板上 (中海日升中心) (已結業)

放工同男友一齐揾食，行过观塘日升中心先发现新开咗间板上。入到去，哗个场超级大，一边系cafe有蛋糕咖啡，另一边系食正餐，有好几部电视，空间超大又有高枱可以饮住酒睇波我地选择咗佢今日既special drink 抹茶鲜奶😙好靓既一杯抹茶鲜奶，饮落去有淡淡既抹茶香，加埋香滑既鲜奶，好回味我叫咗个照烧鸡配珍珠饭餐，哗照烧鸡件件都好大旧，好多肉。烧得好香，热辣辣食入口劲满足。配菜有沙律同粟米，好足料。珍珠饭上面有层薄薄的七味粉，加埋酱汁一齐送饭，好好味！男友叫咗个安格斯牛肉汉堡，又系热辣辣即整薯格新鲜炸，占咗半张个盘，好多呢！牛肉汉堡好大一个，食落超满足，牛肉好厚，菜份量都好足，抵食又鲜味！已经相约朋友下次一齐黎睇波食饭！