東喜茶 (已結業)

韓國朋友來港玩，除了帶她吃一般遊客必去的茶餐廳和大排檔外，我推薦了近期我愛喝的東喜茶她選了近期推介的芝士桑莓水果茶，說香港的天氣最適合喝這種冰涼加酸酸甜甜的飲品。因為韓國人大多數愛喝咖啡，路上並沒有很多賣水果茶或奶蓋的店，所以她對這種一口同時可以喝到濃濃芝士味和酸甜紅莓茶的飲品感到很新奇。旺角店人流多，等待時間比較長，我們等了快15分鐘。我點的玉露茶后$39，聽人說東喜茶是比較貴的，但$39這價錢，其實比起連鎖咖啡店的一杯普通咖啡划算多了。我很喜歡奶蓋和烏龍茶同時入口的感覺，清爽冰涼又口感濃郁，正

晏晝同朋友食完lunch口痕想飲野，行行下搵到呢間，見到個名幾似大陸間喜茶就試下。我地叫左兩杯，一杯凍芝士瓜瓜，甜甜的，同啲芝士混合唔到，飲晒啲芝士都未飲到啲西瓜汁😭 如果可以混合啲，味道可能會更特別。另一杯熱oreo芝士可可，oreo同可可味濃，同芝士味幾夾，最特別係佢面頭有啲可可脆脆，口感唔同，呢款幾好味。

本身都鍾意奶蓋茶，經開旺角就試試呢間東喜荼，今次先試「芝士藍莓」，少少咸味的芝士奶蓋非常滑，不用飲管飲，一開始淨係嘗到奶蓋，味道有少少太濃～再飲多少少就會飲到藍莓既香味，由於係清綠茶，所以茶味不算濃，但同芝士 都算夾🤤～這是挺好的,如果夏天用來消暑應該確不錯🌞

今日飲完早茶，見晏晝冇嘢做就出旺角行吓。行過見到東喜茶，家姐係咁話要飲。我一向對啲台式飲品店冇乜興趣，但經過家姐嘅芝士奶蓋好正好好飲的洗腦模式，我屈服之下。款式雖然比其他台式飲品店少，但勝在味道夠特別。見到有果味配芝士奶蓋，硬係覺得會唔夾，所以揀咗熱芝士Oreo可可，顧名思義有熱朱古力，Oreo碎同芝士奶蓋嘅。因為我叫咗熱嘅所以唔係透明膠杯，咩都睇唔到。飲第一啖係熱朱古力，即沖可可咁嘅味但朱古力味濃啲奶味重啲，Oreo味係無乜嘅，飲到最後會咬到啲淋咗嘅餅碎。重頭戲芝士奶蓋！要打開杯蓋飲。奶蓋帶有好微嘅鹹味，芝士味算濃，有啲似忌廉芝士又有啲似芝士蛋糕味，奶蓋口感好厚，唔似奶泡咁輕身。可可同奶蓋溝埋飲無咩特別，分開飲會好啲。

事關眾朋友最近都係到討論呢個大陸喜茶 因佢既水果茶同奶蓋都係打卡之選！ 而我呢個冇時間上東門但都好想試下呢個咁熱門既飲品既人就黎左呢間聽講係扮喜茶既喜茶黎試下味 因為本人係十分之喜歡街頭個間台灣奶茶店個個瑪奇朵奶蓋 所以今次都要貫徹始終咁嘗試一下佢既奶蓋 ！ 非常次欣賞佢呢個有芝士咸香味既奶蓋 仲要好濃好厚 物一啖仲會成嘴都係奶蓋！ 男朋友個杯朱古力就係重口味之選 朱古力既濃配奶蓋既厚 真係膩到十足 重口味人必試 我就淡淡地叫左個烏龍茶 茶味唔係十分出眾 但都有清香 奶蓋都係要比個like佢！下次就可以去試下佢既果茶係唔係真係咁好飲先（首先前提係我要飲厭奶蓋先） 所以都要一段時間。。 同埋店面比較窄 所以拎到一袋二袋就叫朋友入去買好d！

東喜茶嘅奶蓋一直都係我同老婆認為喺香港飲到最好味嘅奶蓋之一，儘管好多連鎖飲品店都有奶蓋提供，但係唔夠濃或者唔夠芝味，所以儘管東喜茶嘅索價真係好貴，但依然會忍唔住特登來飲。今次竟然主推奶蓋雜莓，絕對係開正我老婆最愛嗰泛好飲就自然多生意，所以永遠都會有好多人排緊隊。仲有咁大個〈安佳〉logo係收銀處。印象中好似冇乜其他有提供奶蓋嘅飲品鋪會有。我諗起細個一句廣告標語：有名有姓品質保證。所以貴少少都係值得嘅。等咗一陣終於到手啦！！淨係賣相都非常靚芝味滿載嘅奶蓋下有著清甜可口的雜莓蓉和小粒，絕非合成的藥水味，差啲成杯都俾老婆飲曬。有圖有真相，真係有草莓粒的

不知為何這個寒冬月鐘情於飲芝士奶蓋，目標要去很多飲品店飲芝士奶蓋!我在網上搜尋了這間很多人推薦的東喜茶! 去到東喜茶看見很多人排隊，不乏旅客! 我選了玉露芝士奶蓋，而朋友買金鳳芝士奶蓋。等了5分鐘，玉露芝士奶蓋出來了!上面有一層厚厚的芝士!! 比其他飲品店更厚!!而玉露非常清新!!當飲完玉露時，還有很多芝士，我和朋友不想浪費，所以拿了匙來舀芝士慢慢食。好正，好吃! 芝士香味夠，吃下亦有濃烈的芝士味 (有些台式飲品店只有薄薄一層芝士，飲了1﹑2分鐘就沒有了) ! 加上又厚厚一層芝士! 感覺非常好!飲杯!

之前在深圳廣州喝了喜茶以後就一直想喝！後來看到旺角有一家東喜茶開張，從裝修 包裝到產品都抄得似模似樣(除了味道) (還有價格)今天去了首先確認盜版喜茶 然後叫了一個芝芝桑莓($48)，一個超級水果四季春($42)，價格將近喜茶兩倍。一百蚊就這樣飛了另外味道不如喜茶，芝芝桑莓的芝士奶蓋較少，而且糖多有香精味，真的桑莓味比較淡，水果四季春也是，水果少且果味淡。總之性價比太低。捨不得下好料還要喊價這麼高。要喝好喝的芝士奶蓋和水果茶還是去趟深圳買喜茶吧。品質對得起價格。

真心非常推介櫻花茶加芝士奶蓋，櫻花茶嘅味道非常清新，加上芝士奶蓋，絕對唔怕太膩！如果夜晚怕飲奶茶嘅朋友仔，選擇清新嘅清茶，就唔怕瞓唔着啦！下次打算試埋其他果茶！

話說東喜茶一開，個個都話佢係喜茶😂雖然唔係真喜茶，不過掛住喜茶飲呢個解下癮先又得喎～👉🏿✨芝士桂花烏龍 Hkd 35 💸📌老實講，個價錢係真係貴過喜茶好多既，不過又幾好飲😂佢既芝士奶蓋真心超級濃！同喜茶有得揮😏桂花烏龍飲落就比較fresh,帶有淡淡既茶味，芝士加落去唔會話好膩好怪，反而係岩店好啵👍🏿不過，飲完就真係會好飽啦😂😂芝士奶蓋厚到唔洗錢咁款，飲到最尾直情鍄住正，淨係飲到茶😂

第一次飲芝士奶蓋加茶係深圳 一試已經愛上！每次都點芝士四季春 後來試旺角呢間都一樣甘好味就算全糖都不會太甜 不過我都會揀半糖 因為鐘意佢既茶香突出啲 鐘意芝士既人一定鐘意飲呢種飲啊 因為芝士好滑 加上茶味道就好清新👍🏻

呢度最出名係芝士水果茶,不過天寒地凍我反而想飲其他.但最後我依然係選擇凍飲~~芝士烏龍茶本身好期待佢會係最代表性gei杯,點知出黎普通飲料杯=-= 可能要水果類先有.而且佢個份量都幾細(相對價錢)究竟呢間野幾好飲?飲完之後我gei反應係:下次買番茶湯會.因為佢芝士奶蓋,其實同普通奶蓋分別不大.只係有好微弱gei咸味,茶香係足夠,不過兩者加埋唔覺得有加乘,純粹ok啦程度.可能係我問題,我自己喜歡用飲筒飲,但佢就要直接飲,我反而覺得好唔方便,或者下次應該試下凍gei水果系列,可能會有新體會

今日一心諗住黎叫杯芝士芒芒！點知去到已經賣晒！好失望！得返芝士火火同埋芝士瓜瓜！決定走嘅時候突然見到個二奶架寫住芝士桑莓！原來係自己未睇清楚餐牌！最後咩都冇理即刻跟住隊尾！$48一杯飲品真係好好好貴！我真係唔捨得飲第二次！試過就好了！不過真係好好味！第一啖先先淨飲芝士！飲完第一個反應係「好正呀！好邪惡呀」好耐人尋味既味道，小小甜，小小酸，小小咸既芝士！我忍唔住連續飲左3啖！跟住就到淨飲桑莓！冇叫小甜！但係唔太甜，剛好！桑莓一啲都唔酸！飲到一半，就將剩低既芝士同桑莓沙冰溝埋黎飲！哈！好甜呀！原來頭先冇攪渾，啲甜係曬低！但係都好好味！好想再飲！🤤🤤下次可唔可以叫芝士芒芒！（唔捨得都好想飲！）

嚟到旺角緊係要去東喜茶買番柸芝士火火同芝士芒芒啦冬天來下次要試下暖粒粒嘅熱飲先，不過都係喜歡芝士味道第一口啖啖鹹鹹地芝士，再混合生果汁🍹⋯⋯鹹鹹地又甜甜地真係好正👍🏼

今日同bb出開旺角買波鞋👟，專程google map去傳聞“好好飲，超正“嘅東喜茶買野飲。抱著非試不可嘅心態去買，行到門口見到有6,7個人喺度等緊… 一路諗緊飲咩好，見到門口寫著“限定發售Cheese Cocoa" 😋 好似好正咁，即刻買左一杯凍嘅oreo芝士可可，一杯熱嘅一樣，兩杯加埋88蚊💸order時仲有得揀低脂芝士奶蓋😄等左10分鐘左右……一攞到手，服務員仲解釋得好詳細，熱飲杯如果吾飲果陣可以有個蓋塞住……我飲熱嘅試左第一啖……um…ok ge 啲奶蓋吾太濃，少少咸，可可就正常味，比朱古力濃嘅味，不過面頭啲oreo碎就因為太熱關淋曬…我bb果杯賣相吾錯，啲oreo都脆，但就略嫌可可味太濃… 所以bb飲左一半左右就比左我飲88蚊2杯台式奶茶好似有點“性價比低“ 可以一試，不過個人認為味道同貢茶嘅奶蓋茶分別不大，但價錢就…… 大家行過可以不妨“一試“嘅……