松記糖水店 (已結業)

我至喜愛吃這裏的幻彩明珠,$15有多款生果,又有涼粉和好煙un的大粒西米,仲有冰凍的芒菓汁,又低食,又好食,一個字'正'

此等新派甜品屋, 受歡迎的, 相信都各有原因。如這家, 對我而言, 其成功的賣點, 是"平霸"。奢侈的情人節, 吃好後, 要奢侈下去, 本是call 的士去滿記食碗奢侈糖水, 但call好車後朋友唔知點解話為我慳荷包, 卻付了最低消費的50大元, 去20元就去到的松記, 果然是另類奢侈。4位頂住個肚, 卻隨心地叫了大量糖水。印象中, 最好的, 是最原始的腐竹蛋, 白果下得多, 又有意米, 是口口都有咬口的! 芝麻糊都叫及格, 幾滑幾香。反而其他水果涼粉大雜燴, 咪又係咁嘅味~做老細請曬大家食都不過百多元, 俾著去其他新派甜品店, 一定做唔到咁豪! 不過俾我揀就一定不會來, 因為我唔會因為"平"而去等成個鐘食碗糖水。

食完米線，當然食埋飯後甜品啦！要了幻彩明珠：是我嘴"雕"了還是真的退步了呢？我覺得唔夠味，唔夠甜，芒果有等於無，都無味嘅，生果都新鮮，不過mango super sour...都唔關佢事嘅，唔當做。涼粉超苦，格格不入。大西米好食。

只是一間搞眉花臣糖水店，又貴又唔抵食。無乜說話好講。

同朋友黎呢間分店試下,客人唔係太多,d服務都幾好,都幾有禮貌,店員以年輕女性為主,樣樣好過總店多多聲。之前去過總店,態度好唔得,又係咁趕客,d阿姐係咁迫你走~> <食都食得唔安落我地一行幾人叫左以下呢幾樣:芒果琉璃~(我的至愛)透明一粒粒,撈芒果汁同奶食,琉璃咬落去索索聲,幾得意,芒果都幾大舊,唔太酸,而且都幾大兜幻彩明珠~(好多人都叫呢個)好多生果,有d涼粉、明珠、黑珍珠,材料豐富,明珠有口感summer~(呢個會係第二選擇)2個雪糕球+明珠,d fd話好正喎~hello~少少咋喳同麥米粥,有d涼粉、椰汁糕、黑珍珠、明珠,好多豆豆,好有口感,加埋芒果汁同奶唔係太甜,味道岩岩好楊支甘露~幾大碗,味道配合得好好呢度我地食完都可以有時間比我地坐下,唔會係咁趕人,不過後尾愈黎愈多人,我地先走~值得一讚係,d店員會好細心咁問你每一樣糖水要唔要加奶,而且會多謝前,多謝後不過,可能因年紀關係,店員似乎幾介意比人叫做阿姐,咁又係o既,佢地咁年輕,比人叫阿姐似乎唔係咁好~

前幾晚去開呢頭, 專程試下松記既糖水究竟有幾好食.叫左芝麻糊加奶黃湯圓. 等左約5分鐘至送到, 唔通係新鮮煲既? 碗芝麻糊熱騰騰, 不太甜, 幾滑又冇一舊舊, 芝麻味一般. 奶黃湯圓好熱, 差d辣到條脷! 奶黃甜左d! 整體不錯, 但奇怪居然一半都唔滿?! 吃完後行過馬路, 原來總店就o係附近, 重坐滿人! 有機會要試下總店係咪好d至得!!

之前住係長沙環經常食的，最近一次去係上星期，一行四人去到總店見多人，所以去了呢間新分店試下，去到前面只有四人在等...等了5分鐘..果四個人入左.下一張就到我地...點知門口果條女叫後面三個既入先~~諗住算數啦得三個位，隔一陣..叫埋後面果兩條友入~都唔比我地...已經開始同看門口阿姐理論...佢態度奇差咁話.呢張留左比你地..等多陣啦....(已經等左超過20分鐘)唉..都算數...跟住最興係後面黎左十人問有無位..門口條阿姐即刻話有有有...但要分開坐..仲要問人地要唔要..你唔要我要比人地...最後十位都入埋...~~仲要好串咁呢張咪留左比你地囉//仲叫隔離個阿嬸唔駛同佢地嘈...唉...新不如舊...無奈

今次係慕名而來試糖水...但因為欠缺方向感既關係,搵黎搵去都唔見松記的正鋪...失望之際,見到呢度有間分店,照殺!研究左menu一陣...最終都係揀"幻彩明珠"落左單唔洗1分鐘己經送到我面前!首先試下d大西米,煙韌得黎又唔會咬到牙較軟,連埋d芒果汁,花奶一齊食...好正呀!!之後係d生果:芒果一舊有d酸,但另一舊都甜,算你啦!蜜瓜,西瓜,奇異果都好清甜,不錯~~黑珍珠,涼粉夾埋芒果汁都係一個perfect match..食到尾都好夠凍!呢$14絕對超值!另外都外賣左一個糖不甩,拎到返屋企雖然凍左,但個碗仔可以入微波爐叮返熱ga...呢d detail位好細心!

今日試新野! 叫了1 個什果水晶涼枌$18 及1個什果琉璃+椰果$27 ! (走奶! ) 水晶涼枌冇什麼特別冇物味, 又唔夠棷果及珍珠咁夠咬口! 咁幻彩明珠好味d ! 而琉璃咬口好得意!唔似西米同珍珠! ok 播! 有芒汁好好味! : )

食完飯又想食甜品! 今次專程行去松記食! 先幾日响佐敨分店明明聽到話開多咗一間, 但咭片又未加上去!終於揾到啦! 同總店相距咁近! 不如去第二區擴充啦! : p 地方比佐敦店濶落d咁! 叫了個胆 - 幻彩明珠(走奶) 加棷果- 同佐敦店一樣足料! yummy yummy ! $21 但比佐敦店平一蚊! 再叫了一個熱杏仁溝合桃糊- 好熱呀! 唔太甜! 養顏及補賢! 哈哈! $9 一樣平過佐敨店一蚊! 好抵食呀! 比綠x還要平還要好味!

和男友去松記，他多數會叫summer，而我多數會叫幻彩明珠，這兩樣似乎成了我倆的最愛了。想想也有一段時間沒到松記，見有時間就又去一趟吧!想不到只是幾個月時間，松記又開分店了，而且只是在舊店的對街。我倆當然要去新店試試啦!星期日晚竟然坐不滿，可能有兩間店分散人流。我又點了幻彩明珠，因不愛吃涼粉，便要求走涼粉要多大西米，店員亦爽快答應了，讚!男友又要了summer。幻彩明珠雖沒有了涼粉，但依然是大堆頭之作!幾乎什麼都有，大西米、黑珍珠、不同的水果……一次過滿足了我的願望呢!summer有兩個雪糕球，有四種味可選，我倆選了紅豆和曲奇。雖然雪糕應該是牛奶公司的，但也很滿足呢!再加上水果、大西米等，色彩繽紛，食得開懷。松記依然深得我心!如果開在一些旺區會更好呢!