木蘭館 (已結業)

來到石硤尾，唔好以為無啖好食，其實有間隱世小食店！我推介呢間小店- 木蘭館，小舖經營，老闆娘好nice好好人，有講有笑，好有人情味！店舖坐位雖少，但食物整得好食又抵食😋😋！店舖仲有提供food panda外賣服務，想試下都無問題，簡單方便！他們還有提供到會服務，有多款小食任你揀🥟🍤🍥🥠🍢🍡今次下午茶餐試叫左呢兩款，即叫即整，熱辣辣：.🍽 日式芝心漢堡扒咖哩飯 ｛HK$48}咖哩味道剛好，漢堡扒又厚又大塊，吃到好飽！🍱 日式咖哩芝士脆雞球飯配八粒｛HK$42}芝士脆雞球炸到剛好配合蛋黃醬，味道好夾，大大份又抵食！下次叫埋朋友再去食埋其他餐單！

今日又係自己一個食晏。自己一個食，緊係食啲又平又好味嘅嘢食。我自己就好重要食日本野。石硤尾多屋邨，就緊係有好多小店。間間都係特色。呢間鋪頭係我近排嘅心頭好。有由最平嘅$35各式咖哩飯至最貴嘅$49鰻魚飯都有。加3蚊有多包嘢飲。我今日揀左鰻魚飯，即叫即整，飯多飽肚，熱辣辣！咁嘅價錢配呢個質素，真係物超所值！已經成為我既「飯堂」之一。唯一一個缺點可能係環境真係太細，無咩可能同到幾個朋友黎食。不過，如果你想自己一個靜吓品嚐吓食物，咁會個係不錯之選！

木蘭館炸物冠絕石硤尾邨魚柳夠新鮮夠脆唔係度度食到照燒汁包實雞扒服務態度滿分💯今次已是本人第二次光顧第一次光顧後用膳時感到非常驚喜能於舊屋邨品嚐到咁好味價錢咁大眾化的日本料理實在難得

今晚同太太响石硤尾揾食，見到呢間叫木蘭館嘅小店門面光鮮，於是去試吓！嗌咗浦燒鰻魚飯，照燒鯖魚飯同炸菜肉餃外賣。等咗七、八分鐘，其間老闆仲好細心問鰻魚使唔使多汁。食物好了，老闆大力推介話鰻飯係好嘢！番到屋企一試，嘩，正！两款魚都又香又好味，鰻魚肉質非常好，完全將市面淋到咩嗰D所謂鰻魚比下去！食物質素高，老闆友善，一定會再去試其他食物！

早前同幾位朋友一齊去到呢間最近新開嘅小食店食吓下午茶。一去到老闆已經好熱情咁招呼我哋，主動介紹我哋佢嘅招牌飯，仲推介埋幾款小食比我哋班為食鬼添。呢間小食店最正嘅地方就係即叫即炸！所以真係好熱辣辣！正呀！同埋炸嘅程度都剛剛好呀，無話太over令到食物好乾身！值得一讚！仲有佢個皇牌 鰻魚飯！真係大件夾抵食，只係$49咋。不過我最最最鍾意嘅係泡菜雞翼餃呀！少少辣伴住隻雞翼！真係諗起都又想再去食過唯一唔好嘅地方係，地方真係細咗啲囉😅😅😅

今日聖誕節boxingday唔知去邊好,諗起早兩日有朋友在Facebook推介石硤尾白田商場地舖一間新開的日式小店，食物圖片看似不錯！為食貓的我當然想去試下啦！😋店舖雖小，老板獨力經營。我兩人坐低後，老板好有心同我哋講，今日假期D學生放晒假冇咁忙！你哋吾趕時間，可以慢慢食慢慢試……由老板發板，首先有照燒牛肉串，浦燒鰻魚串再來鹽燒雞皮串，鹽燒雞軟骨串，鹽燒帆立貝（以上都好好食，一D都吾乾）跟住老板再來個泡菜釀雞翼餃,嘩!好好食呀！😋😋（老板話佢太太一個人食了10隻）食力強勁的我仲未食夠喉...叫多個鰻魚飯yummy!!!yummy!!!已經好飽了！老板知我為食，叫我試埋炸地瓜丸,無錯!食埋地瓜丸就非常完美了!😋😋😋