有料案內所 (井財街)

营业中

休息中

終於有機會試下「炙燒焦糖布甸麻薯窩夫」🧇。今次叫左外賣，都驚佢會淋晒，但估唔到依然咁香、咁有口感，外脆內軟，煙煙韌韌，真係好好味👍🏻😝 雖然個價錢就貴啲，但我覺得都值得一試！

呢間有料案內所食過好多次，佢地嘅甜品基本上係會食上癮。今次試左tiramisu 梳乎厘同搽茶latte, 兩樣都好好食！不過tiramisu 疏乎厘上面嘅tiramisu cream 就覺得少左啲，唔夠喉，同唔夠咖啡味，如果再濃味啲就仲正！搽茶latte好飲，綠茶味唔苦，清清甜甜咁，岩晒食住甜品咁飲

🥰本身其實想去試佢個梳乎厘班戟，點知可能係星期六我又太晏（3pm後）嘅關係，所有班戟已經賣晒，唯有試個食評比較少見嫁啦。🧇 Oreo朱古力窩夫😋主角窩夫雖然係朱古力味，但係其實食落佢有朱古力幾香但唔會因為佢係朱古力而太甜，雪糕有唔同嘅味道可以揀，而且配菜仲有香蕉。雖然望落去好似好大份，但係其實窩夫外脆內鬆軟，食落唔會太飽，但對女仔來講呢個份量真係會食唔晒！🥛芝士奶蓋四季春😋芝士奶蓋好濃厚，而且挺身，唔會溶晒落個茶度，而四季春茶未比想像中濃，叫咗少甜唔太飲到甜味，所以正常都應該唔會太

看到餐廳內的歌舞妓町招牌和固力果燈牌，應該不會想像到它是一間甜品加小食店，連餐廳名稱都相當頂癮！餐廳的招牌梳乎厘班戟，我選了oreo朱古力流心口味，班戟質感鬆軟，但個人覺得少了一點回彈的空氣感，份量亦頗少，不過配上oreo餅碎和雲尼拿雪糕吃整體還是不錯的另外想吃咸的所以隨意點了關西章魚燒，味道正常普通，章魚燒每一顆內裡都有一粒章魚，粉漿比例亦不高

雖然住喺呢邊 都聽人講話呢間既甜品好食趁同朋友交收手信 就不如試下佢啦～-餐廳座位比較窄同埋係吧枱 感覺比較逼同坐得唔算好舒服侍應入座前比低左QR code我地scan 自己落單無特別同侍應有交流-餐廳有最低消費 每人要叫一個甜品如果胃口比較細應該都食唔晒😮‍💨-芒果芝士奶蓋富士雪山 $43雪山份量好足 芒果夠甜 加埋奶蓋都無覺得好漏食到一半發現中間仲有芒果雪糕 變左有多啲野可以食🤣🤣不過都食得出雪糕係啲平時買$10/2球既平價雪糕 味道比較假 係扣分位😕-炙燒焦糖布甸麻薯窩夫 $73雪糕、雪糕醬同配料可以自選我地就揀左綠茶味雪糕、朱古力醬同玄米粒粒雪糕就同芒果雪山既雪糕一樣 都係啲平價雪糕入口第一秒都有綠茶味 但下一秒就無左😂😂😂但個麻薯窩夫真係好出色！新鮮熱辣整起 窩夫外層香脆 但內層麻薯煙韌 同時唔會太難咬開/切開 好好食😋加埋焦糖布甸醬 係一種新體驗 如果啲醬多啲就好了🤭🤭不過缺點就係食晒真係會好飽 自己一個人食真係未必食得晒😮‍💨-明白餐廳都想搵多啲同保證有一定生意額先會有最低消費但係對於啱啱食完飯又再食啲咁飽肚既甜品好容易會食唔晒即使我7點左右食完飯到9點幾先食甜品我都覺得

平日的晚上7時到達餐廳，餐廳內的座位尚有一半。但女侍應卻要求我同朋友坐在左右都有客人的枱，而張枱有一半位置都被令一個客人放置了一個大的袋，但女侍應卻堅持要我們坐，卻冇幫忙叫擺袋的客人移開/協助客人擺放。而女侍應就繼續全程沒有任何尾音去招待/介紹使用QR code/上碟。而由於座位是吊腳又沒有任何東西承托腳，又被一個大袋迫住咁食嘢，成個過程感覺係真的很差。甜品不過不失，但這樣趕客的環境同侍應的態度都令人卻步！！！

入開屯門食完晚飯行行下街想食個甜品～經過見到呢間有啲甜品有疏乎厘就就入去試吓。呢間嘢都好多食物選擇，除咗甜品有疏乎厘，涼粉，窩夫，特色嘢飲咁。仲有大阪燒，炒麵同炸物添～最後揀咗一個梳乎里班戟，滿足下食甜品嘅慾望。🍫Oreo朱古力留心梳乎里班戟 兩個疏乎厘唔係好大哥，上面有啲cream同灑上Oreo碎～疏乎厘入邊有d朱古力醬，一切出嚟嗰下流晒出嚟似流心朱古力蛋糕咁，食落去有疏乎厘QQ軟熟嘅口感，連埋醬一齊食有蛋香得來配合埋個朱古力甜味好好食。啲Oreo碎又增加咗咬口感，連埋個朱古力味嘅雪糕一齊食，真係大滿足！感覺都好balance～～我個朋友都好鍾意食～

之前想試好耐，聽朋友講真心好食，結果一試難忘Oreo凍朱古力流心梳乎厘班戟 $88本身同frd食完lunch，想食吓甜品，驚太飽所以淨係嗌咗一個，冇lum過咁大份。本身覺得少貴，但原來係二人份量。個梳手厘係即叫即做，所以食落暖笠笠，入口即溶極推!不過因為即叫即做，梳乎厘班戟製作需時，如果趕時間，最好預留20-30分鍾凍水蜜桃梳打 $28覺得梳打味道普通，冇咩特別。可能都係梳乎厘班戟出眾啲 整體味道唔錯: 9/10

每次坐車經過都話要黎試，但一直見到都係好多人，今次終於入去試炙燒焦糖布甸麻薯窩夫即叫即整新鮮熱辣辣咁上枱，仲伴隨兩隻貓咪紙牌裝飾，裡面有麻薯夾係中間又好煙靭、加上醬撈埋雪糕一齊食好好味😋 食過咁多間呢間唔算好甜接受到， 不過唔知道原來個份量都唔細 仲叫多左其他野食😂意式triamisu梳乎厘揀左雲呢嗱加朱古力醬，前面食左個窩夫仲擔心梳乎厘一樣好大份食唔到🥹 不過比窩夫細d ge 鋪頭寔幾有心機搞裝飾、印埋有貓咪樣既模聞到好香蛋醬味、夠軟熟、有淡淡咖啡味又唔會好甜，非常好👍🏻

經過見好多人排隊，第二日早去到就即刻入坐，座位吾多，都差唔多坐滿人。最想試係梳乎厘，一坐低就有店員比張有QR CODE既紙你掃描落單。 即刻睇梳乎厘個頁，好多款都想試，最後叫左丸子紅豆抹茶梳乎厘。熟食就叫左 深夜食堂大阪燒，炒麵。 飲品就點蝶豆花荔枝飲。一上菜就馬上打卡，就係你哋面睇到個d，係咪好吸引到流晒口水呢？米住，我講下口感先，飲品最先上，試過同出面既差唔多味道，都係吾錯架啦！大阪燒同炒麵加左“深夜食堂”四個字就令人好想食左先講。 大阪燒好多蔬菜，上面有我最中意既木魚碎，煮得剛剛好。 炒麵好入味，上面隻蛋同炒麵好夾。梳乎厘就冇想像中甘鬆軟，比較實d，配曲奇雪糕都吾錯，如果係抹茶雪糕會更加分！

芒果芝士奶蓋富士雪山$41 ❌因為係刨冰 啲冰係好粗糙好大粒🍧唔係嗰d綿綿牛奶冰 我鍾意牛奶冰多d🤣裏面仲有雪糕 奶蓋一般 一路食 又要咬碎冰唔推 唔會encore!意式Tiramisu梳乎厘$86⛔️疏乎厘幾有蛋香 輕盈🥞入口即溶 但係價錢貴又未好食到要encore!嗰時等左20分鐘到～呢個價錢其實貴完全唔使特登去食 ！📍屯門井財街15號金銘大廈地下3號舖（total 有兩間分店）

▪️炙燒焦糖布甸麻薯窩夫 ($68)🧇超大份嘅窩夫大份到兩個人都食唔晒🤣原來佢啲麻薯係充滿成個窩夫 而唔係一粒粒喺入面所以食落煙煙韌韌同時勁飽肚面頭有焦糖脆同焦糖醬 怕甜人士請注意😗⚠️而且可以揀唔同味嘅雪糕 我哋揀咗曲奇味🍪▪️熱情果靜岡烏龍 ($24)唔會好甜~淡淡的熱情果同茶味🍹.✍🏻整體:晏就5點去都坐滿左一半人~窩夫超大份可以最少三個人食🤣下次去想試佢嘅咸食😋

屯門咁多餐廳同甜品屋，有料案內所呢個名話大唔大，話細唔細。但佢地嘅梳芙厘真係好出名，好好食！！！朋友專登入大西北就係要食佢！！我地揀咗朱古力流心嘅灸燒焦糖布甸梳芙厘pancake去試，口感軟綿綿，入面嘅朱古力唔會太甜太漏，配搭朱古力雪糕真係無得彈。店員仲畫咗個好得意嘅公仔上去，喂呀，之前唔係有屯門牛嘅旗仔咩？我想要呀😂😂另外我地再揀一個西瓜芝士奶蓋涼粉去試，西瓜中和咗奶蓋嘅甜漏，而奶蓋又豐富咗涼粉嘅味道，食落同一般落花奶嘅感覺好唔同，而且除咗西瓜之外，仲有芋圓同白珍珠，呢個配搭好好味。仲有好多野想試，不過部份見到已售罄好可惜呀，下次要再嚟食先得😂

講起屯門甜品一定會數到有料案內所座位全部都係高枱 比較狹窄以日本signature嘅歌舞技町燈牌同固力果跑跑人做裝飾🇯🇵呢度最低消費係每人一樣食品/飲品🍮可惜已經冇之前咁好味😢·Oreo流心朱古力梳乎厘 🍫🥞 $88朱古力雪糕 朱古力醬 玄米脆脆蛋味尚存🥚 可惜略欠入口即溶嘅texture 見youtube入面嘅朱古力都有流心 但我食冇🥲·炙燒焦糖布甸麻薯窩夫🍮🧇 $73曲奇雪糕🍪 焦糖醬 玄米脆脆入面有厚厚嘅麻薯 但成個麻薯窩夫偏咸 可能太少麵粉 冇左麵粉香 同略欠微脆嘅口感布甸冇乜奶味加埋微咸嘅麻薯窩夫就怪怪地🥶

等左1個鐘，差唔多到飛左10幾張，由120幾飛到140幾，仲有2張到我，但佢照補返比走咗啲人啲飛。佢話係老細規矩可以補😀下次應該可以拎定飛，反正佢都補飛比人😀