東哥點心籠仔蒸飯專門店 (已結業)

睇住佢裝修, 有日唔想來來去去食極都係茶仔, 同事中又有元朗人話好味, 就一齊來試下佢...大家都叫左籠仔蒸飯, 有人叫多個點心牛肉腸粉, 有人叫埋燉湯...不過我地一坐下感覺唔好係, 一定要我地要茶, 仲要每位$5, 焗比呢$5就麻麻地, 叫燉湯都有野飲, 個餐又可加錢飲其他飲品, 咁有d怪囉~鳳爪排骨飯正路又好味, 大家都等得耐, 可能即蒸的原故.. 蒸雞飯一般, 反而個辣味排骨飯幾有趣, 只是排骨的餸比有鳳爪那個還少, 心理上不好罷了. overall的午市籠仔蒸飯的份量頗大, 我地都食唔晒~牛肉蒸腸粉都好味, 不過好有趣的d牛肉似係山竹牛肉整碎左咁, 不過佢d腸粉係好ok, 滑的...到2點半左右周圍入多左上年紀的客人, 我地估一盎兩件唔駛加一d街坊可能都like, 原來佢有下午茶餐$35有2味點心, 加個細籠仔$24, 我地見附近叔叔食的細size都好夠食, 下次如果2人來, $35/2個點心, 加一人一個細籠仔飯便化萛多了...依家每人午市成$73, 偏貴了點, 尤其附近多競爭, 反而外賣都好抵食, 都係一個食點心好選擇

今晚放工番屋企呀媽講明冇煮飯 所以就近近地買左2籠外賣番家食 揀左一籠菜苗餃 同一籠鳳爪排骨籠仔蒸飯先講講啲餃 真係做到皮薄餡靚喎 望落去外面好通透 咬開都算係我食過最爆餡嘅菜苗餃 完全冇偷工減料 而且每個都有3隻蝦 大大隻 新鮮爽口 吾錯菜苗餃 $24至於個飯 買嘅時候覺得佢$42有少少貴😂 因為都好少買鳳爪排骨飯比呢個價 但番到屋企開黎食就知點解同覺得好值了 因為原來佢個係放左大大塊嘅荷葉 所以食落有荷葉嘅清香 另外 佢又係好足料 有4件鳳爪同成個飯都鋪滿晒排骨 食得好滿足