松記糖水店 (已搬遷) 新店位置

食過好多次~但都仲未厭~~haha~~我最鍾意係幻彩明珠同開心世界不過幻彩明珠太多涼粉~~唔係咁好開心世界就好好味~~因為有大大粒西米^^仲有琉璃都好好味!!

今次食了個summer($16),兩個雪糕球,一個紅豆,一個芝麻,雪糕唔差,但水果唔得,奶又唔夠多三色湯圓$12),唔好食,係個水幾好什果涼粉$14)唔好食,水果唔新鮮朋友食的黑珍珠海底椰$14)沒有食,唔知合共56招呼幾好, 仲有因為落雨阿姐俾左個膠袋入傘呀

松記已成為一眾友人既至愛！我食左什果水晶涼粉，好大碗，飽死，水晶涼粉幾ok。朋友吃彩色世界，大碗過長沙灣果間好多，勁飽食唔晒！幻彩明珠比長沙灣貴＄１，但ｓｉｚｅ一樣。唯一唔好係坐得唔舒服，迫到死，長沙灣果間多人時都唔會坐得咁唔舒服。

I have tried 幻彩明珠and Hello and I prefer 幻彩明珠!! It is delectable!! I go there very often!!!It is cheaper and better than B chai in Yuen Long!

再留comment =P 今次同朋友一齊0黎食, 佢as usual 又食楊枝甘露, 我就試0左(熱)紫米皮奶皇湯圓.佢d 楊枝甘露愈0黎愈好食=) 唔知係唔係d 忌廉奶0既關係? 之前好似無咁好食.紫米皮奶皇湯圓係薑汁"湯底" 的; d "湯" 真係好辣@_@ 不過好飲. 湯丸就好好食! 皮有紫米香的! 奶皇唔會過甜, 好好食!好想試晒佢全份menu 的甜品!

搭搭0下巴士返屋企忽然想食水晶涼粉! 諗起呢度, 即刻落車, 走入去.女店員一見到我, 即刻好有禮貌地instruct 我坐低, 我見menu 無水晶涼粉, 佢就即刻俾過另一份新menu 我話係水晶涼粉係新出品, 又解釋我知邊隻味會配邊隻果汁etc. 咁好招呼, 真係嚇0左一跳!叫0左個香蕉水晶涼粉, 配忌廉奶. 不過有少少失望, d 涼粉係ok 的, 不過d 蕉有少少酸酸澀澀咁(唔夠熟?), 一定要撈忌廉奶先好食d.好耐無幫襯喇, 遲d 放假一定要再0黎過=)題外話... 其實究竟松記同銅鑼灣/天后0個間"燕樂居" 有無關連的? d 甜品名(e.g. Summer, 哈囉) 同menu 上面d 相片(特別係楊枝甘露) 真係一模一樣咁滯0架喎.

前兩日食完滿記，今日又去開尖咀，嘛順路去油麻地松記囉！我叫左個Hello食！但點解好似縮水咁細碗左o既？o的涼粉依然好有涼粉味，唔似街度o個o的涼粉冇味o既！下次都係去返Shamshuipo好，因為大碗o的同平o的！

所謂糖水舖, 都係賣大堆頭生果涼粉黑珍珠同西米的不同組合, 加上花奶椰汁同芒果汁。其實今時今日呢d野周圍都有, 反而想搵間食好味燉蛋腐竹同綠豆沙係仲難!今次我地十幾個人入去松記, 地方係細的。野食大家都係叫果幾款。summer係雜果加雪糕2球。雪糕估計係牛奶公司出品, 所以好多dairy farm食到的呢度都食到。估都估到係咩味。仲有一個係好多豆加黑珍珠大西米涼粉的配搭, 係幾漏的。在座有幾位食唔曬, 更有食完一啖就唔掂的人, 而我自己加椰汁的, 食得曬, ok啦。有一款配搭係同上, 不過d豆變做生果, 相信冇咁滯, 叫親的都食曬。一句講曬, 唔特別。我情願去食鵝記渣咋。不過比起大埔的彩虹, 都係食埋呢d野, 呢度又平好多喎。

上星期日去了食糖水，味道依然，但人物多了。一行六人去到，見門口有成班人，幾驚要等好耐，好彩0岩0岩有一張大台走人，時間0岩0岩好。哈哈。自己要了一個哈囉，味道一個字正，不會太甜，雖然哈囉已經食過三，四次，但我到0個日先知0個d一粒粒透明中間有一粒好似黑色芝麻的是叫做黑珍珠(希望冇記錯啦)。咬下去幾得意的。下次再試多次個六寶湯圓先。

男朋友陪我去佐敦,食完晚飯見仲有時間,就去左呢度食糖水.其實一路想食,因為見到個個食評講到咁好,我真係好想試下.我男朋友叫左幻彩明珠,而我就叫左雪山..幻彩明珠好食,估唔到咁好味,佢真係落d 靚mango 家,其實係咪靚料&足料一試就試得出啦.而我果個"雪山"仲好味,入面有椰子汁/椰汁糕/西米/雪糕(雪糕有好多種味揀)...加埋一起太夾啦!!!真係好鐘意呢個呀.男朋友都話我果碗好食d 呀! ^^

This was the fourth time i went there..but this is the first time i have chance to try the dessert as i found that it closed on sunday in the third time visit.. =(to celebrate my friend find a new job, i invite him to meet me after lecture..it's nearly 10pm...but there's a crowd waiting at the door side...we had to wait patiently...i order `colorful -ming-chu" and my friend have hello...really not attractive at all...my friend had brought me to `MIng-Kee" b4...i like ming-kee moreservice is goo

I tried one name 'hello', honestly, I don't really like it, it's like another style of 'Hui Lau Shan'...Hubby tried their green tea rice ball with custard inside, it's extremely bad too! green tea skin do not have any flavour of green tea, custard is not sweet....bad bad bad...One thing to be reminded is about their washroom, all I can say is, it's really hard to find any public washrooms would worser than this one.ABSOLUTELY won't go there anymore refer to their poor hygiene.

食完佐敦咖喱行左陣就黎食糖水。由於太多選擇，我地花左好一些時間先揀左兩個甜品：summer & 開心世界summer：有生果、雪糕&大西米～雪糕好正、芒果汁好香好滑、仲有西米都好煙un。開心世界：有生果、大西米、白涼粉～基本上同summer有ｄ似，不過冇雪糕！！整體上都非常滿意，加埋非常好o既service，令我地兩個都食得好開心！！！！

Taste is so so, nothing special.But the size is big.

琴日同bf 去飲, 未夠鐘, 又悶悶地, 就周圍逛, 發現松記, 就入去試吓, 叫了2碗HELLO好多料, 味道不錯, $15 抵!!要改善的是舖頭瀰漫一股廁所味, 另外收銀位阿姐又大大聲講要去大便, 令人無哂胃口, 要改啦!!!