影片
相关文章
事件发生经过买个手抓饼$27(Card holder 全部都系$100，有折痕)伸手比钱讲话系100HKD店员系我面前放左100hkd 入收银格手拎两张50hkd, 放翻一张50hkd入收银格果阵店员只系手持得翻1张50hkd然后系收银机找翻23hkd比我我话我比$100你嫁wor店员态度好衰咁样话只系收咗我$50跟住我有留意$100嘅尾数系几多好好语气咁样同返佢讲佢话咁多张银纸都系呢个尾数你话系你嘅就你呀跟住老板娘出嚟做架两粗声粗气咁话佢个店员眼睇都系手持$50我据理力争，但就系咁俾佢嘈声粗气系咁闹只系肯俾返$50我息事宁人佢话咁唔满意你咪报警啰唔好阻住晒以为大我就唔会报警大走我但到最尾我真系有报警处理真系唔系钱嘅问题系唔明白点解佢做错仲可以咁理直气壮闹客其实佢上一个客已经唔记得找钱都明白繁忙时间又错失无可厚非但最唔满意嘅系老板娘做架两态度仲好嚣张咁样屈返我转头其实都明白报警处理都做唔到啲乜嘢但当下我只系想攞返个公道一句道歉紧要过啲钱完全唔明白道理唔喺佢𠮶边点解仲可以咁做生意可能最尾件事都系不了了之个老板娘都答应过警察收舖后会埋数但就系想比大家知道呢间舖头嘅所作所为同埋服务态度系点样，系点样做生意法其实呢间野都好鬼打单只系会打嘢食价钱唔会打收咗你几多钱佢个舖位附近亦都冇CCTV打呢件事出嚟只系想大家吸取教训系佢呢间舖头嘅时候钱银上小心啲可以嘅话就唔好找续手脚唔干净，个态度仲要好嚣张Blacklist 唔会再去利申: 态度咁衰，几好食都冇用，更何况唔好食附图可以比大家见吓呢位声大靠恶嘅老板娘
继续阅读
今日又系扫街的一天，呢间舖头都几多人排队，而且佢仲有做香肠等等其他嘅食物，今次我就试咗佢个酸辣粉。-1.重庆酸辣粉加腩肉 $31首先个酸辣粉都有充足的配料，有榨菜，菜谱，花生等等，食酸辣粉一定要试咗个汤底，汤底非常之浓，唔会太稀，适合钟意食重口味嘅朋友，而且个酸味好突出，我食落去酸酸地好开胃仲要今次叫咗中辣，个辣味都几突出，腩肉腌得好入味，食落去好有口感，而且好有咬口。-总括嚟讲佢嘅性价比都几高，建议呢一碗可以同朋友share，或者买杯手摇以防太辣，咁就可以有杯嘢饮解渴🤣。
继续阅读
葵涌广场有咁多小食档，今次试一试顶楼的台湾东门町，有不同款式的台湾小食，有唔同口味的台湾肠，辣味、蜜糖味都好好食。今次主角手抓饼，可以自己拣酱，沙律酱、千岛酱都有，饼馅亦系自己拣，有烟肉、火腿、粟米、吞拿鱼。饼底松脆好食，热辣辣刚刚做好，系几好食。
继续阅读
点左个鸭胸炒蛋手抓饼，等左大概15分钟，我觉得尚可接受，虽然唔系繁忙时间，但考虑到鸭胸喺雪柜拎出嚟，要煎翻热，所以可以接受。但落错料个点我觉得真系好失望，讲明左系要沙律酱，但无落到，落左另一只粉。而当天我地系清楚见到有沙律酱的。
继续阅读
难得黎到葵广，扫街真系必然架啦😊今日食左（东门町）的酸辣粉😍😍叫左大辣，但辣嘅程度系。。。谭仔5小辣🤣🤣🤣猪肠都有啲肥，但汤底ok，够酸，薯粉又够淋，猪红又无怪味👍🏻👍🏻如果可以辣多少少就好啦😌另外加左个肉松芝士手抓饼，味道较淡，肉松有啲太干，可能加沙律会好啲！
继续阅读