來來小吃店

营业中

休息中

呢间食店老板系正宗台湾人，大部分食材都系台湾入口，仲要系自己亲手做。我最爱系佢哋嘅手做大大粒芋圆，大大粒粉粿，仲有大大粒绵绵嘅芋头。除咗芋圆仲有地瓜圆，绿茶圆，紫薯圆，大大粒之余仲会食到有芋头粒，并唔似出面其他舖头𠮶啲细细粒又无味嘅芋圆。粉粿质地QQ好似年糕咁，仲要日日有唔同味道拣，食过焙茶味系最好味，仲有绿茶红豆味，朱古力味，黑糖味！佢哋嘅仙草系古早味，超正宗！每次都会食烧仙草，虽然系热，但放一阵冻左就会由液体状变咗啫喱状。入面啲料仲有红豆黑糖珍珠大大粒芋圆。饮品亦系手作，尤其系凤梨茶，全部都系老板自己炒。还会有啲季节限定嘅食品，例如冬天先有嘅花生综合汤。