札幌拉麵屋

营业中

休息中

多款午餐供選擇，價錢亦不算貴。我order左自選午餐，蔥拉麵配餃子，面頭一絲絲係白蔥，香港唔多興拉麵用蔥做主角，日本反而係好突出，始終蔥唔夠日本美味及香，呢碗蔥拉麵黎到無蔥香味，要咬爛先有蔥果種特有味道，不過唔濃，有點感覺似韮王切成絲狀，而拉麵係粗身，不過不失，湯頭亦係普通味噌湯，無令人一試難忘之感覺。餃子皮薄肉多，係美味，但欠缺脆口，好像是蒸熟餃子，再略煎一下，可以皮煎得脆點就完美。

叉燒夠淋,蔥花夠香,其他無咩特別.麵底如果改用正宗的會較好,其60蚊碗拉麵,在香港算有50分,日本的話只值30分.香港要有日本本土味道,總欠缺一點點.蒜蓉同辣麻油跟足日本風味,比較驚喜小本經營之本地拉麵店,望繼續改進.午市套餐抵食

在北角找東西食,行行下見到這日式拉麵店,發現人流很多,根據某某的定律,多人入的店一定好食.幸好有位不用排隊叫左呢個SET,包括了蔥拉麵和咖哩飯,價錢忘記了,但一百蚊有找,仲包一杯野飲,以今時今日拉麵店來講叫做便宜嫁啦先講個麵賣相幾靚,蔥堆滿面,可惜湯頭淡,麵條較軟.ANYWAY有堆蔥增加了口感和少少辛辣.今時今日在香港有咁多選擇,這店絕對不合格.而咖哩飯更灰,咖哩只有甜味,完全無層次,也不辣,配料既肉又鞋.我明白日式咖哩是偏甜,但不是這種囉幸好這裡價錢宜人,性價比上加了分.但一心想食靚靚拉麵既我就失望了

2013年7月9日8：30入到店內唔算多人，唔洗等位〜坐底睇餐牌，啲嘢唔貴〜我地叫左2個一人餐！一個麻辣拉麵，跟日式炸豆腐，另一個係蟹肉拉麵加煎餃子~全部外觀都好好〜兩個麵都好彈牙，湯亦夠濃〜麻辣拉麵就有幾樣配料@叉燒、蟹肉、麻辣肉碎、牙菜、荀、大蔥花、海帶，辣嘅程度就好似譚仔嘅10小辣〜個麵份量十足〜超飽〜個煎餃子正常，個豆腐好滑，不過要快食，如果唔係會「啉」晒〜老闆娘好好人，我問佢「個麵入面有你蔥架？」佢就好細心咁解釋：「有啲洋蔥喺啲肉碎入面，面頭仲有蔥花....」 佢心諗我可能想走蔥，但係其實我想要多啲^^哈哈〜當然可以啦〜

經過札幌拉麵屋 , 一直想試下 , 因為有好多款set lunch 選擇 , 有飯有拉麵 , 價錢唔算好貴店細細 , 好多人幫襯 蟹肉拉麵有四條蟹肉 , 湯底幾香濃 , 拉麵唔會好淋身 , 幾彈牙叉燒拉麵叉燒唔算淋 , 湯底同拉麵都算唔錯 兩個拉麵價錢合理 , 不過就好普通

日式炸豆腐 見網上評語好壞參半。我估係選唔選得中你想要的食物。 第一次食，呢間。 登打士街大食瀛的味吉拉麵，，似乎全部湯底都係豬骨湯底，只係撈其他料或肉而矣。我諗，豬骨湯底拉麵係就乎合香港人口味。點都好，閃光覺得好味。 我就中意飯多過麵。個燒金菇肥牛卷意外好味，好香，甜醬味不會搶走煎香及肉香味。 日式炸豆腐，可以。

上星期因工事要來附近工作, 難得來北角更係約埋附近朋友來食個LUNCH順便聚一聚.此店提供多款SET LUNCH, 我叫左個小拉麵+炸雞滑蛋飯; 友人叫左個小拉麵+燒肉飯一個SET LUNCH又有拉麵又有飯真係好豐富, 個叉燒拉麵叫小但份量都偏多, 味道亦估唔到咁好, 叉燒整得味道好好而且夠淋身, 湯底亦充滿豬骨香濃味道值得一讚, 麵身亦係我喜歡既唔會太淋帶點硬, 起碼岩我口味.至於小小碗既炸雞滑蛋飯就叫中規中距, 炸雞炸得有點過火令到雞肉有D鞋口, 幸好蛋仍然做到有滑蛋既效果有蛋汁至於友人既燒肉飯她亦說OK反而拉麵比較出色.

小小的日式拉麵店，在平日中午時都有很多OFFICE MAN/LADY 光顧，可見有一定水準。是日晚上才六時，決定立刻先吃為快。定食份量夠，味道不錯。日式珍珠米的白飯十份有飯味。我個人就點了蟹肉拉麵加蟹籽沙律。麵生熟剛好，不會太軟或太硬。蟹籽沙律的醬亦調得很出色。不會太酸或淡無味。咖哩拉麵跟叉燒拉麵亦同樣不俗。價錢亦是合理

早陣子的拉麵熱，貪新同埋跟風的試了好幾間，結果係大多都係我唔識欣賞既拉麵。所以近排都刻意唔再試或者食拉麵，是日北角區工作，被同事拉了黎這裡，第一個感覺係有點抗拒。不過同事提供的第二選真係唔多ok，自己亦都冇咩其他建議，就只好就範。要的都係大路野，叉燒拉麵加個滑蛋雞扒飯。先講拉麵，麵本身唔錯，幾有咬口，叉燒軟身，都算是唔錯，湯底味夠濃郁，雖然係午餐set，不過都幾大兜，唔食飯都係夠飽肚果隻。滑蛋雞扒飯，蛋就真係幾唔錯，好多蛋汁，不過代價係攪到個飯太濕，個底好似食泡飯一樣，雞就無咩特別，都可以叫做中規中距的滑蛋雞扒飯。整體都ok，拉麵又合我心水，係滿意的。

誤打誤撞之下走進了拉麵屋，一進門見到隔離檯個餃子已經知道沒有入錯店。D餃子飽滿之餘可以看到點點青菜在裡面，令一向抗拒日本餃子的我也有點想吃。點了個豬軟骨拉麵、普通拉麵和帶子蘑菇，首先來的是帶子蘑菇，雖然賣相很家庭feel，不是擺得很漂亮，但絕對惹味，而且材料新鮮，正！兩碗拉麵的賣相也不俗。普通拉麵的叉燒絕對不普通，入口即溶，如果可以多一塊(即總共兩塊)就更加好。不過$45的價錢，也算物有所值。豬軟骨拉麵也是不錯的選擇。豬肉很num很入味，然而裡面的軟骨是有嚼口，(不過如果鍾意連軟骨都好軟的朋友就未必會喜歡)麵條彈牙，配料新鮮有味這些基本就不提，值得一提的是，湯底有水準，濃味之餘應該冇乜味精 (起碼之後我們倆都沒有口渴的情況)見食物水準很好，忍不住點多一個金菇牛肉，賣相同menu所見一模一樣!!! (通常menu都會唔多唔少靓DD，但呢次係一模一樣！)個汁好惹味，而且用料上成，D牛肉好香好有牛肉味 (sorry，唔知點形容好，但平牛肉同貴牛肉的味道真係相差好遠ga ma)。美中不足的是伴碟的生菜切得比較碎，有D難夾，如果可以幼條就更加好。我倆一致認為，一定有下次，不過如果如其他人所言要等

同太太去吃午餐,去到的時間,發現門口放了易拉架(上面是SET LUNCH MENU),諗住好耐無吃,便入去罷!!一入去,發現內部已重新裝修,待應下單以有少少普通話的廣東話落單(以前是用日語落單的).....因為連廚師已經是一位女士了(以前個位是男士的)......再叫了2個SET LUNCH,個叉燒拉麵本身已經走左樣,水準在一般以下叉燒又厚又難咬.....個細抄飯和豬扖蛋飯都亦可, 但咖啡是罐頭咖啡用微波爐叮熱，難飲！個set要$58仲要加一,2個人要130元出門口......下次都不用了另待應不停交談,另一在一個<安靜>環境下叮飯,好野!!

This restaurant used to be so authentic; quiet atmosphere, very home-y fulfilling meals, smokey tea. Unfortnately, they changed hands a few months ago and things are not the same anymore.My favourite used to be the creamy potato that came with the salad and meal. They have stopped this accompaniment and I am more than dissapoointed. This combination of the rice, meat with sauce, salad and potato was so simple but tasty and now they've taken away one of the sides it feels like something is missi

很早以前已從同事口中得知，位於地鐵站出口旁的這間拉麵小店的拉麵很不錯，間中午飯時間經過都全場爆滿，在急趕的午飯期間，等待實在是十分奢侈的，所以一直未找到機會試試。今日，終於把心一橫到此店吃個「奢侈」的午餐。此店一如以往的多人，在刺骨的寒風下，只好於門外等候入座，最後花了整整十五分鐘才可入座。好在我早於等候期間，已鎖定了餐牌上的心頭好，所以浦坐下便可馬上點餐。這裡午市套餐的配搭蠻不錯，有些是拉麵加飯的套餐，能一次過滿足兩種願望。我點了個叉燒拉麵加一個滑蛋吉列豬扒飯($45)。此店格局都滿是東洋風，不過樓面不大，最多只可容納二、三十人而已，而且有點擠迫。剛坐下，店員便送上一杯熱呼呼的炒米茶，正好暖暖胃。再過了不久，先來是一碗迷你size的滑蛋吉列豬扒飯，吉列豬被滑蛋汁蓋著，外層麵包糠雖已不脆，但連滑蛋汁一起吃，令本身已經十分軟腍的肉質更加滑身及juicy，而且粉漿也不厚，味道不錯。另外，白飯固然是用珍珠米，夠黏性，有口感，好味!當吃飯吃到一半左右，店員亦端上期待已久的叉燒拉麵，叉燒拉麵同樣是細份量的，拉麵是平時吃到粗身的那種，浸泡在濃濃的麵豉湯底中，湯面有著兩、三塊薄切的瘦叉燒及少許漬荀片

想起札幌，我就想起拉麵，北角原來都有間，就同女友過來食d野，跟住去上堂。到達了門口，見不到人龍，咁奇怪...唔通來錯了出面咁寒，來錯都照入喇......全場得一台客，我們就第二台客，要了兩個餐，叉燒拉麵諗住最穩陣，如果要差都唔會難食得去邊喇......賣相ok，叉燒舊舊都掌心咁大，咬一口，入面仲凍既，味不好受，麵質「林」了些，湯底又似豬骨又似麵屎，唔通混合湯底.....令一碗牛油拉麵，話哂招牌麵，牛油咁細舊，溶入湯底裡，只聞其香，個滑度都加過，麵質同上碗一樣，唔掂喎.....俾d心機喇....反而炸豆腐做得幾好，可能現叫現炸，咖哩飯，汁杰濃，味不香，但只嗒到辣味，應有咖哩的香味不見了。都未食過咁差既札幌

心血來潮想吃拉麵, 又懶得到中環某人氣拉麵店排一兩個小時, 從 openrice 見其他食家對這一家位於北角的札幌拉麵屋評價不錯, 門口的雜誌推薦文亦講到這一家店子用日本拉麵, 決定碰碰運氣.結果... 失望. 普通拉麵 - 只得幾啖麵, 很多芽菜做配菜 (印象中日本的拉麵是沒有芽菜的?!?) 湯底味精很厲害, 我吃過之後極口渴.小型 katsu don (吉烈豬排丼) - 個皮唔得, 一咬散晒. 我老公在家做的吉烈豬排比這個好味多了.全餐最好味的是那一杯冰茶.可能是剛剛去完日本, 寵壞了味雷. 日本的地道拉麵真是很好吃啊. 這一家... 味道來說, 不地道. 不過... 服務態度真的很好. 這幾天來去過的餐廳來說, 這一家的服務真是 ichiban! 這是 lunch set, $45 + 10% = $50總括來說, 環境, 服務也真是很好, 價錢 OK, 一試無妨. (不過我自己試了之後覺得拉麵和 katsu don 都不合我個人口味, 所以我應該不會再來了...)