板卷

营业中

休息中

由外賣店開到有餐廳堂食，選擇多好多！叫左一堆刺身返屋企開party!三文魚刺身五片❤️正過 三文魚腩刺身五片❤️😆 肉質細嫩，魚腩多咗層油脂口感同味道！牡丹蝦刺身五隻❤️豐腴甘香的蝦膏，肉身細綿帶爽口北海道帶子刺身12片❤️肉厚味甜，口感有彈性原隻赤貝刺身五隻❤️外層爽脆，貝肉柔軟幼嫩一板馬糞海膽 送 一份紫菜❤️今晚MVP! 入口即溶，味道濃郁，甘甜度高，好好好味🥹厚燒玉子一份🥰咸咸甜甜，如果再大件d會更滿足！龍蝦蟹籽沙律一份❤️龍蝦沙律醬好味！撈堆青瓜絲蟹柳絲，正呀！赤貝 包卷❤️包住紫菜配青瓜絲 珍寶甜蝦刺身 10隻 ❤️濃厚甜味！！珍寶赤蝦刺身 六隻❤️蝦肉香甜細滑，口感彈牙下次一定要堂食同埋叫佢地既串燒🫶🏾🫶🏾

今天晚上去了朋友早前介紹過位於黃埔的居酒屋，那裡環境裝修不錯、地方坐落都好舒服！而我這晚就點了一客10件嘅廚師發辦的餐。食物上枱不久果然有驚喜，除了食物新鮮好食之外好明顯睇得出師傅係好用心選取當日時令食材製作。

假日又去行街睇戲食飯，先去食個Lunch，上次經過見到呢間日本料理好似幾抵食，今次可一試了。大約13:00去到，唔太多人，之後越來越多人。店子裝潢簡潔柔和，感覺明亮寬敞，枱與枱之間有一定距離，有空間感坐得舒適，日式燈籠的佈置及牆上的壁布增添和風之感。餐牌都係電子落單，假日冇Set Lunch，但壽司盛及丼飯幾抵食，散叫亦唔太貴。壽司拼盤（極上)，$158，有三文魚、吞拿魚、珍寶赤蝦、北海道帶子、北寄貝、八瓜魚、油甘魚、真鯛、特上海膽軍艦、飛魚籽軍艦及吉列炸蝦卷3件，十分豐富，刺身新鮮，海膽鮮味，帶子大粒鮮甜爽滑，珍寶赤蝦爽口，味道不俗。友人的，都係一樣。碎蔥吞拿魚腩手卷，$30。玉子壽司，每件$7。重量級芝士鰻魚反卷，$68。日式冷豆腐，$32，豆腐軟滑。食物味道不俗，坐得舒適，價格尚算幾抵食，服務態度幾好，去睇戲又多個食飯之選。

以往睇演唱會，都係響置富都會搵嘢食，最後都係求其一間有位就食。今次決定睇演唱會之前去黃埔逛一逛，見到一間日本嘢食就入左去試吓。我坐低咗之後，好快全部枱都陸續滿客了～重點係食後感：食物水準高、價錢好公道、服務員有禮、店舖環境乾淨舒服。其次嘅重點，就是整晚都沒有叫服務員加過茶，因為她們已經主動做了👍🏻要讚啊👍🏻第一個上嘅菜係軟殼蟹牛油果中華沙律，因為好肚餓立即起筷忘記影相～其他就係圖片中的👍🏻食晒之後，我朋友話想食多一個關東煮。食完之後我已飽到上心口🤪，關東煮又係唔記得影相😬鑒於仲有時間，加上食到咁飽，就決定做返啲運動，行去紅館睇演唱會～～最初諗吓會唔會有啲遠，但係行咗10分鐘路程就到啦👍🏻

係紅磡天橋附近呢一間「板卷」食店，鋪面around 20個位左右。 1-2人位around 四、五張台。 之前行過好多人食，於是miss out左。 今日經過見冇乜人，於是好快就搵到位。首先侍應會端上一杯熱茶，再比個QR code你自助落單，今日想便便地食個魚生飯，於是叫咗呢一個「角切魚生飯」，只係$58好抵。碗野嚟到既時候，個碗比想像中細左少少🤏 但眼見都唔少魚生，鋪到成個面都係 👌🏻 以我一個女仔都夠食。午餐清清地都唔使食咁飽 🙂‍↔️