影片
以上资料只供参考，请与餐厅确认详情
位置相对辟静，但似乎亦不乏支持者。见多种烧味嘅外观好似都唔错，试咗叉烧、烧肉、同烧鹅。 叉烧要半肥瘦。 表面微微焦香，肉质非常鲜嫩，制作叉烧所用嘅肉质应该相当唔错。 有趣系老板虽然相对后生，但系叉烧上面会好传统地淋上咸中带少少蜜糖甜味嘅烧味汁。烧鹅皮烧得香脆，肉质嫩滑而带一种鹅肉嘅微微粉红色。 鹅肉鲜味，有少少肥，味道唔错。烧肉偏瘦不过唔嚡，烧肉皮松脆可口。本来仲想试埋炸乳鸽，可惜嚟得太早要晏啲先有。 下次要拣啱时间嚟试埋佢。
继续阅读
36蚊双拼饭，抵食夹大件！ 🤑今日第一次帮衬有乐烧味，系诊所成日听披唇讲呢度嘅烧味饭好抵食，所以就嚟试下！ 🤩 不过我哋行过嚟有少少远，试过有一次未开摸左门钉🫢🫢36蚊就有个双拼饭，真系好抵！ 虽然价钱平，但系份量一啲都唔少，啱晒我呢啲大食怪！ 🤤今次我拣咗烧肉同烧鸭双拼，烧肉皮脆肉嫩，烧鸭肉质 juicy，味道都唔错！ 👍🏻 配埋啲饭同菜，都够饱肚！我朋友仔就食叉鸡饭，对方都好满意😂总括嚟讲，有乐烧味嘅烧味饭真系抵食夹大件，啱晒想食平嘢嘅朋友！ 👍🏻 下次想食烧味饭，都会考虑再嚟帮衬！#有乐烧味 #烧味饭 #双拼饭 #烧肉 #烧鸭 #香港美食 #抵食 #平民美食 #食好西 #相机食先 #手机食先 #hkfoodie #foodiehk #hkeat #foodphotography #foodlover
继续阅读
有乐烧味既烧味色香味俱全，咬一口令人回味无穷。叉烧肥而不腻，脂肪入口即溶，肉嫩味鲜。烧肉香脆可口，焦黄透亮，香益四方。乳鸽酥脆鲜香，汁多美味，令人垂延三尺。总括而言，烧味质素非常高，丰富多样，真系百食不厌。店内装横非常前卫，我很喜欢。衰在成日好快卖完，想食都冇得食。一定会继续多d帮衬支持～
继续阅读
住喺土瓜湾咁耐，一直都知道附近有间口碑好好嘅外卖烧味舖，除咗烧味外，又推出咗唔同口味嘅班戟，不过因为好少经𠮶边，所以虽然已经视试好耐，一直都未有机会试。上个星期五去咗附近买嘢，一于试咗个班戟先，买咗个星期五限定嘅榴梿班戟。打开一睇，个班戟都算大件。叉开可以见到榴梿肉唔算太多，好彩食落都够榴梿味，唔会得忌廉味，整体计埋价钱嚟讲都算系一个性价比高嘅榴梿班戟。下次一定会试埋烧味同其他口味嘅班戟。
继续阅读
帮衬咗几次，试过叉烧、烧鹅、油鸡、猪大肠，全部都好好食。我就最钟意油鸡🤤就算系一粒卤水蛋都好好食。老板每次切嘅时候都好细心，会问客人想要肥叉定瘦叉，绝对系一间好有温度、好有诚意嘅烧味店，值得支持。近排知道老板出埋芒果班戟，即刻WhatsApp留定，如果唔系就好快俾人买哂。班戟好有惊喜，你估唔到一间烧味舖会有班戟食，饭后甜品一流👍🏻👍🏻相比起连锁餐厅或者其他平民小店嘅烧味，我觉得呢间有乐烧味系我食过最好食嘅👏🏻👏🏻希望继续「好生意」啦💪🏻💪🏻我迟落几个巴士站都要行过嚟帮衬🤤
继续阅读