東京小食站

营业中

休息中

每次經過必食嘅小店 服務態度都好好又衛生 每次去都係食煎釀三寶同魚蛋 間唔時再買返支龍眼冰 大大嘅滿足 價錢合理 每樣嘢都食得好開心 經過嘅真係值得一試 次次經過都好肚餓 一人食兩份嘅魚蛋 都已經夠一餐

路過見到佢有唔同嘅章魚燒，一於試下啦😆今次就試黑松露章魚燒～買左盒返屋企開心share!幫襯過唔同嘅日本小食店嘅我地，食過咁多章魚燒，好老實講無論味道 賣相 口感都真係一般，啲醬汁多左啲，顯得有啲鹹，但佢加左好多柴魚同紫菜係上面 呢樣就幾正😂😂而入面嘅章魚雖然大粒，但比較硬，唔係爽口，如果牙力無咁好，應該都咬得好吃力😂希望可以改善～我同時間見到佢有賣Q餅，都想試，下次有機會試吧！今次食個章魚燒就夠，quota已滿🤪

東京小食站今次針灸前去咗呢間掃街，望到價錢真係唔敢相信，依家2023年雞蛋仔仲係賣緊13蚊，再望OPENRICE睇到原來2018年係賣10蚊，短短5年只係加咗3蚊，真係好鬼平！1.雞蛋仔$13（9/10）原味，無餡，好脆！個人口味總評分：9/10地址：元朗青山公路34號任安樓地下G號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#東京小食站 #元朗 #元朗好去處 #掃街 #雞蛋仔 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

如果見到整野食果個係男人千祈唔好幫襯！完全係趕客！無下次間野食過好多次，以前通常都係個阿姨整，完全無問題仲好好。點知今次見到個男人整，落單果陣都心知有啲不妙，點知返屋企打開發現啲野食係勁難食，幾乎係我食過最難食既小丸子！唔明點解可以同一間鋪比唔同人整可以差咁遠！

章魚小丸子🐙 $22六件大大粒，雖然係貴啲，不過呢個分店真係整得好食啲，內餡粒章魚真係爽口彈牙，唔會稔哂，我點埋wasabi覺得好食啲😂大家可以試下👍🏻👍🏻

如果問元朗人要在元朗掃街會揀邊度？首選一定非又新街莫屬，作為元朗人有時想掃街都會去！話說有一日突然之間心血來潮超級想食煎釀三寶，二話不說去左又新街果間「東京小食站」。「東京小食站」同「龍津美食」唔同，「東京小食站」並唔係連鎖店，但賣既小食種類也不少。8件煎釀三寶承惠$20不貴，兩件茄子、兩件豆腐、兩件炸魚旦和兩件紅腸，略嫌唔係好夠熱。想要新鮮熱辣既小食就一定要買日式Q餅，$20即叫即整，制作需時，買既話就要耐心等候。日式Q餅有足足20款口味揀，實有一款啱，芝士火腿呑拿魚紫菜仲有得加沙津醬，真係好好味！

放左工， 個肚又肚餓，但係又臨近食飯時間，所以決定買串燒賣嚟頂一頂個肚先。巴士站一落車就見到呢間野，好方便。之前試過呢間啲燒賣魚蛋幾多同埋幾平，所以又黎返嚟呢間食。 這間嘅小食種類都幾多，基本上小食店買嘅野佢都有。之前試過燒餅同格仔餅，都幾好食。 今次又買番燒賣($10)， 但我認為今次可能佢嘅燒賣可能蒸得太耐， 所以蒸得比較白。 而且佢啲鼓油同辣油都冇咩味， 所以落咗勁多落去。佢$10有8粒(印象好似係)，都算多以呢個價嘅魚肉燒買黎講。

小食站位於巴士站旁，到好夜都仲未關門。最岩返夜收工一落車就可以買啲野食返屋企宵夜。食物種類都算多，有咸有甜。我今晚就揀咗個朱古力香蕉Q餅。老實講味道一般，成個餅偏硬。加上配料只得香蕉同朱古力醬，食落其實有啲乾。不過價錢合理，$22一個。以呢個價錢黎講，作為宵夜食物都算ok嘅。

香港作為美食天堂，除左有好多出色嘅餐廳，街邊小食亦有唔少選擇，當中更有唔少臥虎藏龍，今次介紹嘅就係其中一間。每次經過都想試，今次終於試左章魚小丸子同雞蛋仔。章魚小丸子即叫即做，攞上手熱辣辣，烹調時間啱啱好，食落外脆內軟，啖啖章魚，紫菜仲落得好重手。唯一不足就係落嘅小丸子醬汁太多，搞到有d咸。之於雞蛋仔雖然賣相一般，但食落有驚喜，蛋味香濃，仲好脆口，食得出整個個人嘅功力。雞蛋仔只係賣十蚊左右，但水準非常高，我推介大家有機會去試下！

名叫東京小食店，實則所賣的大都為香港的普通街頭小食，賣的煎釀三寶、燒賣、魚蛋、炸大腸及雞蛋仔，吃過他們幾種小食，魚蛋及煎釀三寶味道都不甚了了，而他們所標榜的日式小食Q餅及章魚燒，龜龜看到賣相一般，提不起胃口。最值得一試是他們的車輪餅，紅豆饀料佔了餅的三份一空間，外皮脆，帶有不俗的麵香及蛋香，筆者行經每每會惠顧一個，馬上吃掉。

🙊每次落巴士總是餓所以行過幾次之後🤤我！忍！唔！住！啦！小丸子我黎啦😂成為$20/6粒一盒6粒熱辣辣(咁岩新鮮整出黎個輪就到我lucky😸）多醬！多紫菜是常識吧😊😊😊😊Overall 味道都okay😏食到粒粒既章魚既☺️雖然粉可以薄番d😂但係$20/6粒 Level :中上中上

經過這間小食店很多次，不過打算等家父放假才一起吃，因為與家人同吃份外開心~$20 / 4個車輪餅真心平，不過不知質素如何! 店員正在弄車輪餅，我們選擇等待新鮮出爐的~ 怎知一等就是15mins，最後決定多買4個，總共8個車輪餅，3個人可以吃得完嗎?奶黃味車輪餅外層如蛋糕般鬆軟，奶黃幼滑且甜度適中，如果外層烤得乾身一點更好. 豆沙味車輪餅這款可能烤得夠時間，外層較乾身，不過內裡的豆沙蓉就過甜一點，個人還是喜歡奶黃口味. 新鮮即製的車輪餅難吃極有限，而且這價錢CP值超高，不過個人比較推介奶黃味，不要買錯啊! 最後，站在街頭的我吃了1個豆沙、2個奶黃車輪餅，會嚇壞人嗎?