板長壽司 (已結業)

K 又再一次陪 H 返學前去試食,由於時間准許及不用等位, 故 H&K 決定試食這間板長分店 今晚食了:鵝肝壽司 ==> K 話好味道 蟹棒壽司 ==> K 話OK三文魚壽司﹕普通,但特價$3件,好抵食吞拿魚沙律手卷﹕尚可紫菜蝦卷﹕味道不對勁其他 ==> 一般,都唔記得 總括覺得用料都尚算新鮮, 食物質素都比一般連鎖經營的壽司店好,支持呀,希望日後仍然可以保持水準!埋單: $ 107 ==> 都幾抵食 !!

我和vic叫左2個lunch set, 間舖仲好少人時order但等左20分鐘都仲有一個set未到,催佢但都仲等多成5分鐘先有, 隔離檯到已經食完了. 但甜蝦出奇地好吃, 好新鮮同大隻, 好少見 (唔係半透明又霉那種)加$3一杯的橙汁, 一杯好飲, 另一杯似開水, 唔知點解可以咁唔同...service真係麻麻... jusco間間都好早full, 唯獨這間12:45都仲有位...***因唔滿足，我跟vic去左jusco supermarket的taylor's shellfish買左d生蠔, 好正!!!

因為平時成日排哂長龍~所以無去試過~o個日行完街4點幾見佢無乜人咪入去試下囉三文魚壽司~岩岩食中尾位....無野好講...叫左個面豉湯~入面有三文魚....本人覺得三文魚一係就燒~煎~同生食...放落湯好怪..點知舊三文魚係腩位~好肥.....那不是應該用來做壽司比較好嗎-0-"珍寶帶子壽司~都ok新鮮啦!海鰻壽司........薄過張紙...o的邊又乾哂....下價貨當好野賣...火焰壽司燒得唔夠.....係咁e燒下就算..口感變左兩回事-0-"吞拿魚腩壽司<----------本人食過最差的...唔知係唔係o個段時間o的師傅落哂場. .....件魚好乾.......好似切左係到好耐咁.....不過都總算試過呢o的名牌考應o既日本野..........

10 Sept. 2008晚上有要事到西灣河文娛中心，就決定同家人到板長碰運氣。可能因為時間尚早，竟然唔係好使等位! 一如以往，坐低之後又係唔知叫乜好，而因為唔係好食魚生 ge 老媽子在場，所以唔係叫左好多魚生，反而叫左唔少老媽子情有獨鐘的蟹棒 (i.e. >一打!!) 同埋小弟最喜歡的三文魚腩。板長出名好食 ge 各類甲殼類物種 ge 壽司/刺身，則淨係叫了少許。三文魚腩壽司一如意料中 ge 好食 (見圖)，食落亦都算新鮮，同銅鑼灣板前 / 尖沙咀板長無甚分別。老媽子的蟹棒壽司亦都不錯，只係賣相方面唔係太到位，因為上面 ge 沙律醬實在十分之有 "凌亂美"。蒸蛋方面，今次 ge 質數亦算不錯，亦非常多料，只係小弟又一次遺忘左板前一脈 ge 蒸蛋上面都有一 "pat" 小弟唔係太喜歡 ge... "汁 (?)"... 而其他壽司亦係平平無奇，大部分都係意料中 ge 新鮮，亦只係意料中 ge 好食。值得一提 ge 係店入面 ge 員工大部分都應該係新手，雖然努力搭救，但係漏單是必然的。是次 ge "受害者" 係小弟 ge 蒸蛋，要自己再度落單先終於有得食。而小弟指明要係壽司入面

其實板前長板長有乜分別呢？呢個問題真係幾難答，站在小黃立場，板長貴o的囉！今次係小黃第一次食板長，原因主要係因為次次想食都太多人排隊，因此放棄走o左去對面元氣，今次難得小黃放早，老媽子股票上有所斬鑊，於是才可以一試。我們大概5點半左右就o黎到，這時店面冇乜人，二話不說即刻點了三文魚、海膽、飛魚子、池魚等必試產品，基本上個人認為其實三文魚、池魚呢o的都唔算話太突別，大概同對面元氣差不多級數，不過海膽就真係非試不可，果種鮮甜係食o左咁多次海膽都未試過的，最重要係佢連海水果種腥味都冇，我唔知係好新鮮定係佢加o左料，總之就一個字：正。另外，亦都特別推介佢果款珍寶蚌，大得驚人同超甜，我諗呢o的可能就係板長o既特點，還有不得不提就係軟殼蟹壽司，凍凍地食落唔會整損口，實在不錯。可惜今次試唔到和牛壽司，否則就very good啦幸好有折，否則計埋加一每人食成2佰幾蚊真係痴痴地。同埋要留意佢地o的侍應，可能因為新人關係，成日入錯單...

昨晚和大學同學吃晚飯~因為很久沒有吃SUSHI了~於是便去了板長...初初我仲以為係板前... 問個WAITER可唔可以坐迴轉TABLE...好樣衰=.=哈哈~之後坐左BAR台~ 傾計方便D~基本上全部SUSHI都係我揀分左兩次ORDER~ 都食左幾多~一來的是軟殼蟹卷... 講真一食落口覺得D飯好難食=.=" 好似冰箱拎出黎未解凍咁...我朋友仲要講一句...壽司飯緊係凍KA啦黎串我>.<激死....好彩其他GEI都幾OK~三文魚$5一件~ 幾抵啊~ 味道OK!帶子魚生$35都唔錯~ 都算幾FRESH!魚子墨魚軍艦比之前食過的好味~ 幾鮮~但我印象中最正最有衝動想再食GEI係鰻魚同埋三文魚子~好多汁好鬼好味啊 唔怪得知平時咁多人排住隊食啦...我地因為6點度去到~~ 所以即刻有位~ 哈哈 LUCKY^^下次要同BB去食先得!!

其實係剛剛食完另一間，但因為係個一間食得好少野又未飽，所以走左黎依邊食叫左好多野食呀...等左14張table, 大約20 mins啦，個陣8點幾到，但入到去坐低order左6,7樣野，全部都無啦...D野咁快賣曬架...我地叫左2,3個都係和牛，另外有d係其他...唉...又要重新叫過1. 三文魚壽司($5/件) - 唔錯, 幾肥2. 甘油魚粒手卷 ($18)- 幾好食3. 親子卷 (2件$25) - 好食，好鐘意意呀!4. 比目魚 - 依個係叫錯左..不過麻麻地..無咩味5. 燒赤貝 - 覺得好似係急凍野..唔係太好食6. 燒甜蕃薯 ($1X) - 甜甜地, 係凍食ge, ok la...7. 凱撒沙津 (18) - 佢有d蒜蓉+橄欖油，好似食緊個d龍蝦蒜蓉個d味，好鬼似...不過佢就落得太多橄欖油，覺得搞到個沙律好似油左d...8. 三文魚刺身 (6塊$35) - 幾大塊同新鮮, good!9. 吞拿魚壽司 - 普通10. 燒三文魚餃 ($35) - 幾好食，d味幾出!仲有幾樣...唔係太幾得仲落左d咩...同埋d人好忙咁..有時落單如果你無寫紙俾佢，佢未必記得，叫加茶都要叫左兩

行完吉之島, 九點幾, 見到板長難得地少人排隊終於可以一試比起板前, 板長既壽司真係鮮味好多個人推介係響螺壽司, 夠爽仲有海膽飯, 唔腥之餘, 舊舊海膽都唔會散.... 好味其他種類既壽司都ok, 無邊樣要彈要讚埋個姐姐waitress, 識同我地講笑.....

去完書展, 過去吉之島食個late lunch. 見到板長咪試食 (對板前和板長感覺麻麻). 食d貴少少,鵝肝sushi - 1件 ok軟殼蟹手卷 - 1 件 不用沙律醫, 用好似濃少少汁作調味, 咸dd帶子sushi - 1 件 ok, 鍾意峰多d什麼蝦sushi - 印象ma ma溫室番茄 - 唔多值$18三文魚?? - 似紙米卷, 一般啦, 淡淡的食滿$100送超甜粟米 - 外賣, 因為我唔食, 畀老媽食. 老媽話幾甜. 不過如果要$20去食2碌咁細, 不值.service: 唔多加水, 我要差唔多走才加第二次水. 出sushi速度幾快. 不過見到有其他人漏單. 等埋單和粟米都幾耐comment: 唔多飽. 唔會特登再去

今天和太太約下午２時４０分到康怡分店打算試試這壽司店，當時人不算多，還未滿座，我們叫了約１３件壽司和手卷，等了約１５分鐘就來了２個手卷，再等了約１０分鐘，來了４件壽司，然後就再沒食物送來，於是我們叫侍應來，叫佢看看，５分鐘後他回來說應該有同事已經和你說了沒有池魚壽司，我說沒有，我再問應該還有赤蝦和魚壽司未來，他才說，（呀係！赤蝦和魚都係冇呀），我說埋單吧，座了咁耐都同冇食冇分別，還是走吧，去食其他算啦，本人有以下感覺，冇禮貌，另外我座在bar位，首先看見一個職員徒手把蝦除殼沒戴手套，已經扣了一半分，再加上食物質素又不好，真正是試過就算，絕對不會再去這品牌的壽司店吃了，費事再一肚氣，大家小心。

尋日去左食，等位就係例排。食物水準只是一般，叫左個手卷，d紫菜係淋的 叫左兩件鰻魚壽司，件鰻魚竟然係凍冰冰最搞笑係，有個4眼侍應仔(新手)，行到埋位問我洗唔洗加水，我隻杯好明顯係冇晒水，佢都仲要問，而且我只係埋位唔夠10min, 佢仲要逐位問，真係俾佢開始感覺佢地越做越差，失望...

知道吉之島開左間板長 , 特地去試下等位都等左幾耐下 , 係超市行個圈都未到我地食物點左 :三文魚壽司 : 幾好味 , 幾厚軟穀蟹手卷 : 冇我想像中咁好食油甘魚壽司 : 溶 , 值得一食海膽壽司 : 幾甜 , 阿媽話有海味 xd蟹膏甜蝦軍艦 : 蝦好味過 d 蟹膏火焰三文魚 : 香 , 滑 , 好味吞拿魚沙律壽司 : 普普通通 , 其他壽司店仲好味蛋壽司 : 賣相唔係太好 , 但 OK 既芝士蟹子壽司 : 好味 , 幾夾大約係咁 , 有幾個都唔記得左服務- D 食物黎得有 D 慢- 員工完全唔識主動加水 , 要人叫先郁手- 有 D 寫左冇入單

A brand new Itacho Sushi opened in the newly renovated Jusco Department Store here in Quarry Bay. With the recent health scare and several other new establishments opened on the same floor as sole competitors for the lunching crowd, Itacho made no mistakes locating upfront right next to McDonald's. Aside from its tacky black and red decor, I kept comforting myself that it couldn't be THAT bad, even though reviewers on Openrice has been slashing out its reputation into worthless places to eat. At

今日lunch四個人去咗呢間新開嘅板長試試...十二點去到門口都要等成七張枱先到我哋，你都咪話唔爆場..大概等咗四個字左右...就有枱，算係咁啦。又係我發版...經過我狂點...我都唔記得order咗啲咩啦，不過講講我食完有印象嗰啲啦..平目魚壽司 - 一入好爽脆、鮮甜，之後就慢慢溶喺口，一股魚油香味....好正!中拖羅壽司 - 好香滑，魚香好甘甜。秋刀魚壽司 - 比我平時食過嗰啲淡口好多，所以麻麻。池魚壽司 - ok啦，都係比我平時食過嗰啲淡口。唔記得咩蝦壽司 - 好鮮甜爽口，蝦味濃。炸蠔 - 外脆內軟，非常之juicy，好掂。海鰻壽司 - 因為太大條，所以好膩口，而且又冇汁...認真麻麻...蟹膏甜蝦軍艦 - ok，因為蟹膏都係唔夠我平時啲味咁香。火焰三文魚 - 入口即溶油香無比...正之後推廣期內送日本入口粟米每人乙份，啲粟米係生食，好好好超甜，仲好多汁，一咬入口啲汁直頭係嘖出嚟，好味呀~~~但係service就有啲趕客走咁囉不過呢餐晏都幾貴，埋單$1,084~~~仲有order咗好多墨魚呀...多到都唔記得，不過總括係好味嘅一餐..

知佢岩岩新開, 噙晚就去左食, 不過等位真係好耐, 成個幾鐘, 入到去 d 侍應都好快手, 落左單 d 野又快上, 食物都幾新鮮, 美中不足係間鋪比較細 ...