影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
老公出去買外賣，提議食木椰餐廳，話因為餐廳無乜人可以唔駛等咁耐，我仲講笑咁講話無人食係咪因為難食？最後都幫襯左。明明係叫照燒汁雞扒拼鰻魚飯，拎到返屋企打開個飯盒，照燒汁變咗我討厭的黑椒汁，唯有淨係食餸同飯，點知白飯仲要硬到鐵釘咁，無汁根本吞唔落肚，結果淨係食鰻魚同雞扒，個餐成$72，食完半飽都無，真係劣劣劣😡最後食埋阿女食剩的卡邦尼野菌仿蟹柳意粉，雖然不論外表和味道都唔卡邦尼，但係起碼叫做味道正常。
继续阅读
第一次去依間食嘢，叫左下午茶，雙拼三文治（蛋+蛋）照計應該多蛋。但係又唔係，同單拼冇分別。叫左焗芝士火腿雞扒飯，飯梗，雞扒有腥味。凍奶茶冇奶茶味，已經唔掂！嘢食真係麻麻地！講真唔會再幫襯。廣場唔大，冇嘢好行！仲要特登揸車去食嘢，以為唔差啦！真係失望😞。
继续阅读
港式餐廳，午市頗多客人，而街坊客為主。QR code自助落單星期一枝竹牛腩牛筋飯$58連餐湯飲品餐湯可以揀中湯同西湯，我揀咗中湯，木瓜雪耳湯，湯內邊有大大件雪耳同一小舊豬肉，搵唔到木瓜，亦都飲唔出木瓜味😅，味道偏淡。餐茶叫左熱奶茶多奶，不過飲落唔算滑，茶味OK。枝竹牛腩牛筋飯，冇諗過係勁多枝竹，牛腩牛筋偏小，只係得三小粒牛腩，2小件牛筋，炆得好腍，醬汁味道適中，係好食，但肉的份量真的太少了。是日午餐消費$58
继续阅读
今次再次幫襯卓爾居嘅分店，今次食早餐，佢只不過都係一份普通嘅早餐，但係屯門區太多劣食，呢一間相對嚟講比較正常，早餐佢有埋麵包跟，+$5嗰兩個包唔建議大家加，因為個多士好食好多，另外嗰餐係普通正常嘢，冇乜嘢值得一提，若果大家飲奶類製品會屙既話，大家就唔好叫，因為佢嘅奶茶同朱古力，我都會乳糖敏感。我已經親身幫大家試咗。
继续阅读
下午茶食左個豬扒炒烏冬 塊豬扒生嘅叫佢換佢碟新嘅 等左十五分鐘都未嚟 再催先肯話等多三分鐘炒過碟比我 真係black list呢間野未見過豬扒都可以整唔熟 以後都唔會再去。
继续阅读