松坂庫 (已結業)

< 星空 $32 >猶如仙境一樣既雪糕，一如既往都係用牛奶雪糕打底，然後係雪糕上面淋左啲星空酒，味道有啲似莓味，酸酸地幾好食幾開胃，整體冇咩特別，但性價比高，大件夾抵食，食多杯都唔心痛！

路過金馬倫道松坂庫買任何飲品用35元可換購海胆手卷買入9.8滴漏罐裝日本咖啡換來此明豔海胆卷銷售員說足足半板質素高很好吃一些不腥金黃而滑溜味道精緻即場有些桌子供客人食好多同志松坂的精采鮮製蛋糕餅点十分出色色澤分明技巧妙不可言，今日檸檬撻做優惠34減至28我較欣賞他們的芒果和士多啤梨蛋糕有時有石榴石榴香蕉忌廉moussa一個磅裝西餅用上石榴，熱情果士多啤梨，藍莓還有當然的主打香蕉實在值得一提

< 栗子蜜糖紅棗籽雪糕 $34 >好熱呀好熱呀，近近地又走去食雪糕，照舊係用北海道牛奶雪糕打底，紅棗籽其實真係偏淡冇乜味，最主要係栗子蜜糖既味，但係食落個味係膠膠地怪怪地，唔係幾好食！

< 天然竹炭粉配德國黑啤 $32 >佢地既雪糕都係用北海道牛奶雪糕打底，咁佢地既牛奶雪糕係可以既，中等濃普普通通啦，至於竹炭粉係冇味既 😂 只係有啲色水睇落靚啲，咁我呢就唔飲酒既，但係小量既酒溝埋雪糕食又幾特別幾好味喎！😋

< 星空 $32 >一如既往都係用牛奶雪糕打底，然後係雪糕上面淋左啲星空酒，味道有啲似莓味，酸酸地幾好食幾開胃，整體冇咩特別，希望佢地可以出多啲更特別既口味，好懷念佢地既 wasabi 味！

路過見到, 原來呢間都有CAKE賣! 我一直以為只係賣零食咋!!買左一個小CAKE, 當是一天工作的小回報。味道不錯，不會太甜，馬卡龍是有淡淡的士多啤梨味，中間的士多啤梨及藍莓也新鮮甜美！有少少吉士cream混和，好食呀！不過食時好易散開，可以一層層食會好啲！

蜜橘雪糕 ($28)温到日夜癲倒既考試既生活 係需要一點甜😵 噴煙雪糕又出左期間限定 今次係白桃同蜜橘蜜橘既淡橙色加埋d煙真係好夢幻 橘子既味道十分濃郁 酸酸甜甜 好似濃縮果汁既味 係幾好味既 而且雪糕都算係軟滑唔易溶 可惜真係太甜太甜 自問食得甜都有少少頂唔順 兩個人share會好d

30/4 下午2:30到尖沙咀分店欲買雪糕，入內詢問店內唯一的男職員有沒有雪糕，男職員說只有白桃味，我就請他整一杯白桃味給我，之後莫名其妙，那位男職員反一反白眼，非常不願意地收錢。之後，他大喊場内其他女職員說：''喂，你黎整la, 我唔想整ar, 整左成朝la"之後女職員沒有理會, 等了10分鐘後, 好像雪糕機有點故障, 男職員叫我等一陣, 就又向店內某女職員叫:"喂, 佢冇野屙出黎ar, 你黎整la" 呢個時候已經冇左食欲。等了15分鐘, 終於整了一杯雪糕給我, 但沒有用印有公仔的杯, 所謂的梅汁針筒也不見。我同朋友留在店內bar位食雪糕, 沒有白桃味, 一點點酸味, 我想是梅汁已直接混合了, 味道怪怪的, 而且貨不對版。其間, 另外有客人買雪糕, 男職員繼續發"勞蘇", 仲一度大聲叫" 妖,唔想做整雪糕呀, 幾時先搬走部雪糕機ar"我這幾個月見過不止一次該雪糕的宣傳, 但原來職員如止不願意提供服務/貨品, 為何還要繼續售買?

松坂庫既雪糕都識噴煙！哩個#白桃雪糕 （hk$28)好岩夏天食，好解渴！大大杯價錢算平！而且味道清新！針筒裡面既係梅實汁💉💉，我就咁吱左落口試下味，有小小酒香，甜甜地！另一款雪糕價錢同樣都係咁平！#蜜橘雪糕 （hk$28) 🍊🍊橘子味清新、微酸！再加上蜜糖係雪糕上，整體酸酸甜甜！食個陣好似飲緊果汁咁，因為果汁既比例比牛奶多！另外，佢地哩兩款雪糕都好挺身唔易溶！

之前我去食過一SET平靚正嘅櫻花甜品之後，最重要係幾好視覺效果，所以成日想帶埋小小豬嚟試。終於今日我地去完街街之後，路過可以買嚟俾小小豬試下啦~一入到去小小豬就好心急問邊度有噴煙雪糕，之後又嚟十萬個為什麼，不停問點解會噴煙....啲煙係點....會唔會好熱....真係問到我都唔識答，所以最好就係即刻ORDER一杯俾佢親身感受啦！今期有兩味道，最後小小豬就揀左白桃味~ 哥哥準備好晒之後，就準備噴煙啦。初初小小豬一見啲煙噴出嚟，都真係驚到叫左一聲呀~ 哥哥準備好晒之後，就準備噴煙啦。初初小小豬一見啲煙噴出嚟，都真係驚到叫左一聲呀~ 掛住影小小豬，都唔記得影低雪糕個夢幻樣添~ 不過依個白挑味又真係唔錯，雪糕滑滑得嚟又帶有香濃嘅白桃味，最緊要係佢份量都唔少，所以都幾抵食....唔錯呀！小小豬一個人都差唔多食晒一整杯，所以我只係叫埋另一個蜜橘味啦~ 其實我都唔知咩係蜜橘，所以都唔知係正確味道係點。入口就有少少似柚子加橙嘅味，但我就覺得比較偏酸，所以唔太啱我口味呀！不過其實一杯雪糕都只係$28，咁抵又咁靚，仲可以坐定定慢慢食，所以我覺得都非常好，下次路過都可以入嚟再食呀！

近排啲天氣真係反覆，不過就算凍冰冰️都係無阻我食雪糕嘅真係 "The Cold Never Bother Me Anyway~"呢間日本零食店，近期就出咗幾款新嘅雪糕，不過經過上次櫻花雪糕之後(係咩味都無，得雲喱那雪糕味 )，我都唔係好有食欲不過友人未試過，就唯有試下啲新嘅味啦!我今次就揀咗竹炭黑啤雪糕，可惜同上次一樣，完全食唔到竹炭味不過反而黑啤嘅麥味同雲喱那雪糕就幾夾嘅，算係咁囉.......

見到朋友ig介紹有出煙既雪糕，覺得幾得意就試，今次買左個人馬座雪糕，士多啤梨加馬卡龍。佢既賣相值得一讚，乾冰既煙霧俾人一種浪漫既感覺，士多啤梨醬同馬卡龍既點綴好有心思。不過，馬卡龍有點硬，好似食緊士多啤梨餅乾。雪糕既牛奶味未雖然冇俾士多啤梨醬掩蓋，但牛乳味唔算突出，濃d會較好。42蚊一杯份量唔算太多，有點貴，不過勝在唔太甜。

今早出左尖沙咀拎朋友仔送俾我嘅手信，路經松坂庫見到有一SET櫻花甜品，為食的我當然入去買份嚟試啦~一入到松坂庫，我就二話不說就ORDER左櫻花牛奶雪糕，隨雪糕仲附送櫻花水信玄餅~店員姐姐好細心咁幫我整雪糕啦~其實櫻花牛奶雪糕即係牛奶雪糕上面，撒滿粉紅色嘅櫻花粉，而且都幾重手，成杯都成為粉紅色啦~店員姐姐一切準備晒就問：『準備好影相未？』，原來係方便我地影低依個夢幻時刻，又真係幾貼心哦~嘩...真係好靚，相信如果小小豬在場，佢一定睇到嘩...嘩聲呀~ 其實我自己都整過幾次櫻花甜品，但都真係唔知用咩味嚟形容佢好。不過依個櫻花粉就甜甜地再加有少少嘅鹹味，配埋滑身牛奶味雪糕一齊食，個口感又唔錯呀~櫻花水信玄餅味道又點呢~依照我依個BB級廚師嚟睇，櫻花水信玄餅其實都係用寒天粉加一片櫻花整成嘅一個啫喱。我個人就覺得依個比較硬身，如果可以軟多少少，應該更加好味~哈哈哈...其實都好易整，屋企又有晒材料，等我搵日又試下先！不過整體上一SET櫻花甜品都真係食得過，$28有雪糕又有啫喱，最好就係有埋枱同椅子俾你坐定定慢慢歎。下次一定要同小小豬嚟，等佢開心下先得！

黑豆穀粉杮子醋 $34黑豆粉同柚子醋均來自韓國🙊大家準備胃食韓風啦黑豆粉下既吾再係雪花冰，而係雪糕，濃郁豆味配上牛乳雪糕十分之夾，而針筒内既係杮子醋😨加埋一齊好得意，酸酸地，仲可以用針筒自己唧😎雪糕都要呷埋一份醋😌但相信吾係好多人中意呷醋吧芥末鹽雪糕 $34牛奶雪糕上曬上芥末鹽，每口雪糕都嚐到那辣辣既芥末味，但亦吾會話好嗆鼻👃🏻真係愈食愈刺激

松坂庫前排推出左"Yoobi Icecream"，一共有7款口味嘅雪糕，有「甜、酸、苦、辣、咸」，店員話"Yoobi曜日"係指星期嘅意思。我地聽完以為一日得一款，但其實係每日都會有齊  由於3人行，當然一人一杯開心share喇今次苦嘅代表係黑朱古力，店員話高達98% 黑朱古力好香濃，就算加埋雪糕埋一齊食，苦澀味都好濃郁。呢款雪糕有配搭一個裝左芒果醬嘅針筒，芒果醬鮮甜，兩者夾埋可以中和一下黑朱古力嘅苦澀，所以怕苦嘅朋友都可以試下。而呢杯就係酸嘅代表，雪糕鋪滿黑豆穀物粉，味道唔錯，帶有好香嘅豆味同麥味，我自己就幾中意 至於針筒內就裝左柿子醋，味道比較酸，好似小籠包醋，所以唔係人人都會接受到，不過味道又幾新奇。但係我都係落左少少，就無落過！最靚係呢個喇！少女系粉紅色 粉紅色係櫻花粉，不過味道比較淡，味道有少少似綿花糖味！我地好好彩啊！戈一日好早去，所以有一個"櫻花水信玄餅"送，店員話係限定，每日只有20粒，送哂就會改為Macaron。櫻花波波晶瑩剔透，口感有啲似啫喱，可以清楚見到入面有朵櫻花。不過櫻花係鹹鹹地 所以店舖都有加少少蜜糖落去中和反。松坂庫嘅雪糕最好係挺身唔易溶，相機