書湘門第 (奧海城一期)

营业中

休息中

中秋節正日早放，約左屋企人去奧海城的書湘門第食lunch。餐廳門口有個打卡位，放咗古式農家擺設，同餐廳名幾貼切。呢間餐廳午市主打食木桶飯。有十多款選揀,有雞、牛肉、菜、豬肉等，大部份都係辣椒炒，但係都可揀走辣，照顧到唔食得辣嘅人。我地叫左兩個木桶飯套餐，分別係孜然牛肉同萵筍炒臘肉，另外加錢要左個餐前涼菜、時蔬同兩杯柚子蜜。餐前涼菜係凉拌木耳，口感爽脆，酸酸辣辣好開胃。孜然牛肉木桶飯 - 牛肉幾滑唔會鞋，好香孜然粉味，夠晒惹味，送飯一流。萵筍炒臘肉木桶飯 - 萵筍香脆爽口，臘肉唔會過鹹，味道剛剛好，兩者搭配起來的味道同口感都唔錯。

本身怕食肥膩野 但個香辣脆豬手咬落去外脆內黏軟 好入味 一D都唔油 骨膠原滿滿嘅感覺 推介👍 魚頭非常入味 試咗少少因為本身唔係好識食多骨嘅魚 個人喜歡呢個酸菜魚 因為冇骨 啖啖肉 如果食得落 湯底加薯粉就無敵喇汽鍋雞有驚喜無油 望落好清 飲落帶小小藥材味 夠味好鍾意食薯仔 土豆絲同鐵板土豆片都好好味擂椒皮蛋 原盅上 如果鐘意辣啲 可以盅多幾下甜品千祈唔好錯過 加埋雪糕一齊食 冰火味覺 緩和一下之前嘅辣味 幸福度增加一百倍地方清潔 坐位舒適 員工服務態度殷勤食物辣到可以選擇 適合一家大細

今日帶咗爹哋媽咪嚟依家試吓食湘菜晚飯！開頭都擔心會好辣，但係唔係好食得辣嘅媽咪都食得到！因為佢辣度有得調校嘅😆整體來講都算唔錯！上菜也很快！特別推介豬手（外脆內軟，食落唔會覺得油膩，滿滿嘅骨膠原😂）、魚頭（呢個魚頭好入味，佢兩邊都係唔同嘅辣椒食落有唔同嘅鮮味）仲有個烏雞湯（呢個睇落好清淡但係飲落去味道好濃郁有驚喜！食完辣野飲返呢個湯感覺好滋潤，中和返）😃間唔中食下辣野都幾過癮，出一身汗，下次再嚟😝

在澳海城附近返工，不時會食這店的午餐，木桶飯$100內就有許多選擇，都幾化算。質素也很不錯，特有的香味加上不同程度的辣十分開胃下飯。常不知不覺就會食完一整桶👍🏼一直想個機會試試這裡的晚餐，今晚約了幾個朋友一起來食叫了一些招牌菜，如烤魚等，真的很不錯，嘗試了一個小龍蝦，香辣的醬汁配搭蝦肉十分過癮。而且晚上的氣氛比中午更好，幾乎滿座，熱鬧的氣氛讓人食得更加開懷下次再約多個朋友開個包廂，相信氣氛會更好

今晚想食d 辣野，又想食d 菜，所以黎左呢間餐廳因為一個人，所以只叫左一個雲耳（涼菜） 及乾煱花菜， 諗住快手野啦， 點知。。。等左廿分鐘， 個木耳終於黎啦， 三十分鐘後，加埋中間追左三次， 問個花菜咩情況，打算餸齊叫飯，第一次話幫你追，第二次話追左， 第三次話你都見我地幾忙ga la, 頭先有位都俾你入左先 (我真係多謝你呀，但其實當時都有吉檯），我話我只係想了解下進度，（心諗：炒碟菜要用多過30分鐘？！）之後佢繼續講（下刪幾千字）， 我唯有話如果未煮就取消， 我要走啦， 佢仲要話我碟野未食晒都要計ga wor, 我話我知， 我唔要ga la, 食完ga la(仲邊有心情食呀其實）咁冇計， 你咁忙，我走lor...都幾谷氣，最後個晚餐只食左半碟都冇嘅雲耳。。。見你講咁多野，比多50蚊你做tips 買野飲啦下。。。

老細請食生日飯 (我都係食完先知)本身諗住奧海城二期其他日本餐廳，點知要掛好耐隊，lunch hour 都咁誇張？可能今日星期五，Happy Friday!過咗去奧海城一期 (我第一次過黎呢期食)，一期嘅日本餐廳都超多人等位之前我地見到呢間都想試架喇！因為我之前喺灣仔返工食開「書湘門第」，當時係同舊同事每星期食一次都唔厭！個間分店叫小菜，幾乎得碟菜唔辣，或者用飯解辣，好好食！老細唔食得辣，但奈何我地搵唔到位，呢間lunch有木桶飯食，都係$100內就有，都好多唔辣嘅選擇，本身辣嘅items亦可以走辣！我鍾意食辣，就叫咗呢桶「萵筍炒臘肉」平時打邊爐我都會食好多萵筍當然炒就更好食！仲有用辣椒炒，勁香！萵筍炒臘肉 又幾特別，至少我冇食過呢個配搭，因為有辣味，臘肉咸味都中和了冇灣仔分店個間咁辣，有飯解辣，但我都冇再加飲品了 (要加$)有熱茶，都仲飲得落！木桶飯係幾保溫，米飯好軟熟，食落有另一番滋味食完都滿足但係食完之後 問題就黎喇：食完之後就好唔舒服，懷疑有味精反應，我一向味精過勁都會頭暈、想嘔之類不過我琴晚都好夜訓, 所以都未必全因食物問題所以，短期內我都未必 re-visit.....除非

上菜速度奇慢，超過30分鐘都未上菜，全程顧住炒外賣餐的菜，催完之後就一碟一碟慢慢上。收費完全不合理，衹是喝熱水，收每位9蚊，事先并沒有告知，也沒用明碼標價。而且菜品價格高，但分量少，味道也非常一般，牛肉全是帶有牛筋，咬不爛，臘肉亦都是肥肉居多，且肉又薄又小，完全不值那麼高的價格。並且全程服務態度差。奉勸大家不要輕易嘗試，味道，價錢，服務，三項沒有一項令人滿意。早前都差強人意，但現在越來越過分，完全不值得一試。

夜晚7點去食竟然唔使排隊，仲有好多坐位，未食之前已經上網睇到食評，知道服務有啲問題所以都有心理準備，結果......係真既！個男侍應態度好串下， 我忍唔住串返距，距落完單唔出聲就甘走左去，之後都feel 到距唔想so 我地，個女侍應一來就同我講普通話，我即刻用廣東話覆返佢，佢先至講廣東話，可能呢度好多講普通話嘅食客，當晚所見都發覺好多講普通話嘅人......講返食物，菊花茶隻色好夠黃，不過飲落去完全飲唔到菊花味，聞落去只係有勁輕微嘅菊花味，乾鍋椰菜花同農家小炒肉係勁勁勁多油，機乎八成既豬肉，肥瘦比例係9分肥1分瘦，真係食唔落！應該叫油浸椰菜花同農家肥肉，味道普通，鹹淡適中，不過我覺得未拿捏到川菜嗰種味道，大把四川餐廳煮得好食過佢，份量正常。總結，食過一次就夠，唔會再去，都有啲後悔去左

中午打电话去订餐，因为是holiday，电话开始就先确认有没有午市套餐，店员说有，于是订了两份套餐。然后过去取的时候说今天没有套餐，直接给我replace成单点的菜，价格almost double。。。我说那要不各让一步，送我份米饭，我就买了。两个服务员同时白了我一眼，说不要拉倒。。希望餐厅老板以后可以提高下服务员质量，店员态度差已经不是一次两次了，堂食是也会莫名给脸看。这种服务态度真的是劝退老顾客。。

大角咀奧海城湘菜🌶 書湘門第🥵😵 . .睇到個餐廳名感覺好中國古典風 湘菜係指湖南菜 裝修都有少少似書室既📚📖 ..lunch time 去食野 當然係叫lunch set 啦 有大約8款木桶飯可以揀 價錢係$68-88 (另收加一）全部都係辣既 有d寫住可以走辣🤔但平時都有食開譚仔中辣 就梗係試下呢度有幾辣啦🌶order 左脆荀炒臘肉木桶飯 ($78) 木桶入面其實係一個鋼既蒸籠 原則上係好似蒸飯咁🍚睇埋入面 嘩不得了 得3舊臘肉 荀係好多 飯係個桶底 用🥄畢得好辛苦 同埋非常之辣🌶🌶🌶 食到個胃都熱熱地 嘴都感覺到痺左😂 見其他同事食既雞飯好似得d骨咁🤭 好唔抵 仲要上餐都算慢 要20-25分鐘先有得食🤭

今次係我第二次經網上外賣平台 叫外賣 第一次因為個鴛鴦魚頭王好食但好辣 所以今次我叫嘅時候我打去問佢哋可唔可以小辣 佢哋叫我落完order 先有order number 再叫小辣 點知我打去有個男人聽電話 我講都未講就問我係咪追外賣 我講返件事俾佢聽 佢聽都唔聽就話做好 但我只不過落咗order 冇一分鐘 問完一大輪先知我講咩都唔緊要 最過分係 佢話我一句痴線 今時今日因為疫情周圍都生意差都諗辦法搵多啲客 我仲諗住疫情過後落門市食 但我唔敢想像親自去啲服務有幾差 我終於明白點解有人post 食物一流服務九流

1. 已訂位(10位) ，明明窗邊長枱已有留座牌， 經理却想安排大堂散座(可能想望落多客) ，我出聲，最後都係坐窗邊，但黑面！😤😤2.有蛋糕帶去，員工好兇狠咁同我講， 要100蚊切餅費喎！ 收錢完全冇問題，不過唔使咁兇狠。😤😤3.全程各員工眼神回避，睇你唔到，唔洗做， 唯有大聲嗌～唔該！唔該！之後焗做。😤😤4.食到尾聲(9點未到) ，個經理就係隔籬枱準備明天碗碟， 不斷製造噪音，俾我感覺就係趕客。😤😤5. 收我一百蚊切餅費， 個蛋糕拎出嚟，根本無擺入雪櫃，淋Q晒。😤😤6.蛋糕都未食完(9點) ，個經理就走過嚟，好凶狠咁同我講， 要埋單先喎，都係嗰句，埋單先唔緊要，不過唔使咁凶狠。😤😤7.最後埋單，我全程都以禮相待，亦有額外小費俾個別員工， 但經理黑面+多謝無句，我真係唔知有乜做錯，可能最錯喺嚟幫襯。😤😤若不是母親生日，有大有細，不想破壞氣氛，我早已反枱，可笑的是，態度最差的，相信是該店經理～無下次！😤😤

一入到去甘多張枱偏偏俾張有食物殘渣既枱我糖醋雞塊個醬“結”到不得了冇雞味得粉漿味雞肉基本上一係太淋一係太硬重點係甘細碟要$128蒸水蛋一碟蛋要$60唔係貴唔貴既問題係點樣可以整得甘難食蛋係一d都唔滑蛋入面好多窿重點係甘少蛋佢可以落成碗美極落去我如果唔係“畢”番上嚟我應該腎虧 粉絲要88蚊但可以好明顯睇到佢生粉水落好多肉碎係有沙味道係叫做比起其他2個正常d最後埋單$332抵唔抵真係好睇你點諗但我就真係唔會再食

服務態度極其差的一家店，店裡服務員非常噁心。 每一次食飯都因為想顯示人多而安排顧客到最外邊的座位，靠裡面的位置明明有空位卻不允許顧客就座。 沒有見過一家店會像這家的服務員對客人說「這裡不開放，你出去」。再也不會吃的一家店。 若食店老闆不提高這家店服務員素質和智商，將會越來越少食客選擇。

這裏嘅老闆是我認識多年嘅朋友 不過佢開咗之後幾年都沒有來過 因為唔係特別鍾意食辣真係唔好意思 今次朋友聚舊就嚟咗這裏 原本都諗住聚舊先至係主角 所以都沒有期望要食到什麼地道湘菜 而且朋友係老闆當然餐牌都唔會睇 點知每一道菜都非常驚喜 我唔想食太辣 所以事前都有要求 除咗碟魚頭比較辣 其他全部都係小辣 沒有遮蓋食物本身的味道 所謂的香辣 個人認為係食辣最享受的 席間有人係全素食 原來已經係這間餐廳嘅top fans 又有上海長大嘅朋友都讚不絕口 其中最喜歡的是佢嘅豬腳 椰菜 藥膳雞