李圓圓 (庇利金街) (已結業)

最鍾意就係飲黑糖珍珠鮮奶，因為唔使飲咗奶茶瞓唔着☺️今次就一試出名嘅李圓圓，叫咗一杯黑糖珍珠鮮奶2.0，諗住健康啲飲杯暖嘅，雖然暖嘅珍珠就會冇咁Q冇咁彈牙，但係好鍾意佢暖暖地既鮮奶，黑糖又唔會太甜！唔會太大杯啱啱好😇

朋友帶我去嘅飲品店，三個人各自揀咗排行榜上面嘅頭幾名來share, 分別係黑糖珍珠鮮奶紅茶,黑糖珍珠鮮奶2.0,黑糖珍珠鮮奶. 價錢就差唔多30幾咁，可接受～ 佢有一塊大玻璃，俾你見到入面整珍珠，成件事感覺好手作好新鮮即製！奶茶方面，個人覺得最好飲係普通嘅黑糖珍珠鮮奶，唔會太膩，甜度剛好，珍珠好彈牙偏大粒，好有口感，好過天仁同茶狼，仲要珍珠熱熱地，加埋凍奶茶好有層次感。2.0個杯就太膩了，感覺好似飲花奶，超爆肥的感覺，要零下30度好絕望先會鐘意😆一個人飲完成杯會覺得好膩，飯都食唔落，唔太推介，整體係濃郁重口味！另外的黑糖珍珠鮮奶紅茶就淡左少少，比較清新，如果平時普通珍珠奶茶都怕膩就飲加左紅茶呢款啦！總結係珍珠正奶茶好飲，不過真係要選番自己飲開的口味，過膩過淡都唔岩我，會encore

同老婆兩個人喺lunch時已經食share左一杯珍惜奶茶，但係唔好OK嘅，所以決定專誠去搵一間真係好飲嘅再飲多杯，有人介紹我哋去飲李圓圓，正當考慮緊去佐敦定去荔枝角嘅時候，我哋決定咗佐敦，因為朋友都係去佐敦，而且荔枝角店喺OpenRice嘅食評唔及佐敦咁多，今日真係博過，一定要飲好飲的，所以揀咗佐敦。以前成日覺得啲珍珠要少少硬先至叫做煙靭，飲完李圓圓嘅珍珠先至知乜嘢叫做煙靭，其實佢咬落口係林林地既，但係彈性十足，食落肚都唔晾胃，人手炒既的確唔同啲！唯一係啲珠甜左少少，我是點走糖的。

話說依間黑糖珍珠係台灣已經好出名，之前去台灣旅行嘅時候冇飲到，點知咁快就開到尼香港，仲要係黃店！咁一定要幫襯啦。之前一直冇經過佐敦，今日去開尖沙咀就順便行過尼買。叫左佢嘅‘’黑糖珍珠鮮奶‘’，原來係佢嘅No.2，No.1係“黑糖珍珠鮮奶2.0”，個staff話係再濃啲、多奶啲，不過我怕太飽，就叫普通嘅version算～黑糖珍珠煮得好入味！唔會好似某啲鋪頭淨係得面層有黑糖味。睇唔到佢用咩奶，不過好香鮮奶味！個人覺得係香港so far飲過最好飲嘅黑糖珍奶！希望佢之後可以去港島區開分店啦😢

話說咁岩又去佐敦有野做，每次去親佐敦都會諗起李圓圓，個種好香甜嘅黑糖味🥰所以咁岩去問佐敦，又可以會一會佢啦😎記得有一次唔小心記錯，叫左黑糖珍珠鮮奶2.0，個感覺淨左好多，成杯野淡左都冇左個個黑糖香味，都係正常版嘅黑糖珍珠鮮奶最岩我口味，真係完美比例黎！黑糖珍珠鮮奶冇得揀甜度同冰嘅份量，如果怕甜可以請店員幫你盡量篩走d糖漿，咁就會冇咁甜，至於冰嘅份量呢，因為佢d黑糖珍珠係炒嘅，所以係熱熱地，加埋冰其實都唔會太凍，一開始飲仲有d暖暖地添！根據我飲過咁多間黑糖珍奶黎講呢，李圓圓嘅黑糖味係最自然同香，唔會有死甜嘅感覺，珍珠襯熱飲個陣好QQ ，口感好好，推介👍

李圓圓的黑糖珍珠鮮奶，我覺得奶味跟茶味比較重，黑糖比較少；珍珠是剛剛煮好的，所以是熱熱的，味道也很好👍我覺得這裏口味很好，比其他的黑糖珍珠鮮奶，算不甜；而且地點很方便，推薦👍

Another brown sugar bubble milk tea shop in town. What’s special about this one is that they use freshly cooked bubbles, which you could see in a big pot near the cashier; and there is a milkshake option!I got a Brown Sugar Bubble Milkshake, which is the left one in the photo. Staff told me that it was more like shaved ice, but since the hot brown sugar bubbles melted the shaved ice, it tasted like milk at the beginning, and milkshake slightly afterwards. Interesting!The brown sugar bubbles were

#中意嘅請分享請點讚🍻----------#黃店 💛💛5/8,11/11罷工--------🥛黑糖珍珠鮮奶 $30黑糖珍珠大大粒夠煙韌，唔會太軟/硬，黑糖甜味岩岩好，唔會過甜。重點係可以揀凍/暖/熱，冬天可以飲珍奶又唔驚要飲凍野，我就揀左暖，飲完成個人暖笠笠。----------宜家做會員仲送30蚊優惠券，每次購買可以減5蚊😍 登記做會員費用全免，只要填簡單資料就做到架喇----------🔎李圓圓🚩旺角旺角道30-36號寶安大廈地下E2號舖🚩佐敦庇利金街38號地下🚩荔枝角長沙灣道883號億利工業中心地下6-A2號舖

前排香港興起黑糖珍珠熱潮　其實有啲抗拒　覺得黑糖珍珠鮮奶好多都太甜　飲完又濟🤰🏻　但李圓圓嘅黑糖珍珠鮮奶紅茶飲完真係返唔到轉頭～　首先佢加左紅茶平衡返個奶味 唔會好似平時飲淨鮮奶咁濟　二黎甜度仲可以自己選擇（我地飲無糖　因為本身黑糖珍珠已經夠曬甜）亦可以走冰或者要暖飲或熱飲～依加天氣咁凍就叫左熱～　最重要係李圓圓嘅黑糖珍珠係用明火熬煮　好煙韌彈牙同有口感😋　黑糖味濃得黎又唔係死甜果種　每食一粒都好滿足　而且珍珠數目都幾多🤩cp值高 ⁣不過冬瓜鮮檸檬就麻麻地 本身見到呢杯係李圓圓嘅top 5就試下啦　呢杯嘅甜度固定咗 所以無得叫小甜 飲完第一啖之後覺得冬瓜茶夾住檸檬嘅感覺係幾清新 可惜味道有少少過甜 亦無一種特別驚喜地好飲嘅感覺 普普通通 所以下次都係照舊飲返黑糖珍珠好了哈哈⁣

台式飲品一向好多選擇🥤但就比呢個得意妹妹logo吸引住好可愛李圓圓👉🏻係唯一用明火♨️煮黑糖珍珠嘅專賣店聽落煮法好認真食落都真係幾得試左店內No.1推介［黑糖珍珠鮮奶2.0］拎上手,底部係仲熱架因為黑糖珍珠啱啱煮好2.0版即係牛奶加多左30%‼️飲落好滑好順,仲幾重奶味🥛凍凍地配杯底嘅熱珍珠,又幾夾喎珍珠幾煙韌,有咬口,唔會癡住一pat咁👍🏻黑糖味濃,但又唔會太甜［冬瓜鮮檸檬］有檸檬味,係感覺refresh嘅飲品💦味道偏甜,整體都唔錯📍而家除左佐敦,荔枝角,旺角都有分店喇

【黑糖珍珠鮮奶2.0】 HKD33係台灣飲過印象麻麻，天氣超熱但係飲落係暖嘅🤦🏻‍♂味道幾好都冇用。至於係香港，凍就夠凍啦❄珍珠暖暖地夠煙韌，同凍鮮奶🥛形成強烈對比。而2.0嘅意思即係奶味更多更重，相對地，奶多左杯野就會淡左。整體來講都唔太特別。📍 李圓圓佐敦庇利金街38號地下🚇佐敦站C2出口 步行約1分鐘🕑星期一至四 12:00-23:00；星期五至日 11:00-23:00旺角旺角道30-36號寶安大廈地下E2號舖🚇旺角站B3出口 步行約3分鐘🕑星期一至日及公眾假期 12:00-23:45荔枝角長沙灣道883號億利工業中心地下6-A2號舖🚇荔枝角站D1出口 步行約1分鐘🕑星期一至日及公眾假期 11:30-21:00

你無睇錯！我又去飲李圓圓啦😄🤤 皆因特別喜歡佢既黑糖味超級濃郁❤🧡·☆ 黑糖珍珠奶昔 HKD$33平日嚟都係飲黑糖珍珠鮮奶，今次試下同樣吸引既奶昔🤤 奶昔口感類似沙冰，其實佢係由碎冰製成，所以比較冰涼，夏天飲佢真係透心涼🤩 由於碎冰份量會較多，所以奶味會相對少左，但黑糖味仍然濃郁👍 店員提醒最好10分鐘KO佢，同埋唔好搞咁多下，唔係啲碎冰就好快溶哂啦~·好消息🧡 依家旺角同荔枝角都開左分店啦👍👍

來至台灣淡水的過江龍李圓圓 在香港都營業了好一陣子分店都有三間了🤘🏼🥤黑糖珍珠鮮奶2.0 HKD$33貴為店舖之寶NO.1珍珠暖熱 黑糖味突出不會唔過甜👍🏻軟糯得來又有咬口、Q彈、煙韌、不會過分淋😍因為現煮關係 熱辣辣的珍珠配上碎冰厚鮮奶令飲品不會太冷🤩而且2.0版本冰量較少 牛奶增多✌🏻📌剛拿到上手時 底部珍珠位置還是熱的 喝之前記住用吸管攪拌5-6圈 使其珍珠和鮮奶融合👍🏻📌不要上下搖晃🙅🏻‍♀️🙅🏻‍♂️🙅🏻‍♀️🙅🏻‍♂️🙅🏻‍♀️

聽聞李圓圓的黑糖珍珠奶茶真材實料，是最好喝的台灣過江龍✨ 雖然已轉喝果茶，但一試無妨～。店內的插畫好可愛！特別是各款飲品的插頭，看到就想喝了～🥰🥰🥰🥰。這家主打明火煮製2小時的黑糖珍珠，口感較軟糯但挺Q彈，味道香濃不會太甜😋 比起坊間的更嚐到黑糖獨有焦香味，不錯啊！。另外點了冬瓜鮮檸檬，檸檬味較重而且不會太甜，是較清新的選擇，亦適合對奶類敏感的朋友😌 喝一杯再慢慢逛街也不錯，好好休息一下💪🏻

今日試咗呢間台灣過江龍🇹🇼 李圓圓 香港有3間分店 而呢間第一間香港分店 openrice 41個笑笑 無喊喊 到底係咪咁勁？😼由於係現煮嘅關係 雖然我前面得1個客買咗幾杯 但都等咗5-10分鐘先拎到杯奶茶⌚珍珠係熱辣辣嘅♨️ 奶茶係凍嘅🌬️ 一開頭試飲咗幾啖 珍珠有好香嘅黑糖味 林滋滋嘅👵🏻 奶茶因為啲黑糖同珍珠只係溶到少少 所以飲到濃嘅鮮奶味同少許茶味🤔過咗5-10分鐘⏱️ 奶茶因為珍珠嘅溫度變暖 掛杯嘅黑糖已經溶曬落奶茶入面 珍珠凍咗變得QQ同無咁甜 呢個時候嘅奶茶正中我目標嘅甜度同溫度🤤 (輕熟女為健康 要戒糖戒凍飲) 少少甜唔會好寡 暖得黎喺熱天唔會飲到出汗 Jengssss👍🏼 近期少飲台式飲品嘅我會encore🤘🏼