來來小吃店

营业中

休息中

🍨來來小吃店🧋呢間最近好似幾多人討論同分享嘅甜品店，即管試吓佢係咪真係咁正😗一打開真係呆咗，得啲白色嘅冰🤣🤣🤣 幾經辛苦摷下摷下，終於見返晒我哋叫嘅料🤣 全部嘅料都係煙靭適中，甜度適中，而且配合埋啲黑糖，亦都係啱啱好，唔會過甜，唔會唔夠糖漿〜！ 個日熱到傻，食翻碗真係好正٩(๑❛ᴗ❛๑)۶台灣傳統黑糖刨冰我哋叫咗米麻糬 蒟蒻同埋手工芋圓三種配料 $39五種配料 $47 📍 西灣河太安樓地下第二街A33B號舖⏰ 19:00-23:00可以留意吓店主社交平台，每日都有更新開鋪日子，咁就唔使驚摸門釘啦🫶🏻

呢一間台式飲品店長期都要排長龍，其實太西灣河太安樓都有好多間類似嘅杯裝飲品店，不過唯獨係呢一間長期都有一大群支持者，包括我，無他嘅，就係因為呢間嘅味道好似正宗d，飲得到台灣嘅味道。今晚叫咗黑糖宗合豆花，因為佢有齊我最喜愛的芋圓同紅豆。呢度芋圓嘅size比較大粒，據聞係台灣老闆娘自家製作，味道真係同喺台灣食到嗰啲好似。至於佢啲紅豆煲得好綿，兼且基本上咬開塊皮已經起沙，口感味同味道都係好掂。以$34嘅價錢，真係超值。

呢間食店老闆係正宗台灣人，大部分食材都係台灣入口，仲要係自己親手做。我最愛係佢哋嘅手做大大粒芋圓，大大粒粉粿，仲有大大粒綿綿嘅芋頭。除咗芋圓仲有地瓜圓，綠茶圓，紫薯圓，大大粒之餘仲會食到有芋頭粒，並唔似出面其他舖頭嗰啲細細粒又無味嘅芋圓。粉粿質地QQ好似年糕咁，仲要日日有唔同味道揀，食過焙茶味係最好味，仲有綠茶紅豆味，朱古力味，黑糖味！佢哋嘅仙草係古早味，超正宗！每次都會食燒仙草，雖然係熱，但放一陣凍左就會由液體狀變咗啫喱狀。入面啲料仲有紅豆黑糖珍珠大大粒芋圓。飲品亦係手作，尤其係鳳梨茶，全部都係老闆自己炒。還會有啲季節限定嘅食品，例如冬天先有嘅花生綜合湯。

去太安樓掃街除咗食野之外就梗係要飲野，幫襯咗呢一間舊式少少嘅台灣杯裝飲品外賣店，有驚喜。三杯飲品其中兩杯係芭樂綠茶(好似即係番石榴綠茶)，另外第三杯就試咗葡萄柚綠茶(葡萄柚原來即係西柚)，佢D味道幾好(雖然都知道係沖出黎而唔係新鮮果汁)，最重要係三杯嘅甜味都係剛剛好，不會太甜又不會太淡，最怕嗰D少甜都仲係好甜嘅飲品。呢間野好有台灣Feel，好似喺台灣見到嗰D無乜裝修嘅舊式飲料小店，不過最緊要都係佢嘅味道OK。

係太安樓掃完街想買杯野飲，見到來來有開！叫左唔係成日有嘅紅豆綠豆沙冰配珍珠，勁清涼解渴，就算攤耐左飲都唔會變淡！珍珠都好煙韌，飲極都有，唔會得幾粒！夜麻麻唔想飲茶類飲品，揀佢一流

西灣河太安樓正宗台式黑糖綜合豆花材料足口味夠晒台灣feel，入面除咗豆花之外仲有芋圓地瓜圓迷你湯圓同埋紅豆，芋圓同地瓜圓嘅size比較巨型，不過味道幾好，食得出芋頭味同番薯味，就好似喺台灣夜市食到嘅味道咁樣，好正。另外佢啲紅豆真係好掂，軟綿綿得嚟紅豆味夠晒香濃，煲到少少起沙，我個人就非常喜歡。佢嘅迷你湯丸煙煙韌韌口感同味道都唔錯。至於個豆腐花就夠晒滑。呢碗野雖然落咗黑糖，不過佢嘅甜度都調得幾適中。

認識我的人都知道我很喜歡吃芋圓和地瓜丸，可是在香港一直找不到一家像台灣吃到的口感和味道相近的芋圓和地瓜丸，早年於長州找到一家，雖然只是80%近似，不過已經是吃過最高分的了，不過今天朋友介紹之下認識了這家在西灣河的台，口味有95%近似台灣的正宗口味，真的是一試難忘，以後可不用坐船入長州亦吃到台灣好味道。這店晚上7時多才開門，我晚上7時左右到達只開了半閘，於是在太安樓內吃吃這吃吃那，仍然走回去，終於開門了，買了芋圓仙草凍及芋圓豆花，口感的煙韌度及入口的味道，雖不及台灣吃到的，但正所謂遠水不能救近火，在這裡吃著吃著頂頂癮吧。

🇭🇰來來小吃店·仙草冰$34呢間我好耐之前朋友帶我嚟食 我覺得好好食嘅 不過我近排再食就覺得佢水準差左好多 食左兩次都好失望🥹佢啲芋圓同以前一樣都係超大粒既 但係依家係勁粉 咬落去質感好粉 而且無咩味 係好似煮左好耐漲大左既丸咁 無左之前大大粒QQ既口感 滿足唔到我想食芋圓既慾望🫢🫢🥲·📍來來小吃店 (西灣河筲箕灣道57-87號太安樓第二街A33B號舖)·#rbyeat#rby西灣河#rby港式 #rby甜品飲品

舖面貼滿曬唔同既Menu, 甜品同飲品既選擇都好多, 揀到眼都花, 最後都係揀左我最愛既芋圓😋黑糖綜合豆花($33)紅豆, 粉圓, 芋圓, 珍珠, 豆花呢個組合超飽肚, 全部都係煙韌類既圓形食物, 芋圓超大粒得黎又夠煙韌, 豆花係厚實比較多石膏粉果種, 相當滿足🥰三色黑糖豆花 ($31)雞蛋布丁, 仙草, 豆花都係必勝既組合, 呢款建議可以揀少甜, 因為本身雞蛋帶丁已經有甜味, 加埋豆花既糖漿會甜上加甜, 所以少甜會更好, 都係一個芋圓以外既好選擇😚平日既夜晚去都相當熱鬧, 眼見大家食飽飯都會黎買杯飲品或者甜品食下, 除左冇得堂食之外, 呢個價錢黎講又大份又足料, 絕對抵食🤩

店名: 來來小吃店 地址: 西灣河筲箕灣道57-87號太安樓第二街A33B號舖西灣河站B出口，行3分鐘環境: 不設堂食價錢: 4/5味道: 4/5太安樓一向都係港島嘅掃街媽去處，今次就試下呢間台式甜品店😙黑糖綜合豆花❤️❤️❤️❤️$33縮合包左紅豆🫘，粉圓同芋圓，紅豆🫘粒粒分明，唔會話煲到爛哂，粉圓同芋圓都煙韌有咬口🥳芋圓有淡淡嘅芋頭同地瓜香，豆花亦有豆味，唯一扣分位係唔夠凍🙈🥲stitchfoodie西灣河#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

食完晚飯突然想食碗台式甜品上open rice 睇到食評好似不錯 專程行咗幾條街去食結果…………………🤢伏🤮伏🤬伏成碗糖水冇甜味 叮點黑糖嘅味道都食唔到出芋頭切到大大舊 煮得唔夠時間 實得得 唔夠粉亦冇芋頭香味芋圓大大粒以為唔差啦 點知一陣雪味 好似放咗好耐完全唔煙韌仙草都係一陣雪味 衰過惠康買到嘅即食仙草終結成碗只食到雪味 係雪咗好耐嘅味道食咗3分1已經頂唔住 倒咗第一次食到咁難食嘅台式甜品那裏來的好評？？不可一不可再

嚟到大概十點半，落住中等雨有風都有三四位客人等攞外賣，所以都有啲期待值。落單要咗碗熱嘅綜合紅豆湯，粉圓、小丸子同芋圓 (圖中因正常芋圓賣晒而換咗細嘅)都真係有齊嘅。讚：1. 收錢姐姐落單時已講明大芋圓賣晒，要改小芋圓，落單前會交代清楚，呢點係要讚嘅。2. 三樣軟得嚟都夠煙韌，小丸子糯米味香。劣：1. 紅豆湯無紅豆味，似黑糖水多過紅豆湯，而且極甜，係食咗兩啖之後口乾到要飲水嘅甜，甜到我成碗都食唔落dum咗。2. 小芋圓完全無味，可能太「小」啦，只食到糖水甜味。見到其他豆花相好似幾靚咁，可能只有紅豆湯咁伏啦……小妹就可一不可再，會留返quota食其他舖出品。

🍍來來小吃店🥤呢間正宗台灣食店已經喺太安樓札根好幾年由台灣夫婦主理主要賣台式飲品同甜品之前已經食過佢嘅芋圓台灣人整嘅果然零舍不同～(๑´ㅂ`๑)Q彈得嚟唔會太粉仲芋頭味有芋頭香蕃薯味有蕃薯香不過我最鐘意嘅係佢地嘅台式飲品有別於其他台飲店佢地嘅嘢飲係你會喺台灣街頭先會見到嘅款例如金舌頭手上嘅炒鳳梨鮮奶聽落怪怪但飲落愉快炒鳳梨有果香咬落無渣鮮奶飲落有淡淡鳳梨味唔會死甜我飲咗兩啖俾腦細搶咗就成杯無咗了下次要佢請十杯我飲( ੭눈 _ 눈 )੭

大熱天時同小朋友向附近公園玩完，買杯野飲解下溫先，再買埋碗糖水慢慢嘆。蜂蜜綠茶$18+珍珠$3大大杯好飲，珍珠夠煙韌黑糖綜合豆花$31，大大碗好足料芋圓，珍珠，紅腰豆，黑糖糖水豆花 好好食等緊其間，都唔少人來幫襯。有機會都想試埋其他糖水

好耐無嚟太安樓掃街，今次無做功課，直接見到邊間多人就試吓今日係星期六，老闆娘係一次過收幾張單就去準備，做完個幾張單先至再接單，所以經常會有大排長龍嘅情況出現，條龍又好似好耐都唔郁嘅情況出現，但係老闆娘好nice好有禮貌，最後等咗20分鐘左右仙草冰($32)好抵食，因為入面咩都有，有手工芋圓(番薯,芋頭,綠茶芋圓)，仲有珍珠，仙草同埋2-3大舊芋頭，芋圓同珍珠都彈牙，芋頭就味道好好，但可以再煮林啲，整體性價比都好高