東海堂 (已結業)

十二月阿媽生日。原本想買awfully choclate ，但係放工之後又攰又懶得行咁遠，最後貪近就買咗東海堂。五重朱古力蛋糕都算新出。一踏進店，店員即有禮貌地問要d咩。話要個五重朱古力蛋糕之後，個店員仲好快入去攞個蛋糕出黎，入落個盒度，蛋糕面仲有x'mas 裝飾。賣相好靚，尤其加咗個x'mas 裝飾。待一輪例行生日工作之後就即刻品嚐。好難切，勁黐刀。朱古力味是有的，但也食到雪味！真失敗又失望，有乜理由會咁大陣雪味架！mousse 都算滑，不過底嘅朱古力脆脆層又係好次漏氣咁，一d都唔脆，仲淋淋地。睇黎佢地要改善一下個雪櫃同如何保持蛋糕嘅新鮮度。

軟綿千層蛋糕(確實唔太記得個名字,請見諒~) $25原價,當時以優惠價$18發售~共3層,上下兩層由原味海棉蛋糕組成,很軟綿綿的口感,very good 中間果層係朱古力海棉蛋糕,每層之間還有薄薄的忌廉,我記得聖安娜餅屋好多時加cream 在瑞士卷內,係加得非常之重手的!!!幸好東海堂呢款蛋糕只係薄薄而已~在整個蛋糕的表面,灑上很多一格格的網形 可可粉~ 非常特別的造型呢~ 蟹柳沙律包 及粟米火腿包用了2張coupon,各減1蚊~真係抵食~味道不錯!尤其係蟹柳沙律包 ~很美味的蛋黃沙律醬~職員態度nice,為我地推介呢款$18的軟綿千層蛋糕!

前幾日咁岩經過太子,所以買定個包留返明早當早餐食,咖啡提子包真係幾大個又幾重手,但呢次食覺得提子實在太甜...麵包都係盡快食為妙,否則變得有點兒硬巴巴....影響整體食物分數就唔好啦,個包的咖啡味都幾香~食落口淡淡咖啡味,還可以吧不同分店的食物質素果然係大大不同~