來一碗餛飩

营业中

休息中

上次看見幾枱食客點了煎餃子，飽滿煎餃子非常吸引，便特意再去光顧。點了一份6隻$38雙拼煎餃，分別是韭菜鮮肉餃和芫茜鮮肉餃（加$2轉為雙拼煎餃），很少吃煎餃不知是否便宜？即叫即煎餃子需時，等了約10分鐘，熱辣辣餃子和泰式甜醬一齊送來。餃子外皮稍微煎至金黃香脆，咬一口餃子，熱氣瞬間從餃子內冒出來，看見豐富的韭菜肉餡，又多汁又香噴噴。雖然韭菜鮮肉煎餃味道比芫茜鮮肉煎餃濃烈，但是芫茜鮮肉煎餃味道也不錯。單吃煎餃或是沾泰式甜醬也很好吃，又或是吃一口店家醃製蘿蔔再一口煎餃也不錯。^^

裝修都幾好人客都多下午茶套餐經濟實惠主食有6款(都係六選一)小食6款(都係六選一)原味小餛飩一口一粒餡料十足酸湯肥牛米線少少酸中帶點微辣肥牛剛剛好吾會太生或過熟剁椒皮蛋1隻豬耳2杯豆漿

早前到訪《來一碗餛飩》吃了原味餛飩麵，價錢合理，味道又不錯。再次到訪剛巧是下午茶時段，$39 可以吃到主食、小食和飲品，吸引了很多食客。下午茶餐牌款式多樣，主食、小食和飲品均是六選一，素食和肉食者都能享用。點了酸湯肥牛米線、酥炸小餛飩和熱豆漿。酸湯肥牛米線：湯底並不酸，反而辣味較酸味為重，可能是辣酸菜肉碎量多。還有五塊肥牛，白灼生菜、炸花生和蔥花。雖然是下午茶，米線份量也不少。酥炸小餛飩：香脆熱辣辣的小餛飩帶點酥味，點些辣醬很好吃。熱豆漿：一大杯熱豆漿，充滿豆香，稍為有點甜。挺著「滿足」的肚子離開，聽著店員說多謝，歡迎下次光臨。😊🌷*幾枱食客都點了煎餃子，看見煎得飽滿餃子送到食客，下次也可以試試。

新蒲崗的街頭巷尾，總藏著令人驚喜的美食，最近康強街新開的「來一碗餛飩」就是其中之一。店面不大，主打每日新鮮製作的手工雲吞，光是這份用心就已讓人躍躍欲試。走進店裡，簡潔環境讓人感到舒適，點了紅燒牛腩米線+原味雲吞 (HK$69) 以及一份 芫荽芹菜鮮肉餃 (HK$48)。紅燒牛腩米線上桌，香氣撲鼻，牛腩燉得軟嫩入味，入口即化。湯頭濃郁醇厚，鹹香帶點微甜，與米線的滑溜口感相得益彰。米線吸飽了湯汁的精華，每一口都充滿了牛腩的香氣，讓人回味無窮。重頭戲來了！原味雲吞果然沒有讓我失望！雲吞精緻小巧。薄透的雲吞皮包裹著飽滿的鮮肉餡，輕輕一咬，肉汁在口中爆發，鮮甜滋味不會過鹹，能充分嚐到豬肉本身的鮮美。芫荽芹菜鮮肉餃外皮Q彈有嚼勁。餡料中芫荽和芹菜的比例恰到好處，既能嚐到其獨特的香氣，又不會過於搶味，-總體而言，「來一碗餛飩」的出品都相當不錯，加上價錢合理，CP值相當高，絕對是新蒲崗覓食的好去處。 來一碗餛飩（餃子粉麵）地址：新蒲崗康強街17號推薦指數：★★★★☆必點推薦：原味鮮肉雲吞、紅燒牛腩米線

之前曾在西九龍中心吃過《熊貓小雲吞》，今次到訪《來一碗餛飩》感覺餐牌上有些食物很相近。點了一碗原味餛飩麵，共有十二粒小餛飩。原味餛飩麵賣相好，材料放得整齊有序，有小餛飩、上海麵、炸花生、辣酸菜肉碎、白灼生菜和蔥花。餛飩皮薄滑溜，包著鮮嫩豬肉。一小口的原味豬肉餛飩，配上鹹的炸花生和辣酸菜肉碎，惹味又有口感。$39原味餛飩麵份量多，令人吃得很滿足。**枱上放有食店自家醃製的蘿蔔，清新爽口，非常開胃😋**提提大家食店的下午茶餐很便宜，價錢是$39，包括有主食、小食和飲品。😊

星期日去新蒲崗行街，咁啱見到呢一間新開嘅小店，就入去食午餐。店內環境乾淨企理，男店員及女店員都很友善，我小朋友叫左米線，上菜時佢哋都有同我講聲米線面的肉醬係唔辣嘅。食物方面餛飩及煎餃都非常足料，煎餃同甜醬（似泰式，但係唔辣）又好夾每款餛飩米線都有10幾粒小餛飩，真係好滿足！紅燒牛腩麵都唔錯，牛腩一D都唔韌！店員強調所有湯麵都冇加味精，食完都唔會口乾。下次我都會再去食 今次3個人食左兩碗米線、一碗麵、6隻煎餃同1杯豆漿都係$174 ，好夠飽～性價比都算好高呀

我好鍾意食餃子餛飩，每逢經過餃子店舖都會試試，今日在新蒲崗發現新開了一間食餛飩扁食小店，當然也要入去試吓，福建餛飩特點是皮薄滑溜，內裏肉質Q彈，湯底顏色清澈但濃郁。這間是手工現場包製，食物唔隔夜，夠新鮮。除了餛飩，粉麵餃子都有好多選擇。🔘肥腸撈麵：肥腸滷得入味配搭蔥油撈麵彈牙爽口，超美味😋🔘魚丸湯：福州魚丸口感Q彈，肉餡多汁，配上清甜湯頭，回味無窮。🔘原味餛飩：餛飩皮薄滑溜，內裏肉質鮮嫩夠味，湯底顏色清澈鮮甜，就連湯都飲埋🤭🔘韭菜鮮肉煎餃：餃子皮煎得金黃焦脆，餡料香濃多汁，超好好吃👍

收工，都唔想煮飯，係附近搵嘢食就算🤭見到間新開來一碗餛飩，裝修都好似幾好，而且人客都多，就試下有套餐，有散叫，套餐就一般比較經濟實惠🤭朋友點A餐，原味餛飩面配一碟拍青瓜，一杯凍檸寧茶😋我就叫B餐，香辣肥腸湯麵，配碟蔥油拌菜心，一罐可樂😋套餐份量好足，餛飩有10粒，餛飩係老闆每日親手包，而且每碗麵都配上酸菜跟肉碎，湯抵好好味🤤餛飩細細粒，但肉味道好新鮮， 肥腸都鹵得好好味🤤林林地又有口感，麵質地又爽口，唔會林pat pat，好中意佢地酸菜同肉碎，酸酸辣辣，好食拍青瓜🥒爽口而且味道夠酸，我中意真係要讚蔥油菜心，睇落好普通一碟菜，但佢地蔥油做到好好味，我都隱唔住問店員，啲蔥油豉油係你地自己做，好好食喎，店員話係老闆自己做，自己調味，秘製🤭 但我地太包、下次再嚟食，我一定會叫蔥油伴麵😋太好味

好開心喺屋企附近搵到正嘅餃子店！見佢哋標榜：唔隔夜，更新鮮，現包現煮即刻好有家的感覺，好健康店內環境光鮮整潔，枱面好企理有全日供應嘅套餐，選擇非常多好抵食！揀完主食，仲可以揀一款小食，同埋飲品自家製嘅豆漿，微甜，好好飲，超推薦！叫咗嘢食，就可以準備開餐可以試吓佢啲自家製嘅醃蘿蔔清新清爽，好食😋手拍青瓜手拍做到不規則嘅效果，更加掛汁入味係清新開胃嘅選擇小雲吞係佢哋嘅招牌菜，一大碗，賣相靚仔個湯好靚，係每日新鮮煲嘅豬骨湯，飲每一啖都好舒服。小雲吞粒粒滑溜，餡料份量同味道亦唔錯，抵讚！屋企人大讚嘅煎餃，真係非常出色個皮唔會好厚，餡料又多，必食！仲可以選擇自己想要嘅餃子，我哋就揀咗韭菜餃，咬落去仲有汁！另一款主食我哋就揀咗炸醬麵依碗炸醬麵亦好有誠意，每樣配料都好多，特別係滿滿嘅青瓜絲，令到成碗麵嘅口感爽脆，好清新！碗麵嘅份量仲好巨大，真係非常滿足啊！

新蒲崗好多特色小店，平民美食，今晚就來探索一下新口味，一向喜歡吃餛飩餃子之類，發現一間小店晚餐時間很多人光顧，就試試看。一人餐$55或$60就有主食、小食和飲品，相當抵食。原味鮮肉餛飩 手拍青瓜 豆漿 $55餛飩有15隻，皮薄餡鮮，口感非常滑溜，手拍青瓜爽脆帶點辣，份量不少，豆漿要大讚，味道口感十分濃郁，甜度適中。韭菜鮮肉煎餃 酸辣雲耳 豆漿$55新鮮煎的餃子熱辣辣香噴噴，咬下去皮香脆，內裡菜肉餡多汁，韭菜好香，令人回味的，酸辣雲耳爽口，酸辣惹味。

套餐超級抵食，有雲吞有麵，仲有小食加一杯野飲仲有下午茶優惠返工一族一流選擇係小巴站隔離 位置方便仲有飯同小食可以選擇鍾意食辣仲可以加辣午市已經超級多人啦值得推介啊！