本場

营业中

休息中

今日嚟就係為咗「美國SRF極黑牛肉」嚟嘅‼️鍾意食呢款牛肉嘅朋友唔使猶豫，直接點呢個套餐就得，任你拎任你食，食到扶牆出😋😋極黑牛本身就以非常優質嘅油花同細膩嘅肉質聞名，輕輕喺烤盤上面烤到微微焦香後就可以開食🤤油脂溶化後散發嘅牛肉香味，聞住就令人食慾大增！食落去嗰種豐富嘅肉汁同滑溜嘅口感真係令人忍唔住encore十碟🥹其他部位都係牛肉味超濃郁🥩牛頸脊：肉質細緻，食落去鮮嫩多汁嘅口感非常滑溜😍牛板腱：呢個部位口感比較實淨，食落去略帶彈性，配少少燒肉汁味道更加冇得頂🔥牛脷：牛脷配少少檸檬汁更加凸顯鮮甜味，正啊😍 調味料蔬菜生果都係可以任拎嘅，每一件都好新鮮翠綠！尤其係調味料區竟然有多達10種任君選擇，飲品種類都係多到令人花多眼亂🙀

瘋狂shopping後，就覺得非常肚餓。閨蜜提議去食燒肉，估唔到旺角附近呢間燒肉超級好食😍😍令人十分驚喜。✨ 美國SRF極黑牛放題✨一坐下，店員就送上滿滿的牛肉頭盤，非常吸睛🤩。食啱再諗吓encore邊樣，呢個安排係幾唔錯。我哋覺得以下幾款幾好味👉必推美國SRF極黑牛！啲肉質靚到震，每一片都好似雪花紋咁靚，油花分佈均勻到癲！燒肉質軟滑到溶喺口裡面，啲油花即刻化開，真係食完一片就想再嗌多碟！👉牛板腱嘅表現都好出色！呢個部位嘅肉質特別有口感，最正係佢個牛肉香特別濃郁，配埋啲特製醬汁，真係絕配！👉牛舌就真係一絕！啲牛舌切得好薄，燒到啱啱好嘅時候，外皮微微焦香，入面仲係嫩滑多汁，一咬落去個牛舌香濃無比！軟中帶韌，真係食到停唔到口！👉牛頸脊就更加令人驚喜！呢個部位嘅油花分佈好靚，佢個牛肉香特別濃郁，真係香到停唔到口！👉吉列蝦就真係一個驚喜！啲蝦新鮮彈牙，外層炸得金黃香脆，入面嘅蝦肉仲係爽口多汁，一啖咬落去，個蝦肉鮮甜配埋個麵包糠香，真係好過癮！👉蟹籽沙律啲生菜爽口新鮮，個蟹籽醬香濃得嚟又唔會太漏，配埋啲生菜食好開胃！最正係啲蟹籽一粒粒爆喺口裡面，個口感好特別！【旺角】 本場

朋友約咗我嚟呢度食午餐放題，睇相嘅賣相都幾吸引，環境都好好，於是就嚟食啦。呢度嘅肩脊肉真係頂級，從外觀同色澤睇，已經知道好新鮮，肉質又靚，烤出來嘅肉好滑嫩，真係非常好味。仲有牛胸腹同牛肋肉，牛胸腹嘅肉質比較軟，食得出比較多嘅瘦肉，牛肋肉就更有牛肉嘅香味，啲骨頭仲可以嘗到似牛肉湯咁嘅鮮香。除咗牛肉，呢度嘅豬肉真係頂級，不單止系日本特級白豚，食落都非常新鮮，梅肉食到每一層肉嘅細膩，口感超豐富。豚五花就油脂多啲，燒烤時更加香，食落都幾脆口，都好正。蔬菜鮮，泡菜泡得剛剛好，唔會有嗰啲濃烈嘅酸臭味，仲好脆口。蟹籽沙律真係非常鮮美清爽，食咗啲肉之後，嚟啲沙律同泡菜解膩，仲可以繼續食得多啲。

好耐冇食燒烤放題，就喺網上搵咗啲餐廳，就俾我搵到呢間日式燒烤放題餐廳，入面嘅食材都係啲上等嘢，睇落去就覺得特別過癮，就約咗男朋友一齊去食。呢度嘅環境好乾淨，然後各種放題menu嘅價錢都幾公道，印象好正，我哋決定試吓佢哋最頂級嘅放題menu.菜單上睇到嘅都係放題任食，入面有M5同M7級數嘅和牛，睇緊餐單就已經好興奮。.高級和牛食起嚟果然就係唔一樣，M7牛板腱嘅肉質厚重扎實，然後M7胸腹嘅肉油香四射，M5牛小排就食到油脂同肉均勻嘅口感，和牛經過燒烤，香氣更加濃郁。我個人最鍾意牛板腱，口感真係好正，可以享受咬肉嘅快感，而且仲好香滑。.唔止牛肉，呢度嘅海鮮都係主打一個新鮮，試咗佢哋嘅生蠔，真係非常之鮮美，生蠔嘅鮮甜布滿咗成個口腔。青口同鮑魚經過燒烤之後都係別有一番風味，好有嚼勁，越食越香。海車老更加係非常鮮美，肉質非常彈牙，一直食，停唔到落嚟。有試到佢哋嘅特色清酒煮蜆同牛油本菇，非常之特別。蜆嘅鮮美被清酒帶咗出嚟，清香嘅同時，仲帶有甘甜。然後牛油菇完美嘅把菌菇類本身嘅臊味去除咗，淨係留低香甜回甘，好好食。.體驗過咗一次，非常推薦呢度，真係一個食放題嘅好地方。

美國SRF極黑牛肉好高質🥹，呢個質素，放題嚟講真係好抵食❗️一分錢一分貨，大推美國SRF極黑牛放題以上❗️食物款式都有好多，環境方面，多座位枱又夠大，平日夜晚7點去到，唔洗排隊但都滿座❗️主要介紹主角美國SRF極黑牛🥩高質嘅黑牛，油脂分佈均勻，入口即溶😆。食多幾盤已經回本喇！特別係牛板腱第二🥈必食！嫩腍超重牛味🥹，牛舌嫩肌叫左幾轉😉，牛頸脊同樣嫩腍重牛味，但油膩感冇咁重！金錢展🥩都係必食推介，食落口肉質軟腍，非常驚喜😋。✔️另外可無限享用多款肉和丸子等等，還設有自組吧檯。滿足晒食肉獸控🤰🏻，飽到捧住個肚走~食得放題就是任性啦💯

今次經旺角呢間燒肉店，見幾多人幫襯就試下。我哋揀咗頂級澳洲和牛海鮮放題（120分鐘）$368/位，任食澳洲和牛~仲可以upgrade海鮮頭盤包括好多肉類，有M5澳洲和牛小排，M7和牛胸腹，M7澳洲和牛牛板腱、牛肩里肌肉、厚切牛舌等等🐮，每款牛肉都有唔同口感個人最愛厚切M5澳洲和牛小排、牛胸腹同牛板腱，和牛香味濃郁，口感juicy 海鮮方面亦相當豐富，有鮑魚、生蠔、車海老、鰻魚等。多春魚同日本生蠔燒到焦焦地幾香口其他食物質素都唔錯，例如豚五花肉。熟食區食物乾淨企理，仲有各類雪糕飲品甜品，任食放題大滿足😋

【夢想成真🥰實現和牛自由】-小編同屋企人都係牛魔王🤩所以今日晚餐我哋特登過嚟就係為咗食澳洲和牛！試過無數間和牛放題，但係都係呢間最啱我哋口味😋😋我哋揀咗『頂級澳洲和牛海鮮放題』，仲加錢任食海鮮🦞真係超抵！-多達120款食材任揀，唔止有高質嘅牛肉，仲有豬肉雞肉海鮮等等，全部任拎任食😌-肉肉🥩：😝M5澳洲和牛小排油花適中嘅牛小排，燒烤之後油脂慢慢滲出，表面變色後就可以開食，食落去入口即化但係又有微微嘅嚼勁😎😝M7和牛胸腹 呢個部位油花都分布得好靚，燒到外表形成微焦後，香氣四溢🤩😝M7澳洲和牛牛板腱 牛板腱嘅油花比較少，但係勝在肉質紮實而且帶住獨特嘅牛肉鮮味❤️-海鮮🦞：🦐海車老海車老自然嘅甜味喺燒過之後更加突出，嫩滑有彈性嘅質感真係令人忍唔住encore多幾碟😌😛連殼鮑魚燒烤後嘅鮑魚肉質彈牙，咀嚼時仲可以感受到滿滿鮮美嘅滋味🥹🦪 原隻生蠔生蠔我鍾意半熟嘅口感，肉質食落去仍然好彈牙，略帶奶油嘅口感😍

有次想食燒烤，偶然之間喺網上搵到呢間燒烤放題，感覺上就係非常抵食，所以就book咗兩個位嚟體驗。呢度環境特別好，地方乾淨，裝潢令人非常舒適。我哋叫嘅係美國黑牛放題套餐，入面有好多好嘢都可以任食。先嚟講講佢哋嘅牛肉，都係特別新鮮嘅，尤其係主角，極黑牛喺口感同味道上就食得出唔一樣嘅感覺，唔止肉質特別鮮嫩，黑牛食起嚟嘅油香都係普通牛肉冇嘅。佢哋仲有牛板腱、牛舌、牛頸脊各種唔同嘅部位，食起嚟嘅感覺都唔一樣。然後豬肉都係一流，肥瘦相間睇起嚟就特別香，燒起嚟香味就撲鼻而嚟，都開始流口水咗。燒烤除咗肉，都少唔咗海鮮，吉列蝦、味付墨魚仔、味付螺肉，都係無限任食，海鮮喺口味上可以帶嚟滿滿嘅新鮮感，食落去好鮮美，都唔會覺得膩，都係好好食嘅。呢度嘅蘆筍都唔錯，上面加咗蒜頭同牛油，食起嚟係香氣十足，蘆筍仲好脆口。佢哋仲有提供鰹魚豆腐湯，湯底味道非常清新，配埋燒肉一齊食，簡直就係絕配。我哋喺呢度都食得非常滿足，大家真係可以嚟試試。

嗰日喺旺角食頂級澳洲和牛海鮮放題，食到非常滿足。前菜嚟個▶️中華沙律▶️口感爽脆，味道酸甜可口，既養顏又滋補，食落去清爽開胃。之後梗係由肉類開始，▶️M5澳洲和牛小排▶️肉質幼嫩，脂肪含量適中，呈現出獨特嘅雪花紋理，食落去可以感受到豐富嘅口感層次同醇厚嘅肉香。▶️M7和牛胸腹▶️香脆嘅筋肉同埋有嚼勁嘅口感。食喺口入面散發住濃郁嘅牛肉香味，肉入面充滿住油脂，入口即溶。▶️M7澳洲和牛牛板腱▶️牛板腱唔單止有鮮嫩嘅口感，同時仲可以嘗到唔錯嘅彈性，充滿住肉香同埋嚼勁。之後就係豐富嘅海鮮食材。▶️海車螺▶️淡淡嘅鮮味同埋微鹹嘅海水風味，燒烤後表面微焦，咬落去可以感受到豐富嘅味道，而且保留住一定嘅嚼勁。▶️半殼鮑魚▶️肉質鮮嫩，味道鮮美，營養亦都好豐富。燒烤後食落去會呈現出獨特嘅口感，味道非常新鮮。▶️半殼青口▶️口感鮮嫩無雜質，而且肉質豐富，味道甘甜清新。▶️日本原隻生蠔▶️佢嘅體積猶如手掌咁大，味道鮮甜濃郁，口感嫩滑，鮮味十足。▶️香草牛油蝦仁▶️牛油嘅奶香同埋蝦仁嘅鮮甜完美結合，而且唔會過於油膩。口感彈牙多汁，外層包裹住微微焦香嘅牛油，令每一啖都帶有順滑嘅口感。

朋友介紹我去咗旺角——本場食晚餐。呢間餐廳環境好輕鬆，唔會太嘈，氛圍幾適合同朋友一齊食飯。餐廳嘅食物口感都幾合我心水，食完都覺得唔錯。首先頭盤幾款唔同嘅和牛，M5澳洲和牛小排、M7和牛胸腹同M7澳洲和牛牛板腱。啲和牛肉質都幾嫩，咬落去都幾有層次感，特別係M7胸腹，味道好香濃。牛板腱相對嚼勁多啲，但都唔會硬，口感都幾好。除咗和牛，仲有啲海鮮。海車老味道幾鮮甜，配埋啲汁一齊食，整體味道就好協調。半殼鮑魚Q彈，唔會太腥，食落都幾清爽。半殼青口同樣鮮美，仲可以感受到啲海水味。至於味淋魚乾，味道比較特別。墨魚片嚼勁十足，食後唔會覺得膩，味道都幾開胃。味道都好適中，真係多謝朋友介紹，值得一試！👍

上個禮拜去咗旺角嘅本場燒肉試咗佢哋嘅頂級澳洲和牛海鮮放題食物真係夠晒豐富價錢ok 環境仲舒適闊落 唔會逼迫呢度嘅食材選擇都算多咁叫得頂級澳洲和牛當然係講講澳洲和牛先尤其係佢哋嘅M7牛胸肉、M7牛板腱、牛舌、美國SRF黑牛、牛頸肉同M5牛小排 每一款都係肉質上乘🐮M7和牛胸腹油花分佈均勻 燒完之後仍然嫩滑肉質細膩 非常juicy🐮M5澳洲和牛小排味道濃郁 每啖都好滿足 又有啲入口即溶嘅感覺🐮M7澳洲和牛牛板腱呢個亦係必試之選 牛肉帶有獨特風味口感軟嫩而不失肉汁好大塊 店員主動問我地洗唔洗幫手燒同食幾成熟非常方便 唔怕自己整燶海鮮方面選擇一樣豐富我特意加$48任續海鮮青口、鮑魚、生蠔、海車老等等都好新鮮

是日就叫咗頂級澳洲和牛海鮮buffet🍽️🤍.🐮和牛小排、牛板腱、牛胸腹：油花算重，食落入口即溶🐮我煮嘅時間啱啱好，所以肉質柔軟😋👌🏻.🦞海鮮：✨鮑魚肉質鮮甜，顆顆都大過我隻手👐🏻✨章魚小丸子有鮮章魚味 幾彈牙🐙可以任食的.✨辛味醬博多雞腎烤黎食好爽脆，醃製後好好味🐓我自己覺得個雞腎一定要燒得啱啱好 先會有好爽口嘅texture😽.自助吧都有各式飲品同dessert，食完燒肉可以燒下水果係唔錯嘅選擇🍉☕️

-一次一班老友記約咗我嚟到旺角嘅呢間本場燒嘢食🍖，知道咗呢度係賣日式燒烤嘅🇯🇵，而且仲係放題任食🥢，所以當時滿懷期待✨，最後冇令我失望😊我哋試咗佢哋嘅上品牛肩胛放題🍖，入面就已經夠食🍽️，而且食材都好新鮮乾淨🌱佢哋嘅頂級肩脊肉真係冇得頂💯，油脂雪花分佈好靚😍，然後瘦肉都唔少，燒起嚟吱吱作響🔥，牛油好香🥩，放入口裏可以品嚐到肉嘅鮮嫩，好滑好軟😋牛肋肉都係頂級嘅，肉入面充滿咗牛肉嘅香氣🥩，食每一啖都會流汁💦，非常美味👌然後比較細嫩嘅牛胸腹亦都唔輸其他部位，都有好有自己嘅特色風味🌟燒嘢食點可以少咗雞翼呢？🍗燒起嚟肉質滑嫩，雞香四射，再嚟一份螺肉🐚，鮮味都係食得到佢哋呢度仲有好有特色嘅炸芝士年糕🧀同中華沙律🥗，兩個味道都係比較適中嘅，炸年糕充滿咗芝士嘅香氣，而中華沙律就涼口清爽，非常解膩🌬️呢度真係無得頂，非常推薦大家都嚟試下！🎉✨

又係時候可以食燒肉，今次同朋友嚟到位於旺角嘅本場食燒肉放題, 真係太耐無食過放題了, 今次就同朋友睇中左佢地個No 1人氣套餐-美國SRF極黑牛放題, 個set包左美國SRF黑牛, 真係超抵食! 真係唔講唔知，啲肉質勁到爆！牛板腱就真係一絕！呢個部位嘅肉質特別緊實，燒到七八分熟嘅時候最啱食，一啖咬落去，個肉質夠韌夠彈牙，仲要多汁無比！最正係佢個牛肉香特別濃郁，配埋啲特製醬汁，真係食完一片又想再嗌多碟！牛舌絕對係重點推介！啲牛舌切得好薄，燒到啱啱好嘅時候，外皮微微焦香，入面仲係嫩滑多汁，一咬落去個牛舌香濃無比！最正係佢個口感特別，軟中帶韌，真係食到停唔到口！牛頸脊就更加出色！呢個部位嘅油花分佈好靚，燒到五六分熟就最啱食，個肉質嫩滑多汁，一咬落去成個肉汁都爆晒出嚟！味付墨魚仔，一上枱已經見到啲墨魚仔新鮮彈牙，燒到啱啱好嘅時候，個醬汁香味已經飄到成個枱位都係！一啖咬落去，個墨魚仔爽口彈牙，配埋個特製醬汁，香甜可口，真係好開胃！最後一定要講講美國SRF極黑牛，呢個真係今晚嘅重頭戲！啲肉紋理好靚，油花分佈均勻，好似雪花咁靚！燒到七八分熟嘅時候，個香味已經撲鼻！一啖咬落去，個肉質軟嫩到癲，啲油花即

位於旺角的這間日式餐廳，因其高質素的食材與精緻的環境，令人潮絡繹不絕。這天我和朋友品嚐了極品牛肩胛放題套餐，真是大快朵頤。首先上桌的是頂級肩脊肉和牛胸腹，油花分佈均勻，燒烤後肉質口感嫩滑多汁，入口即化。之後是骨付牛肋肉，濃郁的牛肉香味伴隨住焦香，令人回味無窮。我們更點了胡麻醬豆腐，豆腐滑嫩細緻，配搭胡麻醬的濃郁香味，口感層次豐富。甜品同樣令人驚喜，芝士蛋糕口感綿密，奶香濃厚。西米椰汁糕帶有淡淡的椰香，Q彈順滑。日式麻糬則軟糯香甜，每一口都是幸福的滋味。最後以美味的泡芙為這頓放題劃上完美句號。這頓餐晚吃得十分滿足，更讓我們渡過一個愉快的晚上，體驗感爆滿，期待下次再訪！