春風撞奶舖 (已結業)

春風撞奶鋪嘅珍珠奶茶係好出名，住喺元朗嘅朋友經常都推介。難得今次有朋友專登喺元朗買出嚟俾我試，因為唔係即刻飲，到我手時黑糖珍珠嘅紋路都已經冇咩啦。但係都冇減低我對春風撞奶嘅黑糖珍珠奶茶的期望，要飲佢嘅黑糖珍珠，首先你要將成杯奶茶好好搖勻，如果唔係個味道唔夠強烈。個人覺得佢黑糖珍珠唔會太甜，比起其他鋪頭嘅黑糖珍珠，就算其他鋪叫少甜，都會比春風撞奶號嘅黑糖珍珠甜。而佢嘅奶味係比茶味濃，所以如果鍾意重茶味嘅朋友可能就未必咁喜歡啦，但我覺得感覺係滑啲嘅！

由元朗西鐵站行過去大概10分鐘左右，喺炎炎夏日，特別想飲番杯凍野。經過呢間春風撞奶舖，覺得個門面幾吸引，於是就同朋友買咗三杯野飲。我梗係試招牌嘢飲啦，叫咗一杯黑糖青蛙撞奶，賣相十分吸引，飲之前記住攪勻杯底啲黑糖先，我鍾意佢嘅奶味，啲奶好幼滑，同埋黑糖味都好濃郁，珍珠好好咬口，質感又滑，唔會太大粒，like!至於朋友買嘅草莓鮮奶同埋藍莓鮮奶，佢地話好fresh，鍾意杯底嘅果醬。雖然呢間店嘅飲品係唔可以嗌少甜，但好在味道都唔會太甜，調校得啱啱好，如果可以大杯啲就好啦！

🐸黑糖青蛙撞奶（$29)今次試下元朗呢間 #春風撞奶舖 ，好彩閒日3點左右去到唔洗排隊(定係不嬲都唔洗點排？) ，叫左招牌既黑糖青蛙撞奶，估唔到又係伏黎😶 奶味係有，但黑糖味真係好薄弱，好似飲緊杯好甜既奶咁😂 珍珠唔知係咪浸得太耐，淋到就黎化開咁，岩晒呀婆飲，呢杯野可能都有機會係我飲過最差既黑糖鮮奶之一。

喺元朗食完飯，周圍行下之際，想飲杯台式飲品，於是留意下附近有冇然後發現有間門面幾靚嘅細舖仔，寫住春風撞奶舖， 因為我好鍾意飲牛奶嘅關係，畀佢吸引咗 行到埋去，發現有好多唔同款，以牛奶做主題嘅台式飲品，賣相幾吸引！雖然價錢有啲貴，好多都係20蚊起跳，但係我見佢以牛奶為主題，就決定試一試佢 我同朋友分別嘅結每人叫咗一杯試下，我哋叫咗黑糖青蛙撞奶同埋草莓牛奶。因為牛奶味好重，而黑糖味同個牛奶好夾，每一啖都有好香嘅黑糖味道，飲完一啖會想在飲埋落去 啲珍珠又好彈牙好煙韌，驚喜嘅係咪珍珠都會有黑糖味！ 而草莓牛奶呢就相對甜少少，但係佢個顏色好靚，牛奶又好滑，所以都幾有滿足感㗎！ 建議鍾意飲牛奶既可以去試一試佢～

繼上次喺元朗千色後面幫襯過春風三月，飲過佢杯黑糖珍珠奶茶之後，覺得好回味亦都覺得佢落鮮奶嚟整好新鮮，唔會過甜。所以今次行到去雞地，一經過另一間春風撞奶店鋪，就忍唔住要再捧下場! 同朋友又即刻揀番兩杯今次揀咗:一。黑糖青蛙撞奶(貪佢個名得意而且口味大衆化)，二。宇治抹茶紅豆(一向好鐘意呢個配搭) 嘩! 又要讚吓這個鮮奶之選，黑糖甜得黎唔過火，夾埋D奶好清甜，甚至有爽口既感覺，因其他同類台式飲品主要用糖水，好"立"口，呢個真係成個口感好新鮮，珍珠又軟林林! 至於宇治抹茶紅豆都好正紅豆粒粒好完整，而且好出味，抹茶又濃香，感覺好健康、好有益!

今日同朋友去開元朗食飯終於可以去一嚐春風撞奶舖既飲品了我是台式飲品控🙈餐牌上大約有十五款飲品這是其中五款有選擇困難的我五款都想試因為食完晚飯真的太飽太飽唯有放棄了黑糖珍珠奶茶先來試一試冬瓜鮮奶平時我都非常喜歡飲冬瓜茶但冬瓜鮮奶還真的是初嚐呀原來冬瓜茶配鮮奶味道是非常非常地夾的！奶香味濃試左一次就愛上了如果不喜歡太甜的建議叫少甜我是喜歡甜的所以正常甜+少冰就剛好啦下次目標就是他們出名的黑糖珍珠奶茶或者是黑糖仙草奶凍呢

唔知算唔算係期望越大失望越大 作為港島人 山長水遠入到元朗 expectation 係會大d嘅 (應該係 除非唔係) 唔洗排隊買飛 係製作需時嘅等候 only... 叫咗杯No.1熱賣嘅... 賣相就好靚 ~BUT... d 珍珠硬嘅黑糖味有嘅 亦都濃... 奶都ok嘅 我會嫌有少少稀 但都接受到... 個敗筆真係d珍珠... 而且個靈魂都應該係d珍珠... 即使話可能噤啱我呢批珍珠差咗dd 但作為重中之重嘅靈魂 我唔expect會有差池...

新開店時上了報章雜誌等，風頭一時無兩，排隊兩小時為一杯珍奶好像有點誇張，但慕名而來的人不斷，水準難以保持，至網上評價兩極化。近期排隊的人龍短了，終於有機會一試龍與鳳，呵呵。晚上八點多來到，大概還有六、七個人等緊，但比高峰期算是不用等太久了。跟朋友點了一人一杯試試，落單到出品約十分鐘左右。黑糖仙草奶凍（$19）點了最便宜的一杯，黑糖掛杯確實是很漂亮，打卡一流。奶味好強烈，全部都係鮮奶味，由於自己一向喜歡飲鮮奶，個人覺得很對胃，黑糖甜度亦適中，仙草則不太甜，整杯飲品平衡做得大錯，而且19蚊咁大杯，夏天解解暑正啦。宇治抹茶紅豆（$36）朋友則點了一杯較貴價的，用上真綠茶粉泡製，茶味甚濃。紅豆綿綿的，仲有好勁嘅奶味，整體來說是好飲的。有機會再試試這裏的名物青蛙撞奶先～

最近香港🇭🇰吹左一陣陣既黑糖珍珠鮮奶熱 住元朗既朋友話佢附近有間新開既台式飲品店 拉埋我試試🤤店鋪細細 主打10款飲品 而我同朋友就簡左黑糖青蛙撞奶同古早黑糖珍珠奶茶☕ 朋友飲既係古早黑糖珍珠奶茶 茶味同奶味並重 黑糖味唔會話喧賓奪主 意外地配合得好好 價錢唔算太貴$22👍🏻👍🏻黑糖青蛙撞奶上的黑糖掛杯虎紋很靚 拎上手是暖暖的 黑糖熱熱 珍珠咬落黑糖味濃 可惜珍珠偏Q軟 如果可以煙韌一點就更好 撈勻仍有黑糖的香 鮮奶用上明治牛奶🥛 有奶味又有保證 青蛙🐸撞奶的甜度是固定 但可以簡冰的多少 整體黎講 以$29的價錢都算是性價比高 可以一試✌🏻😎


一窩蜂熱朝終於都試左大家都評價既「台式黑糖珍珠撞奶」啦！近排好hit黑糖鮮奶，見到呢間有就試下飲。今次叫左杯（$22）「古早黑糖珍珠奶茶」等左大約5分鐘。雖然叫左少冰...但仍然有三分一係冰😂下次應該要走冰。黑糖珍珠仲溫熱立刻與冰凍鮮奶混合，奶味不太濃，黑糖味又較淡，黑糖珍珠一般般中間少少硬😅份量：$22 黎講算幾大杯，飲完有小小飽添😬整體來說價錢、味道同份量都一般般...短期內應該唔會再試呢間😅

系咪第一間出撞奶既店就真系吾知啦，小編亦都無再研究(=ﾟωﾟ)ﾉ 淨系知呢間飲品店都紅過一排！ 好中意佢店鋪既代表圖案。好似寫輪眼呀，嘻嘻！講翻佢個主打 黑糖青蛙撞奶(hkd$29) 。好不幸，小編去到果時佢啲黑糖珍珠用曬，等左成個鐘( ･᷄ὢ･᷅ )！拎左飲後有感，珍珠有咬口、黑糖味都足夠，可惜奶味太淡，將黑糖既甜味溝稀，令飲品大大失色！另一杯 宇治抹茶紅豆(hkd$36) 奶味依然不足，但抺茶紅豆味本身味道夠突出，彌補不足，還可接受！

呢期香港開左超多台式野食，又珍珠奶茶，以家仲有勁熱門的黑糖珍珠加奶，還有一種獨特嘅外表，超吸晴，所以點唔可以試下。 之前見好多地方都有介紹呢間，入到來元朗，當然要試下啦。 外表又吸引，元朗真係美食天堂，如果可以係元朗住，一定會食到肥肥白白先來睇睇有咩選擇先。 款式就不算多了，好像只有圖上十款。 第一次來飲，當然要先試下招牌推介先。叫了兩杯，都是，黑糖青蛙撞奶，點解叫青蛙嘅。我都想知黑糖珍珠真係幾好味。 不過呢度珍珠就偏向軟身點，不會太煙韌，有黑糖味，配淡淡的奶香，冰量同甜度都有指定，呢個甜度不會過甜，本人覺得剛剛好。

近日香港開咗好多間賣珍珠奶茶嘅店舖，經常喺Instagram見到人哋share呢一間，於是去開呢元朗嘅時候決定買一杯試吓。我同朋友一人試一杯，我就叫咗杯古早黑糖珍珠奶茶。甜度就Fix死咗，但係飲落去甜度適中，而且奶茶帶有濃郁嘅黑糖味道，但同時茶香亦都冇比黑糖嘅味道掩蓋着，呢個配搭真係非常之好！佢嘅珍珠亦都好香黑糖既味道，而且非常耐嚼，夠晒口感。除咗味道唔錯，價錢亦都合理，食飽飯當甜品食就啱晒啦！！

這陣子突然刮起一陣黑糖髒髒杯熱潮，印象中第一家有黑糖珍珠奶茶的，是元朗的春風（最少我認知中是～）剛推出時人龍不盡，一杯難求！人太多，水準難以保持，加上每個人口味不同，元朗飲食谷中多了聲音，一人一句。但正所謂耳聽三分真，不親自一試，怎不甘心人云亦云呢！趁超大雨人流少的日子，我就走過來點了名物黑糖青蛙撞奶！人少了所以五分鐘內就沖好，呵呵，很爽嘛！髒髒杯效果對辦，拍照的確是很美。注意的是春風撞奶的所有飲品是不可調教甜度和冰量！本來是有點怕太甜，但結果令人滿意，喝之前記得好好攪拌，但以飲管來攪拌，始終不能像某虎堂那種可以倒轉的杯子那樣搖得很均勻。黑糖味香，黑糖當然是帶甜味的，但可能因為不是糖漿，所以甜味來得很自然，不過份，怕甜的我也覺得可以接受，而且還好好味，一喝而盡！不少人評論春風的珍珠煮得「一舊舊」，的確，他們的珍奶不似一般珍奶一粒粒，但喝到尾，發現珍珠其實是黑糖搓出來的，呈透明啡色！這根本不可以和其他塑化劑珍珠相提並論吧！每一粒都帶黑糖香味，口味煙刃，比較軟稔，我覺得還好，而且吃得比較放心。老公點了一杯宇治抹茶奶，甜度比起黑糖青蛙撞奶低，抹茶味濃郁，紅豆煮透，沒有過甜，但個人認為風味上不

和朋友在元朗附近吃過晚餐之後，忽然口痕想飲一杯有果味嘅牛奶，忽然醒起有一間台灣過江龍有賣，就特登行過嚟呢度買春風撞奶鋪鋪面因為我同朋友食完飯大概都差唔多九點，所以鋪頭冇咩人排隊，我哋都唔係幾好意思落單，好似阻住人哋收工咁不過店員都肯做埋我哋呢單生意餐牌雖然咁夜先嚟到，但好好彩都冇話啲嘢飲冇得買芒果鮮奶＄24雖然上網見好多人話呢間鋪頭嘅嘢飲偏甜，但我個人又覺得唔算話好甜，呢杯芒果鮮奶飲落有少少似芒果乳酪芒果果蓉都有幾多下， ＄24來講我個人覺得係超值冬瓜鮮奶＄26朋友就叫咗一杯冬瓜鮮奶，有啲偏甜，不過冬瓜味超級出，我朋友就好鍾意飲甜野，所以佢超級鍾意呢杯冬瓜鮮奶怕太甜嘅話可以叫多冰沖淡一下