春陽茶事 (謝斐道) (已結業)

放工去食雞翼，見隔離開咗間新嘅台式飲品一春陽茶事，因為好口渴，冇喝珍珠奶類飲品，試咗杯檸檬蜜烏龍🥤，以為係普通嘅檸檬茶，一飲....好清甜嘅花蜜(唔係糖漿，有D飲完會涸喉)，烏龍茶好香，好有茶味，最特別係嗰一片檸檬🍋，酸酸地甘甘地，好醒神好解渴，係杯超正嘅夏天解渴飲品❤️朋友飲桂花蜜烏龍，我以前未試過呢款口味，有桂花香味🌼，有花蜜，再配合烏龍茶，口味好特別，入口好舒服，又解渴又好味，值得推介👍

前一排係網上見到銅鑼灣開左間新既奶茶舖，一路都想去試下。今日去開Sogo買野，就順便去買杯試下❤️❤️一去到就見到有兩個店員派緊細細杯既試飲，我就緊係唔執輸拎黎試下😋一共試左四款👉🏻檸檬蜜烏龍🍋（檸檬蜜好香好特別）、桂花蜜烏龍🌼（有種好清新既桂花香味）、甘蔗綠茶🎋（有甘蔗既清甜，但綠茶味比較重）、甘蔗鮮奶🥛 （同樣有甘蔗清甜，但呢款既甘蔗味比較重）試左四款之後，我自己都係最中意👉🏻桂花蜜烏龍😍就買左杯中杯桂花蜜烏龍（微糖少冰）😋因為本身桂花蜜已經甜，所以叫微糖既甜度岩岩好❤️飲落好香桂花味，唔會太膩👍🏻但係桂花蜜烏龍好似係限定飲品，唔知去到幾時，下次可以試試其他招牌飲品😋

今朝約左朋友去銅鑼灣，見到春陽茶事門口有一大堆人，仲有花牌同舞獅團隊，原來今日咁岩係春陽茶事銅鑼灣店開張既大日子🎊🎊食完隔離間雞翼山，就過黎春陽茶事呢邊買野飲解解渴，正👍🏻我同朋友一人買左一杯，我叫左一杯佢地既招牌👉🏻檸檬蜜烏龍。雖然今日開張，好多人好熱鬧，但係唔洗等好耐就有得飲👍🏻未飲之前先影相打卡📸 店入面用霓虹燈整既「春」字最適合打卡！仲可以見到杯檸檬蜜烏龍係漸變色，好靚好有feel😍 一啖飲落去，有一陣好特別既檸檬蜜香味，唔似平時茶餐廳飲果d😋 成杯檸檬蜜烏龍好清新，好適合夏天呢d天氣去飲，飲完即刻消晒暑😂 唯一一點美中不足就係，店員同我講佢地推薦既甜度係「微糖」，因為台灣果邊既口味係偏甜😂但我自己都怕酸，同埋中意甜d，所以我覺得「微糖」既檸檬蜜烏龍既檸檬酸味比較出，如果「半糖」可能會再好飲d，下次一於試下叫「半糖」😋今日咁好彩比我撞到春陽茶事開張，即刻影低兩隻可愛既舞獅❤️