東京築地拉麵 (已結業)

我最鍾意食日本餐，一放假就周圍搵嘢食，今日來到旺角山東街，見到有間叫築地既舖頭，但我哋又未試過，咁㗎行落去試下，點知個樓梯又斜又陰森恐怖 好似日本去鬼屋咁。 入到去都唔係太多客，得一位侍應喺度工作， 我哋叫咗個 鯛魚燒定食佢一早同我哋講要等30分鐘，我哋又叫咗個鰻魚飯一個餃子 一個拉麵，佢都有提我地之前叫咗兩個套餐，都算細心嘅有留意我哋要左啲乜嘢， 可能佢驚我哋食唔曬浪費食物 ，我哋就食咗個拉麵先 (個面質唔爽口，湯底無豬骨湯嘅濃味好淡)，跟 住食餃子，但皮好硬唔係脆嘅嗰種鰻魚飯嘅份量又好少 得半條鰻魚咁上下(仲要係细條果種)， 個咖啡又淡 ，淡得來冇咖啡味係得個甜味， 反而個雕魚燒有少少驚喜， 因為係原條鯛魚上嘅 ，都燒都ok嘅(當然你吾好企望有鲜味)， 跟餐送嗰兩串雞肉串就好喊王冇肉味佢既食物水準比對面一x日本料理好好多，價錢差吾多，由於我哋都食得上算多嘢150蚊可以接受

看到過百個讚, 以為質素應該還好, 見餐廳主打自家製拉麵, 叫了個餐廳推介的豚肉拉麵, 結果.....差點要懷疑自己的味蕾是否出了問題, 淡, 很淡, 個湯...真是....結果自己又要落辣油, 又要落七味粉, 又要落大量芝麻, 才可以食畢整碗拉麵。牛肉飯反而正常, 不過不失, 某某連鎖快餐店質素, 燒鯖魚也算正常, 兩人埋單166元。如果你在旺角星期六, 日, 這些繁忙時段, 不想等位, 又對味道無要求, 可以考慮下, 否則....還是找過另一間。

未試過食無味既拉麵，所謂辣味拉麵仲差一D都唔辣，服務員態度又差，想佢介紹下好似唔多願意咁，講返食物，麵好淋、湯好淡，我諗最好既已經係我叫既零系可樂，佢真係有可樂味架，強力建議大家以後不會賭錢落海，小心小心

大年初一有事過來旺角，隨便搵間坐低叫左嘢食先見到間嘢評論麻麻，驚左下…點知出來完全正常，5、60蚊嘢仲送野飲和小食（烤雞肉一串），有驚喜！願為它正名！真是不能盲從評論

呢間鋪頭雖然係雅蘭中心 但由於位於地庫 需要繞個圈去另一面先落到去其實本身只係想同朋友坐低食個晚飯吹下水 行過好奇就行左落去試下鋪頭唔大 晚餐時段都唔算多人 我叫左赤神豬骨湯叉燒拉麵 因為佢係menu上少數既辣野食碗面既賣相其實唔差 但一食落去就知中伏佢面個層係一層辣油 啲面都煮到太軟 食落口淨係食到陣油味但佢既叉燒同半熟蛋其實唔錯食到最尾先見到有層香料既物體係碗底 可能撈埋佢個湯會冇咁油同多啲味但係我同我朋友都已經冇咩興趣再食碗咁油既面

同朋友喺朗豪坊睇戲 睇完戲梗係去覓食啦朗豪坊好多餐廳都食過 所以就決定搵下其他喺附近既餐廳朋友就揀咗呢間 話因爲想食拉麵🍜 一入到餐廳都幾多空位 可能係因為已經比較晏有lunch menu可以揀 但因為我同朋友好多款都想食 所以就揀咗嗰咩都有既拉麵 特上大盛拉麵 好多想食既配料都有 一次滿足我多個願望🤤 但係呢個拉麵真係好令人失望....拉麵既份量唔多 配料亦都好少 湯底唔夠濃味 非常普通...... 我覺得以呢個價錢可以食到其他更加好味更加抵食既拉麵......兩款飲品都....... 唔知可以點形容😐😐今次呢餐真係好失望 應該唔會再揀呢間餐廳....

早三個月左右同朋友去食拉麵，湯底鹹到不得了，重要D醬都未拌好在底！可想而知！！從未食過咁鹹的！麵質一般。冇下次啦！！完全中伏！！餃子丶刺身還可以。招呼也算OK。

一見到碗麵眼都凸埋，啲油好似唔洗錢，幾吋厚浮晒上面，一飲之下...臭同識員講，佢哋好勁，一個二個金魚上身連三秒記憶都冇，冇反應，當冇事發生...唔識處理咪同其他同事講囉。本應唔想俾錢埋單，但廢事俾人話冇品，但而加後悔了。晚上問返個五歲小朋友碗麵，即時反應係嘔，真正反胃🤢嘔左出嚟，屋企老人家都唔知好嬲定好笑，反問返點解仲食到，當然冇食啦。小朋友唔識講大話加埋個反應，越諗越激氣，馬後砲地講吖，真係叫食環攞去驗下有冇坑渠油成份，真係好攞命冇下次嘥晒個舖位

因工作關係前來旺角, 心血來潮想食碗拉麵, 於是「開飯」一下。位置座落於旺角雅蘭中心地庫, 即朗豪坊斜對面, 門口位置有點隱蔽。為食而食, 因為對於「自私食拉麵」的思念而觸發起食拉麵的衝動, 所以便試一試這「東京築地」！拉麵絕對稱得上為「日本國粹」, 因為「麵」、「湯」、「配料」以至賣相也缺一不可。首先, 服務員的質數奇差, 全在扮工, 咆哮一聲: 「經理」後才成功「落單」。再者, 對於眼前這碗「麵」, 實在不予置評！對於連鎖式餐廳的食物水準一向有點保留, 這又再一次證明。

心月來潮，買左飛睇下午1點既戲，但未夠鐘，又想慳下錢，但又想食些少東西，千揀萬揀之下，就黎左東京築地拉麵，呢度地方唔大，但勝在擺放既野夠整齊同整潔，簡稱骨緻啦！ 入黎之前，睇過下餐牌，拉麵黎講，佢真係幾平！我個人本身比較喜歡綠色，所以叫左個綠魅拉麵，再追加一個仙果蟹柳卷，對於不太肚餓的我倆，真是剛剛好。綠魅拉麵，感覺青青綠綠既野就係幾健康，飲多2啖湯都唔怕肥，其實就係菠菜湯底，平時唔食菠菜既我，對佢一點都不抗拒！麵黎講，可以淋返少少，口感會更佳；糖心蛋好入味，一咬入口，蛋黃香味滲滿口腔，回味無窮；至於肉方面，中規中矩！仙果蟹柳卷，正正常常沒失望沒驚喜。整體黎講，有機會都想再黎試下其他拉麵，重點係價錢都很吸引！

今天出旺角做野，差不多午膳時間，見到這間店，一心想著不想和人迫，便急不及待即刻下去試試甫入內，12點幾，小貓三四隻，可能未到peak hour 餐牌上的食物好似幾吸引，價錢算合理，點了兩個定食，包括飲品和小食鰻魚丼，鰻魚質感算好，可惜有點腥味，醬油只有咸味，唔掂牛丼的牛肉雖然是淋也算炆得入味，可惜是碎碎的，醬油也太咸了，乏善足陳！柚子茶和蜂蜜生薑茶都是普通貨色精選小食是餃子，也是一般貨色，吃過便算！埋單時發覺原來是加一服務費，但見店內只有一位侍應，她忙得我們叫都應不到，其實可以改為自助式算啦！行出來經過太X，已經見到排隊人龍了，點解🤔？

前日同男友落雨落到唔想搵野食，咁就隨便入咗呢間東京築地，坐低見到無咩人都有啲淆，不過入到嚟就算🤦🏻‍♀️🤦🏻‍♀️🤦🏻‍♀️無睇錯，我哋真係只係嗌咗一碗拉麵🤣好食可以再啦，唔好食咪走嚕！咁好清楚啦！Ok ! 大家都睇到碗麵有幾紅，但！佢 係 一 啲 都 唔 辣 ！ 淨係得咸味🤢🤢🤢仲要食咗少少 男友發現佢湯底未撈好，撈完都係！仲咸咗！一啲都唔好食，只有暖，但絕對無煙。下圖我係一嚟就即刻影架!好啦，中伏又點止拉麵，餃子都一樣出事，未夾起男友已經過佢無認真煎，點解，我地估計佢哋係叮熱再煎其中一面，餃子熱到軟，入面比外面熱好多。*就算唔係叮都肯定唔係由頭開始煎，有係屋企煎餃就會明*

朋友聚會一般都揀就腳位置，今次揀咗旺角雅蘭中心一間日本拉麵店。開頭都以為需要等位，畢竟係旺角晚餐時段仲要係星期五，一去到即刻有位。除咗主打拉麵佢都仲有其他日式飯，例如吉列咖喱豬扒等等。餐牌有四個主打拉麵，我哋三個人每人叫一個唔同嘅拉麵。本人比較喜愛吃拉麵，對拉麵嘅要求偏高， 我就覺得三個拉麵嘅味道都一般。但另外兩個朋友佢哋都覺得唔錯而且滿意。此外我哋亦每人叫咗一杯特飲，一路食一路飲一路吹水，都錯左差唔多超過兩個鐘，由於無人等位， 所以都冇人講我地走，而且餐廳環境舒服，都幾適合朋友一班人傾計聚會。

喺雅蘭中心做完嘢，要兜出去山東街仲要落地牢先到。假日午餐set叫咗個沖繩 agu 豬拉麵和咖哩炸豬排飯。拉麵味道還可以，豬排炸得太燶喇吧！咖哩都有啲辣，如果唔食得辣就真係唔好叫。服務一般，只係其中一位侍應，頗男仔頭嘅女侍應，放低我碗咖哩飯好似好艱難，差啲倒瀉，好似expect我會自己接碗飯咁雖然佢另一隻手攞住杯嘢飲，但係都幾唔正常，我諗我未遇過咁嘅侍應。食完了，有個男侍應收碗，唔夠5分鐘，嗰位男仔頭女侍應又放低碗拉麵俾我哋買一送一?舉手搵人，而剛剛收我哋碗嘅侍應過來，仲好疑惑，最後碗麵係隔幾枱的呢啲就係而家啲侍應放低食物唔講嘢，無交流囉唔講服務，食物同價錢都成正比嘅，下次試第二間好了

星期五去食不知所謂。大家千祈吾好去食成間舖得個三個侍應。個男人侍應態度又差幫我地落嘢黑口黑面我地叫拉麵食。冇得加底個份量又少。如果要加底要叫淨麵要成30大元。但個本Menu完全冇淨麵泥樣野！有嘰話我切👊🏻👊🏻拉麵泥到，垃圾到🖕🏻🖕🏻完全冇味又吾彈牙。食味千拉麵都冇咁嬲我地再叫左餃子。五隻癡住咁比我地，仲衰過八方雲集本menu小食完全冇寫有幾多件。所有野都要問侍應最後。我杯水飲晒要加水佢竟然同我加熱水