李公館

营业中

休息中

踏入十月, 自覺係食蟹🦀既時候了, 我同幾位朋友都超鐘意食蟹, 難得夾倒大家時間, 所以由朋友帶路去左李公館. 第一次去呢間食中菜 佢比我既感覺係地方雖小但用心佈置. 佢用左翡翠綠做主題, 令我好舒適自在, 成個人放輕鬆左. 我地今晚主要點同蟹有關既菜色. 1) 大閘蟹🦀訂晒全公, 10月頭黎講, D蟹都算甜, 膏都算痴咀, 暫且解左我地小小蟹癮.🦀🤤👍🏻 2) 羗葱炒蟹🦀 (加烏冬)第一次食羗葱炒蟹加烏冬, 原來好好味, 烏冬吸收晒所有蟹肉, 蟹膏, 羗葱D鮮甜味，非常惹味,，蟹肉鮮甜, 好味呀, 我地爭住食🤤👍🏻👍2) 花彫蛋白蒸蟹🦀蟹超甜, 蛋白好滑花彫味剛好唔會太多, 好味🤤👍🏻3) 櫻花蝦豉油王炒麵👍🏻有水準, 咁先至係炒麵, 加埋櫻花蝦🦐🤤4) 甜品有好多款, 我地點左班蘭奶凍, 好香班蘭味(👍🏻), 芒果爆珠布甸 (好有心思用埋爆珠👍🏻), 法式燉蛋 (甜味剛好👍🏻), 椰汁雪耳桃膠糖水(好多桃膠好好味👍🏻)🤤非常滿足🤤👍🏻班蘭奶凍, 芒果爆珠布甸，法式燉蛋，椰汁雪耳桃膠糖水花彫蛋白蒸蟹🦀

與長輩吃晚飯，還是選擇坐得舒服、食物水準好的地方。也幸好是訂檯，能夠訂到冰鎮咕嚕肉（特別版）^^，看到也開心~"當造"蟹粉的菜式比較多，蟹粉蟶子糯米飯、蟹粉鍋巴、蟹粉壽麵，也有較出名的花雕話梅蝦及鮑魚，喇沙蜆反而係岩"後生"既菜式~哈哈金磚豆腐有驚喜，有D紫菜包住，係特別D，味道也多點變化。鮮魷正常，大家都集中在蟹粉上...哈食物及味道是超班的，也是值得推薦的地方。這段時間大家都少了相聚的時間，何不好好享受用餐時光?很久沒有發文，相片質素只是一般，看來是時候換手機了。

喺灣仔區想搵間坐得舒服，環境適合傾計，而且食物又有水準嘅地方，我一定會去《李公館》。每次上到去總有新鮮感，今次亦唔例外，原來大閘蟹菜式已經登場每款都好想食，經過一番取捨，今次先試【蟹粉芙蓉燴伊麵】，蟹粉份量足料，有鮮味，好香，伊麵唔會太濕太淋，廚師功夫一讚再來一碟熟客必點嘅【話梅花雕蝦】（可能限量供應，餐牌冇寫），無論賣相同味道都十分出色，每次食呢度菜上枱時仍然覺得好靚甜品有店長推介新出品【班蘭椰汁奶涷】，好味（甜品控一見甜品上枱掛住食冇影相）今次又係滿足愉快嘅一餐

千挑萬選，擇中呢間朋友食過幾次又有不錯口碑的中菜館慶祝生日，點知極度失望。訂座時已預留花雕蛋白蒸蟹。當晚並叫2位雞絲翅 (因蟹肉翅買完)，黑胡椒粉絲蝦煲，茶薰雞。雞絲翅先上，吃了一口已心知不妙。那個雞絲乾過柴皮，比魷魚絲還朁口 ，湯頭普通。跟住上蝦煲，外觀還不錯但明顯不夠黑胡椒味，吃了一口粉絲跟著食蝦頭，OMG是臭的，蝦肉也是霉。召喚了部長過嚟，她快速回收碟餸賠過不是並取消了單。跟著最期望的花雕蟹上場，我真不敢相信自己的眼睛，那隻碟起碼有10-12寸大，但那隻蟹應該還不夠4両，比放在旁邊那隻匙只大了少許，又冇肉，肉質又差。於是又找了那位阿姐過來了解一下，阿姐斬釘截鐵說是剛從水缸撈上來，然後知我們面有難色才說這隻蟹因為細了點所以不是收餐牌上的價錢($298)，只收$248，哈真多謝。最後來的茶薰雞也沒有什麼特別，薰老了。全晚叫了4個菜，沒有一個合格。阿姐說那個蝦是雪藏蝦，老細跟廚房都試了，的確有問題。而最經典的是隔離枱碟炒菜竟然有小強。然後又是那個公關阿姐說了一大堆費話。全晚大廳最初只有3枱客，但2枱出事，真不敢想像他們怎麼繼續經營下去。

早兩日訂枱，已經得返一張枱，侍應就講係路口位嘅～～不過我見佢咁full應該好好食咁,所以路口位都照殺啦……大概6:30到已經坐滿左一半人啦……一坐低佢就叫飲咩茶……咁我就問吓佢有啲咩啦，原來佢有荔枝紅茶……我哋又覺得係中餐廳有呢個又比較少有喎，所以呢我哋就叫咗呢個啦佢個茶壺好得意，個壺咀好長，所以針茶嘅時候都要好小心……但係都幾好玩同埋都有佢嘅特色。到點菜時間⋯我見枱枱都點佢嗰啲招牌菜⋯例如冰鎮咕嚕肉⋯不過我哋就想試其他嘢先……所以冰鎮哩個就留返下次先叫啦我哋呢就叫咗個西蘭花炒龍躉球，、黑醋咕嚕脆豚肉首先，西蘭花炒龍躉球就唔會好似出邊有啲酒樓咁樣好油膩嘅感覺，龍躉球都算多而個黑醋肉⋯酸甜好開胃⋯豚肉面脆，好好食最後，叫左2 個甜品，焗西米布甸及法式燉蛋唔⋯⋯⋯⋯下次來食晚飯我不會叫甜品

想係灣仔食中菜，相信無人會唔識李公館，李公館係灣仔都差不多開業10年了，都算係老字號既中菜館地方唔算大，裝修好舊派，絕對唔係行新潮路線，卑我感覺好踏實穩重冰鎮咕嚕肉呢度既招牌菜，用上一堆冰冰鎮住d咕嚕肉同生果，每粒咕嚕肉都被糖漿包住，冰鎮後外脆內熱，味道酸酸甜甜，再加埋d生果，唔膩之餘仲好開胃薑蔥粉絲蟹煲原本menu係黑椒粉絲蟹煲，不過我地唔想食辣，所以轉了薑蔥薑蔥爆得好香，隻肉蟹唔算好大，但肉質新鮮，蟹味十足，墊底既粉絲索晒d精華，好好食脆皮茶燻雞雞皮好脆，隻雞仲好嫩滑，仲有淡淡既茶燻味，好好味，要快d襯熱食薑汁炒芥蘭菜都唔少，芥蘭炒得翠綠爽口，唔算好油雖然呢度裝修比較舊，但侍應服務態度好好，會同d食客互動下，感覺很親切，價錢合理，食物仲非常不錯，實而不華，相信就係李公館係灣仔開業至今既原因

呢個星期繼續生日周食飯，同朋友去咗李公館食晚飯，此店於商業大廈內感覺幾雅致,中式食物但又很創新，很多店內自家創作料理，別樹一格，擁有自家的風味。前菜點了他的話梅花彫鮑魚，上枱賣相很吸睛，墊底有乾冰釋出煙霧離漫，感覺有如仙境，鮑魚處理十分爽口彈牙，話梅味中釋出花雕味，兩者互相配合，相映成趣。第二個餸係喇沙煮皇帝蜆，用喇沙湯底去煮蜆，有些東南亞風情，喇沙有海鮮的鹹鮮及香，加上椰汁辣油及豆腐卜，好配白飯。第三個餸係籠仔開邊蝦蒸糯米飯，開邊蝦加上糯米飯，又香又甜，蒜蓉下得很夠，味道很濃。之後食了薑蔥炒蟹（稻庭烏冬底），最重要係有個烏冬底，薑片蔥爆得夠香，烏冬吸收了所鮮味，加上蟹肉及蟹膏，非常惹味，蟹size剛好，夠新鮮彈牙，肉味非常鮮甜。當然有點他們出名的冰鎮咕嚕肉，剛剛炸好的咕嚕肉加上好似冰糖葫蘆嘅外層，外層脆口加上咕嚕肉酸甜汁及生果，非常開胃醒神。最後點了他的肉骨茶炆牛腩牛筋同蘿蔔，又是自家菜式，用肉骨茶嘅湯底煮牛腩味道幾特別，蘿蔔及牛筋吸收了所有湯及杞子，非常清甜，滲出淡淡藥材味。

夠鑊氣，又好味，又夠gimmick 那裏找？朋友話，可能李公館幫到你我地一班新、舊同事一起聚一聚。大家又唔同國籍，咁就試吓李公館啦！一入餐廳就好有中國人的氣紛，好旺！Full House!! 有質素先有咁多枱客架！👍🏻👍🏻我叫咗兩碟前菜，椒鹽脆皮豆腐（好滑，好有豆腐味）。惹味厚切🍆茄子（炸得剛剛好，唔會成口油，加埋個汁，好食到冇朋友）。另外介紹（我今日冇叫的）芥末青瓜墨魚枊，你自己試吓，好鬼refreshing 囉）主菜：黃金脆啤梨🍐⋯⋯外型勁似！內裏是墨魚膠，並藏小量芥末蟹子！勁彈牙！冰鎭咕嚕肉（特別版）⋯每粒咕嚕肉同生果都用咗冰糖胡佬的做法！特別版只是多咗幾粒🧊燈及糖拉山⛰️過橋雞酒煮星斑..... 星斑球同雞酒湯真係一絕！連煲底嘅蘿蔔都吸晒雞酒湯嘅味道脆皮茶燻雞 ......外脆內嫩，再加上茶燻味道獨特！正！👍🏻👍🏻籠仔蒸糯米蝦飯......簡單好味！如果想再惹味多啲，訂蟹粉飯底，超超正！杞子濃湯浸時蔬甜品....通常有4-5款選擇！但我哋差不多全枱都叫黑芝麻奶凍！🥰

第二次嚟李公館，上一次已經係兩年前嘅事，印象最深刻嘅，就係佢哋嘅冰鎮咕嚕肉，喺兩年前第一次食嘅時候，小妹正係經歷緊失戀，正當食龍肉都冇乜味嘅時候，突然間有盤菜閃吓閃吓，色彩繽紛咁呈現喺眼前，有視覺效果之餘，食落去嘅時候甜中帶些少酸，好似食緊冰糖葫蘆咁，刺激咗味蕾，加埋日式芥末墨魚絲青瓜沙律嘅清新，每一道菜都精緻用心，當其時我就覺得如果嗰一餐冇心機食，實在係浪費咗廚師一番心機同家人用心挑選嘅菜式（因為冰鎮咕嚕肉係需要預訂嘅），亦令我明白到，冇嘢比當前嘅食物同埋陪伴嘅家人，更加應該得到我嘅珍惜兩年後同家人再次返嚟呢度，食住相同嘅菜式，好開心味道依然保持，製作依然用心，希望呢一種味道會繼續延續落去，謝謝

每一年母親節 都必定會同屋企人出去飲茶 但因為今年疫情和限聚令 遲遲都未book枱 係母親節前夕三日前 政府終於公布可以八個人一台 於是我就快啲去book枱飲茶我地一行八人 由於太耐無飲茶叫到一枱都係點心 點心質素很高👍🏻 服務亦都好好 可能因為係灣仔地區關係 特別每一台都有適當嘅距離 令人坐得好舒服鮑魚燒賣燒賣一啲都唔乾 而且啖啖肉蝦餃皮薄餡靚 😍 每一粒蝦餃都有好多蝦 冰鎮咕嚕肉黎到李公館 一定要試下佢個冰鎮咕嚕肉 聽講係佢地嘅鎮店之菜 每一舊咕嚕肉外脆內熱 冰溶交火既感覺好特別👍🏻這個是甜點 黑糖xx糕 屋企人話呢一個煙煙un un好好味 其實我地仲食左好多點心 🥧 不過太肚餓 唔記得影相 已經食左落肚 下次一定會再過黎

朋友帶我嚟吃午餐，原本以為是普通樓上菜館，但侍應上菜，一試我就知這間李公館並不一般。首先點了碧綠活剝蝦餃皇及原蝦鮑螺片燒賣皇。蝦餃大大隻蝦極之不錯，燒賣又非常特色，最緊要熱辣辣新鮮蒸。天時暑熱，來個冷盤話梅凍豬手，食過返尋味酸酸甜甜，正！口痕又點了個脆卜卜椒鹽墨魚咀，和菜館的荔枝茶十分匹配。重頭戲梗係要個蒸飯啦, 這個籠仔龍躉頭腩蒸飯，色香味俱全，連我呢個咁奄尖又怕味精嘅人，都比100分過關！龍躉魚又新鮮又大件夾抵食可惜趕時間返工，下次一定要試埋甜品先走。順帶一提，李公館仲有特價外賣添，啱晒疫情留在家避免外出啦。

主要係為左個冰鎮咕嚕肉而黎，慶祝生日，咁大座野影相，幾開心🥳（蠟燭我自備既）。成座野都係用糖造成，只係造型黎，🤫唔係食架！主角故知然係咕嚕肉，凍食仲有冰糖包住既肉都係第一次食，但無違和感，冰糖薄脆，入面肉質帶軟，都幾有衝擊。不過食得多會濟，所以餐廳都幾細心，有陪襯既冰糖桔仔同士多啤梨（同冰糖葫蘆差唔多），食下肉之除可以食下甜甜酸酸既水果消一消濟。籠仔糯米蟹飯，影出黎幾咁靚，原隻花蟹坐係啲飯上面，不過呢個大細既花蟹其實無乜肉食，同埋個糯米飯清清地叫做飽下肚無咩特別味脆皮茶燻雞，普通，賣相已經麻麻，係脆皮，但茶味唔夠仲左個湯，冇影到建議多啲人先黎食，三人黎食，淨係個咕嚕肉都飽到反肚，不過我自己黎過一次影下相就夠，野食麻麻。

李公館📍灣仔 Wan Chai.🥚蟹粉蛋白金苗盞: 脆米片上有輕盈嘅蛋白 淋上蟹粉汁 令口感及味道嘅層次感大大提升👄.🍐黃金脆啤梨: 外形可愛 像真度好高嘅黃金啤梨 原來入面係參考炸蟹鉗嘅做法: 表面係炸嘅 入面係厚厚嘅蝦膠 餡料有蟹籽同牛油果😍 沾上綠綠嘅沙律醬 非常香脆可口🤤.🧊冰鎮咕嚕肉🍖: 味道比坊間嘅另類 山楂味非常濃厚 加上極脆而薄嘅炸粉 一試難忘 除咗一般嘅咕嚕肉 連士多啤梨同金桔仔都係有冰糖包裹住 好似食緊冰糖葫蘆😋👍🏼.🐟古法炆龍躉斑翅.🐔脆皮茶燻雞.🦀籠仔糯米蟹飯.🥣椰子桃膠糖水

李公館地方不算太多，但勝在不會有坐得擠迫感覺，裝潢富有中式的優美，廳外的對聯福如東海與壽比南山的呼應，很有意義。喜歡那處寧靜環境，偶然一兩枱的高談闊論，也不影響那股文靜感覺。 大多數在週末午市時光顧，品嚐傳統點心文化，食物當然要新鮮兼熱騰騰的至好。 當中的八味豆腐粒、香煎蘿蔔絲墨魚餅、脆脆野菌腸、原蝦鮑螺片燒賣皇、鯊魚骨湯鲜竹卷、碧綠活剝蝦餃皇、煎蘿蔔糕 ⋯⋯ 每樣都很可口。縱然自己並不嗜食其中一些點心，但從在席食客口中知悉，絕不欺場。如果多人出席，會點石鍋鮑螺片雞粒炒飯，服務員端出來時，仍然聽到那熱滋滋聲，賣相已經看到它味道很惹味，果然是也，飯粒不會太濕也不硬，嗜米飯者，一鍋落肚也不過份。 若是未夠喉，可以再加多一碟家鄉海鮮炒新竹米粉，米粉幼細，配以碎砌帶子、晶瑩小蝦及炒碎蛋，味道很清爽，不油不膩。

有朋自遠方來，當然要帶他們嘗嘗香港有名的中菜館啦！呢間中菜館有很多有名的菜式，但很多有名的菜色都是要事先預訂，所以有興趣的朋友記得要致電預約啦！今晚筆者嘗了很多美味的佳餚，當中最令我津津有味的便是它的炸蝦梨子。