍茶既朋友值得試。下次秋涼後要試下熱黑糖暖薑茶系列。春陽茶事 (樂道) (尖沙咀)尖沙咀樂道32-34號地舖

今日喺尖沙咀行街 熱熱地諗住買杯嘢飲， 原來尖沙咀都好多台式飲品店， 行咗幾條街最後喺樂道揀咗呢間人氣高企而個名又好靚嘅春陽茶事❤️， 店舖台式飲品選擇好多應有盡有,最後分別叫咗一杯胭脂芭樂冰茶同荔枝蜜烏龍。胭脂芭樂冰茶： 本身我自己超鍾意食芭樂所以揀咗呢杯冰茶，冰茶清香怡人茶味醇厚， 加上適量嘅芭樂果香， 甜而不膩， 感覺好fresh又解渴，飲落仲有打碎嘅粒粒芭樂果肉，必飲之選 👍荔枝蜜烏龍： 淡淡嘅烏龍茶香加上香甜嘅荔枝蜜， 冇茶嘅苦澀味，清甜消暑解渴👍

同事之前請我飲完珍奶，食完飯見到有間台式飲品鋪“春陽茶事”，禮尚往來，買返杯飲品同佢一齊飲先🤭⭐荔枝密烏龍我就揀左荔枝密烏龍，好香荔枝密味，唔會太甜，同鳥龍茶底好夾，好清爽，啱曬夏天飲⭐胭脂芭樂冰茶同事話好香芭樂味，飲得出用新鮮芭樂打出黎，好fresh

差啲唔記得咗介紹埋因為去食放題而知道嘅台式茶飲去食放題套餐會送每人一杯我同朋友就揀咗珍珠奶茶同烏梅汁味道唔錯推介可以無糖食珍珠嘅甜本身放題可以揀冷泡茶或其他紙包罐裝有手搖茶飲配搭埋台式火鍋會覺得更滿足因為佢呢個位置都幾方便海港城行出嚟海防道或者isquare後面就係之後再去試咗蜜桃烏龍同胭脂芭樂多多味道覺得算偏濃我自己就比較鍾意減甜或者如果加珍珠嘅話就一樣飲無糖兩杯都係比較少見嘅配撘可以去一試😌

><之前喺樓上餐廳牛品打邊爐揀比較貴嗰兩個套餐 就會每人送杯春陽茶事飲品飲過都okay 路過口痕想買其他味大大杯好啱解渴珍珠鮮奶茶(32/L)鮮奶茶香滑 珍珠份量慷慨 煙韌有嚼口 飲到最後都仲有 所以幾飽肚桂花蜜烏龍(30/L)以桂花蜜作為飲品嘅甜味來源感覺冇咁多人為添加劑飲多杯都唔怕過quota><><><><><><><><><><><><><><><春陽茶事 Chun Yang Tea尖沙咀樂道32-34號地舖

夏日炎炎，熱到出哂汗，係尖沙咀做完野，見到有間賣台式飲品既，就心郁郁先試下，就走左去飲。去到梗係嗌杯經典既珍珠鮮奶茶，佢個茶好鬼香濃又郺哂厚，d奶味又好鬼濃郁，d珍珠好Q彈同勁有呅口，帶出獨特的茶香同埋奶香既結合。另外，我又叫左蜜桃烏龍茶，佢就清香怡人，茶味好鬼醇厚同帶果香，加入適量既蜜桃，甜而不膩，清爽怡人，係夏日消暑的絕佳選擇。春陽茶事既茶品質量非常優良，佢d茶葉又新鮮，調配得恰到好處，比人喝之後會回味無窮。