木兆小品 (荃灣廣場)

营业中

休息中

餐廳採用Q R code落單非常方便，但職員配合不上就衰過人手落單。兩份早餐，－份可以自己落單，另外一份餐牌有，Q R code冇，要要求（招手見到都唔過嚟，要叫）阿姐落單。劈頭第一句係：自己QR Code落單😵落到使鬼叫你呀！自己落單嗰份，明明叫煙肉，到上枱，冇人提過是冇煙肉供並自動轉為火腿，阿姐更理直氣壯話：我地公司係冇煙肉過喎。雖然食物大致正常．若果流心蛋為固體及食物不是自己揀的都可以試吓囉

在附近上班 過來買吃的，外賣等了一個鐘 我叫了鹹肉炒椰菜花 最後看見有個外賣擺係到 我問佢 個侍應仲要話 炒左個乜牛肉番茄比我！因為椰菜花沒有了，仲話一直挽我，我真係想講 我企係到好耐，等左甘耐，最後得到嘅係自己唔食嘅野，我話：我食唔到 個侍應話我再揀過 認真！唔通我再等一個鐘？ 服務差到爆，呢個鋪頭老闆唔該你比多d錢請多d人手la 呢個牛肉番茄蛋 牛肉就幾塊 甘樣都可以囉黎出餐？ 特別差的服務，以後不會再選擇，試過幾次，唔係漏野就係其他問題

服務態度超級無敵差的一家店，感覺距離倒閉不遠，食物款式是大眾化種類，味道十分普通，飲品推薦是可樂，因為不用調，奶荼味道差，至於環境是乾淨的，只是服務態度太差勁，没有想過連付款時，態度也可以做到非常差，绝對不容易

餐廳職員態度非常惡劣，餐廳落單app非常奇怪，好難操作，問職員點用app落野飲，有一個職員話自己新黎既唔識喎，態度非常差，唔識唔緊要，但態度唔該好少少啊。而且舉手叫啲職員，好耐都冇人過黎，打電話去叫外賣又冇人聽電話，每次等外賣等好鬼耐先有得攞。以後真係唔會過黎幫襯！

泊左車係荃灣廣場 為左要換🆓free parking🅿️咁就係商場內搵食食啦隔離個個話佢好肚餓 好想食飯 🍚🍚經過見到餐廳排緊長龍 原來係就快下午茶🕝羊群心態🐏🐏🐏 見人排隊就一齊排🫣🍴咖喱牛坑腩飯 呢個係午市餐牌 所以要$58 包熱飲份量正常 都幾多肉🐮🐮咖喱汁有少少似 日式咖喱🍛有有少少甜🍬 又有少少辣🌶️男朋友極速清碟 唔知係太好味 定 我餓親男朋友🫣🫢🍴即炸脆雞髀配脆脆薯條 呢個係下午茶餐牌 所以平啲 $35 包熱飲隻雞髀🍗就係即叫即炸 一咬開係出哂煙架🌬️🌬️差啲辣親條脷👅薯條🍟已經灑上左少量辣椒粉整體都算唔差 係服務要改善下可能太忙 唔夠人手 叫左好耐先應機之後又上錯野...但至少食物好食

有個細個中年女侍應，戴眼鏡，中分黃頭髮，講野又兇又急，真系被佢嚇死啦！自己講話唔清唔楚，仲大大聲對著客人講。食物普普通通冇咩特別，飲品一般般，叫左凍檸水，都無新鮮檸檬。

入場無招呼，自行搵位坐。舉手好耐，d侍應見到唔會走來落單，要叫才走來。問佢為何點解舉手咁耐唔落單，是無回應。有問題要去睇醫生或訓練下。食物品質質 ok好食，但請d人唔得。

午飯牛坑腩唔淋又硬，不要點，份量小，眼見其他餐份量都算小，環境尚可，性價比低，飲品尚可，可以食其他都不要選此間，座位都算可以，要飽肚就去食其他，員工算快手，但食物水準一般以下

Lunch time 諗住試下，見佢都多人係餐廳食嘢中，等左差不多5分鐘先有人幫手落order, 12:50 落order, 等左成20分鐘都無野食， 中間追左3次， 次次都話黎緊， 眼見其他人有野食， 飲品又快出左，可惜追個3次根本唔見有去追！ 😡😡😡😡😡最後比返單佢地即走人！ 仲要話黎緊黎緊！ 要心發火鬧「我要返工呀仲等😡😡😡😡😡」 無下次我一定唔會推介比同事去食， 情願食佢地隔離新開個啲餐廳最好哩間餐廳執左去啦！ 完全係負分

炒個河粉超過45分鐘都炒唔到出黎，食法國餐7道菜到食完走啦，呢啲咁既低級餐廳可以做到咁，都應該為左趕客。正常既人，真係唔好去；我已經賴左野，希望唔好再有人賴野。出到黎，我以為會有幾特別，未又有茶餐廳貨色。各位自己諗喇。

早餐通粉過份於少，味道太咸，員工服務欠佳，冇最初新開張好食不會再幫襯寧願去大家樂美心大快活或者其他茶餐廳都好過佢。同埋早餐時段只開放一部份枱，坐位分隔太迫，建議開放更多坐位。

店里啲嘢食係好食，但係服務態度差，有个黄色发落尾勁瘦嘅侍應唔知点解，好似我哋惹到佢一样，起菜係直接揈到我哋面前。而且我哋食饭嗰阵，佢执旁边嘅台，脏水溅到我朋友身上，真系怪点解贵店会顶噉嘅服务员继续存在。

木兆小品@荃灣平時成日黎荃灣西搵野食，荃灣廣場就係其中一個我經常黎既地方。最近係元氣壽司附近開左兩間新餐廳，身為吃貨既我，當然要去試一試！所以今日就黎左木兆小品啦首先講下豉汁拍蒜蒸鯇魚配白飯，佢D鯇魚都算新鮮，而且份量都幾足，配上有蒜味既豉汁真係一流。佢既白飯都煮得唔錯，粒粒分明，而且份量同樣係好足。平時係餐廳好少有平價魚食，今次終於比我搵到啦。相信之後想平平地食魚都會黎呢到食。唯一美中不足係上菜時間比較耐，我地第二樣餸差唔多食完先上到菜。星洲炒米係我地叫既第二樣餸。廚師炒得都OK，唔會太乾唔會太濕，配料份量都合理。味道都OK，唔會太辣或者太鹹。不過整體而言，都係普普通通，下次黎應該就唔會叫呢份，會試下第二D野食。餐廳環境一般，主要係同隔離檯太近，變相冇私隱；同埋隔離檯講野好大聲，都幾嘈。如果係想約朋友

路過荃灣廣場唔知食咩好，見到呢間唔使等位，個名又幾得意，又有屋企人想食既羊腩煲，所以就試下！入到去睇餐牌，原來係之前既桃園制作...以前屋企附近有成日食，搬左後好少食，所以再食都ok!點左個滋補羊腩煲 $118, 加個飯都係 $8, 仲有碟菜送。份量ok, 都幾足料幾抵食，味道都好唔錯，羊肉又夠嫩，幾好！👍再點左拍蒜涼瓜豉汁炒牛肉 $71，再加湯$15, 再加桂花杞子菊花蜜 $12！呢到有翠綠小菜啱晒鍾意食疏菜既客！牛肉都算大碟，而且好嫩滑，加左豉汁幾惹味！😋大碟抵食又好味燉湯足料菊花蜜夠潤

霸王雞勁乾勁難食，酸菜魚濃味到爆都仲係勁腥。服務直頭差到爆，想要多個碗仔叫咗四五次都冇人拎，最後自己行去出餐位度拎，員工仲要勁唔情願。食到最尾酸菜魚個盤竟然甩柒，嚇到即刻想反胃