東小館 (東匯坊)

营业中

休息中

味道質素完全沒問題，格調亦都高，只是價錢有點高但食物未有驚喜。茶錢要每位$15及小食一小碟$15。蘿蔔絲酥餅- 好食，非常香脆，很多層很薄，乾食唔油膩。豉汁蒸排骨- 味道好，份量多，下面的陳村粉吸收每一滴汁。韭黃鮮蝦腸粉- 蝦夠大隻夠彈牙，腸粉皮夠滑，只是份量有點少。蝦餃皇- 蝦彈牙好味，皮厚薄適中。蔥花炸両腸- 油炸鬼夠香脆，份量非常多，但價錢跟蝦腸一樣。豉汁蒸鳳爪- 夠入味，實淨有口感，但份量不多。蜜汁叉燒包- 醬汁不鹹又食到一片片叉燒，不錯。蟹皇燒賣- 很普通，偏貴。鮮竹牛肉球- 很普通。芝麻煎堆仔- 香口，煙韌，豆沙甜味適中。古法馬拉糕- 很普通。雞蛋散- 味道不足，幸好價錢低又份量超多。

預定了檯到了時間還需要排隊等候，根本沒有預定的意義. 店員語氣差,處理不當至少等多半個小時才能入座食物質素一般 價錢貴 不值得炒牛河沒有鍋氣 牛肉不滑乳鴿不新鮮燒鵝較肥 source 結塊 根本點不了

鰂魚涌地下到商場翻新後，環境好了不少，但商舖仍然稀疏，多了一個飲茶的地方。中午時間人頭湧湧，但仍然很快有位，叫了一個魚湯鮮竹卷，招牌蝦餃王，蟹子燒賣王，豉汁蒸鳳爪，家鄉鹹水角，鴻運金沙脆皮腸粉，點心來說中規中矩，表面上看比較貴，小點也要30元，精點要51元，比起同區的海港薈更貴，環境也不是特別舒適，地方很窄，環境嘈雜，非常逼夾，茶位每位$15實在略貴，花生也分開計又要$15 。但是買單的時候，竟然打了過折中點25,精點34,不知是不是平日中午有特價，如果照正價的話，海港薈性價比較高。

媽媽愛飲茶。今日帶她去樓下東小館飲茶。叉鵝飯大大碟，叉燒是梅頭，肉質肥瘦得宜，好食。燒鹅香，皮脆有肉味。飯是絲苗，好食。蝦餃燒賣都好食，推介!家鄉咸水角外脆內軟，饀足，好食。水滚茶靚，坐得舒服。

好少可飲茶飲咗1300蚊埋單……不過，心甘情願因為啲嘢食好食樣樣嘢食味道基本上水平以上擺碟都幾有心思好似個皮蛋肉鬆豆腐好靚而且個醬甜甜地超好味個燒腩仔又係好好味皮超脆，夠曬熱個肉唔無太咸夠曬油脂咕嚕肉成家人都大讚好香甜，好食過小炒專賣店另外有啲比較特別嘅小食好似秋刀魚咁通常日本餐廳先有得叫完全唔腥咸香十足加埋檸檬汁仲好味呀不過都有啲嘢食麻麻地例如生煎包非常普通而炒粉麵飯亦都麻麻無咩味又好似唔太夠熱咁囉

前幾晚唔煑飯落東小館吃。天氣轉涼有羊腩煲供應。$298買一得四。原來叫羊腩煲送生菜一碟，貢丸一碟6粒和一碟糯米飯。3個人叫一份羊腩煲，加多個怡香海皇玉子煲。羊腩煲真材實料，有很多羊腩和配料，味道正，抵食好食。三個人吃不完，還打包了半煲回家。貢丸彈牙。生菜新鲜。糯米飯多料，炒得透，不太油，好吃。怡香海皇玉子煲不合格，難食。海鮮包括蝦，鱿魚等都不新鮮，只吃了一半已不想吃。好彩$128有58折，感覺無咁唔抵😪。埋單$450左右，可以接受。但小菜比快餐店更差，有極大改善空間。

政府派錢，帶爸媽去飲茶消費。貪東小館近屋企，便去試下。據聞東小館是東海集團。點心有五折，茶錢15元一位。叫了些點心。點心即叫即蒸，新鮮。蝦餃燒賣逐位計。一個人來都可食齊兩樣和其他點心。蝦餃大大粒幾飽滿好食。燒賣肉質幾靚。 牛肉球少筋幾好。棉花雞大大碟多魚肚和雞，美味。雞扎足料，有雞，芋頭，魚肚，冬菇和腐竹皮。壽桃包好大個，內有流沙咸旦王和蓮蓉，正。炸煎堆仔也不錯。推介排骨蒸陳村粉。粉滑，排骨不錯。三個人吃飽飽$295元，算合理价錢。難怪坐滿街坊和附近工作的人。

如果好多時間(一小時)又太熱唔上去買外賣，可以坐喺入面坐下等外賣，食下花生睇下入面班可憐堂食客走黎走去催單，最好笑有個吹左成個鐘最後係賣哂！經理大聲話冇人手，食客個個排隊去熱水爐加水，等多陣個侍應阿姐打爛碟！真係好精彩！唔講以為全個世界得一間酒樓！大家可以過去感受一下！唯一佢地啲廚房食物可以話不錯，不過要人等一個小時就。。。。希呢間餐酒樓可以改善下，畢竟食物質素不是差，只是樓面影響所有評分！

嘢食好食但員工服務極差，個個都唔願做咁！尤其是一個後生啲嘅男侍應！痴線！好聲好氣叫佢麻煩幫我加啲水，佢大聲喝我「等陣先啦！」一次，然後怒視我，再大聲喝多次「等陣先啦！」，係咪精神有問題？我嚟食嘢好似嚟乞食咁！不知所謂！

朋友介紹這飯館晚市堂食有68折，今晚便到來光顧。出發前打電話問是否堂食有折，接線職員說食滿$300便有68折。到埗後，再問侍應生是否消費滿$300有68折，侍應生答正確。晩餐完到前台付款，賬單是原價沒有折扣，問職員原因，她說星一至四才有折扣，今天是星期五，所以沒有。我責問剛才打電話杳詢和現場問侍應都沒有說今天星期五沒有折扣，她說不好意思，可能溝通問題。這跟本就是全心欺騙和取巧，這麼曾經風光過的大集圍，現在要用這種方法經營，只會更催去滅亡方向。

今日路經此店見到有人排隊買燒味。嘩，今天特价半隻燒鵝只賣$108，平時$198半隻。於是唔執輸買了半隻回家加餸。燒鵝半隻大大盒。鵝拿回家還是熱的，新鮮。皮脆肉结實有肉味，調味適中不咸，味道好! 點埋酸梅醬，喝杯啤酒送燒鵝更加正。唔怪得之有咁多街坊排隊買。下次試下點心小菜。

之前有見過傳媒介紹，主打新派新主意，適合年輕一代去食。一入去就知瀨嘢，新派會所式的裝修，但求其的擺枱格局。果刻我亦抱住希望，食物可能可以接受。剔完點心紙落order 除口罩，想放落店家提供的膠套，我頂！用過嘅！我同太太兩個袋都係被用過嘅！算數，我用番自己的。食物開始來，第一樣係蛋白海皇炒飯，中規中矩，可惜美好的時光一閃即逝，跟住來到有$16一籠一粒的蝦餃，仲衰過外面乜記包點的工廠貨，來左3籠3粒蝦餃皮又淋又爛，蝦肉又散又無味，只得雪藏味。再到瀑汁小籠包，又係$16/18一籠一粒，不知所謂，裡面果d叫水，唔係汁，肉又鞋又霉。再來一籠一個的臘腸卷，個包濕哂爛pat pat, 條臘腸又係淋pat pat... 再來一個什麼紅米脆皮腸，紅米腸粉包住脆油炸鬼，鹹蛋黃，魚肉之類的，d鹹蛋黃仲生生地，魚肉又係爛pat pat. 然後有半隻沙薑雞，中規中矩接受到的。最後埋單兩個人茶錢$60，總數食左$321，唉....好心唔該做好少少，大集團咁嘅出品同管理？對你集團所有其他嘢，可一不可再

今日放工後諗住同朋友簡單high個靚Tea，知道東匯坊最近翻新咗諗住過去行下睇下有咩新餐廳，就比我地見到呢間。佢分堂食及外賣兩個店鋪，比較奇怪既係中間有間冰室分開咗，問過職員兩間店係冇關係既。今次我地試咗四款菜色，分別係煙燻乳鴿，竹炭七味豆腐，流汁小籠包及步步高升（年糕拼馬蹄糕）。比較驚喜既係乳鴿及豆腐，乳鴿十分脆口及煙燻味十足，豆腐則外脆內軟，帶有少許咸香味。相反，小籠包皮十分厚，來到時偏凍，明顯是放了一段時間，而年糕感覺煎焦了，偏硬及感覺是翻煎，而馬蹄糕則中規中矩，沒有什麼特別🤔食物份量都足夠，但等待時間比較長。而服務質素我認為有待過善，我地入座時間大約16:10，大約16:15已經下單了，過了一陣有個男職員用普通話問我地落咗單未，我地答佢落咗，佢話ok就走咗，但一直在後方不斷徘徊。其次，入座時有2個女職員非常大聲分享自己家中的事情，可能因為只有我們和另一枱客，叫過佢地幾次都聽吾到，之後總走埋一邊繼續講😵而另一枱客走咗之後，突然熄咗冷氣，成間店鋪變得很焗，告知職員後都有開番被我地😌但食到一半，大約5點左右，職員希望我地埋單先，因為想快啲埋數，但沒有收據🧾，只口頭講銀碼感覺十分奇怪。

我地兩個人食，叫左5樣野，竟然可以有2樣係唔熟既（豬肉類同牛肉類）！食物份量比平時酒樓點心少之餘仲要唔好食，又唔足料，勉強要比個優點佢就係食物賣相都ok加上冇服務可言，差不多次次想搵職員都要走出位搵佢地，加上疫情其間出入要戴返口罩就更添麻煩！

事源本人受疫情影響 ，甚少出街食飯，和朋友經過這間餐廳，覺得挺衛生，加上下午茶有差不多六折的優惠，便去試試。先說說好的一面，這間餐廳應該是新開張，裝修不錯及餐具較為乾淨，點心賣相相當精緻，不失為打卡的好去處。但是！！！食物份量少，加上點心分開一件一件的收費，較適合雀仔胃的人去食。此外，食物非常油，卻不太可口，令到本人感到滯到反胃。總括黎講，這間餐廳比較重視環境和食物賣相。最後，打折後埋單，本人和朋友總共二百多元，不太貴。但除非是為了打卡或隨便地填飽肚子，不然的話，真心話，這種質素不太值！