晶點 (已結業)

好中意食點心但天水圍就真係無邊間好食，經過西鐵站去買餸時見到有間晶點，就叫外賣嚟試試。價錢就好親民，好抵食，味道就過得去，可以試試，唔想煮飯時，亦可以食呢間。我地叫咗鳳爪排骨飯－過得去，排骨都醃得好入味，但醬皇蒸鳳爪就比較失望，個調味唔好，唔入味，無落南乳醬，唔好食。叉燒紅米腸粉－係有啲視覺衝擊嘅因為腸粉一般都係白色，但食落就無乜分別，我覺得個腸粉唔係即拉，同埋料唔算多，但味道過得去嘅。蟹籽花菇燒賣－一咬落去有啲散開，似係蒸得太耐導致，不過有食到一塊塊肉有啲咬口，同埋唔算肥，都係過得去。皮蛋瘦肉粥－呢個幾好食，足料同埋煲得好綿密，下次都會再叫呢個。山竹牛肉球－幾好食，同一般茶樓嘅水準差唔多，不過無比喼汁我地！古法馬拉糕－太油，落得太多油，搞到搶咗啲香味，下次唔叫呢個。鮮竹卷配牛肝菌汁－竟然係炸嘅，唔係蒸嘅，同埋啲料都唔算多，味道一般。

因為一位youtuber 令我認識左呢個地方 雖然係foodcourt setting 但幾間舖都有街舖以上嘅水準 希望多啲人知道有佢哋 唔洗食啲有貴又唔好食嘅嘢有時想食點心 又唔想等位 日頭 夜晚都可以去食 呢度就啱曬 誠意推介紅米腸粉炸兩 腸粉皮有厚度 但食落口好輕盈同煙靭 油炸鬼超級脆身 兩者加埋食好正 價錢只不過係$20 我仲試左佢嘅上湯鮮竹卷 一啲味精都唔似有 食到好單純 腐皮及其他材料香味 材料新鮮 我鍾意咁 店員服務態度好友善 地方近天水圍西鐵站 雖然我唔係街坊 我都黎左鮮匯站食左好多次 遲啲再試下其他款 我相信都好經濟實惠