普慶餐廳

营业中

休息中

逸東酒店的逸東軒和Food Court也是我經常光顧的，作為酒店有Food Court，提供不同類型，而且較為便宜的餐飲，也算是一種德政，反而自助餐則比較從未光顧，始終其他的選擇比較多，但光顧過後也覺得很不錯，特別是自助餐的食物也帶有香港特色之餘，在大路菜式的選擇上也做得不錯，例如是生蠔和長腳蟹，前者Creamy而且處理得相當乾淨，後者肉多鮮味夠，燒味的選擇同樣較其他的多，而且味道不會太鹹，當然酒店自助餐的燒味優勢在於有粵菜部同事的支持。除此之外，水吧的特色飲品，例如是薑味奶茶，也比其他只有開水或者汽水的更有誠意，定價也有競爭力，吃得飽吃得滿足，所以我會推薦。The Eaton Hotel’s Yat Tung Heen and Food Court are places I frequent often. Having a Food Court in a hotel that offers diverse and affordable dining options is commendable. While I rarely try the buffet due to other c

生蠔係開定喺度唔係即開搵個阿姐沖吓水喺度扮新鮮完全冇海水味同埋金屬味。係一隻蠔嘅物體，但完全冇味嘅，超級奇怪。 仲要搵啲人企喺度同佢講問咩海鮮先比，不如俾人自己夾啦。片皮鴨全晚得一次，黑松露意大利粉都係，仲要喺度搖個鈴，當人係狗咁樣排隊，有冇搞錯，咁孤寒不如唔好俾。 去到切牛扒羊扒嗰度個阿姐每次切得勁薄勁少，一嚿都唔知分咗俾幾多個人，有冇咁cheap啊師傅？最後最火滾係食完之後第二日屙到pk，大佬唔該你監管下啲食物質素啦。

大家唔想食太多，但又想開開心心又豐富！所以唔食午餐，晚餐，而選擇tea buffet ~ 因為有老人家，而且自己根本食唔到太多，但個tea buffet 竟然多野食到嚇親，我仲以為食緊自助午餐！仲送每位三隻生蠔🦪🦪🦪加每位一碗花膠碗仔翅🍜！飲品有黑牛&好立克沙冰！熱食我估唔到都幾有質素，我推介嘅係牛腩，其實仲有好多粉面粥，我都冇乜點食，因為真係好多嘢食，另外我喜愛嘅有一款甜品就係心形嘅雞蛋仔！師傅即場整～新鮮熱辣脆卜卜～可以自己加雪糕球，然後再加朱古力醬同點綴~可能因為tea time，甜品方面比較多選擇想讚賞嘅係環境，原來都真係幾新鮮，因為太耐冇嚟過逸東酒店，翻新過之後有青年旅宿嘅感覺，而且餐廳設計都用香港懷舊風味，所以環境真係幾好！最後最後要大贊嘅就係員工嘅服務態度！佢哋好細心同有禮貌！經理都好熱情款待！加上我哋有一位老婆婆，佢哋都好friendly關心佢嘅需要,睇得出呢度嘅員工做嘢係開心嘅，因為都同我哋有講有笑，呢個真係好好好好加咗好多分！下次可以再試吓個自助午餐同晚餐～我哋下午茶埋單三百幾連+1～值得推介

來了普慶不止一次，但是每次也不會令我失望。今年在26號到來，發現食物比之前更豐富。生蠔、冷龍蝦、蟹腳等等，生蠔和龍蝦都很不錯，此外，燒牛肉很出色，蜜汁火腿和烤鴨也很不錯，另外，還有一貫的刺身、串燒等等，食物款式有很多選擇，另外中式熟食方面，爐魚很出色，值得一讚，此外甜品也很不錯，此往常弄得更小、更精緻，方便人們可以試食好幾款。還有喜歡普慶的原因，覺得那裡的氣氛很好，員工有笑容、有禮貌，客人們都感受到愉悅的氣氛。我還是會再來呀！

2025年元旦，我哋全家決定食自助餐慶祝。係openrice瀏覽啲資料，結果見到逸東酒店的呢間普慶自助餐名列榜首，就決定試下。結果，令人大失所望。我哋慕名而去，失望而歸。首先係餐廳環境一般。樓底好低，空間壓逼，燈光昏暗，座位狹窄。重要嘅係食物質素好一般，種類少，味道普通。不過職員服務還可以。

想食好多年，但一直無去，終於聖誕幫襯一次，我係鐘意嘅，刺身食落口有鮮味,用隻碗裝滿冰放上面，保持新鮮，叫完先逐片切再砌好,相對等候時間會比其他食物長,午餐都有生蠔，唔算太細隻,可選食物十分多，羊架，豬肋骨，燒味，串燒，天婦羅，special 有西班牙炒飯,成盤海鮮舖到滿,有埋雜果賓治同蘋果特飲揀，收碟快手，仲有小遊戲玩，有職員問啲海鮮新唔新鮮,四人幫襯，平均每個人五百蚊度,略嫌地庫冷氣欠奉,聖誕新年不二之選!

唔同時段有新食品推出，食品款式多，生蠔、麵包蟹、波士頓龍蝦、凍海鮮 及 多款刺身、質素很好。侍應很細心，唔同時段有新食品推出，多次提醒我們。服務態度很好、真心值得讚賞✨️ 。會再次光顧😀

💛 第一次去位於佐敦Eaton Hotel入邊嘅The Astor食自助餐! 一去到真心俾佢個環境嚇親😂 因為真係好大! 平時去嗰啲酒店通常都只係最多有兩三個位置擺嘢食，但呢度竟然總共有七個唔同位置嘅美食專區😳 仲要每個美食專區size都好大🤣 💛 首先要推薦嘅係呢度嘅海鮮冷盤，有專人夾俾你👍🏼 有生蠔, 龍蝦, 蟹腳, 波士頓龍蝦鉗, 麵包蟹及翡翠螺等輪流供應~ 蟹腳勁新鮮，好好食😍 我見隔籬枱有個人攞到啲蟹腳成座山咁高😂😂 可惜我太懶冇心機慢慢拆🤣💛 另外魚生都幾高質，我老公認證🐼 佢都食咗兩三round💛 龍蝦除咗冷盤，仲有熱食！分別有中式粉絲蒸龍蝦，又有芝士焗龍蝦，正😍💛 除咗海鮮都仲有傳統烤火雞配蔓越莓醬, 澳洲M5和牛肉眼扒, 蜜汁焗火腿同西班牙海鮮飯等。💛 中式區蒸魚同埋燒味都唔錯😋 而家冬天仲有羊腩煲😙 食到中間聽到鐘聲響仲可以排隊攞片皮鴨食😍💛 甜品就有雞蛋仔。雪糕有勁多款movenpick~ 呢度有冇薄荷朱古力fans，movenpick既薄荷朱古力超推！朱古力脆片加埋薄荷味好好食🥹💛 另外呢度feel到好有心嘅係嘢飲區係有專人幫你沖嘢飲。有fruit pump,

最近🦖好想食自助餐，於是就去左香港逸東酒店Eaton HK 既自助餐 — 普慶餐廳 The Astor 吃左佢哋既自助晚餐，食物的種類好多中、西、日、意、印都有，除此之外，都有好多唔同既海鮮選擇，例如：生蠔、龍蝦、青口、蒸東星班、松葉蟹腳、另外亦有素食專區，有多款唔同嘅蔬菜，性價比不錯，食物味道，我會話，總有一款啱你口味😏好豐富，我個晚都掛住食，唔記得影相😂#香港 #香港美食 #香港酒店 #香港逸東酒店 #自助餐 #香港自助餐 #香港情侶 #hk #hkig #hkfoodie

普慶餐廳一向是自助餐大熱之一,只要有任何優惠就立即搶購一空,我們本想來吃自助午餐,既然搶不到特價,但又有一番興致,於是就去試下下午茶,遲一點有機會再去吃午餐或者晚餐吧. 餐廳位於逸東酒店地庫一樓,可於地下的美食廣場行樓梯落去,佈置裝飾以懷舊為主題,食物分開多個不同的區域擺放,令人流分散,減少擠迫的情況,不過拿取食物時往往需要多行幾步了,自助餐吃得多散下步也有助消化呢!凍海鮮有青口,海蝦和小龍蝦～我不吃小龍蝦,青口無甚味道,自助餐的貨色一般來說都較為普通. 海蝦顏色不算靚,食落尚不差,肉質正常.前菜有比較簡單的輕盈食物有三文治,芝士和雜肉火腿.  西班牙凍湯~比較酸,飲後令人開胃?!  尼斯沙律和青醬烤雞米仔粉沙律賣相都好清新.法式海鮮酥皮盒~酥脆外皮充滿牛油香,再加上大蝦和餅內的碎海鮮,非常惹味.炸魚手指包~炸魚夠香口但魚肉質感和味道比較平凡.燒燴盲鰽~魚柳燒得香,吃落質感微硬,味道平淡,可幸無腥味和雪味.松露什菌意大利雲吞~味道好濃,如果喜歡松露的朋友可能好鍾意.慕尼黑腸配紅白豆~像普通豬肉腸,食不出德國腸的特色. 紅白豆燴出來亦未有提升其味道.烤雞配辣肉腸~雞扒肉夠厚,但燴上後皮就

最近見逸東嘅普慶餐廳自助餐經常有優惠，今次唔係第一次去，但係發現質素下降得好厲害，雖然有職員每一台去做訪問，我都直接話俾佢聽今次啲生蠔係苦嘅，仲要係食咗好多碟都係苦，可能係處理嘅問題，另外就係唔多特色嘢食，只係好多普通嘅嘢，務求好似食飽你就算，啲粉面質素係腍啤啤，喇沙嘅湯底稀到不得了。。。唔知係咪因為做唔住呢，要成日去做優惠，午市呢個價$500都唔使兩個人，都真係抵，但係得呢一個質素的話，所以都好失望，對唔住佢自己呢個品牌。

今餐係同另一半慶祝紀念日，預先網上付費可以有額外折扣優惠，因為又係價格戰，原先敢抱有太大期望1830準時入座，店員為我哋安排咗一個同取餐區比較相距遠嘅位置，我哋嘗試問問可唔可以轉位，店員即時配合安排。冇黑面，好禮貌，高分👍🏻👍🏻去到食物環節，成餐飯入面燒味好有驚喜，其他熱食都做得相當出色； 比較遜色嘅係刺身類，三文吞拿冇乜味，同埋冇一啲貴款選擇(例如油甘魚、帶子)， 蟹腳方面肉質相對鬆散同偏鹹。其他食物中規中矩，掛住食冇特別影相。 今次最震撼一點，係熟食檔嘅同事都非常好禮貌：1. 燒味姐姐非常主動積極，主動幫客開蓋，禮貌語句夠多有突；2. 龍蝦哥哥主動配合我另一半要求，本身要出芝士龍蝦，都特登幫手調配兩隻蒸製龍蝦送埋上枱，爆nice 嘅自助餐體驗。明白環境逼成要打價格戰，希望可以保持到食物水準同超卓服務，一定會再嚟幫襯。

非常抵食，食物選擇多，質素好，生蠔，龍蝦夾，長腳蟹鮮甜非常新鮮，熱食有蒸魚，海南雞同蟹粥中午自助餐不常見。加埋多款甜品和8款雪糕非常滿足另外員工有善，會主動上前協助，收盤速度快，會再次光顧

和家人去了「普慶」享用午餐自助餐，整體體驗非常滿意！餐廳內大約有七成的客人，九成都是銀髮族，氣氛輕鬆愉快。食物方面，大家都讚不絕口，特別是生蠔和刺身，真的非常新鮮。長腳蟹的蟹腳更是鮮甜，讓我吃了很多碟，完全停不下來！甜品也相當出色，各式各樣的熟食選擇更是讓人眼花繚亂，家人們都覺得很滿意。😋😋😋此外，餐廳經理還特地逐桌詢問客人對食物和服務的滿意程度，這種用心的服務態度讓人感到非常欣賞。平日午餐自助餐的價格成人為$388，小童和長者則是$268，性價比頗高。☺️👌👌香港的飲食業確實需要不斷檢討自我，提升服務質素和食物品質，而不是一味抱怨外部因素，比如北上的競爭。希望未來能看到更多像「普慶」這樣用心經營的餐廳，讓顧客有更好的用餐體驗！下次也會和家人朋友再來吃😎👍

講起自助餐， 普慶餐廳喺香港來說算係數一數二抵食又豐富嘅自助餐。 對比起其他酒店， 佢嘅款式又多又好味， 琳瑯滿目。如果想去食普慶餐廳， 記得要預先訂位。 我哋一行四人， 慶祝生日， 已經預先係一個月前訂位。自助餐嘅時間可以食成四個鐘， 可以舒舒服服咁一碟一碟嚟攞。 自助餐好多驚喜， 有超多嘅凍海鮮， 仲有生蠔任食， 生蠔都特別鮮甜， 其他凍海鮮都好有水準。熟食區方面， 燒肉燒到好脆口， 海南雞飯好滑身， 質素都好好。自助餐仲有好多款式， 有唔同國家嘅特色食物， 應有盡有。 每個食客都食得好開心， 而且餐廳環境都好有香港嘅特色， 有唔少嘅霓虹燈裝飾， 令人賞心悅目。最後甜品區， 每件甜品都裝飾得好可愛， 令人攞完再攞。總言之， 呢間餐廳性價比好高， 食物質素也非常捧， 我地會成日嚟！