李記咖啡奶茶

营业中

休息中

毎次食完欽記 必定會叫李記既西多士佢既西多士有別於其他茶餐廳因為佢無放花生醬十分岩我呢d唔食花生醬既人金黃色厚厚既西多士加牛油同煉奶(Order時要求加煉奶)因為無加花生醬 所以唔會好”漏”係我西多士首選 簡直係人間極品另外李記既飲品都好出色我今次飲”茶走 “ 飲落去好香滑 比起好多茶餐廳 佢好似多d層次咁絕對係我心中全港最好味既奶茶

早前喺 open rice 見有人讚呢間奶茶好味，星期日嚟過摸門釘，於是上星期六一心瞓醒嚟幫襯。未夠 11 點坐滿人，好難揾位，啲侍應姐姐都幫手睇吓邊度坐得落 2 個人。 睇啱食乜想落單都要等佢哋得閒。結果叫咗 2 杯奶茶，加一蚊變大杯，奶醬多同餐蛋治烘底，原本想要餐飽但賣晒 😭。奶茶並不如傳說中好味，有茶香但無奶味，亦無奶茶嘅厚口感! 反而奶醬多好正，花生醬有味，新鮮烘起食最捧。腿蛋多等得幾耐吓，但好味都無乜所謂。姐姐們態度好好，會提你杯茶好熱要小心，雖然杯茶唔係我嘅口味，但見啲人讚西多好味我又想去試 🤣🤣🤣

邪惡嘅李記西多，黎到大埔熟食中心，就算幾肥都一定會食呢個西多，其實只係一個好普通嘅煉奶西多！🥢但佢外脆內軟，牛油煉奶同糖的比例啱啱好，令人忍唔住口！ 所以每次黎到都必定要食！

街市尋寶團之李記🍯無錯..我地係跟住雜誌介紹嘅必食推介黎到搵食☺️ 李記果然無令人失望，原來佢兩點就收檔，openrice資料未係幾update. 好彩無決定行完山先食，唔係就白行一趟😎西多士上檯，賣相未係好吸引到我，因為食開清淡，所以見到牛油同過多嘅煉奶係有d驚🙊，點知食落係改觀嘅！麵包咬落好鬆軟，雖然未到外脆內軟嘅口感，但鬆軟嘅麵包為整體加左晤少分數。下次不妨會request少醬，相信會更啱我口味🤤

星期六朝早，心血來潮，想食個西多士，諗都唔使諗就去左大埔墟熟食中心，友人多次推介，但我自己成日都抽唔到時間過去點知一試難忘，係有驚喜既西多士配煉奶呢款西多士係傳統戈種，中間冇餡既，佢似係用煎既方法去整，食落去既感覺唔會話好油另外我地都叫左檸檬茶飲，佢地好貼心會幫你篤埋，一上枱可以即飲

#double_大埔-【街市食好西】呢個街市除咗蝦子撈麵🦐另外仲有魚蛋粉、一盅兩件、鳳爪🐥都好出名 今次👧🏻同👨🏻兩個人食唔到咁多🍽-上個po 講到#🍋👧🏻 去左大埔墟街市揾食 繼續介紹🍴-🔻西多士($16)🥪話明食好西 當然有個西字 今次用咗一塊厚面包🍞加了煉奶和超多牛油🥞蛋滲進了多士🥚可惜有油膉味 扣分🧐⭐️評分：6/10-🔻茶走($13)茶味欠缺 奶味ok🍼⭐️評分：5/10－－－－－－－－－🏝環境：4/10🛋服務：4/10💲價錢：7/10💥翻兜指數：5/10-🍴餐廳名稱：李記咖啡奶茶 (大埔)📍地址：大埔鄉事會街8號大埔墟街市及熟食中心2樓CFS33舖

西多士 HK style French toast ($16).位於大埔街市熟食中心內，隱藏了呢間傳聞全港top 1的西多😍呢度賣嘅係傳統港式西多，內裡冇餡，不同嘅係呢度嘅西多唔係炸嘅，而係煎，煎完再係金黃嘅表面淋上煉奶或糖漿，唔會太油太膩，味道恰到好處，食落口感好好😚 之前每次夜晚去到都冇開，原來每日1點就賣哂架喇，要食就唯有趁早👻.李記咖啡奶茶📍大埔鄉事會街8號大埔墟街市及熟食中心2樓CFS33舖.

入左大埔食完lunch想飲返杯凍奶茶 知道李記d奶茶係大埔幾出名 果然名不虛傳!一去到搵大埔熟食中心 見有好多檔都係咩記咩記 咖啡 奶茶 唔識都幾易搞錯終於搵到李記 叫左個西多士 有得揀糖漿/煉奶 佢推薦煉奶於是我就要左個煉奶西多士加杯凍奶茶少甜依度ge西多士係一塊麵包 唔係脆口 味道唔錯 不過個人比較中意中間有花生醬同香口少少但係杯奶茶真係頂級 茶味清香透徹 不枉天氣咁熱都行廿分鐘黎飲杯奶茶

雖然從小在大埔長大，但不知道原來街市美食那麼多。幾個月前，無意中在網上發現有煉奶西多士，一向都喜歡煉奶那種甜，便bookmark了，一定要試下！上次去搭摸門釘，可能是接近新年早休息吧。這次午餐時間去試試，煉奶西多士+熱奶茶先來的是熱奶茶，夠熱的，飲了一啖，嗯，普普通通，茶味是有的，不過略嫌有種稀稀地的感覺，麻麻地。等了15分鐘左右，西多來了，嘩，很多煉奶呢食落是熱的，而且好香蛋味，不像連鎖店弄的西多那樣，配上牛油加煉奶，好好味有機會會再來，而且只是$16，抵食

大埔墟街市真係好多好嘢食，一上到去熟食中心人煙鼎沸，假日黎到每間檔口前面都坐滿人，令人花多眼亂。呢度除咗出名嘅茶果、炸豬扒同粉粉麵麵等，最好食莫過於李記既西多士！不過今次早餐時間黎到唔係食西多，而係食三文治！識食一定係食蛋牛治，記得烘底！佢即叫即整，蛋好香唔會太老，牛肉唔少又唔會太搶蛋味，麵包唔會太乾，少少脆然後仲食到麵包既柔軟，襯埋個熱奶茶，同呢度既人情味，打打牙骹，認真good morning!

在大埔墟熟食中心才吃過魚蛋粉，朋友未夠喉，我們到了另一檔去喝奶茶。二人叫了一份餐蛋治來分。白麵包很香包味，微微烘過但又不會太乾身，麵包中間仍是較熟的。夾著午餐肉和煎蛋，很飽肚很港式很地道的一份三文治。重點始終在於奶茶，我們叫了一凍一熱。不論是凍的還是熱的，都飲到用濃濃的茶胆冲出來的茶味，芳香提神。奶一定要多才夠滑，不加糖更可飲出原味。我們都認為這就是經典的茶檔奶茶了。結果吃完餐蛋治和奶茶才夠飽，二人繼續去逛了。

李記西多士 $14煎出黎唔係炸冇咁油😍 而且有得揀要煉奶定糖漿煉奶份量好足 每一啖都可以有💖水準真係不錯😋🤤評分:9/10🌟雞蛋出前一丁面 $18有得揀太陽定熟蛋 仲有唔同味既出前一丁幾特別😂

星期六人多，搵位一點也不易，另外要小心不要坐了其他檔口位置。下單時阿姐提醒要等比較耐，本來以為食物要等，最後原來係飲品要等，等了約30分鐘，但人家已提醒，可以接受熱奶茶這裡的熱飲可以選大小，挺特別。奶茶算是不錯，茶夠熱而且茶味濃但口感不夠厚西多士可選跟糖漿或奶油，我選了奶油。奶油太重手，下次會另上。西多士麵包軟熟，口感一流。西多士最重要唔會炸到好油，這裡做得不錯。西多士沒有咖咉或花生醬，如果有會更好，蛋味也略不足

星期六嘅早上，叫咗一杯熱奶茶一個蛋治。 完全估唔到要等半個鐘。 真係等到我都唔好意思， 覺得阻住人啲位。唯有叫第二檔啲嘢食食住先啦。講真，飲過其他檔嘅奶茶，呢間叫做好好飲。奶唔夠滑，但係就好重茶味，好香濃！件蛋治咁嘅價錢都幾好食！其實呢個價錢個早餐都叫好抵食同幾好食！雖然等好耐，服務態度都好嘅！

聞說呢度d西多好出名，事不宜遲，即刻行動。呢日(平日)朝早10點幾黎到熟食街市，見到「李記」d枱都full full地，甘搭枱囉。一坐地，待應靚姐已經說時遲那時快過黎幫手落單，甘黎得就梗係要個馳名西多，凍檸茶。見到廚房都好忙下，甘我就耐心甘等左十分鐘度，西多送到。「西多」: 呢度D西多入面係無夾餡的，至於醬方面，可以選「糖醬」或「煉奶」，呢日我選左「糖醬」。西多上枱時好香蛋香，混合埋牛油咸香同糖漿甜香，加埋炸到金黃色，賣相非常討好，就好似同我講：「你快d食我啦」，令人食指大動之外同時垂涎三尺。而西多亦已經切開左9塊先上枱，食時好方便，真係小處見心思。外層蛋漿蛋香濃郁，蛋熟得恰到好處，糖漿、牛油滲入麵包心。食落外層帶些微焦脆，緊接就係柔軟、鬆軟，咸香中帶甜膩，好似食緊綿花糖甘。一件一口，食得好方便。叫左杯凍檸茶，超大杯，茶膽屬淡身，好香檸檬味，唔「澀」，比較接近「西茶」果種「檸檬茶」，個人反而比較喜歡。