時來食坊

营业中

休息中

帶住小朋友黎，本來想買大魚蛋，但老闆哥哥知道係bb食，提意我哋買白魚蛋，怕佢哽親，仲幫我地煮耐d，確保冇箘，真係冇諗過，食街邊魚蛋都可以咁放心，我哋食燒賣，又擔心我地覺得冇味，比d燒汁我哋，咁有愛心嘅老闆，食物一定好，以後黎，一定都只會支持你。

每次來長洲都會想食下大魚蛋，雖然長洲唔只一間店有大魚蛋賣，但通常都光顧這一間。它的位置就在碼頭對出，上少少斜路往沙灘方向，很容易找到。大魚蛋一向是長洲名物，我們來到時已經見到有很多人正在排隊。沙嗲味大魚蛋 （$13/串）大魚蛋一串有兩大粒，炸過後食落都很彈牙，再淋上惹味的醬汁，很好味。食客可跟據自己喜好選擇不同的醬汁，我今次選了沙嗲味，沙嗲醬汁味道夠濃，不算辣，啱食不到辣的朋友，配上大魚蛋的味道很夾。

唔知大家會唔會同史努比一樣喺度諗究竟長洲嘅大魚蛋同普通魚蛋有咩分別🤔賣得特別貴 真系好食啲?😅早排school outing去咗長洲雖然明知系gimmick 但去到長洲都會想食下大魚蛋😂見之前食開嗰間冇開🥹有啲失望唯有揀第二間見到大魚蛋都加價加得幾犀利成13蚊串🥲不過史努比都系口痕 心思思又想試下🙈見到沙嗲味有一條辣椒 咖喱就兩條辣椒仲有麻辣 冬蔭冬嗰啲就再辣啲史努比揀咗咖喱味～👌🏿咖喱大魚蛋 $13Size確實系比平時食嘅魚蛋大粒😂外面炸得都幾香魚蛋都算彈牙 但未去到好驚喜嗰種彈其實史努比就唔系好食得辣但嗰日天氣超級凍 於是乎就挑戰下兩條辣椒🤪點知turns out竟然唔系好辣🥺唔講都唔系好覺系咖喱純粹食到微微嘅辣味辣得嚟系香嘅 但硬系覺得差咁啲如果再辣啲會更加過癮😗味道: 6/10性價比: 5/10利申史努比絕對系食辣新手 辣少少都食唔到竟然覺得佢唔夠辣😅真系有啲失望加上性價比低 唔太推薦😬整體評分：味道: 6/10環境: /服務: 6/10衛生: 7/10抵食: 5/10回頭率: 0/10想睇更多關於史努比嘅food diary 歡迎follow IG😚♥️👉🏿 @snoopy._

去長洲當然要食番串大魚蛋先過癮，而星期六嘅長洲真係多人到不得了，間間賣魚蛋嘅店都排長龍，唯獨時來食坊冇乜人幫襯咪買番串。我正正常常咁買嘢，完全冇得罪店員都冇啦啦畀店員寸！佢仲要唔只寸我一次，態度極之差！大佬！我同你買嘢畀錢你賺咁都要得罪客！本來仲想買其他嘢食，畀佢寸一寸真係咩心情同食欲都冇晒😡論食物味道就真係一般啦，魚蛋唔夠熱辣辣，長洲間間店都比佢好，而店員素質真係極品！終於明點解佢得咁少客！肯定冇下次！

味道比較濃，魚蛋都彈牙d，不過比起以前，味道無咁濃郁，仲記得以前食麻辣，真係好刺激，不過依家就輕微好多啦尼間係一落船，食街行入到中間位轉角就見到！$10/2串，一串二粒

講起長洲相信好多人會即刻諗到大魚蛋呢度都有好多間主打大魚蛋今次就唔食東源 試試呢間🇹🇭冬陰功大魚蛋 $12身為一個由細到大都鍾意食魚蛋嘅人呢款絕對係我呢幾年食過最好味嘅魚蛋！魚蛋大大粒又好彈牙 個皮仲要好煙韌係真係超煙韌本身驚呢個味會太酸 但佢又真係還原到冬陰功嘅甜辣 淨係得少少酸而且好有驚喜係個醬汁偏濃稠 魚蛋索哂味道🌶️麻辣大魚蛋 $12呢串嘅魚蛋明顯同冬陰功魚蛋唔同細粒啲而且無咁通透食落口感比較爽 無咗另一款嘅煙韌彈牙麻辣醬都幾出色 見到粒魚蛋已經變哂色有啲麻痺脷嘅感覺

其實唔係好明點解要特登入嚟食大魚旦，見到長長嘅人龍，真係誇張到你唔信😂 見到你就明，臨走大約5點幾，見到咁長嘅人龍，自己又走去排下😂 不過期望越大，失望亦有啲大😮‍💨 唔會唔好食嘅，但同街市買貴啲嘅炸魚旦好似無乜分別😂 只能說marketing做得幾好，好似糯米糍咁，長洲要食糯米糍、魚旦，已經變成潮流😂其實而家有啲街市都有得賣，如果個肚冇乜容量就放棄佢啦😂#長洲 #時來食坊 #大魚蛋 #大魚旦 #打卡 #景點 #好聰明 #product好 #都要靠marketing加持

每次黎到長洲，都必定會食大魚蛋😋賣大魚蛋既有好多檔，但永遠只食呢一檔先係有好多吾同味道🤩但至愛永遠係麻辣，夠味又夠彈牙🤪🤪今次仲試左冬陰公味，都吾錯感覺有小小似m記泰式辣醬😛😛

呢間舖我諗大家入長洲都一定食過🤣細細個入長洲間舖頭已經係到 每次入嚟都有食呢間既大魚旦 今次都唔例外💁🏻‍♀️🌈麻辣大魚旦 $10麻辣魚旦可以😚大大粒魚旦好彈牙 好有咬口 而且真係辣👍🏻友人食到要快快去買野飲😂🌈沙嗲大魚旦 $10 (太黑冇影到相)呢串係我坐船出去之前再去食 唔知係咪因為太夜嘅關係 已經唔熱☹️所以有啲失望🥺沙嗲味都唔太重 印象中沙嗲味好好食😮‍💨🌈榴連糯米糍 $15 我鍾意食榴槤 所以榴槤糯米糍都係必食😜我覺得呢間嘅榴槤糯米糍幾足料 有榴槤蓉🤩友人唔飲榴連但堅持要試 結果俾佢浪費左一啖😭🌈芒果糯米糍 $15 長洲出品既芒果糯米糍唔會差 甜既 但我會中意食大舊啲既糯米糍 呢間我唔會話係必食糯米糍🤭性價比低少少———————————————整體評分👅好味🧡🧡🧡🧡抵食💜💜💜再戰率💛💛💛💛

入長洲必食的，人人都知除了芒果糯米糍外，另一人氣高企的小食就是大魚蛋！！買長洲大魚蛋而言，朋友就選了去時來食坊購買～$10/串的大魚蛋，一串有兩粒。口味選擇充足，有原味、咖喱、沙嗲、麻辣、椒鹽等等，任君選擇！我就簡簡單單的選了原味！！原味大魚蛋，到手時熱焫焫的，口感夠彈牙，有咬口！！即使沒任何醬汁，也覺得魚蛋夠香，夠滋味～～～下次可以再試試有醬汁的味道！！朋友就買了即炸大魚蛋，以為會更香脆，但其實賣相與味道都跟原味的分別不大～～

自打上次在南丫岛尝试了糯米糍，之后就觉得，不管在哪都有多尝试糯米糍，看看哪家比南丫岛的好吃，这次来这里就尝试了一下，这家店的价格，和南丫岛的差不太多，十几块的样子，然而感觉这个糯米糍外皮多果肉少，味道也一般般，下回准备尝试他家的鱼蛋。

疫情又再次爆發，大家都要小心同注意健康，又要停一排唔敢喺街邊食嘢啦🥶🥶，唯有繼續努力寫埋幾個月前嘅食評先😶‍🌫️😶‍🌫️，嚟到長洲，冇理由唔食大魚蛋嘅，價錢仲係維持緊$10兩粒，但size明顯係細粒左，但味道依然好多選擇😬😬❣️咖喱味大魚蛋 $10咖喱辣味重過咖喱味，而且偏向較鹹，魚蛋都算彈牙🤓❣️沙嗲味大魚蛋 $10沙嗲味較為出色，香濃同埋花生味重，較為推介呢隻味🤤👅好味度：8 （10分滿分）

入長洲，當然要試吓大粒魚蛋啦。都有好幾間揀，之前嚟長洲都係食呢一間，都見有人排隊，就揀返時來食坊，$10有一串，有兩大粒。我哋要了左兩串，沙嗲味，椒鹽味，兩款都有驚喜。魚蛋大粒，超級彈牙冇腥味。沙嗲味個醬汁很惹味，又唔會太辣，很讚。鐘意乾身嘅可揀原味或椒鹽味，唔知係咪咁啱，椒鹽味嗰款個魚旦係剛炸起不久，外脆內彈牙，再加少少椒鹽粉喺上面，別有一番風味。下次再試下其他味😋佢仲有其他小食㗎，佢仲有五香牛什，話無加味精嘅，下次試下先。

𝑩𝒊𝒈 𝑭𝒊𝒔𝒉 𝑩𝒂𝒍𝒍🍢.嚟到長洲一落船第一時間 一定係去食大魚蛋☝🏻就算食幾多次都唔會厭😎長洲有兩間大魚蛋都出名 今次就特登試晒兩間比較吓🙌🏻.📌原味大魚蛋 $10/2時來食坊同東源揀 前者係好食啲😋兩間魚蛋嘅size同提供嘅味道都差唔多🧐就咁買番嚟真係分唔到🤣不過兩間嘅口感就差好遠‼️呢間係偏煙韌有咬口 真係似新鮮手打魚肉整出嚟😍就咁食原味已經好正💯.📌沙嗲黑椒大魚蛋 $10/2東源就揀咗重口味啲 沙嗲同黑椒味 係真係幾惹味🤎不過呢間個口感個人就認為冇咁掂🤭佢似係平時四海魚蛋咁爽口🤔我都係prefer時來食坊煙韌啲😝

長洲有好多間舖頭賣大魚蛋，我就習慣左黎呢間，雖然有好多味，咖喱，冬蔭功，麻辣etc,但最好味既都係沙嗲，無得輸😂There are many places that sell big fish balls, this one is my usual spot. They have different flavors like curry, tom yum kong and spicy ones. But none of them beat the satay one! Satay is the best!