札幌拉麵 Miso No.1

营业中

休息中

之前啱啱睇完戲,順路喺下面食過午餐,因為趕時間關係...所以揀左呢間拉麵食!!入到去無咩人, 坐得都舒服!!見佢有午巿套餐,可以一個拉麵+一個細炒飯,或者一個拉麵+餃子小食,咁我就叫左個赤豉拉麵+細炒飯!!個拉麵整體都幾好食, 湯頭濃得黎少少辣!!麵質彈口, 唯獨係叉燒有少少乾,份量就唔太夠喉...如果麵量多返少少會更加好!!至於個炒飯都OK好食, 有鑊氣!!不過如果拉麵配菜有多D選擇,或者有得加麵底會更加好!!因為男仔真係會有少少唔夠食

呢度有個好抵嘅自選套餐，只需$69就有一碗拉麵加一個小食，小食選擇都多，例如沙律、芝士年糕、雞軟骨等等，甚至可以揀鰻魚飯、燒肉飯，所以一定夠飽。今次選了招牌牛油拉麵配燒肉飯，牛油拉麵真的有一舊牛油放在面上，另外也有兩塊日式叉燒，加上大量粟米和海藻，也豐富的！牛油慢慢溶化，邊吃邊聞到牛油香，麵質也不錯。至於燒肉飯，份量可不少。一碗飯上面加上好幾塊燒肉，就是薄切豬肉片，味道都不錯。另外還有一些午市定食很吸引，叫了網燒雪花牛肉定食（ $108 ），塊牛肉燒得好好，容易咬開，燒汁和肉汁融合一起，好味呀！還有大量沙律菜，以定食本身附送漬物、一球薯蓉和一碗白飯，還有麵豉湯，麵豉湯都好濃味，非常豐富的一餐。

呢間札幌拉麵除咗食自己餐廳提供嘅嘢，仲可以叫埋隔離間辛味屋嘅咖喱飯，又幾好喎！應該係同一個老細先可以咁安排啫！我就叫咗「吉列豬扒奄列咖喱飯」（ $58 ），個吉列豬扒炸得非常香脆，裏面還保持到肉汁Juicy，奄列煎得都幾滑，日式咖喱就完全唔辣，但都幾香口。$58仲有買麵豉湯同埋薯蓉，所以整體來講我覺得呢個性價比很高！當然要叫多個拉麵啦，佢啲拉麵定食都好抵， 一碗拉麵可以拼一個小食，都只係$69 ，我哋選咗牛肉拉麵就要本身加$5 ，牛肉似打邊爐嘅肥牛，份量都幾多，而且質素都唔差，另外仲有半隻糖心蛋，同埋勁多嘅粟米和海帶等等配料！佢嘅拉麵都做得幾彈牙，湯底就有啲麵豉味，整體都唔錯。小食我哋就揀咗雞軟骨，估唔到有三吋咁多，而且佢嘅肉嘅比例比起我平時食嘅雞軟骨為多，所以都幾好食。我哋仲散叫咗一客小的自家製餃子（ $32 ）就有四隻，一般菜肉餡料，都幾足料，餃子皮又唔會太厚， 不過不失

今日我哋嚟到荃灣諗住搵一間日本餐廳食晚飯，所以去咗呢度睇吓有咩食我哋見到呢間札幌拉麵價錢唔貴，又有好多人食，我地7點去到都差唔多有一半人入咗，而佢個位置都幾難搵，所以我哋試一試 跟住我哋叫咗兩碗拉麵跟住同埋三款小食，有雞翼，牛舌，同埋燒魷魚🦑。味道方面我就覺得有少少似味千，唔算話超級好食但係唔貴，如果對食物質素唔係話超級講究但又想食下日本野咁呢間就岩曬你 啲小食我覺得正常啦，但就有啲乾，似係一早整好，有人叫就整熱拎出黎。我地叫左咁多野食埋單就300幾400 ，唔算好貴！其實佢格離同佢應該係分店，只係唔同名，所以佢都幾多選擇有飯有麵有小食有咖喱等等，下次可以試下佢既咖喱飯先。

坐位都算相隔闊落，樓底夠高，坐落唔會有壓迫感二人套餐十分抵食，268蚊包兩個飯/拉麵、4款小食同飲品兩杯，小食份量一啲都唔少，兩個人差啲都食唔曬🤣黎到當然要試下個拉麵啦，叫左黑豚拉麵，黑麻油十分香，豚肉唔會淨係得肥膏，唔會太油膩👍🏻👍🏻拉麵軟硬適中，湯頭十分濃郁，但一啲都唔咸，拉麵果然係招牌🤩另外叫左滑蛋豬扒飯，有一貫日式餐廳既味道，豬扒都脆，好食👍🏻小食有蟹籽沙律、自家製餃子🥟，芝士年糕同燒牛舌。份量十足，超有誠意🤪推介燒牛舌，牛味濃得黎唔會太「穌」，燒完後好惹味😍飲品最驚喜係飲啤酒同果汁酒都唔洗加錢🤣🤣所以叫左支麒麟啤同日本果汁酒🤭🤭配埋完美既一餐，滿足🥰

CP值很高既拉麵店👍🏻👍🏻喺荃灣行街無意中發現左呢間價錢平民得來，性價比好高嘅日式拉麵店👍🏻👍🏻佢都係堆商場街入邊，位置好就腳，不過就喺角落平時冇咁顯眼。佢拉麵味道好似日本小店既feel😹😹 價錢相宜，平時想輕食/平淡飽肚既話係好選擇👍🏻👍🏻 今次叫咗個兩人餐，性價比超高🙊🙊兩個主食，配三款小食(份量唔細㗎) 😋😋主食揀咗Ankake拉麵，見佢賣相幾好，又有齊叉燒、溫泉蛋、紫菜等等嘅必食配搭。食落味道真係好似日本小店個味，濃而不咸既湯底，拉麵麵質彈牙👍🏻另一個就叫咗吉烈豬扒奄列咖喱飯佢個咖喱都好出色，有啲似銀咖喱嗰種日式甜咖喱嘅味道，配埋吉列豬扒，係一個冇得輸嘅組合😎小食就揀咗日式煎餃子，燒雞翼串，同埋燒魷魚鬚。上菜份量比想像中多，兩個人食，連埋主食都幾飽㗎。個人最鍾意就係個餃子，餃子皮夠薄，入邊嘅椰菜豬肉餡都好鮮味，小食來講係必嗌嘅！而魷魚鬚就好香口，而且份量好多。最緊要個即叫即炒，熱辣辣。雞翼雞軟骨串燒都有水準㗎，舖頭仔嚟講樣樣嘢都整得有功架！價錢好相宜，如果我住荃灣，相信會成日來幫襯👍🏻👍🏻👍🏻

坐低睇餐牌嘅時候就覺得佢哋嘅套餐好吸引 好豐富 所以就同朋友仔叫咗個二人套餐😋😋😋吉列豬扒奄列咖哩飯一上枱就聞到好香好香嘅日式咖喱味🤩🤩吉列豬扒真係無得彈 咬落豬扒嘅表面好脆卜卜 咬到落肉度就覺得豬扒嘅肉質好彈牙 同好有肉汁👍🏻👍🏻黑·豚拉麵除咗黑蒜油嘅香味 拉麵湯底仲有好香豬骨味😋 湯底好濃郁好濃厚 拉麵可以掛湯掛得好好 吸收咗湯底之後唔錯唔錯自家製餃子不錯的日式餃子☺️北海道南瓜炸薯餅我最鍾意食佢哋依個小食 炸得好香脆 咬開個薯餅就覺得南瓜茸好滑口😻😻😻燒雞翼串+雞軟骨串串燒燒得好香口 雞翼嘅表面燒得好脆口 雞翼入面燒得啱啱好👍🏻👍🏻👏🏻👏🏻

最近嚟嚟去去都係食緊嗰啲餐廳，已經食到好悶呀。咁啱經過札幌拉麵發現，咦！原來我都未食過於是就抱持著試一試無妨嘅心態入去食。點知呢間外表唔係超級吸引嘅餐廳畀咗好多驚喜我。我就叫咗一塊牛扒同埋一個咖哩豬扒飯。佢平時啲餐價錢都幾相宜只不過係50蚊上下，又幾好味。不過牛排就貴少少。但係最令我驚喜嘅反而係佢嘅炸物。炸物方面我就叫咗個炸蠔以及炸忌廉。兩個都炸得好好外邊一口咬落係酥脆嘅。個炸蠔冇乜腥味，一盒牛郎係爆汁嘅。個大忌廉個餡又唔錯，兩個都係超出水平之作。下次我會再番兜。未食過嘢嘅人都不妨試一試。

.琴晚屋企人無煮飯 就落左樓下食拉麵呢間拉麵已經好多年了 平時經過都會食依家既價錢平左 食完仲有coupon送可以下次用！.我揀左咖哩牛肉烏冬 牛舌小食屋企人就揀dinner set - 海老拉麵 雞軟骨牛舌係薄切 上枱熱辣辣要盡快食因為牛舌凍左就無咁好食了 加少少檸檬汁食真係一流 提升鮮味咖哩牛肉烏冬係湯上 咖哩係唔辣的 烏冬入味每條烏冬都掛到湯 牛肉薄切 牛味香濃 肉既份量都唔少食到尾唔會話得返啲烏冬咁dry另外有一個小小既薯仔波跟埋 好好食！.海老拉麵有大量櫻花蝦😍聞落已經好香仲有大海老 叉燒等等 湯好濃郁 濃而不膩拉麵🍜屬幼少少既版 爽口 唔會太腍/硬 煮得岩岩好雞軟骨雖然係跟餐小食 但都有3串 粒粒都脆卜卜😋食過翻尋味。

今天同同事叫外賣，呢間未食過，選擇也不少，同事的吉列豬扒滑蛋飯，滑蛋令豬扒淋了，冇了脆既感覺，豬扒有d實，唔夠鬆脆。薯蓉沙律同面豉湯OK。咖喱吉列豬扒飯，賣相很好，欣賞佢外賣餐盒，分開幾格，不過豬扒就差d，唔夠鬆化，咖喱汁就好好味，送貨一流。我的牛肉飯，好多牛肉呀，飯也好多，不過乾左d，唔夠汁，有d薑絲都幾開胃，牛肉不算好肥架，感覺幾好。如果d飯冇咁乾多d汁會更加好。同事之後再叫左拉麵，係一個盒分開上面係麵，下面係湯，所以唔會淋。

係荃灣搵下有咩日本野食，見到依間幾平又唔洗等位高入去試下。個手餐menu真係有好多選擇，我都諗左好耐先決定到。最後我就叫左個$49既滑蛋豬扒飯定食。一黎到就見到塊豬扒係岩岩炸起，仲好熱同好香！滑蛋既份量真係好多，唔太厚，食落好好味。加埋啲洋蔥同埋汁，真係好有咬口，撈飯黎食又係一流！仲間唔中咬下豬扒，成件事真係好match。個餐仲跟個麵豉湯，仲要有個薯仔沙律，食哂所有野真係好飽好滿足！下次我一定會再黎試佢其他野食！

店員毫無笑容態度惡劣福建男人係老闆成日行黎行去同旁邊日本拉麵店同一個老細借啲意係咁加價改價錢應該都係除非唔係如非必要都唔想再食唔係特別好食過人好普通又貴，唔抵食！我就唔會再想食比錢買難受

今晚黎到較寧靜嘅荃新天地 2 期開餐晚餐時段有好多 Dinner Set 選擇赤豚拉麵湯底係特濃嘅豚骨湯, 用大量豬骨、桶骨 & 豬手熬成, 口感濃稠, 膠質豐富, 味道甘甜｡ 幼麵唔會過熟, 有咬口, 配上半肥瘦豚肉, 超好味吉列豬扒奄列咖哩飯豬扒表面嘅包糠唔會過厚, 做到外脆內軟, 肉質唔柴｡ 奄列煮到半生熟狀態, 蛋汁豐富, 配埋帶有少少甜味嘅日式咖哩, 餸飯一流串燒雞肉丸免治雞肉入面加入雞軟骨, 燒好後淋上特製醬汁, 口感超正燒牛舌牛舌切成薄片, 令食上黎更加爽口彈牙炸忌廉薯蓉撈入忌廉, 炸好後外層非常香脆, 入面餡料仍然好軟滑

這間拉麵店差不多有荃新天地二期就有它紮根都接近十年，居在附近的我經常光顧晚市的餐牌除了拉麵外，還有定食、咖哩、烏冬、便當等飯類供應還有兩個套餐，比散叫起來便宜得多店內環境保持乾淨和衛生店外有酒精搓手液供應，店員也帶上口罩的選了較為便宜的$208自選二人套餐可選兩款拉麵及三款小食黑豚拉麵 - +$15黑豚湯底的蒜香味非常濃郁麵條軟硬適中，掛湯力十足，好惹味兩片豚肉屬肥瘦相間的五花肉，但偏向瘦很嫩很多汁，入口即溶，完全不膩口海老拉麵 - +$15一片豚肉，兩隻海蝦，一堆櫻花蝦炸過的櫻花蝦脆而不硬，鮮味盡呈，口感香且美味為豬骨湯湯底生色不少海蝦大隻已去殼去腸，肉質結實彈牙，味道鮮甜自家製餃子(大)有六隻，肉餡也很豐滿，日式餃子皮偏薄，帶點麻油香，很惹味日式的吃法可以再沾上醋醬油炸雞肉有四塊熱騰騰的炸雞胸，外皮酥脆肉質竟然不乾柴，肉汁鎖在裏面，吃起來有點水嫩炒魷魚鬚大量炸蒜炒得散發出濃濃蒜香份量很多，口感很爽彈

多年前閱過蔡生先讚賞尖沙嘴的札幌拉麵後就一等喜歡上了他們的牛油拉麵，啟業多年的荃新天地分店亦不時光顧。今次再來返尋味再次揀選底食、飽肚又好味嘅二人自選晚餐。朋友叫的 黑豚拉麵 先上檯，見豚肉片上配黑醬油已口水流， 好在口水未流出自己份 招牌牛油拉麵 就上檯，一見湯面配料上的牛油心心眼即彈出，要知此湯麵香味撲鼻的源頭全源於呢一片牛油，麵條入口滑溜同樣功不可沒，當然美味又肥瘦適中的日式叉燒豬肉片又點可以缺少，爽口海帶配菜 擔當著湯麵內口感與健康的平衡，當然豬骨湯呢個湯麵靈魂每次都唔會浪費，食完個面都會飲多兩啖。是晚小食除跟餐的 牛脷 及 雞翼雞軟骨 外 再加叫一份啖啖肉的 炸雞肉。小牛脷肉香不下高級牛肉，灑上少量檸檬汁後入口更加提升 肉質味道，燒雞翼開邊燒方便進食，燒雞軟骨香又脆，每次食此小食只會覺得唔夠；所以今次加 炸雞肉 絕對覺得係明智之選，延續香口燒雞美味加上啖啖肉的口感滿足，可謂無械可擊。百多元人頭消費，其實埋單時高性價比的滿足亦同樣唔係處處有。