松坂壽司麵食鐵板燒

营业中

休息中

今日諗住去大澳睇中秋節花燈,點知坐錯車去咗昂坪。因為太肚餓所以決定食埋lunch先再去大澳。可能疫情關係，基本上冇乜舖頭開，同埋好少人。行吓行吓，見到松坂，心諗係唔係尖沙咀嗰間（我喺嗰度熟客)! 之後問個女仔,佢話係,「呢一度係快餐形式,唔會係你面前炒鐵板,不過喺廚房炒!」我同老公決定入去試吓快餐式嘅松坂。佢叫咗個雞扒咖喱蛋包飯，我叫咗個牛肉炒烏冬。兩個嘢食都唔差，不過尖沙咀啲食物會在細緻啲. 快餐形式來講，真係唔差！估唔到去到咁遠嘅地方，都會見到松坂！你哋繼續加油！Keep住食物嘅水準! 我哋尖沙咀再見!

叫左蔬菜炒烏冬，同炸豬排拉麵，炒烏冬好食又唔會好多油，炸豬排超脆超香口! 店員亦好好招呼，有兩個店員喺門口好搞笑地拎住對大手板狂揮手引你行埋去，我地就系咁入左去食😂

趁而家無乜遊客去昂坪360，搭纜車上到去已經十二點幾，行咗一陣就搵食喇！食嘢除咗睇menu揀有咩啱食之外，職員嘅服務都好重要！呢間餐廳嘅職員好熱情，離遠已經見到佢哋戴住米奇老鼠手套向我招手，就係比佢哋嘅熱情打動咗😂 最初我哋坐二人枱，有少少窄，職員即刻搬張凳俾我哋放袋，之後有空枱仲主動幫我哋轉張大啲嘅枱，等我哋坐得舒服啲，又會調較一下冷氣風口，驚吹親我哋，非常貼心☺️我哋叫咗壽司定食同牛油三文魚定食，附送麵豉湯，下面有食物相：

好難得去了昂坪到玩，對上一次來已經是2年前來。上到去都好多餐廳選擇，但係我好鍾意我好喜歡食日本嘢多，我叫了一個豬骨湯拉麵和咖喱吉列豬扒配白飯，個豬骨湯拉麵好有驚喜，叉燒又大塊，好肥美，是不錯的午餐選擇。個咖喱豬扒蛋飯豬扒炸得很酥脆，雞蛋又大塊，份量足夠給我和兒子一齊分享，而那個鹽燒鯖魚也是不錯，沒有好多骨，因爲要給兒子吃要好小心，而且又香口，又肥美有魚汁。餐廳嘅佈置都幾靚，設有皮子梳化，附近更掛了很多我很喜歡的宮崎駿動畫相架。

鐵板蒜片牛柳粒定食咖哩雞扒蛋包飯蒜片比得好多,甜甜地既燒汁,牛柳粒唔夠熱,但撈飯係OK的伴碟是一份沙律菜,好像怪怪地但食落也可以送餐既服務態度係好既,就算唔識英文都會友善對外國客牛柳份量也算OK,仲有麵豉湯同白飯白飯就略為濕身,麵豉湯夠濃,一般快餐都係好淡味雞扒蛋包其實不算蛋包,沒有包住個飯,只係一層煎蛋放在飯上飯好像是蔬菜粒炒飯,即紅蘿蔔粒,粟米粒那些但本身蛋同炒飯都無咩味道,主要靠咖哩汁撈埋一起吃雞扒就煎得太乾,咖哩汁似用來貨,無咩香料味同辣味,唔似日式

今日天氣好好，我哋去咗昂坪360遊玩，市集內有多間食肆可供選擇，而我們選擇了松坂壽司麵食鐵板燒。裏面環境寬闊，我們帶著嬰兒車也有位置放下。室外也有提供座位，環境優美，天氣很好，藍天白雲，我們那天吃完下午茶也到黃昏，看見黃昏優美的景色，實在漂亮，如果在秋冬季坐下，一邊飲咖啡，一邊欣賞日落，都係一個很好的享受。服務員態度好友善，還跟我們的小朋友交談。食物方便我叫了黑椒牛柳定食，有沙律蒜片牛柳、麵豉湯及汽水。牛柳略嫌鹹了一點，麵豉湯很好喝。食飽後，小朋友們外出跑跑，很開心！

今日難得同幾位媽媽一起我去坐水晶纜車360到昂坪市集度玩，周圍拍照，累了，餓了，就去附近餐廳度食飯。我發覺這間日式餐廳啲咖喱雞扒飯非常好吃。每位店務員都非常有禮貌，會同我小朋友傾計，又分享下湊仔心得，不會嫌他大聲笑及說話，午餐嗰塊雞扒非常之脆口，啖啖肉，而且是蛋包庵列飯，非常之有誠意，飯不是白飯是有炒過的，又不會太鹹。我仔仔怕辣，就吃蛋包飯，而我就大啖大啖地吃雞扒煎咖喱，非常惹味！又飽肚，真的好味想再試，但係又要搭個纜車才去到。

很久未有到昂坪市集遊覽，今日特意來遊玩。市集有很多遊人，餐廳有幾間選擇，選擇了這家店，門面像茶餐廳，但食物是日本食品鐵板牛肉，牛肉味濃，牛肉煎到外脆內軟，內層肉是粉紅色，肉質非常嫩，肉汁豐富，蒜片香，但較硬身，沙津菜清新，減少油膩感覺，配上白飯，份量足，還有罐裝汽水夠飽肚。烏冬炒得濕潤雞柳是雞扒般大件，配搭多款蔬菜同炒，加添一份爽甜，份量足，有汽水，好飽肚，抵吃。座位相隔近，不算太迫，職員態度不錯，抵食之選。

没想到在香港还可以吃到quality这么低的日本料理，不仅是做的难吃，用料非常差，叫了个88块六个的加州卷，”蟹子和紫菜质量极差！难以下咽，令人震惊。手卷78一个，紫菜是软的OMG. just dont come!

去到昂坪其實唔會有太多選擇嘅餐廳我哋揀咗一間唔需要等嘅餐廳都算係日本餐廳但係茶餐廳格局咖喱豬扒蛋包飯味道一般般豬扒冇咩味唔夠熱日式餃子烏冬夠晒熱辣辣味道不錯最緊要湯底唔係好鹹因為喺昂坪市集所以都預咗食物會貴啲又唔包野飲每款嘢食大概＄100總結：不會再光顧

店員是對的，因為優惠券上真係寫需要落單時使用，或者是我少去遊客區食飯，不知道要同去茶餐廳一樣，自行去櫃枱埋單，但在收銀櫃台欲從袋拿出優惠券時(其實只係減10蚊)，店員已訓練有素，機械性地說，''要落單前用，下次請早，呢加改唔到單"，當我再拿出來望清楚時，收銀員就話"優惠券上寫左啦，點餐要用"，態度之差，感覺是"你抵死...邊個叫你唔睇T&C"道理上，餐廳無錯，條款及細則係大哂只是這個魔鬼條款，其實就唔想人用啦，這裡不是快餐店，不是我下單時要付款，食飽，埋單時用優惠券，應該大部份餐廳也是這個做法吧，改唔到單?別說笑吧.......優惠券不是應該希望客人使用嗎?這才證明宣傳有效。10蚊不是大數，但結帳過程及店員態度，已令人吃得不愉快，味道如何也已不重要，一個小技巧賺多10蚊，高明!或是埋單收錢時給客人10蚊優惠真係咁難?是operation need? 還是收銀系統會壞?不解，誰可解答?早知去隔離食快餐，都不去這間扮高級的"餐廳"。

有一張優惠券 (可以在 Information Centre 拿到) 可以惠顧50元減10元劵上寫的使用條件是每張優惠券只可使用一次。有爭議時商店有最終決定權。我們有5張優惠券，老闆卻加上額外條件，表示每枱只可使用一張。我們正想離開，老闆就說看看我們光顧多少再酌情給我們用優惠券。騙了我們點菜後才說不可用5張，只能最多用3張。我們很不忿，但當時也就算了，在這寫一寫大家知道便好了 -- 每枱只可用一張優惠券!! 份量也很少，拉麵價錢 $65 ~ $80不會再光顧

]好難得有機會兩母子去昂平坐轉360上到去真係冇咩特別嘢食是是但但就去咗呢間枱唔大勝在唔太多人,都坐得舒服因為我未食 Lunch 所以叫咗一個烏冬兩個餸,2個人食以為呢間食物都係細細份,但原來嚟到都大大份,有點意外]牛肉烏冬首先~份量都大碗牛肉~都食到應有嘅味道烏冬~彈牙豬骨湯底~味精湯底feel配菜“昆布”~有少少未淋好硬身]雞排配薯角雞排~雞皮脆,肉有少少乾另外仲叫咗個“鐵板炒雜菇”有椰菜但炒得好硬,好似未太熟咁其他雜菇都有撈黑椒炒,所以都嘢味的

秋天天氣咁好，去昂坪市集玩一日舒展下筋骨，行行下見到一間好似新開既日本野，好多野食揀，價錢又幾平，所以就入去幫襯一下！叫咗兩個午餐，有雜錦魚生飯同壽司拼盤，好大份量之餘啲刺身都屬新鮮貨色，非常鮮甜，而且種類都幾多，好似三文魚、甜蝦、帶子、希靈魚等統統都有！如果甜蝦同三文魚份量可以再多啲, 一定會更加正！

今日行昂坪一曰遊！見到有壽司食咪入去試下！入到去坐低叫左個三文魚親飯同埋個辣汁炒豚肉定食！先講三文魚飯相當大片！有甜蝦魚子甜蛋係飯面！好足料飯有D粉紅色粉甜甜的相當開胃！到個辣汁豚肉味道幾好！鐘意食辣既朋友應該係首選有前菜有湯跟埋！都幾大碟！之後食完仲同經理吹左陣水！話尖沙咀仲有間總店！有機會去試下先！