東屋台 (珀御)

营业中

休息中

16.06.2021今日又試新外賣，想試東屋台 Dan Yatai 「大板燒」好耐，個個都話好食…… 果然名不虛傳，「海量海鮮大阪燒」真係超級好食，一送嚟未開已經好香，食起嚟啖啖海鮮甜美得不得了，好豐富好滿足！加咗隻日本溫泉蛋，店舖成隻連殻上，用個厚身紙杯裝住，我覺得咁樣包裝比較衛生、整潔，比起之前「牛角」好，牛角打開咗隻蛋無蛋殻，放喺個膠盒，試過個蓋打開了，漏曬出嚟，所以東屋台咁樣比較清潔穩陣。原本只係想加多個野菜，所以叫咗個「豚肉野菜炒め丼」，嚟到先知自己叫錯丼。豚肉好多，味道幾好，相比之下，野菜份量反而唔算好多，食咗大板燒，再加呢個豚肉野菜丼，真係飽到不得了！下次要再食大板燒，咁好味，唔食唔得呀！

因為佢店舖比較細，基本上大部份時間都係外賣多。已經食過唔止一次，質素仍然保持得好好 今次嗌咗二人份量，一個炒烏冬一個大阪燒兩杯嘢飲。 基本上我覺得呢一個係combo set一定冇死唔好以為外賣冇堂食咁好食，一樣保持到水準👍🏻炒牛肉烏冬唔係得一兩件牛肉，亦都炒得好入味。 大阪燒我覺得煎得好好，唔會一夾就散奶蓋嚟講我覺得配四季春或者茉莉綠茶係最好，我亦都試過桃香烏龍，我覺得比較甜，唔鍾意甜嘅朋友千祈唔好揀當然所有嘢都要趁早食先保持到原汁原味

東屋台其實都好出名㗎喇，佢啲大板燒真係好正好吸引，個芝士海鮮大板燒好充料，個味道又好，食完唔算太膩，d價錢都幾合理，總之間唔中食一次真係唔錯！雖然成日都要等幾耐吓，但即整鐵板燒係真係正嘅😋😋，加上價錢都OK，40幾蚊就有一個！鍾意食鐵板燒嘅朋友就真係唔可以錯過啦！~~加上佢仲有其他嘅牛肉飯啊同台式飲品，價錢都幾公道，味道都唔錯。間舖頭都係細細間，所以唔少人都會揀買外賣返屋企食，有陣時啲friend仲會轉登去屯門到食東屋台添。食咗咁多次冇一次個味道係失水準嘅，所以都建議大家可以去試吓！

🍜屋台牛肉炒讚岐烏冬($52)(🍚9/10) 推介❗配料有好多牛肉雜菜菇仲有木魚！全部配料切條炒到好入味，雜菜吾會好生好硬，炒烏冬個汁似係日式燒汁，重點係炒得juicy又吾會太濕而且竟然可以有穫氣！！牛肉份量都多肥瘦岩岩好烏冬炒到煙靭有咬口，個汁吾稀所以條條掛汁💦份量好多，呢個價錢諗吾到吾食既原因。🐟照燒鯖魚($25)(🍚9/10) 推介❗小妹最怕食骨，🔥鯖魚大大條燒到好香個面有滿滿燒汁，肉質絕對吾會好乾，重點係成條都無骨啖啖肉，好好味！🦐櫻花蝦大阪燒($38)(🍚9/10) 推介❗大阪燒即叫即整，麵粉同配料(有粟米雜菜菇紫菜木魚等)比例岩岩好所以食落吾會好濟而且又吾會一夾就太多配料散哂，驚喜既地方係佢竟然有勁！多！帶！子！帶子大大粒又彈牙✨令到成個大阪燒更鮮味更有口感，加埋櫻花蝦更香口。大阪燒係厚身既每一啖都會食到吾同配料，醬汁吾會好似外面咁太多太咸，整體係食過最好味既大阪燒！🍜油豆腐湯烏冬系列(東屋台湯)配吉列豬扒($52)(🍚8.5/10) 推介❗湯底飲落雖然有少少咸但味道非常濃郁似係有層次既豬骨湯但吾似係味精粉，烏冬都係稻庭烏冬份量亦吾少，軟硬煮到岩岩好加埋吸哂湯精華既大腐皮，

話說今日小編提早返到屯門，有一次去到良景嗰邊覺得好多食店，真係想日日都係到食晚餐🍽。今次小編就唔係良景邨食飯，而去附近既珀御到搵外賣返屋企食，小編聽朋友講係呢到有一間叫「東屋台」幾好食👀，價錢亦合理，而且呢排餐廳只提供外賣，啱哂小編喇👏。✦✦✦✦✦✦✦✦✦✦✦✦✦✦🎈櫻花蝦大阪燒 $38小編對大阪燒配料既份量非常滿意，因為啲柴魚多到見唔到個餅餡呀😻。而且大阪燒好厚，入面有栗米，菜，仲有一啲增加口感既食材。而味道方面，除左有傳統燒汁味外，柴魚、紫菜同櫻花蝦夾雜入面😊，好豐富既次層。呢款大阪燒性價比好高，小編覺得可以必食呢款👍。✦✦✦✦✦✦✦✦✦✦✦✦✦✦🎈牛丼（並盛) $36牛肉份量適中，價錢亦好合理，作為晚餐比起某大型連鎖店更為吸引😼。小編其實好喜歡食煮到淋哂既洋蔥，牛肉少許煙韌，味道係牛肉飯經常食到既味😋，略少咸。呢款牛丼仲有分並盛同大盛，價錢只係6蚊，所以大胃口既朋友加少少錢食多啲啦👅。✦✦✦✦✦✦✦✦✦✦✦✦✦✦餐廳大阪燒有六款之多，如果餐廳係小編屋企附近既話，應該會試哂咁多款口味🤭。仲有唔同既台茶飲品去畀食客揀，啲款式都好特別。小編認為餐廳好用心製作之餘，較獨特既地方就係大阪燒

1️⃣章魚大阪燒 $35一切開睇到真係好足料好有誠意嘅大阪燒，食落口感好豐富，唔會剩係食到麵漿但冇料咁；味道嚟講都幾特別，第一次食到大阪燒係有芥末味！平時食開都係沙律醬加燒汁，食落會好濟；但呢個有芥末味嘅沙律醬中和咗嗰種油膩感👌🏻整體都夠晒飽2️⃣芝士奶蓋桂花烏龍茶 $28 一攞上手都幾大杯，飲完真係好飽好飽。無糖都唔會苦澀嘅烏龍茶，飲得出烏龍茶嘅茶香👍🏻但相反桂花味就偏淡；芝士奶蓋係甜味比鹹味出，比較稀啲啲同埋好多氣泡，但芝士味都係好濃，係一杯普通芝士奶蓋茶。✴️整體而言，大阪燒真係幾抵食，飲品我就覺得正正常常啦，勝係茶味好香。不過大家就要預返多啲時間，因為都幾多人等。

話說東屋台發展咗一個線上點餐系統，網上碌卡可以儲埋信用卡積分，最岩我呢d儲分人士。更重要的是食物的特定要求，唔駛用口講，避免店員覺得你好煩。不如先睇我既指示：牛丼：多飯、多牛汁、多洋蔥、少菜章魚大阪燒：多沙律醬、走芥末、正常燒汁沖繩黑糖形珠奶茶：紅茶、少冰、少珍珠我諗正常係收銀處落單都會阻到唔少人既時間，即使落單係正常操作。章魚大阪燒盒外註明係乜，呢個幾企理。未打開已經覺得章魚大阪燒好香，章魚有咬口，配埋沙律醬，正！牛丼份量十足，即使我多飯完，都未食晒d牛肉。牛汁用來撈飯，效果非常好！（外賣個盒其實蓋得好實、好穩陣，所以唔怕個飯好快凍）沖繩黑糖形珠奶茶好抱歉，我唔記得影相，但我試過一次後經過就忍唔住點黎飲。正常既情況下（無走任何嘢）奶味濃，偏甜既，而且紅茶底都好清徹。後話：嗌咁多嘢食真係飽到好滿足。

今日路經屯門,周圍行下之際,竟然發現左呢間鋪頭!!由於抗疫期間, 梗係外賣拎返屋企!!我叫左個牛肉冷烏冬+溫泉蛋,牛肉份量好足, 而且果汁好惹味!!烏冬就係肩烏冬黎, 條條都撈得芝麻醬好均暈!!另外仲有隻溫泉蛋, 返到屋企打落去仲係流心架!!非常之抵讚, 好有驚喜!!整體黎講, 呢個價錢好抵食!!而且包裝都PACK得好企理,我就算拎左半個鐘返到屋企D牛肉都KEEP到暖!!有機會都會去試其他!!良心小店!! 值得支持!!

【火炙芝士海鮮大阪燒】$48 （4/5分）呢個大阪燒真係令我震驚了，首先十分足料，入面有蜆肉、章魚粒、蟹柳粒、蝦肉、小帶子、雜菜！炙燒嘅味道好香，重啖啖芝士🤤🤤太正了！【牛丼(大盛)】$42 （4/5分）個牛肉汁真係好好味，好味過吉x家，而且有好多汁，夠哂用黎撈飯食，牛肉夠軟，洋蔥同牛肉比例適中【豚肉野菜丼】（新推出）$48 （4/5分）野菜炒得好香，重有茄子，醬汁好夠，豚肉唔會好硬，味道好突出，新推出嘅飯，值得一試😁✅總評：（5分為滿分）味道：4/5性價比：5/5推薦度：5/5價錢親民又足料，抵食又好味😋！要多多支持💪🏻💪🏻

天氣開始入秋，見人龍消退，抱著「別人恐慌時我貪婪」的心態，一直飲開純茶既我試下飲黑糖珍珠奶茶。黑糖珍珠奶茶 $28茶底選飲開既鳥龍茶，隻味同珍珠奶茶好夾，飲到陣陣鳥龍茶+奶味我飲少甜少珍珠，甜度已經好夠，不過仍然感覺珍珠有點多，走埋珍珠又冇咗個種咬口sosad

雖然已經入左秋但天氣都仲係好熱 所以行過呢間小店見到賣嘅野飲就即刻幫襯！叫左杯熱情果香橙桂花烏龍茶咁嘅天氣叫一杯咁fresh嘅飲品簡直係透心涼下次有機會試埋佢d熱食

最近日日都要諗食咩 唔食叫外賣就帶飯番工冇得WFH 拍到好同事就要叫外賣開心下平時都成日聽東屋台 今次就試下佢Whatapps有得嗌外賣 雖然要比運費但好過叫網上外賣平台 又要抬高單價又要比運費仲要驚佢退我單Whatapps落單好方便 payme比錢運費比司機就得 仲要好準時✨片片香橙熱情果桂花烏龍$25淡淡茶香 熱情果配橙幾香甜✨沖繩黑糖珍珠奶茶$28同事話佢既黑糖唔會太甜 係可以接受嘅 珍珠都好煙韌✨粒粒香桃玫瑰烏龍$25有淡淡既玫瑰味 不過香桃味就唔多出✨芝士奶蓋茉莉綠茶$28佢既奶蓋好香濃 放耐左都唔會變稀👍🏻杯杯份量十足 飲晒一杯已經好飽下次仲想試下佢既熱食 睇相都好吸引🤤佢whatapps就會更新餐牌比你睇 好方便👍🏻

本身唔係住附近，加上佢冇堂食，所以之前冇特登過去幫襯。終於可以喺屋企叫外賣支持黃到金嘅小店啦，佢嘅食物選擇唔多，得大阪燒同丼揀，咁我揀鯖魚飯，開頭擔心佢份量唔多，所以另外加錢再叫鯖魚，點知份量比我想像中足好多，啲配料又唔難食（出面啲西蘭花同蘿蔔會整到好硬）。條鯖魚多肉，都幾好食。會再幫襯！

有時唔想阿媽日日煮飯咁辛苦想介紹吓啲好嘢比佢食 你知啦⋯加上而家疫情關係 個政府而家話六點後不准堂食咪外賣囉呢間最好食同最推薦 係佢地既大阪燒🤩買左份火炙芝士海鮮大阪燒（$48）+香菇芝心大阪燒（$40）火炙芝士海鮮大阪燒份量黎講 佢入面放既海鮮一啲都唔吝嗇面層仲要係燒過既芝士 買完即刻趁熱食啦 仲等？香菇芝心大阪燒上面鋪滿好多木魚佢唔係一味得面粉 入面芝士同菇都足料仲要外賣唔收加一最重要係咩啊⋯⋯最重要係幫襯佢既人情味啊💛💛💛💛💛

今日心思思好想食大阪燒，食大阪燒緊係要黎東屋台食順手支持一下黃店，今次又係叫左個煙肉芝心大阪燒，上次食完煙肉芝士，仲係好回味，所以都係食返煙肉芝士再叫多杯芝士奶蓋配桃香烏龍，簡直係正到爆