東海堂 (已結業)

朋友訂左個芒果流心蛋糕同我慶祝生日. 我地兩個人食完晚飯食, 諗住食一半就要拎返屋企. 點知...兩個人食左3/4呢! 好好味呀, 面層既芒果好甜, 好大塊, 內裡好多芒果汁流出黎, 每一口都係芒果, 喜歡芒果既真係唔好錯過!! 個蛋糕唔多cream, 食落唔"漏", 所以食下食下就食左3/4! 推介!

以為佢好健康啦,點知又係一般貨.虎皮紅米包$12 ~ 個皮望落去又幾特別,但質感好差,味道一般.

嘩!好鬼難食呀!見有新包想試下,點知簡直花錢買難受!呢隻白裸麥龍眼肉包千萬唔好食,難食到死!先唔講佢硬喇,又無麥味,一食只係一陣苦味,差d以為自己食緊中葯,都唔知點解咁…佢硬程度又令人覺得自己唔係食緊包喎!仲有包面既白裸麥片一路食一路跌,又食到人成口係咁…龍眼肉仲衰,好難食,一patpat又黏手唔知似乜,最終我都係食唔落去,晒!唔好買呀!!!

東海堂o既三色鬆餅出左好耐, 不過因為佢幾肥下, 所以少買黎食!最近心血來潮買左一包, 有黃色的原味、朱古力同埋藍苺~試左頭兩個, 初初以為黃色係普通牛油味, 無餡的，點知食到最尾，發現底部有提子乾同埋蘋果蓉~~ 超驚喜!!!第二日食個朱古力味的, 好濃郁的朱古力味, 裡裡外外都佈滿朱古力粒~ 好正呀~ 鬆餅唔會太甜, 三個餅都幾重手呀~ 好足料呢!!12蚊三個, 同幾年前的價錢一樣, 冇加到價, 維到4蚊個, 勁抵! 未試藍苺味~~ 但頭兩個已值滿分!!!不過先前去荃灣果間唔見有, 今次我係o係尖咀地鐵站度買的!

短身法國飽面層好脆! $4 都抵, 不過買一個beard 用2個膠袋就太唔環保了!

脆皮紫米包, 外表係菠羅包, 咬入去有杰撻撻既椰汁紫米, 不過好重花奶味, 我唔鍾意奶味就唔係好鍾意, 而且個菠羅面已經淋哂.豆蓉條, 個名唔係好記得喇, 係好似一條「邊」咁, 有獨立包裝既. 之前都食過栗子味, 栗子味既好食d. 兩者都係少少甜, ok既, 不過冇咩送囉.芥辣肉鬆卷, 食個響金鐘分店買既, 芥辣唔辣又唔攻鼻, 係泥黃色既唔係日本果隻, 加埋肉鬆幾好食.

最好美都係合桃咖啡包, 好有咖啡味.

好正,好多紅豆,好香綠茶味,$10 一條only,有成十塊左右,必食item!

一條袋裝既包,個包好軟, 中間係奶油,我唔知點解佢叫牛油,哩個包都幾唔健康下ga!

買左現成精裝既,個蛋糕好濕, 酒味同咖啡味都唔重,芝士味都ok~,avg只係ok貨色啦可以唔試

$10一袋既方包, 幾香綠豆味, 蜜豆其實係紅豆, 紅豆份量ok,成個包都冇咩可以彈佢了

$8一件都幾大件下啦,上面有一層jelly夾住好多紅豆,下層係綠茶慕絲, 再下層係蛋糕~口感一流,好match呀! 可以試下~