東京站日式小食餐廳 (已結業)

荃灣區既朋友一定識呢間次次經過都大排長龍 全因又平又正今次用$20買左燒賣+魚旦 $10/8粒算係抵食兩者比較下魚旦特別正 入口食到魚味仲好彈牙燒賣味道不過不失 但吾算肥膩下次我考慮買晒廿蚊魚旦 正野 P.s本身我絕少食街邊檔 成日覺得好污糟(特別旺角家樂坊對面食街既炸物檔 次次行過都覺得好嘔lol)東京站望落好似幾企理 燒賣有野蓋好成檔野都井井有條 放出黎既醬汁都幾乾淨吾會成個豉油樽既樽身都係豉油令我心理上舒服d 好似食左吾會肚痛

平時經過路德圍的東京站都與它擦身而過，這次碰巧出糧就來獎勵一下自己吧。東京站出售的小食款式種類繁多：雞蛋仔、叮噹餅、牛雜及煎釀三寶等，令我一時之間也決定不到吃什麼。最後還是要了一個Q餅。雖然Q餅形狀貌似可麗餅，但是餡料卻有別於我們平常配搭雪糕和忌廉吃的可麗餅。小食店的Q餅有十多種餡料可供配搭，主要是以咸食為主，有芝士、吞拿魚、煙肉等。我比較貪心想每樣都試一些，所以就要了芝士吞拿魚火腿紫菜作餡料。即製Q餅的邊邊位置非常脆口。整體芝士味不濃，只有拉絲效果而已。反而店舖加了大量黑椒在吞拿魚碎中，結果把魚味全都蓋過了，令Q餅吃起來只有濃烈的黑椒味。其他配料的份量不少，吃到底仍然能看滿滿的吞拿魚碎，非常滿足。

唔知同旺角新寶戲院樓下嗰間係咪同一間，不過曾幾何時荃灣店嘅價格只係旺角嘅2/3左右。不過時移世易，雞蛋仔由10蚊兩底飛快地加到依家18蚊兩底，我最鍾意嘅Q餅亦由14加到18。Q餅喺上個年代新潮街頭小食，話就話韓國引入，不過喺韓國就無咩見過。呢度嘅餅Q啲餡好足，自己鍾意吞拿魚，但唔另加沙律醬，否則會過濕。

同朋友行街口痕想食野, 路過東京站即刻要買D小食止痕見到佢有紫薯雞蛋仔好吸引 , 而且HK$18仲可以買任何雞蛋仔同格仔餅 2 件! 一人一件剛剛好價錢算合理啦, 荃灣區好多地方都係賣HK$10一底紫薯雞蛋仔 - 其實只係一般雞蛋仔, 完全冇薯味, 中伏了格仔餅 - 即製熱辣辣既野好難唔好味 , 比雞蛋仔優勝!如果想輕食, 仲可以考慮HK$6 個多款口味的銅鑼燒~

又趁在荃灣轉車的空檔食好西，這次來到馬路邊的東京站，位置方便。其實幾年前對它的奶黃叮噹餅情有獨鍾，每次經過都會買來吃，印象中那時只有奶黃和紅豆味，$6一件。今天一看，發現多了很多新口味，居然有我最愛的抹茶味！！！而且多年來也沒加價，還是賣$6！此外還多了朱古力味和椰絲味。東京站除了賣叮噹餅還有很多小食，如Ｑ餅、雞蛋仔、格仔餅、章魚小丸子等。人來人往，生意不俗。雞蛋仔有多款口味，有為港女而設的抹茶和紫薯味！！不過今次先試叮噹餅～抹茶叮噹餅 $6剛好新鮮即造，熱得燙手，我也等了一會才敢吃。一咬開，裡面的抹茶餡便洶湧而出，以這些街頭小食店來說抹茶味算不賴，不是人造香精味，甘苦得宜；叮噹餅質感鬆軟，不會太乾，重點是很便宜！雞蛋仔也只是$10！下次要試試紫薯雞蛋仔～

睇戲前總係覺得要買小食醫下個肚先得，去到小食店永遠都花多眼亂，好在我朋友好喜愛食格仔餅，所以我地最後買左兩份一人一份，其實我自己就鍾意食雞蛋仔多D，但係見格仔餅有雙份優惠就試下啦雖然無平時食開既咁厚身，份量似迷你版既格仔餅，口感亦都冧身同唔多花生醬 糖，但味道同一般格仔餅一樣，係平價選擇黎講好抵食，價錢親民又入到口，不過不失。

9-6-2016 ( Thur)端午節同老公食完早餐,行o黎呢邊搵o野,搵到喇,然後又想食格仔餅,咁o岩有東京站,賣$8.00一件,於是買o黎食.一早已整定幾件,塗上牛油,花生醬同加錬奶攪掂食得.當然,開到食邊位冇乜料,要食到中間至食到呢啲餡,好味,雖然唔係多,但o岩o岩好,唔太甜;格仔餅佢係俾暖暖地o既我o地,當然,格仔餅已經唔脆.

大河道的東京站，人氣比龍津更厲害，但無疑，呢個鋪位係靚好多。看見林林總總的小食，仍決意要吃煎釀三寶，實在太耐沒吃此品了。叫阿姐隨意幫我執，有釀青椒、釀紅腸、釀茄子、炸魚旦…… 竟然仲有，炸蟹柳？以前的三寶，唔多覺有蟹柳喎~這裡的三寶，勝在夠熱，魚肉都算彈牙既，十五蚊有七件，買多啲仲平啲，無咩好投訴啦！

吃過十八座狗仔粉後，老公便去找他的飯後甜品。只見他來到一家小食店前，店前有長長的人龍，都是來買雞蛋仔和格仔餅的。  整個德政圍人氣最盛的就是這一家了，這也難怪，東京站以「平靚正」打響名堂，大熱的雞蛋仔、格仔餅才只售7元，而且還是新鮮即製的呢! 即使要等一下也值得吧!  格仔餅終於到手，金黃色的格仔餅看上去十分挺身，一口咬下果然是非常香脆! 平日嚐到的格仔餅都是軟身的，這兒的卻跟雞蛋仔一樣脆口，即使吃到最後一口也是脆的! 蛋香不俗之餘，花生醬、煉奶、牛油被熱力融為一體，那濃厚的醬香令格仔餅更加美味，7元一件有如此質素實在難得!吃過美味的格子餅，仍有意猶未盡之感。追加一份炸多春魚($20)，小包裝少說也有7-8條。魚身粗大肥美炸漿不算太厚，面層灑上粗鹽，雖略帶腥氣，但重點是魚卵甚澎湃，絕對食得過。這次的「打遊擊」對象都是街頭小食，三間小店，六款美食卻是所費不多，二人才花了九十大元，偶爾把小食當正餐感覺也不錯呢!

我覺得冬天食雞蛋仔係件好浪漫既事囉😍講到荃灣路德圍既話, 東京站既雞蛋仔/格仔餅真係好得首先唔知點解任何時候去買都係新鮮, 攞上手就係岩岩整起既感覺。其次係平, $7/1, $12/2第三亦係最重要, 就係高質! 佢完全做到正宗雞蛋仔應有既外層薄脆, 內裡軟糯香鬆! 而且完全冇糖精苦味! 出面賣成廿蚊底個啲, 唔會係差, 但得個厚字, 失去雞蛋仔應有既口感💁 明明材料都係平, 就係平靚正先配做香港特色街頭小食! 唔通餐蛋麵$100碗叫好咩?我敢講呢度更好, 價錢亦冇得輸😎格仔餅都好好, 好鬆化, 又可以叫多醬多奶😋遙想多年前, 東京站新開時啲雞蛋仔極難食, 又厚又有苦味, 一次就冇回頭。反而附近既龍津一開時, 日日排長龍 (所以保證新鮮)風水輪流轉, 而家龍津無人問津兼有糖精苦味(早幾日食完黎), 唔怪得每次經過都一底底放晒係度冇咩人買... 而東京站就進步左好多, 晚晚都有人排隊買~ (但早幾日食, 唔知點解味道淡左)Tips 1: 背心叔叔手勢好好多, 所以如果見到係姨姨整, 可以下次先買😂Tips 2: 年宵期間價錢會瘋狂脹價, 好似十幾二十1底 lol 平時食多啲haaha

由細到大都很愛吃雞蛋仔，還記得小時候，家樓下常有一檔雞蛋仔小販擺檔，每次與媽媽經過，皆會嚷著：「媽媽，媽媽，我要吃雞蛋仔！」但因為小時候家裹環境不好，而一底對於一個小朋友來說也太多了，所以老闆很好的，每次也只賣半底給我們！我高興之餘，媽媽的荷包也高興！今天晚飯後，口癢癢的，剛好看見東京站的大招牌，雞蛋仔單買只是$7，那就試一下吧！麵漿剛好，不會太厚身；而表面也烤得非常鬆脆，外脆內軟！吃完一粒便忍不住想拿第二粒吃了。$7 的雞蛋仔竟有如此質素，實屬難得！

荃灣路德圍最多就是小食，而這家東京站算是最多人排隊的，店面貼了很多明星推介，款式亦算多，港式、日式都有，早前還有１０元２件雞蛋仔的特價（但現在已加價了），吸引了很多年青人喜歡光顧～而我最喜歡吃這個Ｉ燒Ｑ，在中學時期己見開始吃，到現今味道還一樣，外層是脆脆的餅皮，單吃也是甜甜的，這次我加了粟米芝士火腿，排隊花了１５分鐘，但真正弄出餅只需要３分鐘，一個已經夠飽，還可以自由加很多食材進去（需加錢），有甜有咸的配料，如果量再多一點點就好了～

尋日(17-1-2015 Sat) 同男友返出荃灣,男友又扭計要食小食=.=”,好啦,又俾佢拮串魚蛋食啦.我o地o黎到,見到有條人龍,睇睇,人龍係等雞蛋仔,男友決定食章魚小丸子,前面有一人個人等o緊,而我見隔離有叮噹餅整定o左好多,但冇人買,男友就問亞姐,如果買叮噹餅使唔使排隊?亞姐答要.咁我o地唔買lu.終於到男友買喇,佢用$15.00買o左一盒6粒,由於天氣凍,所以我o地唔拎返屋企食(因為重要買啲o野),行埋一邊食喇.章魚小丸子加o左沙律醬同燒汁外,重舖o左紫菜,食得.o岩o岩整起,梗係熱騰騰,咬o左一啖睇,內裡除o左有章魚粒,重有啲椰菜絲,至於味道.就算穿我o個粒冇乜紫菜,但都只係食到紫菜腥味同少少沙律醬味道.

做得荃灣人，東京站呢個名簡直就好似麥當勞一樣咁熟。十蚊兩底雞蛋仔，味道仲係唔差，可以去邊度搵呀不過今日就唔係介紹雞蛋仔，而係同樣都係十蚊2件的人氣之選 - 車輪餅/叮噹餅。大大塊banner 話你知咩係十蚊2底。抵呀!!個盒雖然有d 核突，不過一諗起十蚊2底，即刻靚哂=]佢一盒可以放4個架，加上個包裝，買比人食都好EASY東京站的車輪餅有紅豆，奶兼同椰絲口味。我個人最推介奶黃口味，無咁甜，似吉士醬 曼重要係，好足料!!!!=]

由於工作關係又到了荃灣某商場，完成工作後正打算乖港鐵回家，看到前方大排長龍，原來是一間名為「東京站」的小食店望向上方橫額，大大隻寫上「叮噹餅、奶油班戟、格仔餅、雞蛋仔」$10蚊兩件，$6蚊一件，在葵芳$10蚊也買不到1件！這裡竟有兩件！難怪大排長龍了！價格雖平但味道卻不知如何～一於試試～！奶油班戟 ($6/1件，$10/2件）［評分：5/10］懷舊的奶油班戟不算常見，薄薄的班戟面上塗上牛油、花生醬及煉奶，其實跟格仔餅相似，只是餅身及口感不同，由於班戟比較少人揀選，所以預先已製作好，入口時已經變冷了，班戟的邊皮部分帶點微脆，蛋香不算濃郁，醬料亦不算太多，但由於班戟已經冷卻了，所以質感有點粗糙呢. . .還是格仔餅比較抵吃雞蛋仔 ($6/1件，$10/2件）［評分：7/10］排隊人士當中，佔半數也選揀了雞蛋仔，即叫即製，熱辣辣的，每粒外表也十分圓滑，入口脆身，內裏的粉漿也是滿滿的，富彈性，口感相當不錯，但亦比較飽肚，而味道方面，蛋香中等，帶點微甜，以$6蚊一底來說，質素已經相當不錯了～！東京站日式小食餐廳 (荃灣)荃灣大河道22-28號榮安大廈地下～～～～～～～～～～～～～～～總消費：$