更紗制菓 (希慎廣場)

营业中

休息中

蛋糕店位於希慎B1層 有件裝蛋糕、原個蛋糕、卷蛋及飯團蛋糕 飯團蛋糕係店鋪signature food 幾有特式ʕ •ᴥ•ʔ-✨飯團蛋糕 ($29)分別試左宇治抹茶、楊枝甘露同三重朱古力🍫飯團蛋糕表皮係一塊好薄身既crepe皮 再包住蛋糕 宇治抹茶味道不濃 係甜抹茶 中間夾住好多紅豆粒🫘楊枝甘露味道係芒果味 而三重朱古力夠哂濃郁✨片裝卷蛋 ($16)總共有2個口味 分別係北海道生乳同皇家紅茶 前者牛奶味香濃 而後者紅茶味出 甜度適中 cream份量很足很豐富 蛋糕體夠軟熟✨京都焙茶抹茶 ($39)好少見到會mix埋2款口味 茶味不算太濃郁 但幾香口 蛋糕體夾住cream 及面頭有塊crepe皮 味道幾特別同口感豐富🫶🏻

希慎廣場嘅地庫大改造後. 變成潮流生活空間Urbanhood. 有唔少特色嘅餐廳進駐Saraseihk 就係其中一間. 佢係一間和洋甜點專門店. 傳承日本職人傳統手工藝. 再融入西式烘焙理念嚴選進口、天然食材作為原材料. 以日式工藝彰顯細節. 研發創新口味掀起新派獲大眾追捧的烘焙潮流. 打造令人「歡樂」與 「愉快」嘅和洋甜點主打外型趣緻可愛嘅飯糰蛋糕 、口感層次豐富嘅天使蛋糕以及造型色彩繽紛嘅迷彩戚風蛋糕🍙 飯糰蛋糕 （京都焙茶、Tiramisu 、Cookie and cream 及楊枝甘露）以御飯糰作為靈感創作嘅飯糰蛋糕. 用法式薄餅同埋鬆軟蛋糕呈現紫菜同埋米飯嘅樣既可愛又好食🥚戚風蛋糕（開心果士多啤梨、皇室紅茶、士多啤梨、京都焙茶及70%濃厚朱古力）每件都鬆軟濕潤. 蓬鬆輕盈. 味道亦好特出🍰 Earl Grey and Oreo Cake伯爵茶味非常突出. 蛋糕都好鬆軟加埋Oreo cream好清新

聞名不如見面，公司同事喺銅鑼灣買咗各式各樣嘅飯糰蛋糕，作為散水餅，樣子特色可愛，行過銅鑼灣希慎，忍唔住買返幾舊同屋企人分享！招牌飯糰蛋糕呈三角形狀態，包裝上似足日本飯團，就算喺街食，依足指引絕對唔整污糟隻手指！飯糰蛋糕采用「蛋糕>忌廉> 蛋糕」三文治式，以法式薄餅扮紫菜包裝，十分可愛！意式芝士飯糰蛋糕和曲奇忌廉飯糰蛋糕同樣有內餡，前者蛋糕層用上咖啡口味，芝士Cream包住朱古力粒👍 後者中間竟然夾雜着麻糬，口感煙靭！伯爵茶朱古力飯糰蛋糕，蛋糕層明顯清晰可見有不少伯爵茶碎片，茶味濃郁👍 京都焙茶抹茶切件忌廉蛋糕，賣相精緻，切件蛋糕也毫不馬虎！為了突顯焙茶與抹茶味，將兩種口味分開蛋糕層，切餅層次分明👍開心果士多啤梨切片戚風蛋糕，為了他的顏值而買，整個戚風蛋糕比切片顏色更為漂亮，如果多人食用的話，可以選擇一下！✣ 意式芝士飯糰蛋糕 $29✣ 伯爵茶朱古力飯糰蛋糕 $29✣ 曲奇忌廉飯糰蛋糕 $29✣ 開心果士多啤梨切片戚風蛋糕 $19✣ 京都焙茶抹茶切件忌廉蛋糕

今日路過希慎廣場全新潮流生活空間「 URBANHOOD」被其中一間甜品店「更紗制菓SARASEI」 賣相極型格嘅戚風蛋糕吸引咗，原來這間甜品店的理念是傳承日本職人傳統手工藝，融入西式烘焙理念，嚴選進口、天然食材作為原材料，這裏主打外型趣緻可愛的飯糰蛋糕、迷彩戚風蛋糕、創意甜品杯、北海道生乳蛋糕卷等等每件蛋糕賣相實在太吸引，件件都想食，今日像失心瘋一樣，唔覺意就買咗好多，蛋糕口味非常有特色，而且食得出食材非常高質，而且唔太甜，無論自己食或者和你親朋好友分享，一樣咁適合▪️切件戚風蛋糕系列🍓士多啤梨切件戚風蛋糕☕️京都焙茶切件戚風蛋糕🫖皇室紅茶切件戚風蛋糕💚開心果士多啤梨切件戚風蛋糕▪️飯團蛋糕系列🍫三重朱古力飯糰蛋糕🧀意式芝士飯糰蛋糕🍵宇治金時飯糰蛋糕▪️甜品杯系列🍊日本蜜柑乳酪甜品杯🍫三重朱古力甜品杯☕️皇室奶茶布丁🍰北海道生乳蛋糕卷