松坂庫 (已結業)

今早出左尖沙咀拎朋友仔送俾我嘅手信，路经松坂库见到有一SET樱花甜品，为食的我当然入去买份嚟试啦~一入到松坂库，我就二话不说就ORDER左樱花牛奶雪糕，随雪糕仲附送樱花水信玄饼~店员姐姐好细心咁帮我整雪糕啦~其实樱花牛奶雪糕即系牛奶雪糕上面，撒满粉红色嘅樱花粉，而且都几重手，成杯都成为粉红色啦~店员姐姐一切准备晒就问：『准备好影相未？』，原来系方便我地影低依个梦幻时刻，又真系几贴心哦~哗...真系好靓，相信如果小小猪在场，佢一定睇到哗...哗声呀~ 其实我自己都整过几次樱花甜品，但都真系唔知用咩味嚟形容佢好。不过依个樱花粉就甜甜地再加有少少嘅咸味，配埋滑身牛奶味雪糕一齐食，个口感又唔错呀~樱花水信玄饼味道又点呢~依照我依个BB级厨师嚟睇，樱花水信玄饼其实都系用寒天粉加一片樱花整成嘅一个啫喱。我个人就觉得依个比较硬身，如果可以软多少少，应该更加好味~哈哈哈...其实都好易整，屋企又有晒材料，等我揾日又试下先！不过整体上一SET樱花甜品都真系食得过，$28有雪糕又有啫喱，最好就系有埋枱同椅子俾你坐定定慢慢叹。下次一定要同小小猪嚟，等佢开心下先得！