曼菊泰國料理 (已搬遷) 新店位置

本身見佢有啲枱可以堂食就入左去入到去發現係企係到食嘅都無乜野之後叫左個船河同雞絲河等野食嘅時候我見有個staff 坐係到食野咁見佢有張櫈無人坐就問：「呢張櫈可唔可以坐架」跟住有個女嘅就用一個好無禮貌嘅態度望都無望咁應左三個字唔。可。以之後心諗算啦食面啦我未食過船河係咁重椰漿味同我係泰國街邊食嘅味大纜都扯唔埋試左一啖朋友嘅就放棄食番自己個雞絲河成碗肉碎仲多過雞肉啲雞似係斬完隻雞嘅頭頭尾尾咁又細粒又碎但個味唔錯咁繼續食埋間鋪入面好熱食到後尾放棄唔食走算本身以為個味真係唔錯點知食完隔左陣個口好乾唔知係咪多味精總知以後一定唔會再幫襯呢間態度咁差又唔合格嘅泰國菜

幫襯過幾次，海南雞飯，無骨鳳爪，海南雞沙律，海南雞撈麵🤣🤣🤣海南雞其實係一時時，我第一次食係覺得好滑，但之後都係覺得肉質一般，無第一次食咁滑，但都吾會好乾好鞋嘅。最好食係沙律，但要食得辣呀！都幾鬼勁㗎!其次係呢個撈麵，味道濃淡適中，份量都適中，女仔食係夠㗎!唯一係次次都要等😒😒，除左無骨鳳爪係係雪櫃自己拎，個麵佢都係即叫即整，要等下!下次一定要試下佢個芒果糯米飯，我因為排第3，我前面2個人，一個叫柚子沙律，都係即時整，跟住係芒果糯米飯，都係睇佢係度批芒果皮，睇見飯係幾隻色，下次試下先

泰式扎肉船河(小)🍜 $25各款船河都有大小揀嘅但因為喺葵廣就會想瘋狂掃街 所以就揀左小嘅黎食啦🤣佢係落完單之後先會整嘅 所以等嘅時間會長少少⏳一拎到手 未食已經聞到好香🤤配料有扎肉、炸豬皮、芽菜等等個湯好濃 但係食多少少就稍嫌有啲咸啲炸豬皮好味😋我中意啊😆其他就正正常常啦雖然係叫細碗 但其實都飽飽地😛

🍗燒雞翼，我鍾意食😋真係不得之了！雞翼嘅受歡迎程度，大到可以有一個屬於自己嘅節日，就係葵廣雞翼節 ！我呢個吃貨當然唔會錯過，一齊慶祝普天同慶嘅日子🎉等我試吓有幾正先！🍗華田雞中翼($15/3)燒雞翼係我嘅最愛，因為可以保持肉質鮮嫩，感覺又冇咁熱氣🤣但係加埋華田究竟係咩玩法？🤔從來冇諗過有呢個配搭🤪雞翼係好食嘅，不過就咁食嘅話，就唔係好食到華田嘅味道，所以舖頭另外有一樽華田粉可以加，加到你夠為止😋🍗蜜蜜燒雞全翼($15)正😋蜜糖雞翼不愧為BBQ之必選項目！點整都咁好食😋不過雞全翼食得冇咁方便，唔係坐低食嘅話，都有啲難搞

葵廣掃街系列之曼菊泰國料理泰式炒粉絲（$40）泰式粉絲，上邊有泰式辣粉如果你怕辣就唔好撈咁多🤗我哋鍾意食辣就覺得好夠味，仲有菜係入面估唔到葵廣嘅炒野都幾有穫氣！立即炒但都唔會太油青檸梳打（$20）食辣野就梗係要配返杯清新飲品，青檸梳打唔會太甜成件事泰國風情味😊

食親呢間都係食串燒，未試過其他泰國野食d串燒同出面價錢差唔多，$12-15一串，基本肉類串燒款都有平時食都係叫雞肉串同牛肉串，雞肉串肉質幾嫩，唔會好老，加上可以自己落沙嗲汁，都幾香但而牛肉串都燒得香，但牛肉好多肥筋，成日食完痴牙

呢個商場野食多...有時間係要食過度過...先知邊間好食..從前覺得平,,,但大勢已貴坦白說,想食咩引人去買既食物,,,係香港泰國食物都算多...今日來到2樓,試一試,,收銀是女生,聽到的是廣東話,有時又說泰文...感覺都好泰國FELL^^再講食物,由於沒得坐係到食,,可能鋪租平...食物價錢都係比其他平,,但最緊要既係食物質素高...

We ordered the cold boneless chicken feet.They are stored in the fridge out front (as seen in photos) and hence were nice and cold.The chicken feet had a good bite to them and the sauce really gave you a true taste of thailand! Fresh spicy and sour. The sour carrot strips added a crunch and different texture to the dish too.

葵涌廣場有2大泰國小食店，2家同樣擴張到在同場開設第二間分店，可見大家對泰菜有多熱愛。今天來到了2樓的「曼菊泰國料理」進食午餐。「曼菊泰國料理」出售粉麵飯類為主，收銀處後的一面牆貼了不少食物照片，賣相甚為吸引。店中也有泰國零食出售，好讓各位無時無刻享受泰味道。而店內設有站立位置供食客立食。等侯期間欣賞了貼在店內的照片，拍的都是店中2位泰國籍廚師烹調料理時的情形。今次點了一個泰式豬肉船河。船河有分大小份量，圖中是大的份量；如果想繼續掃街的各位可以選擇小份量呢。雖然只是掃街小食，但船河賣相絕不馬虎。炸豬皮、豬肉和豬肉丸放置得一絲不苟，再用葱粒香葉的綠色加以襯托。滷水湯底咸中帶有絲絲微甜，咸度對筆者來說來得剛好。河粉索了湯汁，每一口都味美非常。豬肉不算嫩滑，但勝在湯底入味。豬肉丸則有少許豬肉香。吃完船河還意猶未盡的話，門口的凍櫃還有各種泰國糕點供選購。

好耐冇行街了，終於考完試可去葵涌廣場行下街！經過二樓時發現呢間人氣度都幾高既曼菊泰國料理，門口雪櫃放滿好吸引既泰式甜品芒果糯米飯等等，同時亦售賣各款泰國小食同飯麵~ 裡面既廚師同收銀姐姐都係泰國人黎嫁，夠哂正宗！行街行到幾肚餓就決定去試試啦雖然店舖唔算好大，但食物選擇都幾完善，仲圖文並茂添，好貼心啊當日就點左以下幾款美食：青咖哩豬頸肉撈麵$35既撈麵絕不馬虎，豬頸肉有6-7大塊，燒得幾香軟，半肥瘦而且充滿著豬肉脂香！青咖哩辣度都幾高，帶微微椰香，個辣香好有後勁，好刺激😂小編就頂唔順啦😂😂麵質軟硬度適中，可以更加硬身就更好，青咖哩豬頸肉同麵條三者撈均一齊食好正另外點左兩款小食：炸蝦餅同雞卷炸蝦餅已切半，蝦肉比例都幾高，所以食落幾彈牙且帶有蝦肉香！雞卷外型小巧，感覺平平無奇咁，但其實內裡好好味架，味道有少少似雞肉漢堡扒，點啲酸甜醬一齊食正哦

<立食泰菜>😋喺葵芳站既葵芳廣場太多野食 而我發覺左呢間細細 既泰菜 有少量座位 係企喺度食 亦見到好多人外賣 除左企之外基本上食物同平時泰餐廳係一樣😋 而且價錢抵食 正🔥🍴曼谷拼盤 40 蚊圓形一粒既係雞丸 好有咬口 有啖啖雞味 🐤圓柱體嗰個係 魚卷 魚味香夠彈牙 🐟仲有爆炸魚卷 好脆身好有鑊氣 啖啖魚香 , 仲有香脆既泰式蝦片🦐 4 樣野都好足料 點埋泰式甜酸醬好正！🍴豬脾飯 45 蚊🐷🍚首先佢勁多白飯 白飯底有幾多菜 好抵食😋🍚🌿 豬脾大大件 個豬皮勁嫩滑 d汁好香濃入味 而佢既豬肉口感都好軟滑🐖加埋香蒜同酸辣汁調味🌶 冇得輸🍴鳳爪沙律 25 蚊🐤🌶用膠盒裝住既沙律 泰式沙律酸辣開胃 有好多洋葱 新鮮青瓜青豆做底🥒 鳳爪完全冇骨 去骨得黎保有筋位 所以爽滑有口感 係一個好好既泰國前菜😀#泰國菜 #魚卷 #泰式拼盤 #豬脾 #鳳爪 Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：

前幾日同左公司一個好得意既妹妹仔同老公去葵廣掃街(係又去🐽🐽)多個人多個胃梗係要食多啲野喇！__________________________🔹雙色芒果糯米飯 $30糯米飯煮得好軟糯但又唔係太糊爛，上面仲加左甜絲絲既椰奶同脆脆.雙色係綠色代表既班蘭同白色原味，班蘭味道偏淡，唔太食得出。上次見人食仲有埋黑糯米，不過我估夜晚賣晒.芒果都幾大舊份量幾多，仲要幾甜下，配埋糯米飯就perfect池。唯一就係椰奶可以再多啲.🔹椰汁西米糕 $15一盒3粒，我私心勁中意食！上層椰奶味超濃，下面仲有一層西米粒，成個糕仲有一層泰菜獨有既蕉葉味，感覺好似置身泰菜餐廳！.🔹鳳爪好爽脆味道酸酸辣辣，而且已經去左骨，好方便食！

葵廣真係好多野食😍 行過見到少有既泰國菜 於是就決定試下😋 呢間雖然都係小食店 但都有2-3個企位 唔想行住食既話都可以考慮下! 泰式蝦餅 ($35)熱辣辣即叫即整 外皮好脆 蝦肉彈牙 點埋泰式辣醬 正! 泰式拼盤 ($40)淨係食蝦餅當然唔夠皮啦😆 裡面有泰式魚條 雞卷 爆炸魚蛋 同蝦片 每樣都有四五件 份量都幾足!😳 魚條香口唔膩 雞卷一口一件 入面仲有d粉絲添~ 爆炸魚蛋好有魚香 食落淋淋地 口感幾得意 (雖然我唔明點解叫爆炸魚蛋😂) 蝦片就夠脆有蝦香☺️ $40抵食啦! 見到呢度仲有各式各樣既小食飯麵甜品飲品 歡迎大家外賣~ 今次試唔到太多野 下次我就想食芒果糯米飯啦🤤

海南雞飯控之嚟到葵廣都要食海南雞飯😂 葵廣好似有好幾間泰國嘢，見呢間有泰國人坐鎮自然加分😛 雞飯四十蚊一盒正常價位，但飯量超多，同埋比較特別地個油飯帶陣微微嘅椰香，而雞件都好嫩滑下。另外仲叫咗兩款炸物，即叫即炸新鮮熱辣到辣親個咀，超鐘意佢個爆炸魚蛋，雖然唔知點爆炸法又由圖片嘅長條型變成圓型，但好鐘意佢外面脆卜卜入面彈牙得嚟又帶點煙韌感好過癮，反而朋友就鐘意雞卷多啲，入面有陣微微嘅泰式酸肉味係幾香嘅😌

收工唔想煮就一定係買外賣返屋企食葵涌廣場多嘢食就好多人知但正宗泰國菜真係無諗過會有啊！老闆係泰國人 點左餐後佢都係用泰文叫員工整嘢食啊海南雞飯同豬脾飯好夠味海南雞滑 豬脾又好淋好入味仲各有1款汁點架 正！而且飯仲好多 好抵食。三式甜品好食椰汁味重各有特色