暖心芝作

营业中

休息中

黑芝麻專門店，店內可以見到佢地有研磨機磨緊黑芝麻，成間鋪都好香芝麻味🖤特濃黑芝麻軟雪糕🍦🖤 $28門外有好多人都係為左呢支雪糕而大排長龍雪糕好香滑，黑芝麻味好濃，尤其配埋黑芝麻醬既雪糕芝麻味更濃🔥整體唔會太甜😋👍🏻推介比鍾意食黑芝麻既朋友🖤🖤

店員態度惡劣，不可一世。店舖排隊指示唔清晰又貼近馬路，但責怪客人胡亂排，客人自動排向內街，不向馬路邊排安全過排向馬路啦。想賺錢就理應要有基本服務啦…排隊指示係指示比店員知客人唔知，之後又閙客人自己排內街唔得要排出馬路。買件幾十蚊既野一陣條命都無埋，請問店家會負責嗎？到時又賴你地自己唔跟佢個指示囉。打開門做生意用心做好每件事，吃不消就不要開門做生意啦！就算出品幾了得都好，無品格既店＆員工我唔會再幫襯囉！

—之前同事分享咗呢度嘅芝麻系列 Bookmarked想去好耐 旺角東站行去都需要d腳程離遠見到人龍就知搵到了🍦特濃黑芝麻軟雪糕($28)雪糕軟滑挺身 唔係雪葩感覺個亮點係最後唧嘅黑芝麻醬‼️勁濃郁醇厚嘅黑芝麻味🥛黑芝麻豆漿($15)可以揀有糖/無糖版本無糖飲落個味健康得制🤣🤣我諗下次會揀有糖吊一吊味——————————————————暖心芝作太子汝州街23號地下B號舖荃灣路德圍運通街6號地舖

見到評價大家都話態度差，都抱住試下嘅心態排隊。排緊隊時已經聽到店員用四字真言問候人地家人，雖然係對住送貨員定同事講，唔係客人，但係咁多人係度排隊，咁大聲爆粗都唔好吧。對住客人態度都好出色，前面個呀姐買咗好多嘢想要多個膠袋，又俾人鬧。食物質素方面，雪糕質感好奇怪，拎到返屋企差唔多20分鐘都唔識溶，食落唔似雪糕... 味道係唔差，芝麻味濃，但係個質感實在太奇怪，唔會再試，$28唔抵食。marketing做得好，但係店員咁樣嘅態度，真係祝君好運。

朋友知道我鍾意食芝麻糊，早幾日同我講話呢間啲芝麻糊幾好食，所以諗住經過太子就買嚟試吓，但係行到去，店內嘅員工定唔知係咪老闆態度好差；只係問兩句關於產品嘅問題，店內嘅一男一女都十分不友善，回答嘅態度亦都好串，可能真係嫌生意好得滯啦。但係我都有照幫襯，心諗可能真係好好食呢，可能真係抵人哋態度咁差嘅。然後買咗芝麻糊試吓，啲芝麻糊其實冇咩特別，只係一般唔難食嘅糖水舖嘅芝麻糊，市面上絕對有其他選擇，仲要用啲咁嘅態度做生意，真係唔會再幫襯⋯⋯⋯

路過行過唔好錯過超香濃既芝麻糊買回家加熱重好食菲林卷都好正軟雪糕香濃芝麻味+脆code直頭唔夠一星期心思思又要去幫襯但芝麻豆漿本人就覺一般布甸就細細杯不夠芝麻糊吸引

好多朋友都試過話產品真係好濃郁，甜度又適中，今日經過開太子就排隊試一試，但係賣菲林卷要排另一條隊，限時限數目就有點虛張聲勢，買開其他產品一次過俾錢返轉頭攞都唔接受！收銀姐姐態度10分惡劣，一路order緊產品，佢好急好唔耐煩，其實俾錢仲要咁樣受氣大家就要衡量一下值唔值得！今時今日嘅經濟環境，仲有間舖頭會有好多顧客排隊去嘗試，其實真係應該要感恩☺️ 收銀姐姐咁嘅態度如此，相信潮流過後，佢就唔使再急同埋再唔耐煩啦！

近年有許多食材專賣店為擴闊客源💰都會研發多款特色小食以吸引更多客人👯‍♀️當中最能夠引起討論的就莫過於香港人最愛的甜品：雪糕🍦而這間暖心芝作就正正是憑着黑芝麻軟雪糕而聲名大噪，成為人龍熱店🔥———————————————————————作為黑芝麻專門店的出品🖤雪糕的芝麻用量當然絕無欺場🫡軟雪糕本身的芝麻味已十分出色😋再配上特濃芝麻醬的加持，令整體黑芝麻味十分香濃🤩而且甜度適中，帶少許甘苦味道🤌🏻總結可以用齒頰留香來形容😊口感方面，軟雪糕質地相當堅挺👍🏻不會像雪糕車的軟雪糕般那麼軟身😅而且奶香順滑，並沒有傳聞中有芝麻渣或冰粒感的情況出現😗另外軟雪糕的份量亦相當足夠🙂如圖所見，雪糕的圈數算多而且有一定高度👌🏻也沒有發現網上所說的空心情況，本人覺得十分滿意🤗———————————————————————除了軟雪糕外，暖心芝作還有不少其他黑芝麻的製品🌚如黑芝麻豆漿、芝麻糊、菲林卷等，相信質素亦有一定保證😙未來有機會一定會再一一品嘗🤪

非常濃郁的芝麻味道，路過的時候都能聞到，選了一個芝麻雪糕，就好像空口吃黑芝麻醬，也不凍好吃。.本來想要芝麻卷已經賣完了，選了芝麻糊，包裝不錯，味道也很好，下次還去

最近網上好多人講宜間芝麻雪糕經過太子就順便去試下去到都多人排隊芝麻卷 14:00開始賣每人限買一盒之前食過 作為甜品既佢，味道唔算好濃亦食唔到甜味而且好似好少糖，反而食到芝麻苦味最後買左芝麻軟雪糕， 黑芝麻豆漿少甜芝麻軟雪糕面頭少許芝麻醬芝麻味濃郁，少甜 唔會好甜而搶芝麻味雪糕個質地都唔會太軟唔會好似雪糕車果隻咁軟身 軟到一啖無曬咁黑芝麻豆漿少甜 極力推介👍🏻👍🏻濃濃芝麻味 少甜 個人覺得少甜非常好味豆漿既少甜已經甜過芝麻卷既味道亦飲到少少芝麻磨咗之後嘅質地

經過太子發現有一大班人排緊隊，好奇心睇下佢地排咩。原來係排緊黑芝麻雪糕！鋪頭面積唔太，主要做外賣。有好大面積係用黎做生產，見到店入面仲有好大個磨坊。好多黑芝麻相關既野食，但唔太餓就淨係黎試下個雪糕。雪糕入口非常滑，好香黑芝麻。表面仲有好多黑芝麻醬，食落層次都幾豐富！食落係似雪糕版既芝麻糊。值得一提係佢并不太甜，似係少甜既製作。味道黎講非常好，但一杯要價28蚊的確有d 貴，總括而言係好值得一試既，推薦！

今次終於食到個雪糕！！今年2月嘅時候部雪糕機維修緊，上次出完網上好多人留言，部機原來都維修咗一年半載😂早排見到有foodie食，原來部機終於維修完😂😂 呢一日食完飯去咗食甜品🍦#芝麻雪糕 $28個面唧咗啲黑芝麻醬，所以頭幾啖勁濃，但食到底無醬～如有個底都有就好😂#黑芝麻菲林卷 $25咁啱有最後一盒，買埋佢😁細個飲茶好鍾意叫～～好彩去嘅時候無人排隊，一食完就好多人排！而且買到最後一盒菲林卷，Lucky✌🏻

今次去咗人氣嘅石磨芝麻店舖——暖心之作，試佢嘅黑芝麻食品。店舖係外賣模式，門口經常大排長龍，當日等咗15分鐘先買到佢嘅黑芝麻食品特濃黑芝麻軟雪糕雪糕帶有好重嘅黑芝麻味，再加埋黑芝麻醬喺面，令黑芝麻味更香濃，另外佢嘅雪糕都好滑黑芝麻豆漿豆漿味道較淡屬於微甜，芝麻同豆漿比例調配得恰到好處，飲落時各佔一半味道。另外豆漿入邊嘅芝麻渣亦增加當中口感黑芝麻菲林卷菲林卷甜度調配得適中，黑芝麻味道濃郁，食落亦非常煙靭，放落雪櫃後拎出嚟食，冰凍嘅口感更好味

太子暖心之作嘅黑芝麻糊同黑芝麻豆漿是兩種非常受歡迎的傳統小吃。仲有大推嘅黑芝麻菲林卷。超有黑芝麻味道，而且具有一定的營養價值。黑芝麻糊口感滑順連綿，香氣濃郁。味道亦有足夠嘅黑芝麻味。營養價值：- 豐富的脂肪酸：黑芝麻含有大量的不飽和脂肪酸，有助於心血管健康。- 鈣和鐵：黑芝麻是良好的鈣和鐵來源，有助於骨骼健康和防止貧血。- 抗氧化劑：含有多種抗氧化成分，有助於抵抗自由基。光滑的黑芝麻豆漿同樣擁有濃郁的芝麻香氣，口感細膩！營養價值：- 高纖維：黑芝麻豆漿含有豐富的膳食纖維，有助於消化和維持腸道健康。- 維生素E：黑芝麻是維生素E的良好來源，有助於抗衰老和保護皮膚。- 能量來源：提供持久的能量，非常適合需要體力的日常活動。如果假日下午時間嚟，基本上都一定要排隊，預計排隊時間可能要等15分鐘左右。而且今期亦都有黑芝麻雪糕，基本上每個排隊嘅人都會買黎食。

一直以來都聽過呢間舖頭既芝麻雪糕好出名～今次終於有時間嚟朝聖! 去到門口真係好多人排隊~ 舖頭係外賣店嚟嘅, 有好多黑芝麻嘅副產品，例如芝麻糊, 芝麻綠豆沙, 芝麻卷等等!黑芝麻軟雪糕黑芝麻味道好濃郁, 好香口, 雪糕口感好滑, 好好味😋而且冇因為人多雪糕質地有未成型嘅情況~黑芝麻豆漿(有糖)本身以為有糖會好甜, 但係原來佢係用黑糖, 飲落去只係微甜, 感覺幾健康! 都幾重黑芝麻味, 飲落去有啲芝麻蓉嘅感覺~雪梨燉檸檬茶感覺好滋潤, 唔會太甜, 呢個天氣飲幾啱!下次要試吓個黑芝麻布甸嗰啲先得~