東哥點心籠仔蒸飯專門店

营业中

休息中

朋友介紹去呢間，呢間鋪頭嘅點心幾好味，即叫即整，味道不錯，服務又好，食過后，幾好，個個都贊好，點心唔錯，三五知己去食，下次再會去，大家都去試下啦😊 下次再約班朋友去食過。

最近朋友介紹了一間點心專門店，我今日去了試食，雖然地方細細但味道質素唔錯，又其是籠仔飯一定要常試吓，因為籠仔上有一塊荷葉令到飯上面很清香，還有每一樣點心也是即叫即整，所以等後時間也會多了一點點，如果想飲茶又唔想去酒樓不妨去這些點心店。

元朗其實有好多食宵夜既地方，但今晚想食點心，就黎左教育路呢頭，揀左東哥點心。一係幾出名好食，二來佢開到夠夜。叉燒腸賣相唔錯， 食落皮薄，而且都食到叉燒粒，好味！！棉花雞有別於傳統橋花雞，佢呢度無腐皮包住，料望落大份d,但實際上少左，呢度兩個棉花雞都無。牛肉球中規中矩，尚可接受。鮮蝦腐皮卷貪新鮮，其實自己未食過。但點喼汁後都幾好食鳳爪逢飲茶都必點鳳爪，一間茶樓既鳳爪好唔好食，絕對會影響我番食既欲望。東哥既鳳爪隻數唔多，但味道都有6/10分。

有個幾月無入過元朗，因為要入元朗上堂，星期六雞lunch想搵間可以快令正咁食既餐廳。 因為上堂地方附近有東哥，男友就提議係度食。地方唔算大，餐牌有各式點心、幾款荷葉籠仔蒸飯同埋燉湯。見有套餐：1⃣️個籠仔鳳爪排骨飯連埋杏汁豬肺燉湯，只係$60⁉️⁉️可能你會話都唔算平，但望下個飯先，大到足夠兩個人share。鳳爪排骨味道不錯，如果蒸飯再多d汁就更好啦！而燉湯杏汁味道就欠奉，不過飲落都似老火湯，菜乾既味道更出，湯裡既材料都唔算少，有豬肺、菜乾、豬肉、杏仁等。咁既價錢、味道、份量，性價比算幾高‼️‼️元朗地頭蟲既男友話呢間開左好多年，成日都坐滿人。大家如果經過都可以入去試下👍🏻！

以前東哥口啤真係幾好，但幾莫半年前去，漏單等左勁耐有個唔好既印象就無去。今日再去番，真係錯哂夜晚1點左右去到，我坐低時其他人都食緊野，落單時理應無其他野煮緊。我只係點左個小籠包+叉燒包，等到1:15都無我就覺得奇怪，但都比啲耐性。1:25，見到另一個後入座既客人都有飯食，真係忍唔住問個阿姐。佢撳下機，好唔耐煩咁問我點左咩。你撳得機見唔到，好明顯係你地錯啦，我又唔係無禮貌喝你，喱個態度已經好差。佢行入廚房時，同另一個阿姐講我地。講還講唔洗咁明顯下話。個下我真係想擺低茶錢走。行出黎同我講漏單蒸緊，一句唔好意思都無，態度仲要依然咁差。等既過程，兩個阿姐不時都有同我地對望，真係唔覺我地無野食好奇怪嫁咩？無野做都唔幫我地跟下後尾再黎多枱客，佢地啲野仲快過我地1:35終於有野食。個小籠包真係差到，一夾起就爛唔係夾爛，係本身就三舊痴埋底皮係爛，漏哂啲湯，食完收籠成枱濕既等左咁耐，結果係食啲咁既野，成肚氣。我唔知係咪個別事件，可能係我唔好彩。小弟就以後唔再去，去附近一哥/至友仲好咁既服務態度，啲野再好食，都唔值得再幫襯。

第一次黎呢間東哥飲夜茶，就叫左個餐，點左鳳爪排骨飯，加左個燉竹絲雞湯，果然唔錯。今次叫左餐就無叫點心。鳳爪排骨飯，對於我排骨有少少肥不過可以入口既，起碼唔係肥到得肥膏個d 鳳爪味道正常，而飯都比較多，雖然個籠唔係好深個d不過一定食得飽既 豉油味道我覺得幾好味，雖然係自己落既。之後個燉湯真係唔錯，都足料，有中藥味都幾濃，而且真係有竹絲雞，所以唔錯架啦。佢既配料都有，湯味都濃，所以好。總結算抵食，服務好。燉湯正，可試下。

今日去到教育路吃點心，佢有個set 蛊頭飯加燉湯，鳯爪排骨飯比肉餅飯較好味，點心即叫即蒸，非常新鮮，個流沙奶黃包太好味，相都影唔切已清哂，另蘿白糕好有蘿白味，不是其他地方吃的只有粉，環境尚算清㓗，如顧客服務再提升就更好。

入黎元朗唔一定係食B仔嘅，今次我去左呢間東哥點心，可以話係慕名而來，睇下呢間新派點心舖有咩咁特別。中午時分比較肚餓，於是叫左荷葉蒸肉餅飯填下肚。餐廳係即叫即蒸，所以都等左一段時間。送上枱面時荷葉香氣撲鼻，同埋個蒸飯size幾大，唔係一般係酒樓見到嘅蒸飯細細碗，夠曬抵食。肉餅好均勻鬆軟，蒸得恰度好處，加上少少豉油調味岩岩好夠味，伴隨住陣陣荷葉飯香，唔係一般係出面酒樓會食到嘅味道。假日係元朗行不妨黎東哥一試，保證你有驚喜。

今日心血來潮想去飲個＂晚茶＂，所以去左教育路。呢度本身都有幾間飲茶，最終都係決定去東哥度食。雖然呢度嘅座位係有少少迫，唔似酒樓咁闊落，不過夜晚都可以有茶飲仲想點?之前都曾經去過東哥飲晚茶，印象中係唔錯嘅。今日再一次encore 見到佢有個籠仔飯餐連埋燉湯都只係$58 感覺都幾抵。兩個人叫左一個飯餐加兩個點心，應該咩都夠啦！飯餐叫左鱆魚肉餅x仔飯+蟲草花燉土雞湯，點心叫左鮮蝦菜苗餃同埋鮮蝦腐皮卷。個鱆魚肉餅籠仔飯一上枱真係嚇一嚇，個飯成個籠大，好驚食唔晒d 野。鱆魚肉餅都算好大塊，唔會話得好少餸唔夠配飯。豉油係自己落，所以唔驚個飯太鹹。蟲草花燉土雞湯真係燉盅咁上枱，個湯好熱又好足料，美中不足係湯嘅面都有唔少嘅油浮左喺面，可以走咁少少油就會更好。湯入面有幾件雞仲有蟲草花，都算好多料，都好夠味，飲完成個人都好暖。鮮蝦菜苗餃一籠有3 粒，大大隻都幾多蝦肉，皮又唔算太厚好滿足。至於鮮蝦腐皮卷就油左少少喇，香口野點都係多D油。不過上枱夠晒熱又足料，肥少少都值得食下嘅！

廢青今日訓到十二點幾時，阿媽開房門入嚟話喺買咗東哥飯俾我🤔呢間東哥一向係我阿媽至愛😂在外食嘅肉餅通常都係落好多肥肉，而呢個肉餅表面望落都見到啲肥豬肉粒🙈但食得肉餅都難免㗎啦🙈食落又唔會覺得好肥膩嘅。最驚喜係啲飯食落真係帶有荷葉香，呢塊荷葉唔係擺喺到得個樣嘅哈哈😆而且淋上甜豉油嘅飯，永遠都咁得我歡心的😆😋.根據我阿媽所講，要堂食先有細size飯叫。如果純粹嚟買外賣食，就只買到大size的。其實細嘅份量都夠食啦😋btw要外賣盒要再加一蚊㗎！.PS 東哥喺元朗有三間分店，我阿媽重覆講咗幾次「近大橋街市嗰間難食好多，要教育路呢間先好食㗎！」同埋佢話要趁十一點半前或兩點定兩點半後食，咁先係最抵食的🤣

天氣凍，食煲仔飯都大排長龍，其實要暖胃，除左煲仔飯之外，我自己覺得荷葉籠仔蒸飯都係一個另類唔錯選擇啲飯用蒸籠局住，飯香就自然鎖係入面，一揭開飯白就撲鼻而來，最重要係一樣暖笠笠呀嘛今次呢間“東哥”，係元朗區都有好幾間分店，但一直都只係門口經過多，未曾入去食過，呢幾日天氣又凍返，一於試試先叫左個金錢肚蒸飯一黎到揭開個蓋，個陣香味已經好吸引，啲飯熱辣辣，啲金錢肚份量都唔算小啦，再配合埋沙嗲汁撈埋落啲飯度，食哂成兜即刻暖返哂，而且價錢唔貴，只係30幾蚊，加多碟菜心都係40幾，真係唔貴架啦不過順便一提係店鋪面積比較細，人多時候除左要等仲好可能會坐得較迫

每次入親嚟元朗都會食呢間鋪頭價錢抵之餘味道亦非常唔錯而且價錢好親民尤其是係啲套餐二十幾＄30就有點心又有飯不過今日冇時間叫咗外賣流沙包係我每次都會叫嘅點心因為出邊好少人做得咁好食價錢平之餘咬落去真係有流沙有非常香濃嘅鹹蛋黃味另外鹹水角亦都非常好食外邊好香脆入邊煙煙銀銀最特別係外甜內鹹係我係外國返香港最想食嘅點心

去到元朗教育路 因小弟大病 想食清小小 所以飲下茶都唔錯 決定去搵點心食 因為教育路另一間點心太多人 黎左東哥呢間食一開始明明入面有位 佢係都路執野比人坐 張台未抹乾淨 又細 坐係一張橫枱本身坐得3個人 後來黎多2個客人 要叫我逼入去 4個人逼埋一張細橫台 很差勁 態度又差 叫左籠仔排骨飯 加竹參湯。同埋點心拼盤竹參湯好油 淡淡油 一啲都唔清 但味道還好籠仔飯好乾身好硬 蒸到過晒火，飯粒硬到 都唔軟熟 幸好叫做大籠 但整體味道麻麻地咋喎 點心拼盤入面 叉燒包好咸 真係好咸粉果皮太厚 菜苗餃得啲啲蝦膠扮有蝦 仲有啲員工見住你冇晒茶 都唔添 要舉幾次手 先肯黎 咁細間都咁 員工又惡 真係唔多得唔prefer 呢間教育路點心

本人和家人一起在這分店食飯時。員工態度惡劣，用十分不禮貌的語氣和顧客服務。當日本人仲見到有一家人因員工態度惡劣而起身走人。。我吾本人亦吾會再光臨這一間食店。。。

呢日約左幾個舊同事食宵夜，其中一個介紹話呢間幾好食，於是就去試下。蝦蛟啲皮都幾薄，蝦都新鮮大隻鳳爪冇乜特別正正常常，但底下有好多舊芋頭晾住，所以D鳳爪好少咸水角唔會太油，但皮厚餡少山竹牛肉只可以形容佢係幾粒發漲左既肉球 排骨冇乜特別呢個係我同事推介話好食既籠仔蒜茸海蝦飯，。。。。成兜嘢完全係一兜白飯、蝦、蒜茸然後乜味乜汁都冇，上面D蒜食落陣味好怪奇，本人覺得好似殺虫水味真係要多謝我位好同事鮮蝦腸粉層皮都算滑 粉果同菜苗蝦餃兩個D餡都新鮮個金錢肚非常難食，有陣好奇怪既味道，同埋個底又係有好多舊芋頭晾住，又係揾笨之作。人地出面就算揾野晾住都會揾白蘿蔔勒，用芋頭好九唔搭八又一難食之作，咪睇佢有甘濃既醬汁，個茄子完全冇味，個魚肉亦都好奇怪好似好粉甘，完全唔似魚肉燒賣D肉質好奇怪又唔似肉，總之難食總結: D野食真心難食，唔信既大家可以去試下。D侍應亦都好唔惦，叫人又冇人應，個個走哂去入面係度吹水。加單時，諗住遞單比佢地勒，個侍應企係收銀度叫我地逐個逐個話比佢聽，懶到甘