東寶小館

营业中

休息中

有一排冇嚟啦，突然之間想食佢嘅XO醬黃喉，好少地方有黃喉（豬的喉嚨）食。香港好多食店都話人人北上冇生意，但偏偏每次嚟到東寶都高朋滿座，一半係中國人，一半係外國人，現場氣氛熱鬧到根本都聽唔到佢播嘅音樂🤫☺️坐低第一時間就叫XO醬炒黃喉、炸蝦丸墨魚丸同啤酒，用雪凍咗嘅戰鬥碗嚟飲啤酒別有一番風味🤪老細Ruby話今日醉乳鴿👍佢冇講錯，乳鴿有陣陣的酒香，不太濃，恰到好處。大大粒嘅炸蝦丸墨魚丸，香脆可口。大大碟的XO醬炒黃喉用料豐富-有黃喉、菜甫、香脆腰果、薄薄的蓮藕片、新鮮馬蹄粒、爽脆嘅翠玉瓜，唯一可惜XO醬吾夠蝦米同埋瑤柱味。二個人飲左五枝啤酒，又食飽，但時間尚早，坐多一陣享受吓現場嘅熱鬧氣氛🥰

They only allow you to stay on your table for 1.5 hrs after that you have no choice but to leave even if they gave your orders 15 mins before your times up. To be honest the staff were really impatient and very rude!!!! They would rush you to pay your bill in a very rude manner. Don't know what the hype is all about. The food isn't even that great! The authentic dai pa dong is a lot better. Please don't go don't waste your money.

日本朋友點名要我地帶佢黎食可想而知東寶魅力有幾大由北角舊鋪開始就有支持基本上成為左我地招呼外地朋友嘅食堂自然搬左黎灣仔反而未去過今次終於又迎來機會新店其實方便左又高級左以前係街市大排檔現在搬左入商業大廈餐廳場內依然熱鬧但總係少左一份地道情懷食物其實我地都係order左D簡單嘢有炸子雞、黃金鮮魷、椒鹽豆腐、生菜煲日本朋友好想食墨汁意粉都order左比佢試下大部份食物都係中規中舉個豆腐反而做得比較麻麻個皮又硬又厚身其他都冇乜特別今次體驗更加令我覺得黎東寶真係食個情懷以前有老闆行出黎同客人互動搞氣氛最記得個筷子開啤酒蓋今晚就見唔到老闆果班聲大大嘅啊姨都冇晒9點幾星期五晚得返六成滿只能講句永遠懷念舊東寶

東寶小館搬咗去灣仔之後覺得冇喺北角街市咁有feel 不過入邊氣氛都係非常高昂 好鍾意呢種老闆員工同食客打成一片嘅感覺 好温馨小菜我哋就嗌咗 椒鹽九肚魚送酒 鵝腸蒸蛋 個雞都好出名 所以我哋都叫咗 仲叫咗個荷葉飯黎東寶小館一定要飲藍妹 要睇老闆表演最出色嘅筷子開啤酒🍻 仲要用雪凍嘅戰鬥碗飲先有feel 食餐飯最開心就係學識咗呢個用筷子開啤酒絕技 食物水準冇我想像中咁高 但係你都係食食個氛圍 非常之高昂 大家都非常之團結 食餐飯會感覺到比大家包圍着嘅感覺

未搬之前同一班同事一齊嚟過，嗰陣都ok算好食，亦冇限時間。換左新舖第一次嚟，除左限時之外，d音樂嘈吵到以為自己落咗disco，同坐係隔離嘅人傾偈都好似鬧交咁，d歌仲係懷舊金曲！店員想做多轉生意，見你食完嘢都唔走，就將d音樂愈較愈大聲，等你連傾計都傾唔到，實行轟走你。食物質素已不如前，鑊氣都有嘅，只係價錢貴左，碟頭細左，不過仲有店員為你表演筷子開啤酒樽。眼見國內人或者遊客居多，唔似想做本地人生意，服務態度都唔多好，所以唔會推薦。

夜晚6點幾打去話訂枱即刻被惡劣嘅語氣拒絕 話要每日1點半至5點半打去 隔日2點打去再訂過 接電話嘅男人啲態度勁差 到我要確認時間話 係呀 係咁 8點半交返枱 未去食已經咁 唔好以為自己係咩咁巴閉 呢啲態度睇下你幾時執

好耐之前已經聽過佢地嘅大名，喺網上成日見到老闆同客交流同開啤酒，之前北角間舖結業真係好可惜，當我知道佢地喺灣仔重開就即刻約咗朋友一齊，雖然因為揸車嘅關係冇叫到啤酒，但係見到氣氛真係好熱鬧，我地五個人食左6碟餸，最好食係隻風沙雞，皮脆肉嫩，強烈推薦大家去食

東寶小館大家都應該聽過啦，由北角熟食中心搬到去灣仔嘅寫字樓，搬咗咁耐，今日先係第一次嚟到呢度食飯。其實同以前都係冇乜分別，不過呢多咗好多裝修啦，埲牆畫咗好多畫，音響應該係正咗啦，因為真係好鬼嘈，可能樓底低呀，啲聲係走唔到😅今晚成晚都係播英文快歌，因為有兩台英文，老細真係太識搞氣氛！咁我哋都係嚟飲酒坐吓，講返啲嘢食啦，我哋嗌咗兩樣嘢啫，一個就係炸豆腐，另外一個呢就係大肚婆炒飯，兩個餸都好好食，個豆腐外面嘅脆脆地裏面係軟軟哋！個炒飯好好食，賣緊$148，但份量都比足你！佢仲落咗啲米湯，所以呢食落呢脆卜卜！👍

心思思想食大排檔，朋友話呢間東寶小館出名，一於試試佢，由於朋友整傷，所以有拐杖，本來係坐圓凳嘅，店員見到之後，自己二話不說轉左有得挨嘅凳俾佢,非常細心！值得一讚南乳炸豬手，非常香口！！！個人認為最好食係呢個風沙雞滑滑的肉，香香脆脆的皮！！！車路自製香草豆腐就一般般 ，入面綠色嘅沙拉骨 ，正常野！大肚婆炒飯 ，有獲氣👌🏻足料豉油王炒麵 ，炒得靚仔，又好食！服務方面，係有的，我食左個半鐘左右，店員主動幫我換左幾次碟，亦有唔該前唔該後！總結也是感覺不錯的大排檔

得知呢間餐廳響銅鑼灣重開，我嘅一位朋友好期待想再食一次。可惜，這次用餐體驗讓我大失所望，主要原因是餐廳內過於嘈雜的環境。未踏入餐廳，只係響部lift 度咋，啲歌聲已經十分響亮。再踏入餐廳，震耳欲聾的音樂聲便撲面而來。餐廳似乎將音響音量調至最大，整個空間充斥著過度喧鬧嘅老土音樂。播埋啲歌好大陸人口味，又光輝歲月，又講理想，又講自由嘅歌。完全只係自high。啲朋友響隔離講嘢都聽唔到。這種環境下，連食都唔想食。雖然食物的味道尚可，但價錢偏貴，5個餸，埋單$15xx。 加上上餐好耐，我哋8：30落單，要等到9：05先有餸開始上。離開餐廳時，大家已經聲沙，又食唔飽。完全只有感到疲憊和失望。

不知所謂！絕對冇下次！1. 落單叫餸，叫完話點夠食叫我地打孖上 (因為大部分都係女仔，食唔曬咁多) ok fine~ 可能碟頭唔大份驚我地唔夠食咪打孖囉。點知我地想叫啲白飯食，居然唔俾我地叫，要我地叫炒粉麵飯2.  諗住叫野飲個時因為有人唔飲酒/汽水所以諗住開壺茶，點知一句串埋嚟話得一個人飲咩茶，幾十蚊壺一個人飲嚟做乜，飲水啦3. 播埋啲勁老土嘅歌，又要好大聲，嘈到連坐隔離位都聽唔到佢講乜。直到離開落到樓下都仲有耳鳴4. Menu上寫曬多國語言 (繁 英 日韓)，擺明做遊客生意。見到外籍客就笑面迎人，服務周到。對住香港人就黑口黑面，態度惡劣，唔休做本地客生意呢啲咁既餐廳真係唔值得再去幫襯，食完今次唔會再有下次

你要我夠200字先可以俾食評呀嘛？好，我依家就寫俾你。成間餐廳名過於實原本以為咁多人食實穩陣，點知都係不外如是。首先店員態度差，面口西，落單慢，啲嘢食比平常貴，上菜上得慢，我都算。唉但啲野食可唔可以用心啲，對得住個價錢？野食細份唔緊要，但難食又細份又難食就好過份。嘢食整體得兩個味，一係就冇味，一係就咸到嘔，唔講以為啲鹽係唔使錢。7個人食咗三千蚊好似食咗陣風咁，真心比錢買難受。依家仲要食唔飽出去再搵餐廳

4個人食飯，諗住飲下啤酒，食下飯，先叫咗椒鹽豆腐、椒鹽鮮魷、都算正常，跟住叫咗半隻風沙雞（冇諗過咁難食，又乾又嚡，半隻都食唔晒）黃金蝦（全晚最好食嘅餸）菠蘿咕嚕肉（啲肉又實又難咬），跟住叫咗炒蜆，夥計話賣晒，介紹我哋食炒蟶子（$98/隻蟶子咸到苦），最後叫碟炒秋葵、雞腎同埋通菜煲，已經唔再有要求，食完就算啦，其實舖頭嘈就預咗，係東寶嘅特色，可以接受，但咁嘅價錢俾啲咁嘅食物，真心唔會再去幫襯！

一行八人來到東寶小館新的餐館。氣氛熱鬧，餐廳爆滿。總括來說每道菜都是他們的拿手好菜，味道可以，鑊氣足夠，食材新鮮。老闆也不是過來吹噓，一同喝酒。令氣氛更加熱鬧。氣氛一定10分足夠。可是不知是否樓頂太低，令所有食客所發出的聲音太嘈，令到我們就算位置靠邊，一台傾偈時也聽不到對面朋友所講的話。作為香港人，喺香港有很多其他的選擇。當然如果是帶外來朋友感受一下大排檔吵鬧的氣氛可以一試。

🐻東寶小館當年係北角盛極一時，食物有質素，氣氛熱鬧，移師灣仔後初次光臨，未知會否有所不同，就在今晚探個究竟。🐻新鋪位處灣仔凱聯大廈2樓，一出電梯可以見到鋪面面積比舊鋪細許多，但係裝修風格依然走熟食中心路線，強勁既音樂加上熟悉既侍應，仲有靈魂人物東寶老闆，都一一勾起在北角既回憶，可惜的是見不到老闆那對潮流水鞋。🐻今晚一行四人聚餐，一坐低就叫左個雞蛋焗魚腸，因為要成45分鐘先焗好，然後再慢慢睇下食乜。炸大腸梗係必點之一，外皮炸得乾身脆口，腸身絕不腥臭，配上新鮮鳳梨解膩，確實有質素。🐻白胡椒豬肚湯浸大蜆，豬肚煮得軟冧，白胡椒味香濃，大蜆都無過火，飲一碗個身都暖一暖。黃金炸美國生蠔炸到脆香金黃，蠔肉大大隻厚肉多汁。🐻牛肋骨肉生菜包牛肉粒同配菜粒切得相當仔細，份量均衡，調味唔會過重，配上生菜食添一份清爽感。食到咁上下，雞蛋焗魚腸都上枱，熱辣辣份量又十足，魚腸一點腥味都無，加少胡椒粉都係增加風味。🐻最後一道小菜係東寶沙拉骨，沙拉醬略嫌太多，食落一口醬，成餐飯最大既敗筆。幸好大肚婆炒飯炒得乾身，碟上一滴剩油都無，配料十足，食完挽回分數。🐻縱使被迫搬遷，東寶還是東寶，食物有質素，老闆不時表演筷子開啤酒