朗益燒味工房 (已結業)

前兩日去左北河街果間朗益燒味店，食左個$15蚊既燒味飯。點知今日經過開西九龍中心，對面竟然有分店，仲要比上次更多人。原來一樣係$15蚊就有個雙拼燒味飯！我又黎膽粗粗買一個，睇睇質素同前兩日有無大既分別。今次比較人多，等待既時間比上次長，但店員手腳都算快，唔算等太耐。返到去打開燒味飯，都有驚喜！我叫既係普通切雞燒肉雙拼飯，竟然有切雞肶，$15蚊有雞肶都幾好。另外燒肉皮脆，似乳豬皮，肥瘦分明，岩岩好。驚喜十足！

昨日同朋友中午去深水埗買野後搵地方食午餐，行到基隆街呢度，見到呢間「朗益燒味工房」門口勁多人。同朋友認為，咁多人圍住幫襯，應該都唔會差既。之後行去門口，見到一個幾奇怪現象，無咩人堂食，反而勁多人等外賣。都好，堂食無咩人，可以坐得鬆動D坐低見到個餐牌，見到價錢唔貴，最後叫左一個三寶飯。見到碟飯好大碟，有燒鴨、油雞同燒肉。因本人一向對燒鴨印象唔太好，出面好多時食既燒鴨，D肉都係好硬，成日都會有D肉留在牙縫中。但呢度既燒鴨真係超乎我預期，因為我咬落唔覺得覺得唔硬，而且食完都無咩肉留在牙縫中。油雞就正常，但呢度既薑蓉好正。蘸完薑蓉既油雞，都變得好食D。薑蓉撈飯食亦一流。最後都要講埋燒肉，又係超乎我預期。因為燒肉已經凍左，無咩期望。但估唔到咬落係勁香口、仲超脆，正。之後加多罐可樂都係加多$3，又係好平。總結，平、靚、正，性價比高的燒味店。如再去深水埗，會再去幫襯。

態度惡劣都算了，$15個飯我忍你今日收工去買飯食，要叉油雞飯，明明仲有幾隻油雞掛晒係度，師傅好惡「得」我一句「無油雞喇！得切雞」咁是但啦，照要呀姐比盒飯我果陣，成盒飯連膠袋跌左落地，個呀姐扮晒無事比盒飯我我要求換，呀姐唔肯，仲喝我「快d走啦」好似當我乞衣咁，真係勁嬲都知d呀姐態度一向唔多好，佢地就係咁返去打開盒飯，所謂既切雞只係得幾塊雞皮叉燒勁乾又少、飯又得一半，到底想點？唔想做外賣不如唔好做啦？都唔係比人食既

單 /双併燒臘飯 $15 眼下平通港九切雞飯 燒鴨飯 义燒飯 都份量足有時有驚喜 仲有脾位白飯用米靚 有飯香 夠腍 軟 滑 伴菜心1條 有心白灼冇落味夠晒清燒肉飯 燒肉冇皮！？燒肉好味道 但最近幾次買都很差之前買2盒 都係"燒肉冇皮" 全部係咸肉今次好啲 有2塊皮 其他係咸肉 ……滷水鴨下巴(鴨脷) $20 有8件 份量多滷水唔香 濃甜味但又很咸

朗益D燒味飯真係平到笑，$15元一盒仲可以單雙拼，而且我近兩日去睇過，仲有腊味飯供應，全部又係唔過$20元，真係好抵食呀，+$3元仲可以配例湯添喎，燒味份量相當足夠，呢度嘅叉燒同燒肉係最好食

收工想買個飯盒返屋企填飽個肚就算,平平地睇落都0k,去同大媽叫飯,佢已經玩野 我"一個油雞飯呀吾該"。大媽"油鴨飯"。我"係油雞飯"大媽":油雞幾多個？"我"係一個油雞飯"我望住張寫住我個no.同個"由"字既紙黏喺飯盒入面,但我離遠見到阿哥好似切左D白切雞放入去。大媽叫我no.時,我再問一次,係咪油雞,大媽"係!"。我拎個飯行開人群,一打開,真係白切雞。我走反去見另一個阿姐企喺度，我"我叫油雞你地比左切雞我"。大媽一副不屑的樣子,好似係我有錯咁。阿哥撘咀"油雞要等喎"我"你地冇同我講喎"。吾洗半分鐘,個油雞飯已經比左我。我以為食omakase?你切咩我就要食？？成排油雞排响度都吾切,借D意整個幾舊有骨冇肉既切雞，合埋個蓋就當人地吾知？我也是有消費吾係食免費午餐!永遠都冇下次

食，在我来説一般有兩個目的， 一是為享受, 二是為飽肚. 食15元的飯盒享受應談不上，為飽肚而已。在這一點上他們做到了。飯很多也算粒粒分明。餸也算多。义燒,燒肉,切雞的質只可説能入口能做到飽肚目的. 也一提,門口幫忙外賣的大嬸有著壯男般的口氣. 15元嘛,那會包括禮貌呢？

早聽過這店賣的燒味飯十分便宜，今天就慕名而來見識一下。去到門口已見十個八個顧客持號碼卡等取飯，前來購買外賣燒味飯的顧客可用絡繹不絕四個字來形容。抬頭看看價目表，單雙併飯價錢都是15元，以現今物價水平來看簡直令人難以置信。付錢買了三盒，約等了十多分鐘就聽到職工阿姐叫我的號碼，取飯後就回家細嘗。開盒一看，燒味和飯的份量非常充足，而令我最欣賞的是每盒飯都附有菜心，這點相信很多燒味飯店都未必能做得到。三盒飯的燒味製作頗認真，食落感覺肉質鮮而不韌，調味恰到好處，加添落飯的豉油份量亦適中，而飯的軟硬度亦控製得宜。總括來說，該店的出品完全達到其他燒味店的水平，但價錢祇是其他燒味店的一半甚至更低。或許該店是採取薄利多銷的政策，對消費者而言確是具備相當大的吸引力。

深水埗朗益燒味。今日又行過，當然俾個主打$15一盒雙拼再次吸引到，大盒得嚟，質量亦都高😎最有趣既係，我盒飯D燒肉，肉就切開晒😂但塊皮就無切開到，大大塊燒肉皮直接食，果然有另一番風味🤤

燒鴨鹵水蛋瀨粉😎$10 (下午茶，只限堂食)🤩深水埗朗益燒味工房👍早幾日，經過見到，可惜個日趕時間😢好彩今日咁啱經過，又遇啱時間，唯有就親身試下啦😋燒鴨好新鮮，雖然唔係靚嘅部位，但絕非隔夜貨😂而且仲有半粒鹵水蛋同埋蘿蔔添😉呢個價錢，不能要求太多，所以係絕對絕對絕對超抵食👍

本身想去西九龍食飯，但途經哩間燒味鋪，大大隻字寫住單雙拼都係15蚊，就被吸引住，其實門外好多人排隊，好奇心都會望下咩事，之後買左叉燒油雞，15蚊只限外賣，簡直係良心食肆。

真係咁抵 一齊嚟睇……燒臘店前人山人海 人龍原來係等外賣飯有人排隊就好奇…… 有咁著數 點都要試吓年初一至初四係20元 都底食15元燒味飯 單雙併都得 可講埋要汁 要薑茸 重有2條菜心講真…… 打開飯盒有驚喜 燒味份量多蜜汁义燒 肉軟淋 有蜜香味燒肉 係沙梨篤 大大件肉 有啲干 皮脆卜卜 燒鴨 肉香 脆皮帶油香 上脾白飯1盒 軟熟 啲飯係咬得開嘅 食飯冇胃痛 正米例湯 $3元唔貴 但買過2次都唔得 第1次 青紅蘿蔔湯 味非常淡 當然比水好多第2次 年藕甘荀湯 就咸味重 似加水煲過 仲有微酸諗住打電話通知店鋪 等下一位顧客唔使賴嘢但電話長打冇人聽 已盡力了 問心冇愧呢間嘅燒骨腩 $148 寫明要搭嘢燒鴨 每只 $120切雞 每只 $100比較起北河街明哥就貴少少($20)不過“朗益”好味啲

聽講呢間燒味呢期紅到爆，所以特登黎試一試。$15蚊呢個價錢已經物超所值，因為個飯盒份量十足🤤🤤🤤味道都都ok！但係，唯一美中不足就係點解無啦啦有兩件肥燒肉有毛嘅🙄🙄🙄。

深水埗有一間良心飯店，非常多人光顧，大排長龍，在所難免🤷🏿‍♀️，多給一點耐性吧。本身點了個叉雞飯，但是見斬料師傅，跟收錢阿姐，你一句我一句🗣，又說叉燒賣光了，又說不要賣票。其實我都不知道究竟我拿走的飯盒，是叉雞還是燒肉雞飯，但是沒所謂，反正都是豬肉，就當作是出奇蛋一樣，打來有驚喜💥，更加特別。以往在元朗工作，也經常光顧一間燒味舖，號稱＄18燒味雙拼飯，我覺得那時是那間燒味店（利興），質素也不算太差。竟然有人表示＄18的飯盒是不是死雞死鴨？我不敢心底吭聲了一下，難道你吃的燒味飯是鮮雞刺身丶生鴨😆來的？現在這一家深水埗的燒味店，報道報稱也是良心食店，還可能允許熟客賒數😯，孰是孰非，無從稽考。幫襯當日是紅色假期，看到餐牌右邊寫着單雙拼均＄15，於是排隊，點樣一個叉雞飯。只是十多元的一個燒味飯，但是叉燒質素也不錯，當日不要期望是半肥瘦、或是什麼拖地叉燒、或是充滿麥牙糖香甜醬汁的半肥瘦叉燒。但是叉燒四五片，也不算太瘦，不會太乾，至少比起稻香酒樓、甚至乎有陣時太興所給你的叉燒更加出色🤘🏿。雞普普通通，但是最少沒有雞毛，肉不算太多，但其實，的確跟稻香的飯盒沒有什麼分別。最大的分別就是，稻香的雙拼，還

我自認是一名平凡的人物，跟大多數生活在地球的平民一般，每天努力工作，讓生活能夠更美好。幸運的是我現今的工作也是我的興趣，所以不像其他打工仔那般行屍走肉的過著。再富裕的人也不可能每天大魚大肉，毫無節制的吃，就算肚皮受得了，健康也會出現問題。深水埗很多人都生活在水平下，搬來這一區生活，我這個外國人才真正體驗到香港人是如何生活的。香港無疑有許多有錢人，但那畢竟跟窮人比起來還是小巫見大巫。香港不但物價高，房價也貴得嚇死人！我不怕跟人説我喜歡到處找平價食物吃。無論我去到哪個國家，都會喜歡融入當地人的社區去生活。我不是想說我是有多麼與眾不同，反而我覺得自己跟大眾是一體的，沒有貴賤之分。朗益燒味工房的出現無疑是我們小人物的佳音。我沒想過香港還有食店會售賣$15的燒味飯盒。經過店面外頭，衹能用 mountain people, mountain sea 來形容。開始我還有些懷疑，覺得$15的飯盒一定是又少又無料。我前後幇襯過四次，所以大概知道叫甚麼燒味最好。So far, 叉燒是最讓我失望的，因為太肥了！所以記得不要 order 啊！其他如，燒鴨、燒肉、油雞白斬雞和燒雞，都不錯食。從我附上的照片中，你