板上 (中海日升中心) (已結業)

第一次光顧這間連鎖店， 價錢相當之平食落都唔錯， 仲有好多種唔同款嘅食物可以選擇， 今次我哋就試佢嘅安格斯牛肉漢堡&脆薯皇， 仲有板燒黑草羊珍珠飯 首先講下呢度餐廳都算幾大又闊落，坐得都算舒服， 去counter落完單之後就可以坐低等食了！安格斯牛肉漢堡都幾厚生但係肉質比較乾， 而脆薯皇就好好味 熱辣辣又脆卜卜黑草羊份量好夠， 羊肉燒得好香仲有濃濃嘅肉汁味配埋珍珠飯簡直一流前菜有粟米&菜， 味道亦不錯！推介畀鍾意食羊嘅朋友

放工同男友一齊搵食，行過觀塘日升中心先發現新開咗間板上。入到去，嘩個場超級大，一邊係cafe有蛋糕咖啡，另一邊係食正餐，有好幾部電視，空間超大又有高枱可以飲住酒睇波我地選擇咗佢今日既special drink 抹茶鮮奶😙好靚既一杯抹茶鮮奶，飲落去有淡淡既抹茶香，加埋香滑既鮮奶，好回味我叫咗個照燒雞配珍珠飯餐，嘩照燒雞件件都好大舊，好多肉。燒得好香，熱辣辣食入口勁滿足。配菜有沙律同粟米，好足料。珍珠飯上面有層薄薄的七味粉，加埋醬汁一齊送飯，好好味！男友叫咗個安格斯牛肉漢堡，又係熱辣辣即整薯格新鮮炸，佔咗半張個盤，好多呢！牛肉漢堡好大一個，食落超滿足，牛肉好厚，菜份量都好足，抵食又鮮味！已經相約朋友下次一齊黎睇波食飯！

今日去學車，學完超級攰又肚餓🤭，即刻喺附近想搵返間餐廳食嘢休息下。見商場外面間茶餐廳要排隊，就行入商場入邊，見到呢間個Menu都幾吸引，又有位，即入。🤪餐牌上有魚🐟、牛肉🐂、雞肉🐓、豬肉🐖同埋Burger🍔最後揀咗- 柚子醬油燒極黑豚佩配珍珠飯＋凍意大利咖啡＄58加＄5就有嘢飲，算係咁啦😆唔使5分鐘就有得食啦😁🤭份量都幾多，仲有啲配菜，有中華沙律同粟米🌽啲黑臀肉都好入味，厚度適中，有少少肥黐住，都幾香豚肉下面有一啲好似柚子味嘅調味粉，酸酸地，同啲黑豚肉幾夾😙今日假期，可以慢慢坐😌😌😌

尋晚好夜瞓今日兩點幾先起身,本來諗住去樓上嗰間Season Plus,專登喺對面海過嚟,點知冇開。死死地氣落樓下求其搵間嘢食,見呢間好似快餐店格局但又有啤酒飲,好奇入去望下。見個下午茶餐超平,試下啦。d吉列蠔都夠熱夠脆,照燒雞中規中距,$33性價比超高。佢仲有一個套餐，一個pizza, 加雞翼, 兩杯啤酒（嘉士伯/1664/Asahi）下午茶時段都係$138，下次如果有多一個人都想嚟試下。唔知呢度閒日多唔多人呢?

觀塘的午餐選擇很多，但大部份座位都很少，上班日子平均都要等15分鐘。板上於2018年才開張，座位很多，而且相當闊落，運作的模式很像快餐店或Food Court，自行到收銀處買票，然後自己找位置，再等叫號碼取食物。我們一行三人，都決定Order板上雪花一口牛配珍珠飯，原因是這個菜名實在太吸引⋯⋯唯一不同的餐飲，一個可樂，一個熱柚子蜜，另一個因為有Coupon的關係，所以轉了玫瑰荔枝紅茶（原本跟餐要＋＄10)板上雪花一口牛配珍珠飯：上菜的賣相就像一個便當！驚喜位係跟餐出罐裝可樂都唔洗加錢！粟米配車厘茄正常；生菜沙律配麻醬，生菜很新鮮，連一向不太吃菜的我都可以輕鬆吃光光。珍珠飯煮得不錯，少少煙靭有咬口，餐廳仲喺飯面加了一點飯素，甜甜鮮鮮的，令人胃口大增！可惜主菜牛粒煮得過火了一點，雖然牛味濃郁，但口感略鞋，而且調味方面也有點不足，令人大失所望。配的醬汁概不甜又不咸，純粹只是裝飾用⋯⋯？友人點的熱柚子蜜，不過不失。另一位點的玫瑰荔枝紅茶，有淡淡的玫瑰味，內裡也有加入一些類似啫喱的東西，不甜不淡，但也不算是藥水味，值不值加＄10去轉就見人見智了。

唔夠熱已經係死症！條饅魚仲要唔知煮左幾耐咁！非常孩口！講起個汁仲離哂罩！總之好伏好伏！仲要條饅魚無想像中咁大條！d 骨食唔到！由硬又長由尖！唔知係咪大陸種饅魚！如果比我再揀！我一定唔會再幫親囉！絕對無下次！最慘係去到想叫可樂！點知無可樂！大佬丫！作為一間咁基本既食肆！無可樂呀！算！飲芬達！點知冰底都無！激死人啦！想講粗口！服務員愛理不理咁！唯一可取之處就是個wifi 免費！比我打到呢篇野上黎！仲要個環境是ok的！但電視機太嘈！完全阻礙我同朋友傾計！打住咁多次！

今天本來想去附近的餐廳吃，但發現間間也坐滿人，所以就選了這間新餐廳。Lunch set不算貴，平均$50-60。這次我點了黑豚漢堡，脆薯皇，$58我挺喜歡漢堡的包，它很鬆軟，不像街邊的空氣面包般，一咬就陷下去。可是中間的黑豚就有些乾和硬。至於脆薯皇就外脆內軟，味道不錯。可能是新開張優惠吧，每惠顧滿$60就送$10現金券一張。這次總數為$120，所以有兩張優惠券。整體來說，這個價錢，這個質數可以接受。同行友人點了板上雪花一口牛，食時讚不絕口，喜歡吃牛肉的朋友可以一試。

觀塘工廠區午市間間都people mountain people sea，但晚市真係好少選擇，熟食中心好多檔同工廈茶記都閂哂。好在中海日升keep住開D新餐廳，唔使晚晚紅茶龍城。同大揸樂、大塊活、尾森等一樣的快餐運作方式，收銀處自己睇啱要咩，畀錢，攞飛，等叫number，自取。食物選擇不算多，有日式牛、豬、魚定食，同西式漢堡、pizza。價錢六七十，不算便宜。試了牛，同行友人叫同款但每塊牛質素都有參差。有日式麻醬沙律，粟米粒。珍珠米有咬口，飯量也很多。牛份量也足，有油份，但牛味同調味都有所不足。

星期日晚餐時間黎，無咩人可以慢慢坐，叫左個豚五花，$48好抵食，仲唔洗加一。夠多菜好健康，五花肉都有好多，不過個汁太甜唔好食，肉裏面有軟骨位，欣賞佢有唔同口感，飯係珍珠米，煙韌好味。買野個時發現可以借充電線，岩哂我打機打到無電，就借黎用下，只有靠牆單人坐位先可以充電，呢個服務好貼心，如果可以借埋尿袋就更好啦。難得星期日仲可以有地方食平飯又坐得舒服，就算離港鐵站遠少少，算係唔錯，但不要對食物有期望，食得飽唔難食叫係好啦。

官塘工厦區經過近年的改變駿業街這邊食肆真的多不勝數但週邊嘅商厦臨立每逢午餐都會多人到不得了呢間板上睇落高質價錢又平民坐位多，位置偏僻所以等位快所以我經常都來試！今天又來吃飯，選擇了一口牛便當型式先在櫃檯買了飛就留意牆邊大電視等你的號碼午市大約等七八分鐘份量幾足，飯多又有沙律同粟米牛肉係少左啲不過肉質細嫩、口感鬆化。每塊丁方大小，一口一粒.牛肉有牛脂，肉汁在口內爆發.肉味濃郁值得一提這裡咖啡即叫即磨。客人需等約十分鐘，喝第一口...感覺醇香，濃郁甘香直達味蕾！完全不苦澀

觀塘多野食都唔係第一次講周圍都排長龍，要食個lunch都要等😫平時好少走入呢個商場地下，上次誤打誤撞先發現原來開咗幾間食店，今次試呢間。地方算寬敞，枱都好大，唔迫。先叫野食再聽號碼今次揀咗雪花一口牛定食便當形式上，木盒配紙盒內格，方便店主清洗，換個紙盒就得。粒粒牛肉都好大粒😍 牛味重，肉汁豐富，煎到面層脆，肉嫩。應該係七成熟😋配上珍珠米，粒粒鬆軟可口😍如果真係有野不足，應該係配菜份量少咗啲如果可以多啲粟米同菜就重好😍野飲揀咗可樂，榮升男神🤔如果係識到男神會唔會好啲🤣🤣🤣下次再試其他款式😎

店舖裝修不錯，但發覺坐椅要移動坐埋容量夾親手，大家要小心留意。今日點左個安格斯牛肉漢堡加脆薯皇，賣相不錯，但一打開漢堡麵包好硬好，漢堡扒很乾無肉汁，總括黎講唔掂， 唯一個炸薯ok，下次不會再試。 p.s. 剛聽到後面客人也是點了這個餐，聽他說麵包好硬唔好食。